Feeds:
પોસ્ટો
ટિપ્પણીઓ

Archive for the ‘dharm’ Category

જન્માષ્ટમીની હાર્દિક શુભેચ્છાઓ.

સંકલન- રમેશ પટેલ(આકાશદીપ)

શ્રી કૃષ્ણ શરણં મમ” ..સાથે ભાવ વંદના કરીએ..   

“यदा यदा हि धर्मस्य…” આ કોલ પાળવા ચૌદલોકના નાથે શ્રી કૃષ્ણેરૂપે  દેવકીજીની કૂખે અવતાર લીધો. જન્મ કારાવાસમાં પરંતુ… ઉછેર… નંદરાજાને ઘેર માતા યશોદાજીની ગોદમાં વ્હાલ!જન્માષ્ટમી એટલે પ્રભુ પ્રેમીઓના આનંદની પરાકાષ્ઠા….શ્રાવણ વદ આઠમ ને મધ્યરાત્રી..રોહિણી નક્ષત્રમાં  વિષ્ણુ ભગવાને બાળલીલાનો પ્રારંભ કર્યો….એજ આ પાવન ત્યૌહાર ‘જન્માષ્ટમી’ 

ગોકુળ લીલા ૧૧ વર્ષ ૫૨ (બાવન) દિવસ કરવા.. ધસમસતાં યમુનાજીને ચરણ પખાળવાનો લ્હાવો લૂંટાવી..જશોદા મૈયાના પારણે ઝૂલવા પધાર્યા…નંદ ઘેર આનંદ ભયો એટલે આજે ભારતને વિશ્વના દેશોમાં જન્માષ્ટમિનો અપૂર્વ આનંદ લૂંટવાનો તહેવાર. 

…………….

વ્રજની વાટે પૂર્વીબેનના લેખ સાથે વિહરીએ

જન્માષ્ટમી:-

આપણે ત્યાં ચાર રાત્રીઑ બહુ પ્રખ્યાત છે. જેમાં પ્રથમ છે ભગવાન શિવનો મહિમા દર્શાવતી….શિવરાત્રી, નવરાત્રી …જે ચૈત્ર, માઘ, અષાઢ અને આસો એમ એમ વર્ષમાં ચાર વાર આવે છે. ત્રીજી છે જન્માષ્ટમીની રાત. આ રાત્રીએ ભગવાન વિષ્ણુએ સંસારને માયાથી મોહ પમાડી કૃષ્ણ રૂપે જન્મ લીધેલો માટે મોહરાત્રી, અને ચોથી છે કાલ રાત્રી …..આ કાલ રાત્રી તે દિવાળીની આગળની રાત્રી ગણાય છે. આ દિવસે ભગવાન કૃષ્ણએ નરકાસૂરને કાળને હવાલે કર્યો હોવાથી કાલરાત્રી.

ભગવાન કૃષ્ણ અંધારી રાતમાં કેમ પ્રગટ થયા? :-

મધ્યકાલીન યુગમાં થયેલા શ્રી વલ્લભાચાર્યજીએ અંતઃકરણ પ્રબોધમાં કહ્યું છે કે જીવ સૌ પ્રથમ અંધકારરૂપી કર્મભૂમિ પર અંકુરિત થાય છે, આ અંધકાર જ જીવને જીવન રૂપી સૂર્ય તરફ મોકલે છે.  રહી વાત પ્રભુની તો પ્રભુએ જ્યારે મનુષ્યજીવનમાં અવતરીત થવાનું નક્કી કર્યું ત્યારે તેમણે પણ અન્યજીવોની જેમ અંધકારને પોતાની કર્મભૂમિ બનાવી. અંધકારનો બીજો અર્થ એ પણ છે કે પ્રભુ પ્રકાશ સ્વરૂપ છે અને માયા અંધકાર છે. તેથી જ્યારે જ્યારે પ્રકાશસ્વરૂપ પ્રભુ પ્રગટ થવાના હોય ત્યાં માયા રૂપી અંધકાર રહી શકે નહીં.

પ્રભુએ કારાગૃહમાં જન્મ કેમ લીધો ? :-

અંતઃકરણ પ્રબોધમાં કહે છે કે પ્રત્યેક જીવ પોતપોતાના કર્મરૂપી કારાગૃહમાં જન્મ લે છે ત્યારે તે કારાગૃહમાં રહી પ્રભુને વિનંતી કરે છે કે આ જીવનમાં તે સારા કર્મ કરશે. તેની વિનંતી પછી પ્રભુ તેને નવા શુભ કર્મ કરવા માટે તે ગર્ભરૂપી કારાગૃહમાંથી મુક્તિ આપી નવજીવન આપે છે. 

 

ભગવાન કૃષ્ણ અષ્ટમીની રાત્રી કેમ પસંદ કરી:-

આપણી સમગ્ર પ્રકૃતિએ જળ, વાયુ, અગ્નિ, ભૂમિ, આકાશ એ પંચતત્ત્વો સાથે મન, બુધ્ધિ અને અહંકાર  એમ અન્ય ત્રણ કુલ આઠ તત્ત્વો સાથે બનેલી છે. આ આઠ તત્ત્વો રૂપી અપરા પ્રકૃતિમાં સમાયેલ જીવોને બહાર કાઢવા પ્રભુએ અષ્ટમીની રાત્રી પસંદ કરી છે.

 

વરસાદ અને યમુનાપાર:-

વસુદેવજી બાલ પ્રભુને લઈને ગોકુળ તરફ નીકળ્યાં ત્યારે વરસાદથી છવાયેલ મેઘલી રાત હતીઅવિરત પાણીથી યમુના બેકાબૂ બની હતી. ધર્મ કહે છે કે જ્યારે પ્રકૃતિનાં જીવોમાં કામ, ક્રોધ, મદ, રસ, સ્પર્શ, સ્વાદ રૂપી વરસાદનું જોર વધવા લાગે છે ત્યારે તે જીવોની ઇન્દ્રિયો બેકાબૂ બની જાય છે. આવા અવસરે જીવો જો પ્રભુને શરણે જાય તો જ આ જીવો યમુના પાર અર્થાત સંસારસાગર પાર ઉતરી શકે છે. યમુના પાર એ પ્રસંગનું બીજું તાત્પર્ય એ પણ છે કે પોતાના આરાધ્ય પ્રભુને પોતાને આંગણે આવેલા જોઈ તીર્થરૂપા દેવી યમુનાનું હૃદય ભાવપૂર્ણ ભક્તિથી ભરાઈ આવ્યું.આ કારણે તે પોતાના આરાધ્યનાં આ બાલસ્વરૂપનાં ચરણોનો સ્પર્શ કરવા બાવરા થઈ વસુદેવજીનાં મુખ સુધી ચડવા લાગ્યાં ત્યારે બાળપ્રભુએ પોતાનાં ચરણસ્પર્શ આપ્યાં અને યમુનાનાં ભાવને પરિપૂર્ણ કર્યા.

 

ગોકુલ:-ગોકુલ…..જ્યાં બાલ પ્રભુને લઈને તાત વસુદેવજી પહોંચ્યાં હતાં તે ગોકુલનો મહિમા અપરંપપાર છે. પુરાણોએ ગોકુલ શબ્દનો અર્થ વિસ્તારતા કહ્યું છે કે જ્યાં ગૌ નો સમૂહ રહે છે તે ગોકુલ છે, જ્યાં ગૌ રૂપી ઇન્દ્રિયોનો નિવાસ છે તે ગોકુલ છે. ….અંતે આપણું શરીર એ જ ગોકુલ છે જ્યાં પ્રભુ રહે છે.

 

યશોદામૈયા અને નન્દબાબાનાં નામનો અર્થ શું છે? :- શ્રીમદ્ ભાગવદ્માં કહ્યું છે કે “यशो ददाति इति यशोदा” અર્થાત્ જે પોતાનાં સુખ, કાર્ય અને સફળતા માટે બીજાને યશ આપે છે તે યશોદા છે અને જે પોતાનાં આચરણ, વિચાર, સદાચાર, વાણી અને વર્તન દ્વારા આનંદ પહોંચાડે છે તે નન્દ છે. 

