Feeds:
પોસ્ટો
ટિપ્પણીઓ

૨૧મી ફેબ્રુઆરી વિશ્વ માતૃભાષા દિન… માતૃભાષા દિન ગૌરવ

ધન્ય!  માતૃભાષા  ગુજરાતી...રમેશ પટેલ(આકાશદીપ)

 

જ્ઞાન સુધા, મમ માતૃભાષા

લાડકોડથી દે   સંદેશા

મઢે મમતાથી માત મલકાતી

ધન્ય!  માતૃભાષા  ગુજરાતી

 

વ્હાલી બારાખડી

સંસ્કાર સુખલડી

લાખ ઉપહારી માંગલ્યધાત્રી

ધન્ય!  માતૃભાષા  ગુજરાતી

 

છે હૈયાં  ડુંગરા

ભાવ   નીતરતા

ઘડતી હાલરડે લોકગીતે મલકાતી

ધન્ય!  માતૃભાષા  ગુજરાતી

 

સબરસ મીઠાં

ઉત્સવ ઝરણાં

વ્હાલે ધરતી વિપ્લવ સ્નેહ ખુમારી રાતી

ધન્ય!  માતૃભાષા  ગુજરાતી

 

કળશ છોગાળી

યશધર રુપાળી

વિશ્વે વંદી સાગર હૈયાંની ખ્યાતિ

ધન્ય!  માતૃભાષા  ગુજરાતી

………..

ધન્ય હો! માતૃભાષા તવ ગાણું…. રમેશ પટેલ(આકાશદીપ)

 

વાહ! પુણ્ય અમ સંસ્કૃતિ ઢોલી

માતૃભાષા તું  છે મીઠડી બોલી

 

ધન્ય! સંસ્કૃત્તિ વિશ્વે તવ ખ્યાતિ

ગુર્જર  ઉરને  ભાષા   ગુજરાતી

 

પારણીયે ઝીલ્યાં હાલરડાં મીઠાં

માત અધરે વહેતાં અમૃત દીઠાં

 

અન્યોન્ય ભાષા જ ઝીલી ઉમંગે

ઘૂઘવ્યા  સાત સમંદર તવ સંગે

 

આયખે  ઝૂમતી તું કલરવ ટોળી

નિત્ય રમતી ગીતે ભાવ ઝબોળી

  

છે  માતૃભાષા   ઉપવન  મધુરું

રે  મહામૂલું  તું   સૌરભ  કટોરું

  

જન્મ જન્મનું શ્રીમંતાઈ  દુલારું

ધન્ય હો! માતૃભાષા તવ ગાણું

……………….

Advertisements

A News…..

છેલ્લા 11 વર્ષોમાં કેન્દ્ર સરકારે બેંકોને રૂા. 26. લાખ કરોડ આપ્યા – બેંકને સધ્ધર બનાવતા બનાવતા સરકારનું દેવાળુ ના ફુંકાઈ જાય! – આ રકમ ગ્રામીણ વિકાસમાં ફાળવેલ રકમ કરતા વધારે છે નવી દિલ્હી, તા. 19 ફેબ્રુઆરી 2018, સોમવાર પંજાબ નેશનલ બેંકમાં થયેલા કરોડોના ગોટાળો સામે આવ્યા પછી બેંકોને લઇને ચર્ચા ગરમાય છે. પાછલા કેટલાક વર્ષોમાં બેંકોના વધતા NPA સરકાર સામે પડકાર બન્યો છે. બેંકના અધિકારીઓની મીલીભગતના કારણે મોટાં-મોટાં કોર્પોરેટ્સે ગોટાળા કર્યા છે. બેંક પાસેથી લીધેલી લોન ચૂકવવામાં અસમર્થ રહ્યાં છે. આગાઉના ત્રણ નાણાંમંત્રીના કાર્યકાળમાં બેંકોના NPA ને ઉપર લાવવાના પ્રયત્નો કરવામાં આવ્યા હતા અને આ માટે સરકારે બેંકોને 2.6 લાખ કરોડ રૂપિયા 11 વર્ષમાં આપ્યા છે. આ રકમ સરકાર દ્વારા ગ્રામિણ વિકાસમાં ફાળવેલ રકમ કરતાં વધારે છે. સરકારે બેંકોને વર્ષ 2010-11 થી વર્ષ 2016-17 સુધીમાં 1.15 લાખ કરોડ રૂપિયા આપવામાં આવ્યા છે. આ સિવાય ચાલુ નાણાંકિય વર્ષમાં પણ સરકારે બેંકોને ઘણાં નાણાં આપ્યા છે. NPA પર નજર રાખવામાં આવે તો પબ્લીક સેક્ટરની બેંકોની સ્થિતીને ખરાબ સમય હજૂ પણ પુર્ણ થયો નથી.

