Feeds:
પોસ્ટો
ટિપ્પણીઓ

Audio links of songs and garba of Aakashdeep

https://drive.google.com/open?id=1Y-J_S678oBu4JjcEycIbpwdpAf926zig

 

https://drive.google.com/open?id=1XYRixahoS_B-sLVOSbbNtR5qqppSR4lE

 

https://drive.google.com/open?id=1lw2zAUIVlkF11m1uaUCqduOihOwazp1N

 

https://drive.google.com/open?id=1J-Kvtf7RmE_n-ILP56eOEzd4lZRIFFx_

 

https://drive.google.com/open?id=1zpqL0HfVyJv9x4f6e8FSGPIzseJPdOvc

 

https://drive.google.com/open?id=1-3Dpz30ci3bYeNFOEpdcz8h48ytH4Q-e

Advertisements

જય યોગેશ્વર…૧૯ મે.. ૧૯૭૧, પ્રભુતામાં સપ્તપદી સહ, જીવન સંગાથી બનવાની યાત્રા ૪૭ વર્ષ પૂર્ણ કરી , વતન આંગણે, કૌટુંબીક આનંદ અવસર અનુભવી રહેવાની મંગલ ઘડી છે.

રણછોડરાય ને મા ભગવતી વરદાયિની માની કરૂણા ઝીલતાં સંસાર ઉપવનની યાત્રા , સંકટ મોચનની આરાધનાથી મંગલમય થતી રહી છે. દાદાશ્રી ભગવાનની અપાર કરુણાથી પરમ ચૈતન્યની સમીપતા અનુભવવાની ક્ષણો, મનુષ્ય જીવનનો લ્હાવો છે…એ ભાવ સાથે

 

.

સૌને જય જય…જય માતાજી

 

 ૧૭ મે ,૨૦૧૮ ના રોજ..અખિલ ભારતીય સાહિત્ય પરિષદ ને ડાયસ્પોરા સાહિત્યના નેજા હેઠળ ચારુતર ભૂમિ, આણંદના આંગણે , ,,ડૉ.શ્રી બળવંતભાઈ જાની સાહેબના સૌજન્ય, બે કાવ્ય સંગ્રહ લોકાર્પણ થયા.

૧) મનોભૂમિને મેળે ૨) ઉરે ખીલ્યું ઉપવન. હવે પછી એ પ્રસંગને માણીશું.

રમેશ પટેલ(આકાશદીપ)

…………….

શંખ વગાડી જાણું…….રમેશ પટેલ(આકાશદીપ)
હું તો ફક્ત જ સારથી તારો
શંખ વગાડી જાણું
સમય આવે સાવધાન કરું
ધર્મ ધજાએ નાણું

તારે જો ઉડવું જ વ્યોમે તો
પંખ પ્રસારો પ્યારે
તારા મહાભારતને કાજે
લડવું જ પડશે તારે

પૂજારી છે વિશ્વ પરિવર્તનનું
ખેલ સજાવે મોકો
મિત્ર શત્રુના ભેદ ભરમને
પારખવાના તારે
તારા મહાભારતને કાજે
લડવું જ પડશે તારે

શોભે રે શિખરે કળશ કીર્તિના
ખીણ ધસે ગળવાને
ધર્મ અધર્મના આટાપાટે
બાજી રમવી તારે
તારા મહાભારતને કાજે
લડવું જ પડશે તારે

અર્જુન જેમ થઈશ વીર તું જો
કંડારીશ વિજય નક્કી
ઘડવા ભાવિ સ્વબળે સંસારે
લડવું જ પડશે તારે

હું તો ફક્ત જ સારથી તારો
શંખ વગાડી જાણું
સમય આવે સાવધાન કરું
સમજે તો એ સયાણું
તારા મહાભારતને કાજે
લડવું જ પડશે તારે(૨)

રમેશ પટેલ(આકાશદીપ)

૫૮ મા ગુજરાત રાજ્યના સ્થાપના દિને ,નવલું સ્વર સંગીતે મઢ્યું યશોગાન….યશવંતી ગુજરાત.
રજૂઆત..શ્રી ચીરાગભાઈ ને શ્રી રાજુભાઈ(માસ્ટર સ્ટુડીઓ, આણંદ)
રમેશ પટેલ(આકાશદીપ)
………………..
pl.click…

