Feeds:
પોસ્ટો
ટિપ્પણીઓ

 

પૂર્વજોનું અનહદ ઋણ આપણા પર છે. સૃષ્ટિના વિકાસના તબક્કાઓમાં
ટાંચા સાધનો સાથે , કુદરતી આપત્તીઓ અને અસાંસ્કૃતિક વિપદાઓ
ઝેલી , આજે આપણે આધુનિકતાને માણી રહ્યા છીએ. હિંસાની વિચાર ધારાઓને
રોકવાની શક્તિ મેળવવા, શ્રાધ્ધ પક્ષમાં આપણા માવતરની આશિષ માગીએ.
ભારતીય સંસ્કાર ધર્મની એ ભવ્ય ભાવનાને નમન કરીએ…

રમેશ પટેલ(આકાશદીપ)

શ્રાધ્ધ…….રમેશ પટેલ(આકાશદીપ)

 

ભાદરવાના કૃષ્ણ પક્ષે પુનિત ‘ મહાલય’ શ્રાધ્ધ

ને   છે   ખ્યાત  દેવ  પૂજા, શુક્લ  પક્ષે  આ  દેશ

 

દઈએ  ડગ જો પીંડ દાને  અમરકંટકને ધામ

વરસાવસે  શીશે સદા પિતૃઓ  પ્રીતિ વિશેષ

 

લઈ  ખોબામાં તલ પુષ્પ ને કરીએ રે  સંકલ્પ

સ્મરી શ્રધ્ધાથી  નામ ગોત્ર ને અર્પીએ અર્ચન

 

ત્રિકાળ  સ્નાન સંધ્યાથી  કીધા અમે  પિતૃ  પૂજન

થાય  અમારું શ્રાધ્ધ ફળદાયી, કૃપા કરજો સ્વજન

 

જાશું  ગંગાજી  કે  નર્મદાજી  તટે   કે  જાશું  સરોવર  તીર

ગયા, સિધ્ધપુર સરસ્વતીએ  અર્પીએ શ્રધ્ધા તર્પણ નીર

 

પધારજો  પિતૃલોકથી  પંચ મહાયજ્ઞે  વિશ્વદેવોને   સંગ

ઉતરે   પિતૃ   ઋણ   ને   પામીએ  સંસારે   સર્વ    આનંદ

રમેશ પટેલ(આકાશદીપ)


Advertisements

સદભાવના….રમેશ પટેલ(આકાશદીપ)


સદભાવના….રમેશ પટેલ(આકાશદીપ)

 આતંકની  છાયાથી વિશ્વ ભયભીત છે. માનવતા કોઈ ખૂણે પૂરાઈ જઈ

ધુજી રહી છે. આજે મસ્જીદ, મંદિર, હોસ્પિટલ કે જનાજા પર બોમ્બ

ધડાકા કરતાં કોઇ નાનમ નથી અનુભવાતી , એવા વેર ભૂખ્યા આપણે

આપણી જાતને વામન બનાવી ચૂક્યા છીએ. ધર્મ એટલે પ્રેમ, કરુણા

સત્ય અને અહિંસા એ વાત વિસરાઈ જઈ આધિપત્યથી દમન કરવામાં

વડાઈ માનતા થઈ ગયા છીએ. ગુજરાતના ગોધરા પછીના બનાવોનો

આઘાત દશ વર્ષથી અનુભવાય છે. આતંકીઓને સથવારો આપી ,નિર્દોષ

પ્રજાજનોને જીવતા સળગાવ્યાની વ્યથા એક સમાજ અનુભવે છે તો

સામા પક્ષે એવીજ વ્યથાઓ છે. આ વ્યથાઓનો રાજકીય લાભાલાભ

અને આવા તત્ત્વોની પૈસાની કમાણી માટેન્યાયની ડુગડુગી  વગાડતા

લોકો, વાતનું વતેસર કરે છે. પિડીતોની પીડાની સાચી મૂલવણી દૂર

હડસેલાતી અનુભવાય છે. હવે સમયનો તકાજો છે કે , સાચા નાગરિક

બની વિધ્વંશી તાકાતનો એક થઈ સામનો કરીએ, સદભાવના વધારીએ.