Thanks to – Gujarat Samachar News

હું ને તું જ થઈ ગયા સસ્તા…વ્યંગકવન

 

નથી વધી મોંઘવારી વીરા

વદે રૂપિયા હસતા

સાંભળો મારી વાત સયાણી

હું ને તું જ થઈ ગયા સસ્તા

 

ભ્રષ્ટાચારી તંત્ર મહા તગડું

રોજ સંવારે સપનું

સરકારી તિજોરી કેરું તાળું

ખોલે ગણીને અપનું

 

કાળા ધનની આજ દુહાઈ

બંગલા વૈભવ ગાડી

ક્યાં છે મોંઘવારી બોલો ?

લહેર કરે ભાઈ લાડી

 

પરસેવાની કમાણી બાપડી

જાણે લંગડી ઘોડી

ખા થોડું ઓછું રે પહેલવાન

રળ રડવાનું છોડી

શિવજી એટલે આ સૃષ્ટિ પરની તમામ વિદ્યાઓના જનક. બધાં જ જ્ઞાન, વિજ્ઞાન, ગણિતશાસ્ત્ર, યોગ, ભાષા, નૃત્યુ, સંગીત વગેરે જેવી તમામ વિદ્યાઓ શિવમાંથી જ આવી છે. શિવજી એટલે માત્ર દેવોના જ દેવ નહિં, પરંતુ સમસ્ત બ્રહ્માંડના સર્જનહાર. ભારતીય ધર્મગ્રંથો કહે છે કે સૃષ્ટિ પરની તમામ વિદ્યાઓના જનક શિવજી છે. આધુનિક યુગમાં પશ્ચિમના દોશોના વિજ્ઞાનીઓએ પણ ભારતીય ધર્મગ્રંથોની આ માન્યતાઓનું સચોટ પરીક્ષણ કર્યું છે.
બ્રહ્માંડ અને શિવલિંગઃ-
હિન્દુ ધર્મગ્રંથો કહે છે કે બ્રહ્માંડ અનંત છે અને તેનમા તાગ પામી શકાતો નથી. આધુનિક વિજ્ઞાનીઓ પણ હવે લાંબા પ્રયોગ પછી આ વાતને માનતા થયા છે. આધુનિક વિજ્ઞાન કહે છે કે સમયની સાથે બ્રહ્માંડ ઝડપથી વિસ્તરી રહ્યું છે. પાંચ લાભ આકાશગંગાના અભ્યાસ પછી તારણ નીકળ્યું છે કે, કોઈ અદ્રશ્ય શક્તિ બ્રહ્માંડનો વિસ્તાર વધારી રહી છે. હકીકત એ છેકે જો આપણે બ્રહ્માંડનું ભારતીય અર્થઘટન સમજીએ તો, તરત જ ખયાલ આવશે કે આધુનિક વિજ્ઞાન જે વાત અત્યારે કહે છે તે વાત હિન્દુ ધર્મગ્રંથોમાં સદીઓ પહેલા જણાવવામાં આવી છે. ‘બ્રહ્માંડ’ શબ્દ બ્રૂ- બમ પરથી આવ્યો. જેનો અર્થ થાય છે કે જે ફેલાયેલું છે તે ‘બ્રહ્મ’ છે. બ્રહ્માંડના નિરૂપણસમાન શિવલિંગને એટલા માટે અંડાકાર એટલા માટે જ અંડાકાર બતાવ્યું છે.
બીજી મહત્વની વાત એ છે કે શિવ એટલે માત્ર શુભ જ નહીં. પરંતુ શિવ એટલે કલ્યાણકારી. ભારતીય સંસ્કૃતિએ સમગ્ર પૃથ્વી સમગ્ર પૃથ્વીને જ નહીં, સૌરમંડળ, નિહારિકાઓ અને આકાશગંગાને જ નહીં, સમગ્ર બ્રહ્માંડને કલ્યાણકારી કહ્યું છે.

