Feeds:
પોસ્ટો
ટિપ્પણીઓ
સ્વામિનારાયણ સંપ્રદાયના વ્યસન મુક્ત અને ધર્મપરાયણતાના સંસ્કારો દ્વારા ,માનવજાતને સુખી કરવાનો 
 તેમનો યજ્ઞ આજે યશ પતાકા બની વિશ્વ કલ્યાણનું નિમિત્ત બનતો જાય છે.
 આજના આ મંગલ જન્મ જયંતીએ બાપાને શ્રધ્ધા વંદન.

ભગવંત શ્રી સહજાનંદ રંગે ,પૂણ્યે જાગ્યા સૌભાગ્ય અનેરા

 સરળ નમ્રતા સાધુતા શોભે, પથ પથ પ્રગટે  જ્ઞાનના ડેરા

મંદિર  ગુરુકુળ  અક્ષરધામથી, વહે સંસ્કાર ઝરણાં આનંદે

 ગુરુ પરંપરા રમતી  જનહીતે, પાવન દર્શને શીશ રે વંદે

રમેશ પટેલ(આકાશદીપ)

…………………………………………………………………………………
(Thanks to Divyabhaskara)
બોચાસણવાસી અક્ષરપુરુષોતમ સ્વામિનારાયણ સંસ્થાનના વડા સંત વિભૂતિ પ્રમુખસ્વામી મહારાજના
 શુક્રવારે (2/12/2011) ૯૧મા જન્મદિને તેમનાં લાંબા આયુષ્ય માટે હરિભક્તો – શ્રદ્ધાળુઓ દ્વારા ઠેર-ઠેર
 પ્રાર્થના-પૂજાનું આયોજન કરાયું છે. દેશ-વિદેશના અનેક હરિભક્તો આજે પોતા-પોતાની રીતે
 બાપાના જન્મદિનને ઉજવવાનું નક્કી કર્યું છે. ત્યારે દિવ્યભાસ્કર દ્રારા પ્રમુખસ્વામીના જીવન
 સાથે સંકળાયેલા સ્થળોની દુર્લભ તસવીરો રજૂ કરવામાં આવી છે.
પ્રમુખ સ્વામીનું જન્મ સ્થળ – ચાણસદ
પ્રાથમિક શાળા – ચાણસદ
પાદરાની હાઈસ્કૂલમાં વધુ અભ્યાસ
હાઈસ્કૂલમાં સાયકલ સ્ટેન્ડ – પાદરા
પ્રમુખ સ્વામી મહારાજના જન્મ સ્થળના રૂમમાં પ્રતિમા
બોચાસણની મુલાકાત દરમિયાન વહેલી સવારે હરિભક્તોને દર્શન આપતાં પ્રમુખ સ્વામી મહારાજ સાથે સંતો. તસવીર : હેમંત ભટ્ટ
Advertisements

 

ભારત એ વિશ્વની ,જન સંખ્યાને આધારે સૌથી મોટી લોકશાહી ધરાવતો દેશ છે. સરકારી નીતિઓ સામે,

પ્રજાના પ્રશ્નો થકી અને પાંચ રાજ્યોમાં આવી રહેલી ચૂંટણીઓને લીધે રાજકારણ રમાઈ રહ્યું છે. લોકપાલનો

મુસદ્દો એ ભારતના ભાવિ માટે અગત્યનો મુદ્દો છે અને સરકારની વિશ્વનિયતા દાવ પર છે. શ્રી અન્નાહજારે અને

તેની ટીમને ઘેરવાના સરકારી પ્રયાસો , દેશહિત સામેનાં આંખ મીચાંમણા સમાન છે ,તે વાત પ્રજા સમજતી

જાય છે.  પાડોશમાં પાકિસ્તાનની નીતિરીતિ વિશ્વ અને ખાસકરીને ભારત માટે જોખમો ભરી છે જ ,તો ચીન

પણ તેને ટેકો આપી ,આતંકવાદને પોષતા પાકિસ્તાનની ટેકો આપી , ભારતને દબાવી આગળ વધતું

અટકાવી રહ્યું છે. આવી વિકટ પરિસ્થિતિમાં લોકશાહીમાં પ્રજાની પીડા વધી રહી છે અને આક્રોશ વધતો

જાય છે….. ઠપ સંસદ ભવન..કોણ જવાબદાર?