 

યશોદા અને નન્દ કોણ હતાં? :-

પૂર્વકાળમાં વસુશ્રેષ્ઠ દ્રોણ અને તેની પત્ની ધરાએ બ્રહ્માજી પાસેથી વરદાન લીધેલું કે જ્યારે ભગવાન વિષ્ણુ પૃથ્વી પર અવતાર ધારણ કરશે ત્યારે તેઓ ભગવાન વિષ્ણુને પોતાનાં પુત્રનાં રૂપમાં પ્રાપ્ત કરશે. આ વરદાન અનુસાર પ્રથમ જન્મમાં વસુશ્રેષ્ઠ દ્રોણે દશરથ અને ધરાએ કૌશલ્યાં રૂપે અને બીજા જન્મમાં નન્દ અને યશોદા રૂપે લીધો.                                                                                                                                                                                                                        આનંદઘન પરમાનન્દ શ્રી કૃષ્ણ  :- આનંદઘન પ્રભુને આપણે કૃષ્ણનાં નામથી જાણીએ છીએ. શ્રી વલ્લભાચાર્યમહાપ્રભુ કહે છે કે “कर्षित आकर्षित इति कृष्ण” અહીં કૃષ એટ્લે આકૃષ્ટ કરવું, આકર્ષિત કરવું અને “ણ” એટ્લે આનંદ આપનાર. અર્થાત્ જે સર્વનાં ચિત્તને આનંદ આપવા માટે પોતાની તરફ આકર્ષિત કરી ખેંચી લે છે તે કૃષ્ણ છે. કૃષ્ણ શબ્દનો બીજો અર્થ છે “ કેન્દ્ર “  અર્થાત્ જે સર્વે જીવ, સજીવ અને નિર્જીવનાં મધ્યબિંદુ-કેન્દ્રમાં બિરાજે છે તે કૃષ્ણ છે.

 

નન્દ ઉત્સવ:-

વૃધ્ધાવસ્થાને આરે આવીને ઉભેલા નંદરાયજીને ત્યાં કોઈ સંતાન ન હતાં, પણ મુનિવર્ય ગર્ગાચાર્યજીનાં આર્શિવાદને કારણે તેમને ત્યાં સંતાન પ્રાપ્તિનો યોગ આવ્યો. જ્યારે જન્માષ્ટમી રાત્રી આવી ત્યારે વસુદેવજી પોતાનાં અષ્ટમ પુત્રને કંસથી બચાવવા માટે નન્દજીને ત્યાં ગોકુલમાં આવ્યાં અને પોતાનાં પુત્રને યશોદાજીનાં અંકમાં છોડી તેમને ત્યાં જન્મેલી માયા નામની પુત્રીને લઈ ગયાં. જન્માષ્ટમીને બીજે દિવસે એટ્લે કે નવમીને દિવસે યશોદા અને નન્દને ત્યાં વર્ષોપરાંત પ્રભુ અને ગુરુકૃપાએ પુત્રજન્મ થયો છે તેવી વાત ગોકુલમાં ફેલાઈ ગઈ. આ સમાચારથી આનંદિત થયેલાં વ્રજવાસીઓએ મંગલ ધ્વનિ વગાડી, મંગલ ગાન ગાઈ હલ્દી, દહીં, દૂધ , શીંગદાણા, ઘી, ગુલાબજળ, મીઠાઇ, મિસરી, માખણ ,કેસર, કપૂર,  આદિ શુભ વસ્તુઓને વાતાવરણમાં ઉડાડી દહીકાંદૌ ઉત્સવ મનાવ્યો જે નન્દ ઉત્સવ તરીકે ઓળખાયો.

શ્રી રાધા નામ:-

અંતે… કૃષ્ણને યાદ કરીએ તો શ્રી રાધા કેમ રહી જાય? કારણ કે રાધા વગર કૃષ્ણ અડધા છે અધૂરા છે. હરિવંશપુરાણને મતે ભગવાન શ્રી હરિનાં હૃદયમંડલમાંથી ષોડ્શીય કન્યા, શ્રી યમુના અને ગિરિરાજ એમ ત્રણ સ્વરૂપ પ્રગટ થયા. આ ત્રણમાંથી પ્રથમ કન્યા પ્રગટ થતાં જ દોડી અને પોતાની જાતને શ્રી હરિનાં ચરણોમાં ઢાળી દીધી. સંસ્કૃતમાં જન્મ મારે રા અને દોડવા મારે ધાવિત શબ્દનો પ્રયોગ થયો હોઈ આ કન્યાને “રાધા” નામે ઓળખવામાં આવી.

રાધા કોણ છે?:-

 

 कृष्णेन आराध्यत इति राधा । 

कृष्णं समाराधायति सदेति राधिका ।

વૃષભાન અને કિર્તિરાણીની પુત્રી રાધા તે વ્રજભૂમિની અધિશ્વરી છે અને કૃષ્ણની આહ્લાદીની શક્તિ છે. આથી કૃષ્ણ સ્વયં શ્રી રાધાની આરાધના કરે છે.

 

with thanks-

ફૂલછાબમાં પ્રકાશિત :-
પૂર્વી મોદી મલકાણ. યુ.એસ.એ

…………………….

ખીલી આઠમની મધરાત…..રમેશ પટેલ(આકાશદીપ)

વરસે શ્રાવણીયાની ધાર
ખીલી આઠમની મધરાત….કે બોલો જય ગોપાલ

જાગ્યા પુણ્ય ધરાને લલાટ
દીધા  વચન  દેવકી માત
વસુદેવ  જાણે છાની વાત
ગમતું ગોકુળિયું એક ગામ……કે બોલો જય ગોપાલ

ગાજ્યા ગગન મેઘલી રાત
છલક્યા  યમુનાજીના  ઘાટ
ગોકુળિયા લાલ થયા શ્રીનાથ
નાચે  નંદ  નિરખતા  કાન…….કે બોલો જય ગોપાલ

પ્રગટ્યા  પાવન  રે પ્રભાત
ઊડ્યા અબિલ ગુલાલ આભ
ઝૂલે  પારણીયે    યદુરાય
લાખેણા પુણ્ય યશોદામાય…….કે બોલો જય ગોપાલ

લાલો થઈ રમતા રે શ્રીનાથ
ટહુકે  મોર વ્રજ વૃન્દાનીવાટ
રંગમાં  રંગે   રે  ઘનશ્યામ
ગ્વાલ સંગ ધન્ય ગોકુલધામ…….કે બોલો જય ગોપાલ

નાચે  છે નંદ ને  ગોપ ગોપીઓનું ટોળું
હાલો  જોવા  જઈએ  જશોદાજીનું  છોરું
ગોવર્ધન સંગ ઝૂમે મસ્ત ગોકુળિયું  ઘેલું
રમે રમાડે નટખટ આજ માખણીયું છોરું(૨)

રમેશ પટેલ(આકાશદીપ)

………….

દીધાં   આઠમને   વરદાન…….

 

 દીધાં   આઠમને   વરદાન

 ગાજ્યા ગગન અડધી રાત

 પ્રગટ્યા મથુરા, ધન તાત

 જગકલ્યાણી દેવકી  માત……કે બોલો જય ગોપાલ

 

 

  ચૂમી ચરણ દે યમુનાજી  લાડ

  પાક્યા પૂણ્ય જશોદા માત

  લાલે  પાવન  કીધાં ધામ

  પધાર્યા ગોકુળ થઈ નંદલાલ….કે બોલો જય ગોપાલ

 

  ગાજે  નોબત   આઠે  ઠામ

  ટહુક્યા મોર નાચતા ગ્વાલ

  નાચ્યા નંદજી  ઊડે ગુલાલ

  લાલો ઝીલે જશોદાજીના વ્હાલ…..કે બોલો જય ગોપાલ

 

  હીંચે   રેશમીયાની   ખાટ

  ઘેલી  ગોપ ગોપી હરખાય

  ઝૂમે હાથી  જ ઘોડા  ગાય

  ચાખે માખણ રે શ્રીનાથ……કે બોલો જય ગોપાલ

રમેશ પટેલ(આકાશદીપ)

Read Full Post »

ગુરુ કૃપા જીવન સુધા- સંકલન… રમેશ પટેલ(આકાશદીપ)

દાદા ભગવાનના અસીમ જય જયકાર હો. 

અષાઢી પૂનમ..ગુરુ પૂર્ણિમા.. સત ગુરુ શરણે જપીએ…દાદા ભગવાનના અસીમ જય જયકાર હો. 

  પૃથ્વીની પ્રાચીનતમ ભાષા સંસ્કૃતનો શબ્દ .મંત્ર એટલે … ‘ૐ’

‘ૐ ‘ એ ઓમ શબ્દનું પ્રતિક છે..અ+ઉ+મ ..ત્રણ ધાતુઓનો શબ્દ બનેલ છે. એ તાત્વિક વિચાર ધારા છે. આ સમસ્ત સૃષ્ટિ ત્રિગુણાત્મક પ્રકૃતિમાંથી પ્રકટ થઈ છે. એટલે બધી વસ્તુઓ ત્રિવિધ છે.

ૐ ને બ્રહ્માંડની ઉત્પતી સમયનો ગુંજાવર નાદ ..પ્રથમ શબ્દ તરીકે વધાવ્યો છે. તત્વ ચિંતકને પ્રશ્ન થયો…

कोडहम..હું કોણ છું? ,   મારું મૂળભૂત સ્વરુપ શું છે? કઈ ચેતના સાથે હું સંકળાયેલો છું?