(Thanks to Divyabhaskar for this writeup) 

શિવ સ્તુતિ….

 

નિરાકાર ઓમકાર જ્યોતિ સ્વરૂપા

મહાદેવ   ગંગેશ્વર  ત્રિનેત્ર   રૂપા

હણો રાગ કામ કષ્ટ અમ નિલકંઠા

નમું શિવ જપું શિવૐ જય શિવ શિવા

 

પ્રગટો  સ્વયંભૂ !  પોકારું  મહારાતા

રમાડો    અંતરે  દર્શન  ચંદ્રમૌલિ

ધરી ભાવ પ્રાથુ પરમેશ્વર ઓ ભોળા

નમું શિવ જપું શિવૐ જય શિવ શિવા

 

નમું શંભુ નમું જ શિવા ભમભમ ભોલા

જપું  જાપ  જપ  જપ હરહર મહાદેવા

નમું નિત્ય જપું  હું મૃત્યંજય અભોક્તા

ચૈતન્ય ત્રિલોકી.. ૐ જય શિવ શિવા..ૐ જય શિવ શિવા

મહાશિવરાત્રિના બીજા દિવસે માત્ર સંન્યાસીઓ દ્વારા જ થતી ગોલા (શિવલિંગ)પૂજાનું મહાત્મ્ય બતાવતા તેઓ જણાવે છે કે, શિખા, શાખા, સૂત્ર સહિત તમામ મોહ-માયાનો ત્યાગ કરીને સંસાર ત્યાગ કરનારા સંન્યાસીઓ સ્વયં શિવસ્વરૂપ ગણાય છે. ……………………………………………………. શિવજીનું એક નામ મહાકાળ પણ છે. શિવજીના આ સ્વરૂપની સરખામણી વિજ્ઞાનિઓ બ્લેકહૉલ સાથે પણ કરે છે. સરળ ભાષામાં ભમ્મરીયો કુવો. જે નિહારિકાઓ, તારાઓ, ગ્રહો, કે બ્રહ્માંડને પણ ગળી જાય છે. ત્યારે જોઈએ કે આ વિજ્ઞાનિકોનું બ્લેકહૉલ શું આપણા મહાકાળ છે?

 

આ બ્લેક હોલમાં જેને સ્ટિફન હોકિંગ્સ અવકાશી સમય કહે છે તે પણ વેદ વ્યાસે વર્ણેલા આ મહાકાળ જ છે જ્યારે અવકાશ માં કશું જ ન હતું ત્યારે બ્લેક હોલનું અસ્તિત્વ હતું અને આજ વાત આવે છે આપણા પુરાણોમાં કે જે બધાને ગ્રહી લે છે અને જેમાંથી બધા છુટા પડ્યા છે તે છે મહાકાળ આ વાત ભાગવત અને શિવ પુરાણ બન્નેમાં આવી છે. એટલા માટે જ શિવને મહાકાળ કહેવા માં આવે છે.

જયારે શિવની બીજી દશા જુઓ કે તે સમાધીમાં બેસે પછી વેદ વ્યાસ લખે કે હજારો વર્ષો નીકળી ગયા. આ શબ્દ કાંઈ વેદવ્યાસ અમસ્તા નથી લખતા પણ ત્યાં શબ્દની લક્ષણા છે કે સમય પણ ત્યાં થંભી જતો ત્યારે સ્ટિફને ‘બ્રિફ હિસ્ટરી ઓફ ટાઈમમાં’ પણ બ્લેકહોલ બાબતે પણ આ જ રિવ્યુ આપ્યો છે કે ત્યાં સમયનો પણ એહસાસ થતો નથી. તો આપણા માટે તે શિવજીની સમાધીનું રૂપ લઈને આવે છે. આ છે આપણા સદિઓ પહેલાના અવકાશીય સંશોધનો. માટે શિવજી એટલે કે આખા બ્રહ્માંડના સમયના વિભાજીત ટુકડાઓ જેમાંથી બહાર આવ્યા છે તે પૂરો સમય તે મહાકાળ . ……………………………………………………………….. શિવજીના સ્વરૂપનું ભૌતિક પ્રતીક એટલે શિવલિંગ. હિન્દુધર્મમાં અન્ય દેવતાઓની મૂર્તિઓની પૂજા થાય છે, જ્યારે શિવજીની ઉપાસના શિવલિંગની થાય છે. શિવલિંગ પાછળ કથાની પૌરાણિક કલ્પના એવી છે કે શિવજીના આકરા તપથી એટલી બધી ગરમી ઉત્પન્ન થઈ કે તેમનું શરીર આગની જવાળા જેવું થઈ ગયું. દેવોને શિવજીના શરીરમાંના અગ્નિનું કેવી રીતે શમન થાય અથવા કેવી રીતે અંકુશમાં લેવાય તેની ખબર ન હતી. આવા સંજોગોમાં દેવીના પ્રતીક અથવા વહન યોનીનો ઉદભવ થયો. જેને લિંગનું નિયમન કરીને બ્રહ્માંડને વિનાશમાંથી ઊગાર્યું. આમ શિવલિંગ તે બ્રહ્માંડની ઊર્જા અને સર્જનનું પ્રતીક છે.