શ્રી નરેન્દ્રભાઈએ સૂચવેલા આ માર્ગને અનેક જાતના પ્રત્યાઘાતોથી

આપણે તોલાતા જોઈએ છીએશ્રેયનો માર્ગ દરેક ધર્મોના આદર થકી જ

પ્રાપ્ત થશે એ નક્કી છે

Gujarat Chief Minister Narendra Modi addresses people during during his three-day sadbhavana fast for peace and harmony, in Ahmedabad on Saturday. Also seen are Punjab Chief Minister Prakash Singh Badal and senior BJP leader L K Advani.

As part of this Sadbhavana Mission, I have resolved to fast for three days from, Saturday, 17 September 2011. My fast will conclude on 19 September. I deeply believe that this fast will further strengthen Gujarat’s environment of peace, unity and harmony.

Sadbhavana Mission is completely dedicated to the society and the nation. I hope that, our effort to take Gujarat to new heights of development through peace, unity and harmony will contribute immensely in the progress and development of the nation as well.

Always at your service,

Narendra Modi

(Thanks to webjagat  for this writeup and pictures)

સદભાવના….રમેશ પટેલ(આકાશદીપ)

 

વેરની  આતશ  ભભૂકતી   હોય   તો

રાખ  થાશે  સમૃધ્ધિ  જ  પળવારમાં

 

અસ્ત્ર  ને   શસ્ત્ર  સંગે  રમે  વૃત્તિઓ

ઘોળતાં આજ વેર વિષ જ ઉધારમાં

 

છળકપટથી  ધરી આ ખુમારી  ઉરે

વિશ્વ  થાતું  જ  દુઃખી  મહાખારમાં

 

છે જ તૂટ્યા જ વિશ્વાસ દિલના  હવે

દોડતા   થાવ   ભેળા  સદાચારમાં

 

બંધનો  પ્રેમનાં  જ સુખ દેશે સદા

ખુદ  હસીએ અભયના રણકારમાં

 

ધર્મ સૌનો શિખવતો જ સદભાવના

એજ  છે નાણું રે  સાચું વ્યવહારમાં

રમેશ પટેલ(આકાશદીપ)

આ વર્ષે, વર્ષા ઋતુએ ધરાને જળરાશિથી તરબોળ કરી દીધી. વનરાજી અને ખેતરો લીલુડા

 રંગોના થાળ ભરી શીતળતા વેરતા ઝૂમી રહ્યા છે. શેરડી અને કેળાંના પાકને આ વખતે ખૂબ

 અનુકૂળ વાતાવરણ પ્રાપ્ત થયું છે. સુશ્રી પ્રજ્ઞાનજુબેને એક
સરસ અનોખો ફોટો ઈ મેલથી મોકલ્યો ગરવી ધરાનું ગૌરવ
વધારતા આ ફોટા સાથે વહાલા વતનની યાદ હૈયે ભરીએ….

 


The World record breaking production of Bananafrom a single banana tree
 to a farmer from Vasai Taluka, 50 km from Mumbai… It yielded 477 banana’s in one tree

….Thanks to sushri Pragnanjuben vyaas…for the details.