મારું સ્વરુપ શું?..ચૈતન્ય સ્વરૂપનો અનુભવ કેવો ? તો ત્રણ સ્વરૂપે પમાય- સત્યરુપ ,જ્ઞાન સ્વરુપ અને આનંદમય નેી દર્શને કરી ‘સ્વ’ને પણ  એ રૂપે જાણવા.. 

सोडहम..એટલે કે હું પરમાત્માનું રૂપ છું.. ને મિતાક્ષરી રુપ..સૃષ્ટિનો આધાર ‘ૐ’ નો યોગીઓ નિરંતર ધ્યાન ધરે છે.નમસ્કાર કરે છે. એવું સ્વરૂપ છે કે જેણે આત્મા પ્રાપ્ત કર્યો  છે એવા સત્પુરુષથી માંડીને પૂર્ણ સ્વરુપ સુધીને ‘ૐ’ સ્વરુપ કહેવાય. 

બ્રહ્મ એ અદ્વિતિય ને સત છે. શાસ્વત સત્તા છે.સ્વતંત્ર  સત તત્ત્વ તે બ્રહ્મ. ૐ શબ્દથી જેની કીર્તિ ગવાય છે- તેવું અક્ષર સર્વમાં વ્યાપી રહ્યું છે- બધું જ અક્ષર ‘બ્રહ્મમય’ છે.
સ ગુણ બ્રહ્મ એ  આ માયા સહિત પ્રકૃતિ..જે પ્રકૃતિ ત્રણ ગુણ સત્વ, રજ અને તમ ગુણે પ્રકટ થાય છે. એટલે કે આ જગતનું અસ્તિત્ત્વ સ્વયં પર આધારિત નથી..જગતની સત્તા ભ્રામક છે. આ ભૌતિક  જગત .નિત્ય ,નિર્વિકાર સ્વયંભૂ બ્રહ્મને લીધે જ વિદ્યમાન છે. .ને વ્યવસ્થિત છે.

  

 

‘બ્રહ્મ’ શબ્દનો અર્થ છે’ વધવું વિકસવું કે ફૂટી નીકળવું. વિશ્વની ઉત્પતી , ભારતીય દર્શન પ્રમાણે ત્રણ અવસ્થા – સત્વ, રજ ને તમ આધારિત છે. આપણું શરીર પણ સ્થૂળ, સૂક્ષ્મ ને કારણ.
આપણે ઈશ્વરને ત્રણ ભાવે આરાધીએ- બ્રહ્મા , વિષ્નુ, ને મહેશ. આમ સૃષ્ટિ ત્રિગુણાત્મક રુપે વ્યાપ્ત છે. 

    

     

આપણા અસલ સ્વરૂપને પામવા , આરોપિત ભાવમાંથી – અહંકાર તૂટે તો જાગૃતિ પૂર્વક દોષોનું શમન થાય. પ્રતિક્રમણ એ જઅંતર તપ ને પ્રત્યાખાન એટલે હવે ફરીથી ક્યારેય  આવું નહીં કરું એ હ્રુદય પૂર્વકની ખાતરી. આપણી અવળી માન્યતાઓથી પાછા વાળવા બોધ દેતા,  તીર્થંકર સાહેબોએ ૭૩ બોલ પ્રરુપ્યા. તેમાંનો દશમો બોલ છે..વંદના.

    આજે ગુરુ પૂર્ણિમાએ ‘ ગુરુ વંદના’  એટલે વિનય પૂર્વક નમસ્કાર, જ્ઞાની પુરુષ પ્રત્યે સમર્પણ.  વંદના એટલે નમ્રતાનો ગુણ, આરાધાયતો પરમ વિનય પ્રગટે. તે યશનામ કર્મનો સ્વામી બને.

વંદનના અધિકારી કોણ તો..અરિહંત ભગવાન, સિધ્ધ ભગવાન, જ્ઞાની પુરુષ, આચાર્ય,ઉપાધ્યાય ને સાધુ દશા પામેલ. ..ધર્મ ..વિતરાગી.

સંકલન આધાર- અક્રમ વિજ્ઞાન. 

………….

જ્ઞાની ભક્ત–જેને હું શુધ્ધાત્મા છું એવું ભાન વર્તે તે જ્ઞાની ભક્તો કહેવાય.

     શ્રી કૃષ્ણે જ્ઞાની ભક્તોને કહ્યું કે ‘ જ્ઞાની ભક્ત એ જ મારો આત્મા છે’
અને તે હું પોતે છું.
  આનો અર્થ એ કે આત્મા જ્યારે સાક્ષાત્કાર આપે ત્યારે તમે ભગવાન સ્વરૂપ થાઓ  …સાક્ષાત શિવ સ્વરુપ થવાય. જ્ઞાનીને કઈં જાણવાનું બાકી ના રહે
અને એટલે કૃષ્ણ ભગવાનની સાથે રહે. આ પછી અસલ જ્યોતિ સ્વરૂપ,
પોતાનું સ્વરૂપ પ્રગટ થઈ જાય..જીવ શીવનો ભેદ ઊડી જાય. આજ સાક્ષાત્કાર
જેમાં દેહાધ્યાસ છૂટી જાય અને નિરંતર આત્માને અધ્યાસ જાય નહીં..પતીતિ
રહે, ચિંતા થાય નહીં.

    આવી સ્થિતિ આવ્યા બાદ શાસ્ત્રો કહે છે કે પંદર ભવે મોક્ષ મળે.
ગુરૂ આ રસ્તે દીવો ધરે ને જ્ઞાન માર્ગે આગળ વધીએ એ સાચી સાધના.
………………………………..
 પ.પૂ દાદાશ્રી સાથે પ્રગટ સત્સંગ માણવા મળેલો પણ કાચી બુધ્ધીને
લીધે તે સમયે તે જે વારેવારે કહેતા તે આછુકલું સમજાતું પણ આજે સમજાય છે કે તે કહેતાકે ભોમિયો મળ્યો છે ..ફોડ પાડી લો.
…અમે ‘સ્વરૂપ જ્ઞાન આપીએ છીએ તેથી શુધ્ધ ચિત્તને પામે છે અને એક જ સમયે જો ચિત્ત શુધ્ધ થઈ ગયું તો થઈ રહ્યું…કેવળ જ્ઞાન સુધી એ છોડે નહીં.

   ‘હું કરું છું’ તે પરપરિણિતી કહેવાય. કંઈ પણ પર પરિણામને પોતાનાં માનવાં તે પરપરિણિતી. આ ‘અક્રમ જ્ઞાન’ મળ્યા પછી પરપરિણિતી થતી નથી…..અને એજ ભક્ત કવિ નરસિંહ મેહતાએ ગાયું છે.
સંકલન- રમેશ પટેલ(આકાશદીપ)

………….

દાદાઈ વાણી જગકલ્યાણી…રમેશ પટેલ(આકાશદીપ)

 

 

અષાઢી પૂનમ જ્ઞાન અજવાળું

ગુરૂ  તમારું શરણું અતિ ન્યારું

 

 

અનંત સફર આ રાગ-દ્વેષની

      જીંદગી જટિલ હું જાણું

ધરી શીરે બંધન બાહ્ય જગના

     ભૂલ ખુદની કેમ ભાગું?

    ગુરૂ તમારું શરણું હું માગું

 

 

દિશાઓ ચાર જ અંતઃકરણની

     મન, બુદ્ધિ, ચિત્ત અહંકારું

નિત આ પરસત્તા સ્વસત્તા ધારું

     કેમ કરી ભાવ કલુષિત ટાળું?

     ગુરૂ  તમારું શરણું  હું  માગું

 

 

મહેમાન કુદરતનો હું અણમોલો

        નિજ દોષ શમન હું માગું

મળી  દૃષ્ટિ  પ્રતિક્રમણની  આ

        વિશ્વાસ  જ્યોત  જગાઉં

      ગુરૂ તમારું શરણું હું માગું

 

 

ઝીલી દાદાઈ વાણી જગ કલ્યાણી

        સચ્ચિદાનંદ  રૂપ   નિહાળું

જ્ઞાતા-દૃષ્ટા  ગુરૂ  પરમાનંદી  જ

         પરમ     વિનયે    ભાળું

         ગુરૂ તમારું શરણું હું માગું

 

 

સાચા સુખનું જનક જીવન હું યાચું

        ગુરૂ તમારું શરણું હું માગું(૨)

રમેશ પટેલ(આકાશદીપ)

Read Full Post »

ચૈત્ર સુદ પૂનમ- મહાવીર હનુમાનદાદાની જન્મ જયંતિ…

 આજે ચંદ્રમા …આપણી પૃથ્વીની નજીકમાં નજીક આવશે ને ‘સુપર મૂન’ નાં દર્શન કરવાનો લ્હાવો લેજો.

The ‘super pink moon’ got its fitting name from the pink flowers that bloom in early April in eastern North America. Although the moon itself will not be pink in color, due to an effect caused by the Earth’s atmosphere, it can appear golden, orange or blue, depending on its location on the horizon.