  

(Thanks to webjagat for this picture)

લોકશાહી…….રમેશ પટેલ(આકાશદીપ)

 

 

શાહી  લોકશાહી  તને લોકો શું વખાણે?

થઈ લોકદેવી ના વેદના લોકોની ઝીલે

 

 

ભ્રષ્ટાચારનો  ભોરીંગ  ભમતો  ભમે

તું ચોર ને હું મહાચોરના ખેલો બધે

 

 

ન્યાય  આંખે   પટ્ટીઓ  બાંધી  રુએ

ઓ લોકશાહી તને લોકો શું કહે?

 

 

ભર બજારે  રૈયત તારી લૂંટાય ને

મહા   વિઘાતક બળો  ફાલેફૂલે

 

 

જ્યાં રાવ સાચી કોઈ ના સૂણે

ઓ લોકશાહી તને લોકો શું ભજે?

 

 

દેશ  મારો  ને  હું   પરાયો

આતંક  ડોળા  કાઢે   મને

 

 

માનવતાના કાયદા દેશપ્રેમીને હણે

ઓ લોકશાહી દેખ આજે કોણ મરે?

 

 

બીછાવી માયાજાળ વિદેશો લૂંટે

ને  બેકારીથી  યુવાધન   રુએ

 

 

આ કારમી મોંઘવારી જીવન પીસે

લોકનેતા  ખંધી  આંખે  જુએ

 

 

મારી લોકને લોકશાહી તું કેમ જીવે?

ઓ લોકશાહી તને લોકો શું કહે?

 

 

વહી જાય પાણી તે પહેલાં જ બાંધીએ  સંઘબળે નવી પાળને

ઊઠો   દઈ   હાકલ   અંતરે, રચીએ લોકશાહી બળે ઈતિહાસને.

રમેશ પટેલ(આકાશદીપ)

આકાશદીપ‘   વર્ષનાં વહાણાં વહી ગયાં અને આજે તૃતિય વર્ષમાં મંગલ પ્રવેશ.

 

Posts: 370

Comments: 2,643

Categories: 5

 

આપ સૌ મિત્રોના અપાર સ્નેહથી અને માત સરસ્વતિની કૃપાથી , વિચાર પુષ્પોને

કાવ્યમાળામાં ગુંથવાનો અમૂલ્ય લ્હાવો માણ્યો. શ્રી સુરેશભાઈ જાનીની પ્રેરણા,

મારા માટે પરદેશમાં સુખરૂપ સમય વ્યતિત કરવાની નિમિત્ત બની. બ્લોગ મિત્રોના

સુંદર સાહિત્ય સર્જનથી વિચારોની વસંત માણી. આપ સૌના ઋણ સ્વિકારતાં હર્ષ

અનુભવું છું

 

શું  પ્રાથું  હું…..રમેશ પટેલ(આકાશદીપ)

 

શું  પ્રાથું  હું , પ્રભુ  જાણે  તું બધું

દેજો  દૈવી  ,સંપદા  મંગલા  વધુ

 

ચૈતન્ય  ભરી છે, સૃષ્ટિ રૂપે ખીલી

રમાડે સર્વ જ શક્તિ  તું મહાબલિ

 

લોપાયે  જ  વિકારો દુઃખદાયી  આ

પથરાયે હરદિલમાં સુખ નિત નવાં

 

માગું ભાવે જાયે જ સમી તૃષ્ણા

સુધરે ભવ આ પામી પરમ દશા

રમેશ પટેલ(આકાશદીપ

  ગુજરાત વિધ્યુત બોર્ડમાં સાથે કામ કરતા એક ઈજનેર મિત્ર શ્રી બી.કે. દેસાઈ

અમેરિકા આવ્યા છે ને ફોન કરી મીઠાં સંભારણાં આપ્યાં , તેમના બાળ પુત્રના

જન્મદિને સાથે પાર્ટિમાં પાડેલ ફોટાને યાદ કરી કહ્યું કે તે ગ્રેઝ્યુએટ થઈ , અહીં

આવ્યો છે અને અમે મળવા આવ્યા છીએ.