વતનને આંગણે.…રમેશ પટેલ(આકાશદીપ)

આ  માયુડી  માટીના  કણકણ   મને     ઓળખે
વતનના વગડે વિહંગોના  વહાલ મને   સાંભળે

હૃદયના    બંધનથી   બંધાયો    નાતો   મીઠડો
માટીના   કણકણથી   રંગાયો    મારો   મનખો

શિશુવયે    આલિંગન   દીધાં    મને    વહાલથી
પામ્યો    સાચો   સથવારો    અંતરના   સ્નેહથી

દલડાએ   ઝીલ્યો   તારો   પ્રેમ    દિવ્ય  ટોપલે
એવા   દિન   પછી   ના   ભાળ્યા અમે   આયખે

કીધા  અગણિત   ઉપકાર   છલકાવી   કરૂણતા
માવતર  પછી  વતનનાં 
,  ઋણ દીઠાં   મોટડાં

હશે     જગને     કિંમત      ભલે     હીરા   માણેકની
મારા   માંહ્યલાને   માટીની   મહેક   સવા   લાખની

છોડી     સથવારો    જ્યારે    સૌ    થયા    વેગળા
પાળ્યો   પોષ્યો   ને  અંતે  સમાવ્યો  મીઠી ગોદમાં

મારે  થાવું    રે    ઓળઘોળ    વતનની   આંગણે
આ   વાલુડી   માટીના   કણકણ    મને    ઓળખે

રમેશ પટેલ(આકાશદીપ)

 

      આદરણીયશ્રી  નરેન્દ્રભાઇ( કેપ્ટન) અને સુશ્રી સરયુબેન એટલે  ભારતની
વીર ગૌરવ ગાથાઓનું જાગતું પન્નું. વીર જવામર્દ જવાન દેશ તરફથી
યુધ્ધમાં ઝુકાવનાર ને એટલા જ ગુજરાતી સાહિત્યના ઉમદા લેખક. તેમના
પરિચયમાં આવવાનું સૌભાગ્ય શ્રી સુરેશભાઈ જાની તથા ડોશ્રી ચંદ્રવદનભાઈ
મિસ્ત્રીને લીધે મને મળ્યું. આજે તેમણે મને  મારા ગમતા સાહિત્યકારો પૈકીના
શ્રી હરીન્દ્ર દવે અને શ્રી સુરેશ દલાલ સંપાદિત હયાતીકાવ્ય સંગ્રહ સાથે
‘કૃષ્ણ અને માનવ સંબંધો ‘ નામનાં સુંદર પુસ્તકની હસ્તાક્ષર સાથે ભેટ આપતાં
લખ્યું કે….

 

પ્રિય રમેશભાઈ,
જુદો પત્ર નથી લખતો!
અંતરની વાત બીજાનું અંતર સમજી જાય છે તેથી જ તો!
આજે આ હયાતી કાવ્યની થોડીક કણીકાઓ માણીએત્રણે મહાનુભાવોનું
સૌજન્ય સ્વીકારીને……
રમેશ પટેલ(આકાશદીપ)

https://i2.wp.com/blog.booksonclick.com/wp-content/uploads/2011/08/Harindra-Dave.jpg

 

 (Thanks to webjagat for this picture)

શ્રી હરીન્દ્ર દવે કવિ અને તેમની કવિતાઓ વિશે હયાતી‘  કાવ્ય સંગ્રહમાં આલેખાયેલા, શ્રી સુરેશભાઈ દલાલના

શબ્દ પુષ્પોની સુગંધ સાચે જ કોઈ ઊર્મિ જગતની સફર કરાવી દે છે.

તા૧૯//૧૯૭૬ના રોજ પ્રગટેલું આ ‘ever green’  ગીત

પાન લીલું જોયું ને તમે યાદ આવ્યાં,

જાણે મોસમનો પહેલો વરસાદ ઝીલ્યો રામ,

એક તરણું કોળ્યું ને તમે યાદ આવ્યાં.

આજે પણ મારી કારની સીડીમાં અમેરિકામાં નિત ગુંજે છે.

તેમના સર્વ પ્રથમ પુસ્તક આસવએ ગઝલનઝમનો તેમનો સગ્રહ છે અને

તેની પ્રથમ રચના કેટલી સુંદર છે….

હે ધરા!