It takes about 28 days for the moon to circle the Earth and during its orbit, it gets closer or farther from the Earth, explains Faherty. (the closest point of the moon’s orbit is about 226,000 miles away, reports NASA).

સાભાર- સંકલન

…………..

Thanks for picture..

 

નથી ભાળ્યું વિશ્વે પવનપુત્ર…રમેશ પટેલ(આકાશદીપ)

છંદ- શિખરિણી

નથી ભાળ્યું વિશ્વે પવનપુત્ર
અમાપા સામર્થ્યપવનપુત્ર તવ સરિખું
બળી બાળા વેશેગતિ ગરૂડનીસૂર્ય ગરિમા
નમીએ નિષ્ઠાનેશિર શિવકૃપા,  ધન્ય સુત તું

ચતુરાઈ શાણી
રચ્યો  મૈત્રી  સેતુ,   ઉત્તર-દક્ષિણે,  રામ  મિલને
લઈ  મુદ્રા મળ્યાજલધિ  છલંગેમાત   જનની
જલાવી લંકાને અસુર શક્તિ વિલયેવીર વચને

રટે સ્તુતિ દેવા
રમો સંગ્રામેતોવજ્ર ખડકસાયુધ્ધ નિપુણા
રચ્યો રામ  સેતુતરલ ખડકેનિલ  નલથી
સંવારી મારૂતી,  વિજયકૂચથીરામ  ગરિમા

અતિ સંહારી છેકપટ અસુરોઈન્દ્રજીતસા
સંકટ ઘેરાયામૂર્છિત જ બંધુઔષધિ હિમે
મૃતસંજીવની સહગિરી લઈઆવ્યા પ્રભાતા

મહા ભાગ્ય દેવાસુયશ લહરેરામ  મુખથી
તમે ભ્રાતા મારાભરત સમ હા!ભેટુ ઉરથી

ચિરંજીવી દેવા
ન તોલે તોલાયવિમલ સુયશીઅષ્ટ સિધ્ધિ
અજીતા આલોકે,
ગઢી ગૌરવી તુંઅવધપુરમાંરામ સુખથી

……………..

અંજનીજાયો..હાલરડું

પારણે   પોઢેલ  બાળ  મહાવીર  ને સિંહણ જાયો છે વીર
જડે   નહીં  જગતે  જોટો ,  અવનિએ   અવતરીયો  મોટો
કેસરી નંદનને નીંદરું  ના આવે, માત અંજની હેતે ઝુલાવે

ઉર પ્રસન્ન  ને આંખ મીંચાણી, અંજની  માને સપનું દેખાણું
ભાગ્યવંતી મા ભારત ભૂમિ, દે પવનદેવ  લાખેણું નઝરાણું

માત થાશે તારો લાલ બડભાગી

દેવાધી    દેવની    દેવ    પ્રસાદી
ધર્મપથી   શક્તિ  ભક્તિની  મૂર્તિ

પરમેશ્વરની  નિત   બાંધશે પ્રીતિ

ભવ કલ્યાણી અંજની નીરખે,  હરખે  ઉર આનંદે  મલકે
કેસરી નંદને નીંદરું ના આવે,  માત અંજની હેતે ઝુલાવે

પોઢંતો પ્રતાપી   વજ્રની શક્તિ

મુખ લાલી ની  આભા છે પ્યારી
જડી બુટ્ટી રામની જાણશે જ્યારે

ચારે   યુગનો    થાશે    કલ્યાણી

ભક્ત ભગવાનનાં મિલન થાશે, ભગવદ શક્તિનો સથવારો થાશે
વીર  કેસરીની ગર્જનાઓ ગાજશે ,  દશે   દિશાઓ   હાંકથી   કંપશે

દેવી  કલ્યાણી  અંજની   નીરખે

અમી રસ અંતરના ભાવે ઉછળે
કેસરી  નંદને  નીંદરું  ના આવે

માત   અંજની  હેતે  ઝુલાવે

લાલ તારો  મા લાંધશે જલધિ, પવનવેગી  એ  ઘૂમશે અવની
હિમાળેથી સંજીવની લાવશે ઊડી, અવધપૂરી ગાશે ગાથા રુડી

પનોતી પાસ ન ઢૂંકવા દેશે

રામ  ભક્તિથી  અમર  થાશે
કેસરી નંદને નીંદરું ના આવે

માત અંજની હેતે  ઝુલાવે

રમેશ પટેલ(આકાશદીપ)

Read Full Post »

ચૈત્રમાસ …ગુડી પડવો..પાવનતા પાથરતા આ માસનો મહિમા જ મોટો.

 હિંદુ નવા વર્ષની શુભેચ્છાઓ સાથે ..રામ લક્ષ્મણ જાનકી..જય બોલો હનુમાનકી.

ચૈત્રસુદી પડવો..ગુડી પડવો…ચૈત્રી નવરાત્રી…પાવનતાના અહેસાસના પગરવ.

ચિત્રા નક્ષત્રવાળો માસ; ચાંદ્ર ચૈત્ર માસ; મધુ માસ; સૌર માસ; વિક્રમ સંવત્સરનો છઠ્ઠો ને શાલિવાહન સંવત્સરનો પહેલો મહિનો. ચિત્રા નક્ષત્ર ઉપરથી ચૈત્ર નામ પડ્યું છે. ચિત્રા નક્ષત્ર તે માસમાં સંધ્યાકાળે ઊગે છે અને પરોઢિયામાં અસ્ત થાય છે. આ મહિનો અંગ્રેજી એપ્રિલ મહિનાના અરસામાં આવે છે. તે વસંત ઋતુની શરૂઆતમાં ગણાયેલો હોવાને લીધે કેટલાએક ઓચ્છવ એ ઋતુને યોગ્ય થઈ પડે તેમ જ રૂઢ થયા છે. ચૈત્ર સુદિ ૧ એ વર્ષારંભનો દિવસ માનવામાં આવે છે 

ચૈત્ર સુદિ એકમ. આ દિવસે શાલિવાહન શકનું નવું વર્ષ બેસે ને, તેથી નવાં પંચાંગ પણ તે દિવસથી જ નીકળે…ઋતુ ચક્ર પ્રમાણે બેસતા નવલા વર્ષની શુભ ભાવે વધામણી કરીએ. સૌ સુખી થાઓ.

ગુડી- ..તે દિવસે દક્ષિણી લોકો વાંસને એક છેડે લાલ રંગનું અથવા લીલા, કેસરી વગેરે શુભસૂચક રંગનું રેશમી વસ્ત્ર બાંધી તેના ઉપર એક પિત્તળનો, ચાંદીનો કે તાંબાનો લોટો બાંધે ને તે લોટા ઉપર કંકુના લીટા કરી સાકરનો હારડો પહેરાવે . તેને પછી આગલા આંગણાંમાં ઊભો કરે છે. તેને ગુડી કહે છે.

માના નોંરતાં-

જીવનમાં તણાવ ઓછો થાય એજ સુખની પળો. પરમ શક્તિના ચરણોમાં શરણે જવું એટલે પરમાનંદનો પરિચય પામવો. મન ચિત્તને ભક્તિમાં ડૂબાડી  સાચો આનંદ માણીએ.

પ્રકૃતિને મજબૂત કરવા આ મૂર્તિઓ મૂકેલી છે.સત્ત્વ ,રજસ અને તમસ એ પ્રકૃતિના ગૂણો છે. બધાં શાસ્ત્રો આ બ્રહ્મને જાણવા માટે રચાયાં છે.પાંચ ઈન્દ્રીયોના ભૌતિક સુખોથી પરિતૃપ્ત જીવ બ્રહ્મ જ્ઞાનમાં સાધક બને તે પછીનું જ્ઞાન અજવાળું પરમ ચૈત્યનની અનુભૂતિ આપે.જે અગમ્ય છે અનેશાસ્ત્રોમાં ઉતરી શકે તેમ નથી

………………..

વાલ્મીકિ રામાયણમાં કેટલીક એવી રોચક વાતો જાણીએ….

– રામાયણ મહાકાવ્યની રચના મહર્ષિ વાલ્મિકીએ કરી છે. આ મહાકાવ્યમાં 24 હજાર શ્લોક, પાંચ સો ઉપખંડ તથા ઉત્તર સહિત સાત કાંડ છે. રાજા દશરથે પુત્રકામેષ્ઠી યજ્ઞ કરાવ્યો હતો …અને રામ, લક્ષ્મણ, ભરત અને શત્રુઘ્નનો જન્મ થયો હતો.

– વાલ્મિકી રામાયણ અનુસાર ભગવાન શ્રી રામનો જન્મ ચૈત્ર માસના શુક્લ પક્ષની નવમી તિથિને પુનર્વસુ નક્ષત્રમાં કર્ક લગ્નમાં થયો હતો. તે સમયે સૂર્ય, મંગળ, શનિ, ગુરુ અને શુક્ર ગ્રહ પોતાના ઉચ્ચ સ્થાન પર વિરાજમાન હતા અને લગ્નમાં ચંદ્રની સાથે ગુરૂ વિરાજમાન હતા.