   વણાકબોરી પાવર સ્ટેશનનાં સંભારણા સાથે, આવા જ એક સેવાભાવી ભાઈ

શ્રી લાલજીભાઈ રબારીએ , મારે અમેરિકા આવવાનું થયું ત્યારે આપેલી ,એક

કવિતાના ભાવ સુગંધની યાદ આ નિમિત્તે આવી ગઈ

   ………………………………

શ્રી રમેશભાઈ આકાશદીપ

  આપની આ પંક્તિઓ હૃય ભરી દે છે…..

પુષ્પની   પાંખડીએ  પરોવી  પરાગ  પ્રભુ  પ્રેમે  રે   પાંખીએ

અમારા અંતરમાં અમીરસ આનંદે ઝીલી આતમ અજવાળીએ

………………

 આપની ઉપાસનામાં શ્રીરામ છે, શ્રીકૃષ્ણ છે અને દેશ પ્રેમ છે.

તમે નથી ભૂલ્યા અમને કે અમે નથી ભૂલ્યા તમને.

તમારા નામ સાથે નીચેની પંક્તિઓ, અમે સાહિત્યકાર નથી પણ

સ્ફૂરણા સાથે લખી છે...

મેશભાઈ  આપ  ગામ  મહિસાના રહેવાસી

મેઘાવી  ઈજનેર  કૌશલ્યે  ઝગમગ સુવાસી

રમ કે શેહશરમથી પર, દિનચર્યા નિખારી

ભાઈ હોય  કે ભાઈબંધ  સૌના રહ્યા સંગાથી

તર  પ્રવૃત્તિઓના  સદાય રહ્યા તમે સાથી

નેકીના   સથવારે  રહ્યા સૌના રે દિલવાસી

વંદના કરતા રહ્યા આપ ડાકોરના ઠાકોરની

રેક વાતે દરેક કામે, દરેકના છો સહવાસી

ગમતાનું ગમતું  કરી રહ્યા  રે હૃદયવાસી

લાલજીભાઈ રબારી(થર્મલ)

આભાર સાથે..First letter of each line.

ભારત આજે વૈશ્વિક મંદીમાં પણ મજબૂતિથી આગળ ધપી રહ્યું છે. વિશાળ અને કૌશલ્યપૂર્ણ

જન સમુદાય તથા સંસ્કૃતિની ધરોહર જ સાચા માર્ગે લઈ જવા માટે રાહબર બનશે એ

નિર્વિવાદ વાત છે. યુનોમાં પણ ચીનને મહાત કરી ભારત ચૂંટાઈ આવ્યું અને દેશની

શાખ ઊંચી ગઈ છે. અહિંસક માર્ગે જ આવી પડેલી વિપત્તિઓનો લોકશાહી માર્ગે નિકાલ

એ આજની તાતી જરૂર છે. પ્રજાની તકલિફો સામે આંખમિચામણાં એ અસંતોષની

જન્મદાતા છે, તેથી વેળાસર પ્રશ્નોને હળવા બનાવવા કટિબધ્ધ થવું પડશે જ, નહીંતો

થપ્પડ પ્રકરણો જે જરા પણ સંસ્કૃત નથી, એ વિષમ પરિસ્થિતિ ઉભય પક્ષે સર્જશે.

 

(Thanks to webjagat for this picture… Ganga River)

 

 

ભારતને ભારત રહેવા દો..  …….રમેશ પટેલ ‘આકાશદીપ’

મનની શાન્તી સકળ સુખદાતા

જગ ચેતના જગવવાદો

આવો બંધુ અવાજ ઉઠાવો

ભારતને ભારત રહેવા દો

 

 

પુણ્ય ભૂમિએ પ્રગટ્યું દેવત્ત્વ

સારા જગે મલકવા દો

અહિંસા એ આધાર જગતનો

કરુણાથી છલકવા દો

 

 

હિંસા અત્યાચાર અકલ્યાણી

માનવને માનવ રહેવા દો

ઉપકારોના મેઘ અવની એ સીંચો

વનરાજીને મ્હોંરવા દો

 

 

પશુ પક્ષી અબોલા જીવડા

પુરક બનશે પથરાવા દો

સૌના સુખે થાશો સુખીયા

ભાવ ઉરે છલકાવા દો

 

 

સરીતામાંથી સાગર થૈ મ્હાલો

સપ્ત ખંડે સંવરવા દો

મીઠા બોલે દો આવકારો

સુધા સ્મીત રેલાવા દો

 