Thanks- વિપુલ શુક્લના – દ્વાદશ જ્યોતિર્લિંગ પુસ્તકમાંથી)

સંકલન- રમેશ પટેલ(આકાશદીપ)

…………

મહાદેવા…..રમેશ પટેલ(આકાશદીપ)

 

અંતરયામી એટલું    હું માગું

પાય પડી શિવમય  થઈ જાગું 

હરહર નાદથી જીવ આ સજાવું

 દર્શન ભાગ્યનાં સુખડાં રે ઝાંખું

 

રાય રવિ ઉતારે આરતી મંગલ

 સુવર્ણ  દીસે  કૈલાસ કરું વંદન

 ઓમ રટું ને પામતો પંચ દર્શન

 નીલકંઠા થાજો અમ કષ્ટ ભંજન

 

ધ્યાન  ધરીએ  શંભુ મારા જટાળા

 પાવન  ગંગા  મૈયા  શત સુભાગા

 બીજ  ચંદ્ર  ધર્યો  શીશ  મહાદેવા

ભોળા ભોળા કલ્યાણી રે ઓમકારા

 

દેવ દરબારે શોભતા શંભુ શિવ દાતાર

 પુણ્ય દર્શને ઝૂક્યા શીશને ખુશી અપાર

જય જય શિવ શંભુ દાતાર(૨)

ડમરું બોલે બમબમ ભોલે…..

 

ડમડમ   ડમરું   વાગે  તાલે

નાચે  નટરાજા   નીલકંઠા

જગ કલ્યાણે જીવી જાણજો

હોય  વિકટ ભલે  રે પંથાબમબમ ભોલે (૨)

 

ઊઠજો ઊંચા તમે હિમાલયસા

વહેશે  ગંગની   ધારા

ઉર તમારા સાગરસા જો

નિત સોમનાથના ડેરાબમબમ ભોલે (૨)

 

અખીલ વિશ્વે એક જ તું  રે

નિરંજન   નિરાકારા

અલખ જગાવો હૈયે ભક્તો

ભોળાથી રીઝતા ભોળાબમબમ ભોલે(૨)

 

ભાવ ધરીને નમીએ શિવજી

ધન્ય મંગલ ઓમકારા

ચમકે બીજ ચંદ્ર જટાએ

આશિષ દેજો ઓ દાતારા..બમબમ ભોલે (૨)

 ………

કાશ્મિર સરહદને સળગતી રાખવી, દેશહિતને નુકશાન કરતાં તત્ત્વોને આતંકી ઓથે મદદ કરવી, ધર્મના નામે બાળમાનસને  જેહાદી અફીણ પાવાની નીતિ એ … પડોશી દેશની રાજરમત વર્ષોથી ચાલે છે. વાટાઘાટોની છેતરપીંડી કરી, ભારતની લોકશાહી

 શાસનને ઊઠાં ભણાવી રાખે છે. દેશમાં પક્ષાપક્ષીની 

રમત ,ભાવીનાં જોખમોને અણદેખ્યાં કરવાની રીતરસમ ઘાતક છે…એ દીવા જેવું સ્પષ્ટ છે…

એ નેતાઓ સમજે તો સારું.