ભરતનો જન્મ પુષ્યનક્ષત્ર તથા મીન લગ્નમાં થયો હતો, જ્યારે લક્ષ્મણ અને શત્રુઘ્નનો જન્મ આશ્લેષા નક્ષત્ર અને કર્ક લગ્નમાં થયો હતો. તે સમયે સૂર્ય પોતાના ઉચ્ચ સ્થાનમાં વિરાજમાન હતા.

………………….

ભગવાન સ્વામીનારાયણ  , વર્ષ ૧૭૮૧માં અયોધ્યા પાસેના છપિયા ગામમાં રાત્રે ૧૦.૧૦ કલાકે માનવ સ્વરૂપમાં પ્રગટ થયા. તેમનું બાલ્યાવસ્થાનું નામ ઘનશ્યામ હતું. તેમનાં માતાનું નામ ભક્તિદેવી અને પિતાનું નામ ધર્મદેવ હતું.

તેમણે ઉદ્ધવ અવતાર સદગુરુ રામાનંદ સ્વામીનું શિષ્યત્વ સ્વીકાર્યું અને સહજાનંદ સ્વામી નામ ધારણ કર્યું. તેમના ગુરુદેવે તેમનું મહાસામર્થ્ય જાણી લઈને તેમને પોતાની ગાદીના ઉત્તરાધિકારી બનાવ્યા.

ઓ ચૈત્ર સુધની……. છંદ-સુવદના

રમેશ પટેલ(આકાશદીપ) 

પ્યારું પંખી ટહુક્યું, અનુપમ સુખદા, છે વર્ષ નવલું
વાસંતી વાયરાઓ, લહર  ખુશનુમા, ભંડાર  ભરતા
વર્તે માંગલ્ય હૈયે, શુભદિન જ ગુડી, ચૈત્રી જ પડવો
લાગીને માત પાયે, નવનવ રજની, પ્રાથુ અભયદા

ઝૂમે  છે મીઠડી  આ, ઋતુ  સુમનધરી, પ્રસન્ન મન આ
ઝૂલે વૃક્ષો  ફળોથી, ખગશિશુ  ચહકે, વ્હાલે  મખમલી
પ્રગટ્યા  રામજીને, અવધ જ  પુનિતા, દૈવી યુગકૃપા
સીંચ્યા સંસ્કાર જીવે, સુદતિથિ નવમી, ને ધન્ય ધરણી

ચિરાયુ  શું  વખાણું, શતશત મુખથી, એવા બલયસી
ભેટ્યા  શ્રીરામજીને, યુગયુગ  હરખે, ઓ   કષ્ટહરણી
ખીલે  લાલી  ધરીને, કનકસમ નભે, આ સૂર્ય તપતો
છે ભાગ્યે પુણ્યવંતો, સ્તવન જ ગરબે, ઓ ચૈત્ર સુધની

રમેશ પટેલ(આકાશદીપ) 

…………………

અજર અમર પદ દાતા રામ

ઢોલ  ધબૂક્યા અવધપૂરીએ ,પધાર્યા રઘુકુળે ચારો ચંદ
રાય  દશરથ  હરખ વધાવે, પ્રગટ  ભયો  કૌશલ્યા  નંદ
અંતર ચેતના  કરે આરતી, મંગલ સુમંગલ દીસે ચોદિશ
ધન્ય  ધરાતલ  પૂણ્ય ભૂમિ તું, રામ થઈને આવ્યા  ઈશ

ગગન   ગોખે   ઘૂમતા    ગરુડે,
રમતા   સદા  તમે  અંતરિયાળ
ચૈત્ર સુદ નવમીએ  થયા રામજી,
તો જાણ્યા કે કેવા હોય ભગવાન!

ચૌદ  લોકના  નાથ    વિધાતા,
ઘૂમાવો વિશ્વ અવિરત દિનરાત!
થયા  શીશુ  રામ,પણ  ન ભૂલ્યા
માગ્યો  રમવા  બ્રહ્માંડનો  ચાંદ

ગુરુ વિશ્વામિત્ર સંગ વને ચાલ્યા,
હણ્યા  આતતાયી  એકલ  હાથ
રઘુકુળ  રીતિ  સદા    પ્રમાણી,
અજર  અમર  પદ  દાતા રામ

સ્વયંવરે કીધું શીવ ધનુષ્ય ભંગ,
માત જાનકીના  થયા   ભરથાર
ત્યજ્યું  રાજસુખ   જગત  કાજે,
અર્પ્યું સુખ રામ રાજ્યનું સંસાર

રાજધર્મ  રઘુકુળ વચન વ્યવહારે,
નગર  ત્યજી  ચાલ્યા   વનવાસ
કેવટ  અહલ્યા ને માત શબરીના,
ભાવે  ભીંજાયા  લક્ષમણ   ભ્રાત

ધનુર્ધારી  રઘુવીર  ધર્મ ધુરંધર,
હણ્યો  દશાનન   લંકા    ધામ
મંગલ  પર્વ  દીપાવલિ   હરખે,
જનજન  સ્મરે જય  સીતા રામ

રામ  નામમાં  સઘળાં   તીરથ,
ગાયે  વાલ્મિકી  રામનાં  ગાન
રામ   લખન  જાનકીના  નાથ,
પાજો  સદા પ્રેરક  અમૃત પાન

રમેશ પટેલ(આકાશદીપ)

…………………………………………..

મંગલ વર્તે છપૈયા …

જગ કલ્યાણે જગે અવતરીયા,

જય મંગલ વર્તે છપૈયા 

તીર્થ ભૂમિના જાગ્યા સ્પંદન, 

જ્યાં ચરણ ચૂમ્યા સવૈયા

 

 

ભગવંત શ્રી સહજાનંદના રંગમાં

 રટે ગુર્જરી  સ્તુતિ

જય જય શ્રીસ્વામિનારાયણ મંત્ર

ઝૂકે શિશ અક્ષર મૂર્તિ

 

 

  

પાવન  દર્શને  દીપે   નમ્રતા  

સાધુતા  શોભંતી  જનહીતે 

પથપથ   વિચરે  ગુરુ   પરંપરા  

સંસ્કાર   ઝરણાં   મનમીતે

  

      દે આશિષ અંતરથી પ્રભુતા..હો કલ્યાણ અક્ષરવાસી 

      જય જય નિત રટજો મંત્ર, પઠે શ્રી સહજાનંદ સ્વામિ.

રમેશ પટેલ(આકાશદીપ)

………………

રામ મુખે વહી પ્રશસ્તી, પરમવીર  છે પવન  પુત્ર
વીર  મારુતિ   થકી  મળીયા, ભાઈ  ભાર્યાને  મિત્ર

 

 

રામ  કથા  સંસારે  ગવાશે , અમરપટ  ભોગવશે  હનુમંત  વીર
શ્રીફળ   સિંદૂર    આકડાના   ફૂલે,  રીઝશે   મહા   મારુતિ   ધીર
સીતામાતાએ દીધું સૌભાગ્ય સીંદૂર, આપત્તી ના આવે તમ પાસ
અયોધ્યા મધ્યે હનુમાન ગઢીમાં, આજ પણ પ્રગટે તમારો વાસ

 

 

સ્નેહે સમરીએ સંકટ મોચન, પ્રત્યક્ષ પરચો પામે ગુણીજન
પંચાયતમાં  સ્થાન  તમારું,  ભગવંત  સંગ  શોભે  હનુમંત

રમેશ પટેલ ‘આકાશદીપ’

સંકલન- રમેશ પટેલ(આકાશદીપ)

Read Full Post »

ભારત ભોમની ચેતના રામ.

સૂર્યવંશી ઇક્ષ્વાકુ કુલોત્પન્ન અજ રાજાના પુત્ર દશરથને કૌશલ્યાથી વિષ્ણુના અંશથી થયેલ પુત્ર રામ.

રામ’ શબ્દમાં ર, અ, મ – આ ત્રણ અક્ષરો છે. ‘ર’ એ અગ્નિનું બીજ છે. તે શુભ-અશુભ કર્મને બાળી નાખે  એ મંત્ર છે. ‘અ’ એ સૂર્યનું બીજ છે. તે મોહાંધકારનો નાશ કરે છે અને જ્ઞાનનો પ્રકાશ કરે છે. ‘મ’ એ ચંદ્રનું બીજ છે. તે ત્રિવિધ તાપ, આધિ, વ્યાધિ અને ઉપાધિને હરે છે. સર્વ પ્રકારના સંતાપને દૂર કરે છે. ‘ર’ કાર બ્રહ્મમય છે, ‘અ’ કાર વિષ્ણુમય છે. અને ‘મ’ કાર શિવમય છે. આ રીતે ‘રામનામ’ બ્રહ્મા, વિષ્ણુ અને મહેશનું સાક્ષાત સ્વરૂપ છે. ‘રામનામ’ એ ‘ઓમકાર’ સમાન છે. ઓમકાર જ બ્રહ્મા છે. ઓમકાર આત્મારૂપ છે. ઓમકારની ઉપાસના વ્રતધારી માટે સાક્ષાત્કારનું સાધન છે.