હું  તને  પ્રેમ  કરતો  રહ્યો, હે ધરા

રોજ બોલાવતું રહી ગયું આ ગગન

શ્વાસની ભેટ આપી ગયું  વ્યોમ આ

તેં    ધર્યા   મુજ   કને ફૂલ   સારાં

ચાંદનીએ  દીધો  મૃગજળોનો નશો

તેં   વહાવી   દીધાં   કૈક   ઝરણાં

હરીન્દ્રની પોતાની વિશેની અને પોતાની કવિતા વિશેની આ કેફિયત છે.

પણ કઈંક લખી શકું છું ત્યારે જ જીવું છુંશબ્દની એમની ઉપાસના અને શ્રધ્ધા

સાચે જ આદર પ્રેરક છે.

વનમાં વન નંદનવન, સજની!

મનમાં મન એક તારું,

પળમાં પળ એક પિયા મિલનની

રહી રહીને સંભારું.

………………………………………..

હોઠ હસે તો ફાગુન

ગોરી! આંખ ઝરે તો સાવન,

મોસમ મારી તું જ,

કાળની મિથ્યા આવનજાવન.

તવ દર્શનની પાર સજન, બે લોચન મારાં અંઘ,

અવર વાણીને કાજ શ્રવણનાં દ્વાર કર્યા મેં બંધ;

એક જ તવ અણસારે

મારા વિશ્વ તનૂં સંચાલન.

…………………………….

કવિએ મેળા વિશે સરસ વાત કહેતાં કહ્યું કે..

તિથિ એટલા ઓચ્છવ

એને મળ્યા એટલા મેળા,

પણ જો પ્રિય વ્યક્તિના હોય તો મેળાનું મૂલ્ય શૂન્ય લાગે અને

કવિ ગાઈ ઊઠે

કહો એવા વેરાને કેમ જાવું,

મેળાનો મને થાક લાગે,

…………………………………………

ભારતપાકિસ્તાન ભાગલા વખતે રચાયેલી કવિની આ મહા પંક્તિઓ આજે એક આશ સાથે વિરમું કે ગુજરાત સદભાવનાથી એક ગુર્જરી

સંતાન થઈ આ ભાવો  ઝીલે ….જે શ્રી નરેન્દ્રભાઈ મોદી  ઉપવાસ થકી પ્રયોજે છેતેમાં મંથન કરી માનવ જ્યોત જગાવે

……………………

હાથ લંબાયેલો કાયમ નહીં રહેશે, અય દોસ્ત!

આ જ મોકો છેકર મિલાવી લે.

હાથ આ આજ મેં મૈત્રીનો જે લંબાવ્યો છે

તારા મુક્કા મહીં છુપાયેલી તાકાતની કસમ,

એમાં એ બળ છે કે પાછો નહીં પડશે ખાલી.

દોસ્ત લંબાયેલા આ હાથની હાંસી ન ઘટે,

ઘર જુદા હોય ઘણા ભાઈના પણ આમ કદી

ઘરને સળગાવવા માટે ન હરિફાઈ ઘટેઃ

સંકલનરમેશ પટેલ(આકાશદીપ)…પુસ્તક હયાતી

શ્રી હરીન્દ્ર દવેભેટ મળ્યું કેપ્ટનશ્રી નરેન્દ્રભાઈ તથા સરયુબેન તરફથી….આભાર

 

 

વિશ્વ માતૃભાષા દિન….૨૧ ફેબ્રૃઆરી

નિમિત્તે રચાયેલી આ કવિતા માણીએ

રમેશ પટેલ(આકાશદીપ)

ગુજરાતી ભાષાની મ્હેંક લઈ ગુજરાતી જન વિશ્વના પટાંગણે

વિહર્યો છે અને ઓલા માડીના ગરબે ગુજરાત સાથે સારી

આલમ ઝૂમતી ઘૂમે છે.મારી આ માતૃભાષાએ જ સંસ્કાર દઈ

આનંદ પારણે રમાડ્યો છે તેની આજ મનથી કથા કહું.