 

 

પહેલી મે નું ગાણું…..રમેશ પટેલ(આકાશદીપ)

 

સાત સૂરોનું ભાથું બાંધી ,  ગાશું એક જ ગાણું

  પહેલી મે નું  ટાણું

  લાખેણું નઝરાણું… લાખેણું નઝરાણું

 

ધન્ય! ગુર્જરી પ્યારી મૈયા

દીધાં સાગર હૈયાં

સ્નેહ સમર્પણ સાવજ ત્રાડે

રંગે જાત જ છૈયાં

 

હાક દીધી ઈન્દુચાચાએ

ગર્જ્યા  સાગર ગુર્જર

જોમ સીંચ્યા ઑગષ્ટ ક્રાન્તિએ

ગાજ્યા ઘોષ જ અંબર

 

દીપમાળાઓ ઝગમગ ઝગમગ

દે   દાદા   આશિષું

તીર્થભૂમિના   સ્પંદન    ઝીલી

ધન્ય! માતના શિશુ

 

લીલુડી  ભાતે  ખીલે  ખેતર

ઠારે આંખ જ માડી

શ્વેતક્રાન્તિની ગંગા વહેતી

સીંચે  શૈશવ વાડી

 

વીર વલ્લભ ને ગાંધી બાપુ

વિશ્વ  અખિલના તારા

મૂક  દાનવીર કરે  સંકલ્પ

ગુર્જર  ગૌરવ  ન્યારાં

 

પ્રેમ અહિંસા આદર હૈયે

દ્વારે સ્વાગત શાણાં

જ્યાં વસીએ તેના જ થઈએ

હૈયે  ગુર્જર  ગાણાં(૨)

રમેશ પટેલ(આકાશદીપ)

વતનને આંગણે…રમેશ પટેલ(આકાશદીપ)

આ   માયુડી  માટીના  કણકણ  મને  ઓળખે
વતનના  વગડે   વિહંગોના  વહાલ   સાંભળે

હૃદયના   બંધનથી  બંધાયો  નાતો   મીઠડો
માટીના  કણકણથી   રંગાયો   મારો  મનખો

શિશુવયે   આલિંગન  દીધાં  મને  વહાલથી
પામ્યો  સાચો  સથવારો  અંતરના   સ્નેહથી

દલડાએ  ઝીલ્યો   તારો  પ્રેમ  દિવ્ય  ટોપલે
એવા  દિન  પછી  ના  ભાળ્યા  અમે આયખે

કીધા   અગણિત  ઉપકાર  છલકાવી  કરૂણતા
માવતર  પછી વતનનાં , ઋણ  દીઠાં  મોટડાં

હશે  જગને  કિંમત   ભલે  હીરા   માણેકની
મારા  માંહ્યલાને માટીની મહેક સવા લાખની

છોડી   સથવારો  જ્યારે  સૌ   થયા   વેગળા
પાળ્યો પોષ્યો  ને અંતે સમાવ્યો મીઠી ગોદમાં

મારે  થાવું  રે  ઓળઘોળ  વતનની   આંગણે
આ  વાલુડી  માટીના  કણકણ  મને   ઓળખે

……………………….

અવિનાશી  અજવાળું…….રમેશ પટેલ(આકાશદીપ)..

નથી   અમારું  નથી  તમારું ,   જગ  સૌનું  સહિયારું
મારામાં રમતું તે તારામાં રમતુંઅવિનાશી  અજવાળું

ઋતુ  ઋતુના  ચક્રે  ખીલતુંનિત  નવું  નજરાણું
સાગર  ખોળે  ગિરિ શિખરેભરજો  મધુરું ગાણું

પ્રસન્ન પુષ્પે ઝૂમતાં  મનડાં,  પહેરી  પ્રેમ પટોળું
ષટ રસધારાએ  આ ધરણી , ધરતી  સરખું વાળું
આ જગ સૌનું સહીયારું