ફૈજાબાદની જિલ્લા અદાલતે 102 વર્ષ, અલ્લાહબાદ હાઈકોર્ટમાં 23 વર્ષ અને સુપ્રીમ કોર્ટમાં 9 વર્ષ સુધી કેસ ચાલ્યો.

૯ નવેંબર, ૨૦૧૯ …પાંચ ન્યાયાધિસની પીઠે , સર્વાનુમતે ચુકાદો આપ્યો.

જન્મભૂમિ રામની / સુપ્રીમનો નિર્ણય- વિવાદિત જમીન પર ટ્રસ્ટ દ્વારા રામ મંદિર બનાવાશે, મુસ્લિમોને મસ્જિદ માટે 5 એકર અન્ય જગ્યાએ વૈકલ્પિક જમીન અપાશે

સમાચાર…સાભાર
અજર અમર પદ દાતા રામ
ઢોલ  ધબૂક્યા અવધપૂરીએ ,પધાર્યા રઘુકુળે ચારો ચંદ
રાય  દશરથ  હરખ વધાવે, પ્રગટ  ભયો  કૌશલ્યા  નંદ
અંતર ચેતના  કરે આરતી, મંગલ સુમંગલ દીસે ચોદિશ
ધન્ય  ધરાતલ  પૂણ્ય ભૂમિ તું,
રામ થઈને આવ્યા  ઈશ
ગગન   ગોખે   ઘૂમતા    ગરુડે,
રમતા   સદા  તમે  અંતરિયાળ
ચૈત્ર સુદ નવમીએ  થયા રામજી,
તો જાણ્યા કે કેવા હોય ભગવાન!
ચૌદ  લોકના  નાથ    વિધાતા,
ઘૂમાવો વિશ્વ અવિરત દિનરાત!
થયા  શીશુ  રામ,પણ  ન ભૂલ્યા
માગ્યો  રમવા  બ્રહ્માંડનો  ચાંદ
ગુરુ વિશ્વામિત્ર સંગ વને ચાલ્યા,
હણ્યા  આતતાયી  એકલ  હાથ
રઘુકુળ  રીતિ  સદા    પ્રમાણી,
અજર  અમર  પદ  દાતા રામ
સ્વયંવરે કીધું શીવ ધનુષ્ય ભંગ,
માત જાનકીના  થયા   ભરથાર
ત્યજ્યું  રાજસુખ   જગત  કાજે,
અર્પ્યું સુખ રામ રાજ્યનું સંસાર
રાજધર્મ  રઘુકુળ વચન વ્યવહારે,
નગર  ત્યજી  ચાલ્યા   વનવાસ
કેવટ  અહલ્યા ને માત શબરીના,
ભાવે  ભીંજાયા  લક્ષમણ   ભ્રાત
ધનુર્ધારી  રઘુવીર  ધર્મ ધુરંધર,
હણ્યો  દશાનન   લંકા    ધામ
મંગલ  પર્વ  દીપાવલિ   હરખે,
જનજન  સ્મરે જય  સીતા રામ
રામ  નામમાં  સઘળાં   તીરથ,
ગાયે  વાલ્મિકી  રામનાં  ગાન
રામ   લખન  જાનકીના  નાથ,
પાજો  સદા પ્રેરક  અમૃત પાન
રમેશ પટેલ(આકાશદીપ)

Read Full Post »

નૂતન વર્ષાભિનંદન્…વિક્રમ સંવત ૨૦૭૬ સુખ , સમૃધ્ધી ને શાંતિથી ઝગમગે….

પૂ.દાદાશ્રીના સત્સંગ……………..

આપણી ભારતની સંસ્કૃતિ-સનાતન સંસ્કૃતિ એ અંદરની ખોજ કરનારી સંસ્કૃતિ છે. જન્મ બાબત પૂ.દાદાશ્રીના સત્સંગના થોડા અંશ અક્રમ વિજ્ઞાન દ્વારા મનન કરવા મળેલ તે આપની સાથે વિનિમય કરું છું…સારા વિચારો સર્વ દિશાઓમાંથી પ્રાપ્ત થાય જે કલ્યાણકારી હોય.

આ શરીરની રચના કેવી રીતે થાય છે?

દાદાશ્રી-પંચ મહાભૂતો…જેમાં બે જ તત્ત્વો છે. એક આકાશ તત્ત્વ અને બાકીના તેજ, વાયુ, પાણી ને પૃથ્વી.(એક જ તત્ત્વ)

આ શરીર બને કેવી રીતે? તો કહે કે મૂળ શરીર માગો તો  જ બને, નહીં તો બને જ નહીં..મૂળ દેહ હોવો જ જોઈએ, નહીં તો આ રચના થાય જ નહીં. મૂળ દેહ હોવો જોઈએ તો જ આ બધી રચના થાય.

એ મૂળ દેહ કયો? તો કહે ‘ગોલ્ડન વર્મ’ તેને શાસ્ત્રની ભાષામાં ‘હિરણ્ય ગર્ભ’ કહ્યો. એટલે એ ઈશ્વરીય. એમાંથી આ બધું તત્ત્વ આવે છે.

પ્રશ્ન–આ બે જ તત્ત્વોનો ખેલ?

દાદાશ્રી– ના એક વધુ તત્ત્વ છે. પાંચ ની ઉપર એક વધું. આકાશ અને મેટરની ચાર અવસ્થા…પૃથ્વી, તેજ, પાણી અને વાયુ.આ બધાની

ઉપર પરબ્રહ્મ..જે અગ્નિથી બળાય નહીં, પાણીથી પલળે નહીં ને વાયુથી સૂકાય નહીં.  આ આખું બ્રહ્માંડ આ છ તત્ત્વોનું બનેલું છે. આ છ

તત્ત્વોના પીંડથી આ શરીરનું અસ્તિત્ત્વ છે. આત્માની હાજરી હોય તો જ પીંડ કહેવાય, નહીં તો ના કહેવાય.

આ છ દ્રવ્યોમાં આત્મા મુખ્ય …પીડ થકી જ તેનું અસ્તિત્ત્વ સમજાશે. આ બ્રહ્માંડ અનંત અનંત આત્માઓથી ભરપૂર છે.

વિકાસની ભૂમિકા કેવી રીતે સમજવી?………

દાદાશ્રી—આ ચેતનની હાજરીમાં આ પીંડ પોતે પોતાના દાગીના બનાવી રહ્યું છે. આ દેહની પ્રકૃતિ પ્રસવધર્મી છે..એ સમજીએ.

જન્મ પામવું, એટલે ‘પોતે’ સ્વભાવથી પ્રસવધર્મી હોય, તો માતા અને પિતાનું સ્વરૂપ પોતાનું જ હોય.

પ્રકૃતિ પ્રસવ ધર્મી છે, એટલે એનાં માત-પિતા હોવાં જ જોઈએ. આ શરીરને જડ ના કહેવાય. તેને શાસ્ત્રોની ભાષામાં પુદગલ

કહ્યું. પુદગલ એટલે માન્યતાવાળું શરીર. તેમાં આત્મ તત્ત્વ હોય જ. દાદાશ્રીએ તેને’ મિશ્ર ચેતન’ એવું નામ આપ્યું.

મિશ્ર ચેતન એટલે મિશ્ર ફળ આપનારું ચેતન અને બીજા અર્થમાં ‘પોતે’ કોણ છે એનું ભાન નથિ, હું કોણ છું? એ જ્ઞાન નથી

અને માન્યતાનો’ દેહ એ જ હું છું ‘ એ માન્ય તા છે.

દાદાશ્રી–આ માન્યતા વાળા દેહ પ્રાપ્ત થયા એ તેનું પ્રારબ્ધ. પ્રારબ્ધમાં જકડાઈ તેને આધીન થઈ ફળ સ્વરૂપે આ ચાર

ગતીઓ પ્રાપ્ત થઈ. આમ જન્મ એ પ્રયોગ સ્વરૂપે છે. આપી આપી ને ખલાસ થતું જાય…પછી પછી ચોખ્ખું થતું જાય.

પ્યોર થઈ જાય ત્યારે જ આ માનવ દેહ પ્રાપ્ત થાય.મનુષ્ય દેહ એક જ એવો છે જેમાં બહાર જે બધું ‘પ્યોર’ છે તેને

સતત અંદર ખેંચ્યા કરે છે. તેને આપણે ડોક્ટરી ભાષામાં ‘osmosis-રસાકર્ષણ કહીએ છીએ. એટલે કે એમ જાતે જ

‘કેમિકલ’ થયા કરે, અંદર ખબરેય ના પડે કોઇને ને! આ મહા વિજ્ઞાન આગળ આપણે વામણા પડીયે છીએ.