…………………………………………………………………………

 

ગુજરાતી ભાષાને ‘ગુજરાતી’એવું નામકરણ શ્રી પ્રેમાનંદ દ્વારા પ્રાપ્ત થયું

અને ગુજરાતી ભાષાને સન્માન અપાવવા માટે તેમણે પાઘ નહીં પહેરવાની ટેક લીધી.

આજે ગુજરાતી સાહિત્યમાં તેમના આખ્યાનોમાં જે રસ વૈવિધ્ય છે તે માટે કહેવાય છે કે

તેમના પેગડામાં પગ ઘાલે એવો વિરલો હજુ મળવાનો બાકી છે.

૧૮૫૦માં એવાજ ટેકધારી નર્મદ અને શ્રી દલપતરામ ,અર્વાચીન યુગમાં મળ્યા અને

ગુજરાતી ભાષાન અર્વાચીન યુગનો પ્રારંભ થયો.વીર નર્મદે’મંડળી મળવાથી થતા લાભ’

નો પ્રથમ નિબંધ આપણને આપ્યો.

એક મત પ્રમાણે ઋગવેદની વૈદિક ભાષા સૌથી પ્રાચીન છે પછી સંસ્કૃત અને અન્ય ભાષા

દ્વારા વિશ્વની પ્રગતિ ને સંસ્કૃતિના મંડાણ થયા.

સંકલન…. આભાર..ગુજરાત સમાચાર(GS News)

………………………………………………………..

મારી  ભાષા  તું  ગુજરાતી…..રમેશ પટેલ(આકાશદીપ)

 

પ્રભાતિયા   જેવી  પુનિત   મારી   ભાષા   તું  ગુજરાતી

વિશ્વ   માતૃભાષા   દિને   હૈયે   ચાહ   ઘણી   ઉભરાતી

 

નાગદમણ ‘નો   આદિ  કવિ છે   મારો   એ   નરસૈયો

ટેક  ધારી  ધન્ય  પ્રેમાનંદ, શતવંદની  ગુજરાતી  છૈયો

 

ખુલ્યા  ભાગ્યને   મળ્યા રે  નર્મદ   દલપત   અર્વાચીને

ને   મલકાણી   ભાષા  ગુજરાતી   હસતી  રમતી   દિલે

 

સાક્ષર  વિરલા   લઈને   હાલી  રૂડી   ગુર્જરી  વણઝાર

ગાંધી  આધુનિક   યુગથી મ્હેંકી  શોભે  સાહિત્યની  ધાર

 

અરબી ફારસી  ને મોગલ સહ,અંગ્રેજી મરાઠી બંગ વાઘા

ગુર્જર  ભાષાએ ઝીલ્યા  ભાઈ  વિશ્વતણા  શબ્દ  ખજાના

 

ફેબ્રુઆરી  એકવિસમો , દિન  વિશ્વ માતૃભાષાનો  ગરવો

ગુર્જર  લોક  સાહિત્ય  સાગર  તીરે  માણું  હું  રે  જલવો

રમેશ પટેલ(આકાશદીપ)

     આતંકવાદ એ વૈશ્વિક તરે વિસ્તરેલો મહારોગ છે. માનવતા ભૂલી જગતને

બરબાદી, ધૃણા તરફ દોરી જતી ઘટનાઓ કોઈ સ્થાનિક છમકલાં હોતાં નથી,

એ વાત હવે દેશની સંકુચિત માનસિકતાથી રાજકીય ખેલો ખેલતી નેતાગીરીએ

સવેળા સમજવી જ રહી. એક પ્રતિશોધથી વ્થથિત લોકો સામે મહા ગુનેગાર

હોય એવો વર્તાવ કરી ,વાતો કરી ગર્જતા રાજનેતાઓઆ ભયંકરસુવ્યવિસ્થિત દારુણ

હુમલાઓ  કરતા તત્ત્વો અને તેની પાછળ પાછલા બારણે મદદ કરી જેહાદના નામે

આચરતા અત્યાચારો ના સમજી શકે ,એ દેશ માટે કેટલું દુર્ભાગ્ય કહેવાય?