પુનીત પ્રભાતે ઉષા સંગેદિવ્ય ચેતના ઓઢું
બ્રહ્માંડના મંગલા આશીષેહરખ સજીને પોઢું

માનવ જન્મ મોંઘેરો મળીયોઆત્મ ચિંતને માણું
સત્સંગના   પાવન  પ્રકાશે,  અંતર મન  અજવાળું
આ જગ સૌનું સહીયારું

નિર્મળ  ભક્તિ  દૈવીશક્તિસુખ  દાતાનું  ભરણું
કરુણા અભય  છે વરદાનો , ઉજવો શાન્તી  ટાણું

‘આકાશદીપ’  વદે  પ્રેમ  દીવડેકલ્યાણ  જ્યોત    જગાવું
ખીલે અવનીએ ભારતીય સંસ્કૃતિઅમર આશ અજવાળું
નથી અમારું નથી તમારુંઆ જગ સૌનું સહીયારું

રમેશ પટેલ(આકાશદીપ)..

ઈંડોનેસિયાથી ખૈબરઘાટ સુંધીની ભૂગર્ભ પ્લેટો, ખસવાથી ધરતીકંપોના આંચકા

 આવે જ જાય છે. સુનામી કે હિમાલયનાં શીખરો ગબડતાં રહે છે. આવી આપદાઓની સંવેદનાઓ 

આવી રીતે ઝીલાઈ ગઈ…શબ્દોમાં ઝબકી ગઈ. 

ઝેલ તું .. ખેલ તું— રમેશ પટેલ(આકાશદીપ)

 

જો ધ્રુજ્યો  હિમાલય લીલોછમ,

ને  વેરાય વાટે એવરેસ્ટ શિખર

શબ્દ ધરાશાયી ને ખંડહર દે ખબર…

ભર્યા છે ઉકળાટ જ અંદર..ઝેલ તું.

 

કેમ કહેવું કે..આ કાળની થપાટ છે!

અશ્રુની રેલી વદેઆવી પડે  એ રડે

અવરને શું ખબર પડેકે શું વીતે!..ઝેલ તું

 

 

વિજ્ઞાન ખોલે ભેદ ઊંડો,

ખસે છે તારી ભૂગર્ભ પ્લેટો

છે જ નિરાધાર તું….ક્યાં જવાનો?

ઉભરાટ છે ધરતીકંપનો..ઝેલ તું!

 

બચ્યો છે તોથા ઊભો હામથી

અડચણો સામે વહેવા સરિતા બની

મળતો જશે સાથ સાગર થવા તને

કાળ નથી શીખ્યો  થોભવાનું..ઝેલ તું

 

જાળવી લે , થઈ  ધીર  જો આ  ક્ષણો

ખંડહારોય ટહુકશે..ભૂલી બધું

જશે શમી તાંડવો હસી ખંધુ

ખેલ તું..ખેલ તું.. ખેલ તું

રમેશ પટેલ(આકાશદીપ)

ઓ મારા વરસાદ ને વહુ …રમેશ પટેલ(આકાશદીપ)

 

કેમ કરી દઈએ રે જશ

ઓ વરસાદ ને વહુ ,

તારા ધસમસતા ફાળકા ચોદિશ

 

બોલાવે દઈ ભાવ, ગમતું રે રુસણું

જાણે બારણાં બુંધ કરી બેઠી છે વહુ

સુંદેશા દઈએ જો હસી, આવ અહીં વહેલો

ભાદરવે જ રેલાવે મહા રેલું,

ને જાણે હાલે ઠેકી જોબનવુંતી વહુ …કેમ કરી દઈએ રે જશ

 

થોડા છાંટણાથી બાફલે બાફીને,

છેતરતો ધસી ગાજે ગુરૂ

જગ જાણે જ લુચ્ચાઈ ભલી આ લુખી

જાણે  પારકાને ચૂંટલી ખણતી વહુ ….કેમ કરી દઈએ રે જશ

 

નાચે મોરલો તો મુસળિયો રાજ રૂડો

દોડાવે નદીઓને ભમભમ

નટખટ ભૂલી ભાન મરકે, ખીજવીને સહુ

જાણે ડોસીમાની લાકડી ખૂંચવતી વહુ

 

ના ખાટવા દઈએ જશ ..ઓ મારા વરસાદ ને વહુ (2)

રમેશ પટેલ(આકાશદીપ)