આ અનંત યોનીઓમાંથી ફક્ત મનુષ્યલોકમાંથી જ છૂટા થઈ શકાય છે.એટલે જ મનુષ્ય દેહની કિંમત ખૂબ જ છે.

દાદાશ્રી….આ પીડને રહેવા જે જગ્યા જૉઈએ તે આ અવકાશ એટલે ‘આકાશ’ તેને આપણે તત્ત્વ કહ્યું.આ આકાશ આખું

એક અને અખંડ તત્ત્વ છે. આના બે ભાગ આપણે પાડ્યા..લોક-આકાશ અને અલોક-આકાશ. આ સૃષ્ટિના ભાગે કરીને

જે ભાગ ઓક્યુપાઈદ થયો તે ‘લોક-આકાશ.’ બાકી બધુ જ અલોક આકાશ…એક જ તત્ત્વ અખંડ. આ આકાશ તત્ત્વ આપણી

અંદર પણ ખરું જ.

એક મોટી સમજ આપું…દાદાશ્રી..કહે…આ જગત ફેરફારોને આધીન છે તે કોણ કરાવે છે …એટલે એવું તત્ત્વ જે તત્ત્વે કરીને

એ આખું જૂનું -નવું  એવું ફેરફાર કરી આપે  તે કાળતત્ત્વ. આ સમજવા માટે કોન્સેપ્ટુઅલ કે તાત્વિક અવસ્થા દ્વારા

‘Time is liner’ થીયરી આપણે અપનાવી.તે અનાદિ -અનંત છે.

દાદાશ્રી—-માત પિતાએ જન્મ આપ્યો પણ ભગવાનની ભાષા જુદી છે. એટલેકે જન્મી ચૂકેલો છે.

વેદો ,જૈનધર્મ કે જ્ઞાની પુરુષો એ તે સમજવા મથામણ કરી છે…દેવ-મનુષ્ય- પ્રાણિ સૃષ્તિ- નરક સૃષ્ટિ.

કર્તાભાવ એકલા મનુષ્ય દેહમાં છે અને તમારી સત્ત ખુલ્લી કરે છે. કર્મના હિસાબ પ્રમાણે ચારેય ગતિઓ અને આ

સૃષ્ટિનું સંચાલન રમ્યા જ કરે છે.

સંકલન…રમેશ પટેલ(આકાશદીપ) .. આભાર- અક્રમ વિજ્ઞાન

કળસૂત્રી કલદાર- ….રમેશ પટેલ(આકાશદીપ)
 
ગત વર્ષને અલવિદા રે
નૂતન વર્ષને જુહાર
ટકટક કરતી હાલતી થાતી
સમયતણી વણઝાર
 
એજ સૂરજ ને એજ વસુધા
સ્વપ્ન નવલ શણગાર
દેજો આશિષ તેજ કરૂણા
વંદીએધન્ય તમે દાતાર!
 
નભ મંડળે રંગ માંડવો
શુચિ કેસરિયા રે ભોર
શીતલ લહરે ઉર ઝૂમે
કેવાં મધુરાં  કલશોર
 
રૂક્ષ રૂપલાં  ક્ષણ ઝભલાં
ઋતુ સરીખડાં ઉપહાર
ગાતા રહેજો ગીત મંગલા
છે કળસૂત્રી કલદાર
 
ખેતર વાડી ડુંગર ક્યારી
દે ખોબલે  ઉપહાર
ટકટક છોડી હાલજો તાલે

સંગેરૂડી  વણઝાર

……………….
પ્રાથી; પરમેશ્વર નૂતન વર્ષે
હું મંગલ શંખ બજાવું
એવો અવસર આપ પ્રભુ તું
આ જગમાં કઈંક કરી બતાવું 
ના માગું  હું  નિત વસંત જપણ,
 ભીતર  ભાવે કદી  ન સુકાઉં
ઋતુ ઋતુના ખોળે જ રમતાં
ધન્ય!  રૂપલ  ફૂલ  બની  મુસ્કાઉં 
એવા  ઉરમાં  ભરજો  વિશ્વાસ
જગ સંગ્રામો ખેલી બતાવું
રાહ  ભલે  ને ઉબડ-ખાબડ  હો
તારો ઍવરેસ્ટ ચડી બતાવું
 છોને  છોડે  તું  પર્વત  ટોચેજલ જેમ ,
 સાગર થઈ બતાવું
થા; સારથ એક આશ જ હૈયે
પાર્થ  સમ  માનવ  જાત દીપાવું 
એવો અવસર આપ પ્રભુ તું,
તારો ગર્વ થઈ હરખાઉં
ને મંગલ   શંખ   બજાઉં(૨)
……

 

Read Full Post »

‘આકાશદીપ’ ની રચનાઓ સ્વર ને સંગીતના સથવારે માણો..ંમાસ્ટર સ્ટુડીઓઓ- આણંદ.

સૌજન્ય- શ્રી ચીરાગ પટેલ  

ભજન- ભજમન ભાવધરી ભગવાન

ઢોલ વાગે ને ઊડે ગુલાલ ....હીંડોળા ગીત

કહેવા કહાણી — ગઝલ

મેળે ઝટ જઈએ..લોકગીત

ના પૂછજો તમે…ગઝલ

ના પૂછજો તમે…ગઝલ

https://drive.google.com/file/d/1KnEH7iY4NXDMNDRjzkDOtMZg5VvoVPuH/view?usp=drivesdk

………………………….

મેળે ઝટ જઈએ..લોકગીત

https://drive.google.com/file/d/14ktpTCxzr2tNkRSVGOvtAmKxWYCe8C1U/view?usp=drivesdk

 ………………..

ઢોલ વાગે ને ઊડે ગુલાલ ....હીંડોળા ગીત

https://drive.google.com/file/d/1qthYzNaDVCFwON6ciUrl8tbXZNiKaMP6/view?usp=drivesdk

 ……………

કહેવા કહાણી — ગઝલ

https://drive.google.com/file/d/1l1xKV5lqCO6GXOsXAhv2yVh57TE36LCf/view?usp=drivesdk

 ………………….

ભજન- ભજમન ભાવધરી ભગવાન

https://drive.google.com/file/d/1DTeRN5LDIkvaOdn3n6hORiWdKVmsPp-4/view?usp=drivesdk

Read Full Post »

 

  ભારત વર્ષ યુગોથી જેની વંદના કરે છે , તે ભગવાન વિષ્નુનો આઠમો અવતાર એટલે યોગેશ્વર શ્રી કૃષ્ણ ભગવાન. આજે જન્માષ્ટમીના પર્વે આવો લાલજીને ઝૂલે ઝુલાવી વધાવીએ…

 આનંદિત થયેલાં વ્રજવાસીઓએ મંગલ ધ્વનિ વગાડી,મંગલ ગાન ગાઈ હલ્દી, દહીં, દૂધ , શીંગદાણા, ઘી, ગુલાબજળ, મીઠાઇ,મિસરી, માખણ ,કેસર, કપૂર,  આદિ શુભ વસ્તુઓને વાતાવરણમાં ઉડાડી દહીકાંદૌ ઉત્સવ મનાવ્યો જે નન્દ ઉત્સવ તરીકે ઓળખાયો.

કમળ ફૂલનો મહિમા…સંકલન- રમેશ પટેલ( આકાશદીપ)

, વિષ્ણુ ભગવાન પદ્મનાભ કેમ કહેવાય છે ? 

       કમળનું મૂળ એ આરોગ્યની રીતે ખૂબ જ ફાયદાકારક છે. તેનાથી પાચન સુધરે છે. કોલેસ્ટેરોલ ઘટે છે. બ્લડ પ્રેશર ઘટે છે. ઇમ્યૂન સિસ્ટમ સુધરે છે. કેન્સરના અનેક પ્રકારોને અટકાવે છે. મૂડને બેલેન્સ કરે છે. ડિપ્રેશન ઘટાડે છે. ઉત્સેચક (એન્ઝાઇમ)ની યોગ્ય પ્રવૃત્તિને મેઇનટેન કરે છે. ઑસ્ટ્રેલિયાની એડિલેઇડ યુનિવર્સિટીના સંશોધકોએ શોધી કાઢ્યું છે કે કમળમાં તેના ફૂલોનું તાપમાન નિયંત્રિત કરવાની અદ્ભુત ક્ષમતા છે. (અમસ્તું ભગવાન વિષ્ણ સાથે તેને જોડવામાં આવ્યું હશે? વિષ્ણુ પણ જલદી ગુસ્સે નથી થતા. તેઓ તેમના મગજના પારાને નિયંત્રિત રાખી શકે છે.) કમળ હજારો વર્ષ સુધી જીવી શકે છે. અનેક એશિયાઈ વાનગીઓમાં કમળનો ઉપયોગ શાક તરીકે થાય છે. કમળના મૂળથી બ્લડ સર્ક્યુલેશન પણ સુધરે છે. તેમાં વિટામીન બી કોમ્પ્લેક્સ રહેલું છે. તે મગજના ન્યૂરલ રિસેપ્ટર સાથે સીધું ઇન્ટરેક્ટ કરે છે. તેથી ગુસ્સો, માથાનો દુ:ખાવો અને તણાવ ઘટે છે. તેમાં વિટામીન સી પણ રહેલું છે. આથી આપણી રક્ત ધમનીઓ, અવયવો, ત્વચાની તાકાત સુધરે છે. તેનાથી વજન નિયંત્રિત રાખવામાં પણ મદદ મળે છે. તેમાં રહેલા વિટામીન એના લીધે ત્વચા, વાળ અને આંખની શક્તિ પણ વધે છે. તેમાં એન્ટિઑક્સિડ્ન્ટ ક્ષમતા રહેલી છે. તેથી ઘા ઝડપથી રૂઝાય છે. જોકે એવી સલાહ અપાય છે કે કમળના મૂળને કાચાં ન ખાવાં જોઈએ. તેનાથી બેક્ટેરિયલ ઇન્ફેક્શન થઈ શકે છે. તેને રાંધીને ખાવા જોઈએ.