દેશ પાસ્ર જનબળ , બુધ્ધી બળ હોય અને કાયદાઓ રક્ષણ ના કરી શકે તો

હવે ગૌરવને બદલે શરમ જ અનુભવવી પડે!!

………………………………………………………………………………………………………………

 

જાગી જાઓ ગૃહમંત્રીજી લોકોનું રક્ષણ કરો

હવે તો જાગો ગૃહમંત્રીજી, દેશવાસીઓની રક્ષા કરો. સામાન્ય અને

માસૂમ લોકોનાં જીવન પણ એટલાં જ મહત્વના છે કે જેટલાં

ખાસ લોકોના. -અનુપમ ખેર,અભિનેતા

 (Thanks to Divyabhaskar..News)

…………………………………………………………………………………………………

ઓ પ્રભારી…….રમેશ પટેલ(આકાશદીપ)

ગૌરવ  સભર દમકતો  દેશ  મારો

દાંત  વિહોણો  વનરાજ  સમ દીઠો

ધ્રુજે   આજે    હાથી    મગતરાથી

ઝૂકી  છે  નજર  શરમથી  અમારી

 

આશ  ધરી  બેઠી  હતી  જ જનતા

ના  પાઓ   ઘૂંટ   તમે  વેદનાના

થાય ફજેત જ બહુ કૌવત અમારી

ઝૂકી  છે  નજર  શરમથી અમારી

 

શું  છે  મતલબ  એલર્ટ  જ  હાઈ

દે   ધોખા    આતંકીઓ    હસીને

જોઈ   ખંધી   બદમાસી   તમારી

ઝૂકી  છે  નજર શરમથી  અમારી

 

તખ્તે  બિરાજી  ના થાઓ ગવૈયા

છૂપાયા  છે  દુઃશ્મનો  છદ્મ   વેશે

છોડી   ભીરુતા   શસ્ત્રો    સજાવો

ઝૂકી  છે  નજર શરમથી અમારી

 

જાગો જગવી વિશ્વાસ જ સવાયો

રાષ્ટ્રધર્મ  બજાવો  ઓ  પ્રભારી

ના ઝૂકે નજર  શરમથી અમારી(2)

રમેશ પટેલ(આકાશદીપ)

સમયની બલિહારી જુઓ, બે દાયકાઓથી ચક્રવર્તી શાસન કર્તા ગદ્દાફી
અને તેના કુટુમ્બીજનો પ્રજા વિપ્લવ આગળ વામણા થઈ ગયા છે.
આપણી લોકશાહીના કેન્દ્ર સ્થાને રહેલા ખેરખાંઓ તિહાડ જેલમાં પૂરાઈ ,આટલા ધન વૈભવ
અને વકિલો છતાં ,જેલની  હવા ખાઈ રહ્યા છે. ગઈ કાલે જેમનો સૂરજ
તપતો હતો તેમનો સંધ્યાકાળ દેખાય રહ્યો છે. આ ભાવને નાનકડી
ગઝલમાં વણ્યો છે.

 

photo

(Thanks to webjagat for this picture)

 

એ તો ટાણે ઢળે…..રમેશ પટેલ(આકાશદીપ)

 

ના જાશો જ છકી સમય સરીખો ના રહે
મધ્યાહ્ને  તપતો  રવિ  નક્કી સાંજે ઢળે

કેવો  જાશે  સમય  ન  કોઈ શક્યું કળી
રજવાડી  ઠાઠો   પળમાં  તો  ખાટે ઢળે

છે  સત્ય જ, વાવો  તેવું  જ  લણો જગે
વાવી  જ  ભલાઇ  તો  સુખ લલાટે ઢળે

ઘટમાળો જીવનની  ઘૂમે જ ઋતુ સરખી
ના  દો દોષ સમયને  એ  તો ટાણે ઢળે

રમેશ પટેલ (આકાશદીપ)

છંદ વિધાનગાગાગા ગાગાગા ગાગાગા ગાલગા