A news…Gujarat Samachar

પાકિસ્તાન દ્વારા ગયા મહિને દરરોજ ગોળીબાર કરવામાં આવ્યો અને આ મહિને પણ તેની નફ્ફટાઇ ચાલુ જ રાખી છે. પાકિસ્તાને સરહદી ગામડાઓ અને ભારતીય સૈન્યની ચોકીઓને નિશાન બનાવી અંધાધુંધ ગોળીબાર કર્યો હતો. એલઓસી પાસે પૂંચ અને રાજૌરી જિલ્લામાં પાકિસ્તાને કરેલા આ તોપમારામાં ભારતના ચાર જવાનો શહીદ થઇ ગયા છે જ્યારે ત્રણ જવાન સહીત કુલ આઠ લોકો ઘવાયા હતા. સરહદી ગામડા અને ભારતીય ચોકીઓ એમ બન્નેને પાકિસ્તાન સૈન્યએ નીશાન બનાવ્યા હતા. જે ત્રણ જવાનો શહીદ થયા છે તેઓ પૂંચ સેક્ટરમાં તૈનાત હતા. જ્યારે આઠ ઘાયલોમાં ૧૫ વર્ષીય યુવતી શેહનાઝ બાનો અને ૧૪ વર્ષીય યાસીન આરીફનો સમાવેશ થાય છે. અહીં આવેલા ઇસ્લામાબાદ ગામમાં આ બન્ને સગીર વયના ઘવાયા હતા, અને તાત્કાલીક તેમને સારવાર માટે હોસ્પિટલ ખસેડવામાં આવ્યા હતા.

સજાવો શસ્ત્રો હવે…..રમેશ પટેલ(આકાશદીપ)…

 

ચેતો ફરે બૂરી નજર, વતનના અભિમાન પર

મા  ભોમ  દે હાકલ તને, સજાવો  શસ્ત્રો  હવે

 

સંહારની   લીલા   વડે ,  શત્રુ   રંજાડે   ધરા

યુધ્ધે  ભરો ડગ  સુભટો, સજાવો  શસ્ત્રો  હવે

 

ના સમજતો આતંક  આ,  સભ્યતાની  વાતડી

રણહાક   દઈ   શંખથી,   સજાવો   શસ્ત્રો   હવે

 

છે ખ્યાત જ ખુમારી જગે,  સતપથે  દે ગર્જના

સાગર તથા અંબર પટે,  સજાવો   શસ્ત્રો   હવે

 

કાયર નથી ગીતા વદે, નરપુંગવ  વિશ્વાનલ

અન્યાયને   પડકારવા,  સજાવો  શસ્ત્રો    હવે

 

છે  સાહસે   શૂરા  બંકા,  કસુંબલ   રંગો  ધરી

ફરફર ફરકવા શાનથી,  સજાવો  શસ્ત્રો  હવે

 

‘દીપજી નથી ગાથા મહા, શહીદી સમ યુધ્ધમાં

જયઘોષ  કરવા  માતનો, સજાવો   શસ્ત્રો  હવે

 

રમેશ પટેલ(આકાશદીપ)

ગુજરાતી ભાષાનો થોડોક ઈતિહાસ મમરાવીએ તો કેવું?

……………………………

અગિયારમી સદીમાં જૈન શાસ્ત્રો…’સિધ્ધહેમના દુહાઓ’ માં ગુજરાતી ભાષાનું બીજ કે ઘડતરની શરુઆત થઈ અને ૧૧૮૫-‘ભર્તેશ્વર બાહુબલી રાસ’માં સ્પષટ ગુજરાતી ભાષાનાં દર્શન થયાં.આ ભાષા-લિપિ અપભ્રંશ મિશ્રિત હતી.

તે ગુજરાતી ભાષાની પ્રથમ કૃતિ ગણાય છે.

       પંદરમી સદીમાં સંત નરસૈયાના પદોમાં શુધ્ધ ગુજરાતી અને ગુણોના પગરવ સંભળાયા અને તેથી સંત નરસિંહ મેહતા આપણા આદ્ય કવિ છે.

ગુજરાતી ભાષાને ‘ગુજરાતી’  એવું નામકરણ શ્રી પ્રેમાનંદ દ્વારા પ્રાપ્ત થયું અને ગુજરાતી ભાષાને સન્માન અપાવવા માટે તેમણે પાઘ નહીં પહેરવાની ટેક લીધી.

આજે ગુજરાતી સાહિત્યમાં તેમના આખ્યાનોમાં જે રસ વૈવિધ્ય છે તે માટે કહેવાય છે કે તેમના પેગડામાં પગ ઘાલે એવો વિરલો હજુ મળવાનો બાકી છે.