 

બુધ્ધી બળથી વિકાસ કેડીએ

સુખ શાન્તી પથરાવા દો

પાપ મારગેથી પાછા વળો

પ્રતિક્રમણને પ્રગટવા દો

 

 

અખીલ બ્રહ્માંડનો એક જ ઈશ્વર

બની સંતાન શોભા દો

સારું સારું ગ્રહણ કરીને

અનંત સુખને સથવારો દો

રમેશ પટેલ ‘આકાશદીપ’

 લગ્નની વરણાગી મોસમ ચાલે છે. લગ્ન એટલે સંસારિક જીવનની મહા ઘટના .

યુવાનીને ઉંબરે પગ મૂકતા , મેઘધનુષના સ્વપ્નો લઈ જીંદગી ઝૂમવા માંડે છે.

પ્રભુતામાં પગલાં મંગલમય હો એ ભાવ સાથે ,વાલમને સંદેશો દેતું આ ગીત માણીએ…  

 

(Thanks to webjagat for this picture)

વાત કહોને વાલમ કોઈ એવી……..રમેશ પટેલ(આકાશદીપ)

વાત કહોને વાલમ કોઈ એવી

મારા હૈયા ને થઈ જાય હાશ

શબ્દ તમારા થાય ગીત મારા

વેણું વગાડી રચાવું  હું રાસ

 

કોરા  કાગળમાં  વાંચું હું તમને

મનગમતી  પાડું  રંગીલી ભાત

ફૂલોની ભાષા રટતી હું મુખડે

ને પમરાવું પવન થઈ આ જાત

 

ઉપવનનાં ફૂલડાં હસતાં રે થાક્યાં

આ મલકતું મન મારું ના ધરાય

બોલ તમારા તો ઋતુ  રઢિયાળી

હૈયાની  આ વસંત હરખે છલકાય

 

ભર મેળામાં ઓઢી મેં એકલતા ને

મારા મનમાં છમછમ રણકાય

ખોવાઈ ખુદમાં ઘેલી હું ભમતી

જોને જોબનિયું કેવું વલખાય

 

આંખ  કહે  વાતો અણિયાળી ધારે

અંતરમાં રણઝણતા સાદ ચોપાસ

 વાત વાલમની લાગી મીઠી એવી

માણે હૈયું  મધુ  મોઘેંરી   હાશ ()

રમેશ પટેલ(આકાશદીપ)

 

શિયાળાની મોસમે પગરવ દઈ દીધા છે. સ્વેટર ,ધાબળા અને હૂંફ વડે

આ તાજગી ભરી ઋતુનું સ્વાગત કરવાની મજા છે જ, પણ આપણી ઘરઘરની

દુલારી ચા વડે વધામણાં ની મજા કઈંક ઓર છે. શિયાળામાં બે ત્રણ વાર ચાની ચૂસકી દોસ્તો

સાથે, બહાર ચાની લારીએ,ઑફિસ કે દુકાન પર માણવી એ પણ એક જીવનનો મહામૂલો લ્હાવો છે.

ચાલો આ સૌની મનગમતી “ચા” ની રંગતથી ઢંડી ઉડાડી તાજગી માણીએ..

(Thanks to webjagat for this picture)

ચાની રંગત …રમેશ પટેલ(આકાશદીપ)

 

હું નગરચોકનો ચાવાળો,

 ટી-હાઉસનું પાટિયું ઝુલાવું

 એવી    ચા    બનાવું     કે    હેરત    પામે    પીવાવાળો

 ચાલો આજ સૌ ચાની રંગત માણો

 

કોઈક માગે કડકી-મીઠી,

 તો   કોઈ  માગે  મોરસ વિનાની

 કોઈ કહે સ્પેશીયલ લાવો,

તો કોઈને ગમે ઈલાયચીવાળી

 ચોકલેટ ટી   ભૂલકાઓ  માગે,

 મોટા   માંગે  ફૂદીનાવાળી

 ચાલો આજ સૌ ચાની રંગત માણો

 

કોઈ    પીવડાવે   જીતવા ચૂંટણી,

 તો  કોઈ  નાના  મોટા   કામે

 કોઈ પીવડાવે ગામ ગપાટે,

 ને કડકી બાદશાહીની બોલાબોલી

આજ  ઘર  હોય  કે  ઓફિસ, 

 ચાની  ફેશન નીકળી મસ્તાની

ચા    વગાડે  સ્નેહ  ઢોલનો   ડંકો

ચાલો આજ સૌ ચાની રંગત માણો

 