૧૮૫૦માં  એવાજ  ટેકધારી નર્મદ અને શ્રી દલપતરામ ,અર્વાચીન યુગમાં મળ્યા અને ગુજરાતી ભાષાન અર્વાચીન યુગનો પ્રારંભ થયો.વીર નર્મદે  ‘મંડળી મળવાથી થતા લાભ’  નો પ્રથમ નિબંધ આપણને આપ્યો.

એક મત પ્રમાણે ઋગવેદની વૈદિક ભાષા સૌથી પ્રાચીન છે પછી સંસ્કૃત અને અન્ય ભાષા દ્વારા વિશ્વની પ્રગતિ ને સંસ્કૃતિના મંડાણ થયા.

આપણી ગુજરાતી ભાષાનો ઈતિહાસ કહીએતો…

સુધારક યુગ-૧૮૫૦થી ૧૮૮૫

પંડિત યુગ-૧૮૮૫થી ૧૯૧૫

ગાંધી યુગ-૧૯૧૫થી ૧૯૫૦

અનુ ગાંધી યુગ-૧૯૫૦થી૧૯૭૫

આધુનિક યુગ-૧૯૭૫થી …અનુ આધુનિક યુગ…

  સંકલન…. આભાર..ગુજરાત સમાચાર(GS News)….  રમેશ પટેલ(આકાશદીપ)

………………….

નિરંજન ભગત
Niranjan Bhagat Gujarati writer (cropped).png

ફેબ્રુઆરી ૨૦૧૫માં ગુજરાતી લિટરેચર ફેસ્ટીવલ ખાતે
જન્મ ૧૮ એપ્રિલ ૧૯૨૬
અમદાવાદ, બોમ્બે પ્રેસિડેન્સી, બ્રિટિશ ભારત
મૃત્યુ ૧ ફેબ્રુઆરી ૨૦૧૮
અમદાવાદ
વ્યવસાય કવિ
નિબંધકાર
સાહિત્યકાર
સંપાદક
ભાષા ગુજરાતી, અંગ્રેજી
રાષ્ટ્રીયતા ભારતીય
નાગરિકતા ભારતીય
મુખ્ય રચના ગુજરાતી સાહિત્ય-પૂર્વાધ ઉત્તરાર્ધ
મુખ્ય પુરસ્કારો સાહિત્ય અકાદમી પુરસ્કાર[૧]

સહી

છંદોલય (૧૯૪૭) નાગરી ગુજરાતી લિપિમાં ગુજરાતી કવિતાનો નવો વળાંક સૂચવતો તથા માંજેલી ભાષાનો અને ચુસ્ત પદ્યબંધનો અનોખો આસ્વાદ આપતો કાવ્યસંગ્રહ છે. કિન્નરી (૧૯૫૦) ગીતસંગ્રહ છે. ‘રે આજ અષાઢ આયો’ કે ‘હરિવર મુજને હરી ગયો’ જેવી પ્રસિદ્ધ ગીતરચનાઓ આપતો આ સંચય પ્રણય-અજંપાની વિવિધ મુદ્રાઓ ને સ્થાયી ભાષાકલેવરો ધરતો જોવાય છે. અલ્પવિરામ (૧૯૫૪) મુંબઈનાં સ્થળ, કાળ અને પાત્રોની પચીસ કૃતિઓનો સંગ્રહ છે. વળી, ‘શ્વેત શ્વેત’ કે ‘દિન થાય અસ્ત’ જેવાં અપૂર્વ છાંદસ ગીતો પહેલીવાર અહીં નજરે ચડે છે. છંદોલય (સંવ. આવૃત્તિ, ૧૯૫૭) પૂર્વેના ત્રણે સંગ્રહોમાંથી ચૂંટેલાં કાવ્યો તથા ‘સંસ્કૃતિ’માં પ્રગટ થયેલાં અન્ય પ્રકીર્ણ કાવ્યોનો સંગ્રહ છે. ઉપરાંત, મુંબઈ વિશેનાં કાવ્યોનો ગુચ્છ ‘પ્રવાલદ્વીપ’ નામે અહીં અંતે આપ્યો છે. ‘પ્રવાલદ્વીપ’ કાવ્યજૂથ કવિના મુંબઈ મહાનગરમાં વસવાટ દરમિયાનના પ્રબળ સંસ્કારોનો અભિનવ કલ્પનોમાં વિસ્ફોટ છે. પ્રશિષ્ટ રેખાઓ વચ્ચે ગોઠવાયેલી આ આધુનિક વિષયસામગ્રી સંવેદનસભર છે. નગરકવિતાનું ગુજરાતી ભાષામાં પ્રગટેલું આ સૌન્દર્ય નવું છે. ૩૩ કાવ્યો (૧૯૫૮)માં મુંબઈના અનુભવોના વળગાડમાંથી કવિ આગળ વધે છે અને મનુષ્ય-મનુષ્ય વચ્ચેના સંબંધના પ્રદેશ તરફ વળે છે. અહીં મનુષ્યસંબંધ અંગેની શંકા અને શ્રદ્ધાની વૈકલ્પિક અનુભૂતિઓની તાણ જોવાય છે; તેમ છતાં લંબાયેલા હાથથી શરૂ થઈ, પ્રિયાસ્પર્શથી અમૃતભર્યા હાથ સુધીના યાત્રામાં શ્રદ્ધાનો અવાજ જ સર્વોપરિ રહે છે.