સવાર થાય  ને  સૌને સાંભરે,

 પ્રભાતિયાની જેમ

 ના  મળે  તો  ઝગડો  જામે, જોવા   જેવી  થાય

 આખા દિવસના રંગતની ભાઈ થઈ જાતી હોળી

ચા   વગાડે  સ્નેહ  ઢોલનો    ડંકો

ચાલો આજ સૌ ચાની રંગત માણો

 

ભેળા થાય ભાઈબંધો  કે વ્હાલીસાહેલીનાં ટોળાં,

મળી જાય મોંઘેરા મહેમાન  કે આડોશી પાડોશી

 એક મસાલેદાર  ચા વગાડે  સ્નેહ  ઢોલનો ડંકો

 ચાલો આજ સૈ ચાની રંગત માણો(૨)

 

કોઈ પીએ  છે  ઊંઘ  ઉડાડવા,

તો કોઈ તાજગી માટે

 ચાના   બંધાણીની  છે  ભાઈ  ચા   રૂપલી  રાજરાણી

 મોંઘવારીના જમાનામાં અડધી ચા પણ કરતી કમાલ

ભોજન  ખર્ચ બચાવી  જાણે, ઈજ્જત બક્ષે માલંમાલ

ચા   વગાડે  સ્નેહ  ઢોલનો    ડંકો

ચાલો આજ સૌ ચાની રંગત માણો

રમેશ પટેલ ‘આકાશદીપ’ કાવ્યસંગ્રહ” સ્પંદન”

વિશ્વના સાત પ્રાકૃતિક આશ્ચર્યો……(Thanks to Divyabhaskar)..A News 
 

 ગગન મંડલે ઘૂમતી આપણી આ ધરા એટલે કે પૃથ્વી ગ્રહનો સેટેલાઈટ દ્વારા લીધેલ વીડીઓ

નાસાએ રીલીઝ કર્યો ને ત્રણ ભાગ જલથી આચ્છાદિત નિલી ધરા ને રાત્રે પોપટી લીલા રંગની

ધ્રુવ પ્રદેશો પરથી  ઉઠતી રંગીન ઝાંયને જોવી, એ વાત આ સદીના મહા પ્રસાદી જેવી  લાગી.

   આવીજ વાત લઈને કુદરતી અજાયબીના સમાચાર દિવ્યભાસ્કર પર વાંચવા મળ્યા.

આજે ચાલો વસુંધરાના આ રૂપને માણીએ….

(સંકલન—રમેશ પટેલ(આકાશદીપ)   

-ફાઉન્ડેશને જણાવ્યું કે જરૂરી હશે તો યાદી બદલી પણ શકે છે
-૭૭ સ્થળોની પસંદ કરાઇ : દુનિયાભરમાં ૧૦ લાખ લોકોનો અભિપ્રાય મેળવાયો
વિશ્વના સાત પ્રાકૃતિક આશ્ચર્યોને પસંદ કરવામાં આવ્યા છે. તેમાં એમોઝોનના દળદળથી ભરેલાં જંગલો, વિયેતનામની હૈલોંગ ઘાટી અને આર્જેન્ટિનાના ઇગુઆજુ ઝરણાંનો સમાવેશ થાય છે.આપણા માટે આ બાબત એટલા માટે નિરાશાજનક છે કે સાત પ્રાકૃતિક આશ્ચર્યોમાં ભારતના એકેય સ્થળને સામેલ કરવામાં આવ્યું નથી.એક ‘ગ્લોબલ પોલ’ દ્વારા આ યાદી તૈયાર કરવામાં આવી છે.દક્ષિણ કોરિયાના જેજુ આયરલેન્ડ, ઇન્ડોનેશિયાના કોમોન્ડો, ફિલિપાઇન્સની અંડરગ્રાઉન્ડ નદી અને દક્ષિણ આફ્રીકાનું ટેબલ માઉન્ટેન આ યાદીમાં સ્થાન મેળવવામાં સફળ રહ્યાં છે.આ અંતિમ યાદી નથી

આ યાદી પર અંતિમ નિર્ણય કરનારી સ્વિસ ફાઉન્ડેશને જણાવ્યું કે આ યાદી અંતિમ નથી.તેની જાહેરાત ૨૦૧૨માં કરવામાં આવશે.જેની તારીખ હજુ નક્કી કરાઇ નથી.જો આવશ્યક લાગશે તો તેમાં સંશોધન પણ કરવામાં આવશે.