પુરસ્કાર…..

ચાંદલિયો….૩૧ જાન્યુઆરી, ૨૦૧૮.નીરખજો SUPER MOON

 વિક્રમ સંવત ૨૦૭૪નું સૌપ્રથમ ચંદ્રગ્રહણ આવતીકાલે-૩૧ જાન્યુઆરીના છે.ગ્રહણ સ્પર્શ સાંજે ૫ઃ૧૭ના, ગ્રહણ સંમિલન સાંજે ૬ઃ૨૧ના, ગ્રહણ મધ્ય સાંજે ૬ઃ૫૯ના ગ્રહણ ઉન્મિલન સાંજે ૭ઃ૩૮ના અને ગ્રહણ મોક્ષ રાત્રે ૮ઃ૪૧ના છે. આ વખતે ૧૭૬ વર્ષ બાદ પુષ્ય નક્ષત્ર અને ચંદ્ર ગ્રહણનો વિશેષ યોગ સર્જાયો છે. ઘણા લાંબા સમય બાદ સુપર મૂનની સ્થિતિ ઊભી થઇ રહી છે. આગામી દિવસોમાં ચંદ્ર સામાન્ય દિવસો કરતાં મોટો દેખાશે. ૧૫૨ વર્ષ બાદ એવું ગ્રહણ થવા જઇ રહ્યું છે જેમાં ગ્રહણમાં ચંદ્ર બ્લ્યુ રંગનો દેખાશે. વૈજ્ઞાાનિકોનો દાવો છે કે આ દિવસે ચંદ્ર ખૂબ જ ચમકદાર હશે. આ નજારો ખૂબ જ અદ્ભૂત હશે, જેમાં ચંદ્રનો નીચનો હિસ્સો ઉપર કરતા વધુ ચમકદાર જોવા મળશે. જાણકારો પાસેથી પ્રાપ્ત માહિતી અનુસાર છેલ્લે ૧૮૬૬માં ચંદ્રગ્રહણ દરમિયાન બ્લ્યુ મૂન જોવા મળ્યો હતો. હવે ૩૧ ડિસેમ્બર ૨૦૨૮ના થનારા ચંદ્રગ્રહણમાં બ્લ્યૂ મૂન જોવા મળશે. 
આભાર- ગુજરાત સમાચાર

સંકલન-રમેશ પટેલ(આકાશદીપ)

Image result for super moon

(Thanks to webjagat for this photo)

ચાંદલિયાની સાવરણી….રમેશ પટેલ(આકાશદીપ)

 

રાત ભલેને ઘોર જ અંધારી

ચાંદલિયાની સાવરણી

વાત જ માંડશું રાજ અધૂરી

વ્હાલી શરદની રાતલડી

 

નભથી નીતરતું અમૃત કેવું?

હૈયે થાતી શાતલડી

સરિતા સાગર ઝોલે રમતી

લહેરે શરદની રાતલડી

 

રમતું આભલડે દીઠું જ હૈયું

અક્ષરો  ગૂંથુ હું ભાવલડી

આભ કાનજી, જગ આખું રાધા

લે રાસ શરદની રાતલડી

 

વગાડો વેણુ રાજ સુખલડા

ઝૂમે શરદની રાતલડી

રાત ભલેને ઘોર જ અંધારી

ચાંદલિયાની સાવરણી(૨)

રમેશ પટેલ(આકાશદીપ)