યાદી કેવી રીતે તૈયાર કરાઇ

સ્વિસ ફાઉન્ડેશને તેની તૈયારી ૨૦૦૭માં કરી હતી.તેની સ્થાપના ૨૦૦૧માં ફિલ્મકાર બનૉર્ડ વીબરે કરી હતી.ફાઉન્ડેશનમાં આજેઁન્ટીનાના ફૂટબોલર લિયોનેલ મેસી પણ છે.ફાઉન્ડેશનની વેબસાઇટ પર લગભગ ૧૦ લાખથી વધુ લોકોનો અભિપ્રાય મેળવવામાં આવ્યો છે.૨૨૦ દેશનાં લગભગ ૪૪૦ સ્થળો આ સ્પર્ધામાં હતાં.અંતમાં ૭૭ કુદરતી સ્થળોને શોર્ટલિસ્ટ કરવામાં આવ્યાં હતાં. તેમાંથી અંતિમ ૨૮ સ્થળને પસંદ કરવામાં આવ્યાં છે.

કોઇ પણ મત આપી શકે છે

દુનિયાની કોઇપણ વ્યક્તિ અંતિમ સાત અજુબોને પસંદ કરવા માટે ‘ન્યુઝ૭વોન્ડર્સએસ’ ફાઉન્ડેશનની વેબસાઇટ પર મત આપી શકે છે.લોકો સાત કુદરતી આર્શ્વર્યો માટે વોટકરવા પત્ર,ટેલિફોન અને ઇન્ટરનેટની મદદ લઇ શકે છે.

 
 
 

હૈલોંગની ખાડી : વિયેતનામની હૈલોંગની ખાડીમાં ચૂનાના પથ્થરોના કેટલાંય હજાર ટાપુ અને દ્વીપ છે.આ દ્વીપોમાંથી કેટલાક અંદરથી પોલા છે.દ્વીપો પર વીટળાયેલાં વેલો અને ઝીલ તેની વિશેષ ઓળખ છે.
 

એમેઝોના જંગલ : ૯ દેશમાં પથરાયેલું આ જંગલ દક્ષિણ અમેરિકાના ૧.૪ ખરબ એકર જમીનમાં ફેલાયેલું છે.જેમાં જીવ-જંતુઓ અને ફૂલ-ઝાડ અને છોડની અસંખ્ય પ્રજાતિઓનો ભંડાર છે.
 

ઈગ્વાજુ જળપ્રધાન : ૨૭૫ જળપ્રપાત મળીને તેનું નિર્માણ થયું છે.તે બ્રાઝીલના પરાના અને આર્જેન્ટિનાના મિસિઓનાની સરહદ પર આવેલું છે.
 

જીજુ આઈલેન્ડ : કોરિયાના સૌથી મોટા દ્વીપની મુખ્ય વિશેષતા હલાસન છે.જે સૌથી ઊંચો પહાડ અને એક પ્રસુપ્ત જવાળામુખી છે.
 

પોર્ટ પ્રિન્સેસ : ફિલિપાઇન્સ અને પાલાવાન શહેરની ઉત્તરમાં આવેલી આ નદી દક્ષિણ ચીન સાગરમાં ભળીને કેટલીય ગુફાઓમાંથી પસાર થાય છે.
 

ટેબલ માઉન્ટેન : દક્ષિણ આફ્રિકાની ઉપરથી ચપટા આકારનો આ પર્વત ૬૦ લાખ વર્ષે પહેલાંનો હોવાનું કહેવાય છે.જેમાં ફૂલોની ૧,૪૭૦ જાતો છે.
 

કોમોડો : ઇન્ડોનેશિયાનો રાષ્ટ્રીય પાર્ક તીન દ્વીપ પર ફેલાયેલો છે. ૧૯૮૦માં તેને કોમાન્ડો છીપકલીના સંરક્ષણ માટે બનાવાયો હતો.