 

હેતે રમાડ્યો ગોપાલો..…રમેશ પટેલ(આકાશદીપ)

વાહ  ગોકુલ  તારું  કેવું  રે   ભાગ્ય  મહા  બલવાન

નારાયણ નાથ પધાર્યા તારે આંગણે થઈ મહેમાન

ભક્તિ  તમારી   ભાળી  ભગવાને  પ્રતાપી   સરતાજ

પારણે આવી પોઢ્યો પરમેશ્વર, ઝુલાવે જશોદા માત…વાહગોકુલ તારું…..

 

નિષ્કપટ મનડાં દેખી તમારાં, માખણ ચોરે સંગાથ

ભોળાની સાથે ભોળો અમારો, ગાયો ચારે નંદલાલ    …. વાહગોકુલ તારું…

 

લાલા  લાલાની  રટ  ગમે ને ,  આજ હરખે કૃપાળું કિરતાર

માતા જશોદાના વહાલે વીંધા,થાંભલિયે બંધાયો દાતાર ….વાહગોકુલ તારું…

 

અનંત જન્મોના પુણ્યે પામીયા, પ્રગટ પ્રભુનો પ્યાર

રાધેની બંસરીના નાદે ખૂલ્યાં, વ્રજ વન્દાવન ભાગ્ય….વાહગોકુલ તારું…

 

લેણદેણથી  ના  તોલાતો, મારો કામણગારો  કાન

યમુના ઘાટે વહાલો વરસાવે, સ્નેહ સુધાનાં પાન….વાહગોકુલ તારું….

 

ધન્ય ધન્ય ગાય ગોપીઓ ઘેલી, હેતે રમાડ્યો ગોપાલ

જશોદાના  લાલ જગના વહાલા, થાઓ  ફરી મહેમાન

વાહ  ગોકુલ   તારું  કેવું  રે  ભાગ્ય   મહા  બલવાન

નારાયણ નાથ પધાર્યા તારે આંગણે થઈ મહેમાન

 

રમેશ પટેલ(આકાશદીપ)

…………..

ખીલી આઠમની મધરાત…..રમેશ પટેલ(આકાશદીપ)

 

વરસે શ્રાવણીયાની ધાર
ખીલી આઠમની મધરાત….કે બોલો જય ગોપાલ

જાગ્યા પુણ્ય ધરાને લલાટ
દીધા  વચન  દેવકી માત
વસુદેવ  જાણે છાની વાત
ગમતું ગોકુળિયું એક ગામ……કે બોલો જય ગોપાલ

 

ગાજ્યા ગગન મેઘલી રાત
છલક્યા  યમુનાજીના  ઘાટ
ગોકુળિયા લાલ થયા શ્રીનાથ
નાચે  નંદ  નિરખતા  કાન…….કે બોલો જય ગોપાલ

 

પ્રગટ્યા  પાવન  રે પ્રભાત
ઊડ્યા અબિલ ગુલાલ આભ
ઝૂલે  પારણીયે    યદુરાય
લાખેણા પુણ્ય યશોદામાય…….કે બોલો જય ગોપાલ

 

લાલો થઈ રમતા રે શ્રીનાથ
ટહુકે  મોર વ્રજ વૃન્દાનીવાટ
રંગમાં  રંગે   રે  ઘનશ્યામ
ગ્વાલ સંગ ધન્ય ગોકુલધામ…….કે બોલો જય ગોપાલ

 

નાચે  છે નંદ ને  ગોપ ગોપીઓનું ટોળું
હાલો  જોવા  જઈએ  જશોદાજીનું  છોરું
ગોવર્ધન સંગ ઝૂમે મસ્ત ગોકુળિયું  ઘેલું
રમે રમાડે નટખટ આજ માખણીયું છોરું(૨)

 

રમેશ પટેલ(આકાશદીપ)

 

Read Full Post »

દાદાશ્રીની વિતરાગ વાણી….સંકલન- રમેશ પટેલ(આકાશદીપ)

જગદ ગુરુ શંકરાચાર્યનું સૂત્ર – ‘બ્રહ્મ સત્ય જગત મિથ્યા’…સમજાવશો.

મિથ્યા તત્ત્વ એટલે આપણી માન્યતાઓ.. નામ.જયદેવ , જાતિ- જૈન ,વહિવટદાર , સંબંધો . મામા ,ફૂઆ  વગેરે ,આ બધી જ આપણી માન્યતાઓ ભેગી મળેી મિથ્યા તત્ત્વની ભારી બને. આ બધી રીલેટીવ સગાઈઓ છે, આ દેહ ને અવસ્થાઓ બદલાતી જાય , નબળી પડે, દેહમાં રહેલા દાંત પણ દેહથી વિખૂટા પડે, આ બધા રાગ કરો પણ મિથ્યા જ.હવે સાચી મૂડી ..એ ‘ મહીંલી’ મૂડી એટલે આ અવિનાશી આત્મા, જેને રાગ દ્વેષથી પર કરતા જાઓ, એટલે તેની સત્યતાની પ્રતિતી બેસતી જાય, જગતનો તિરસ્કાર કરવાનો નથી પણ આ જન્મ મળેલ છે, તે મહામૂલો છે ને તે ‘ગુનેગારી ટાળવા’ મળેલ છે  ,ને સ્વરુપ જ્ઞાનવાળો મનુષ્ય દેહ, દેવોને પણ દર્શન કરવા યોગ્ય હોય છે.ં જગત ગુરુ આદ્ય શંકરાચાર્યજી ઉપદેશ દે છે કે, આત્મા , આત્માના ધર્મમાં જ્ઞાતા- દ્રષ્ટા ધર્મમાં આવી જાય ને અભિપ્રાય બંધાય કે બ્રહ્મ જ સત્ય છે. આ ભેદ વિજ્ઞાનથી જ સંયમ પાળો તો સિધ્ધિ ઉત્પન થાય. ભીખ એટલે કે આપણી વાસનાઓ ટળે.

 મહાવીર ભગવાન ઍટલે જ ઉપદેશ દેતા હતા..હે જીવો! બૂઝો બૂઝો, મનુષ્યપણું મળવું બહું જ દુર્લભ છે, એમ જાણો.ચારેય ગતિ વિષે ભય જ છે. અભિપ્રાય ટાળો એટલે મન ઊભું ના થાય એ જ હિતકારી..જગત મિથ્યા આપમેળે જ થતું જાય.

આધાર- અક્રમ વિજ્ઞાન

………………….

  • અષાઢી પૂનમ તું જ્ઞાન અજવાળું…..રમેશ પટેલ(આકાશદીપ)

 

અષાઢી પૂનમ તું જ્ઞાન અજવાળું

ગુરૂ   શરણું જ ભવ-તારણ ન્યારું!

  

અનંત સફર આ રાગ-દ્વેષની

      જીંદગી જટિલ હું જાણું

ધરી શીરે બંધન બાહ્ય જગના

     ભૂલ ખુદની કેમ જ ભાગું?

    ગુરૂ તમારું શરણું હું માગું!

  

દિશાઓ ચાર જ અંતઃકરણની

     મન, બુદ્ધિ, ચિત્ત અહંકારું

નિત; આ પરસત્તા સ્વસત્તા ધારું

     કેમ કરી કલુષિત ભાવો ટાળું?

     ગુરૂ  તમારું શરણું  હું  માગું!

  

મહેમાન કુદરતનો હું અણમોલો

        નિજ દોષ શમન હું માગું

મળી જ દૃષ્ટિ  પ્રતિક્રમણની  આ

        વિશ્વાસ  જ્યોત હું  જગાઉં

      ગુરૂ તમારું શરણું હું માગું!

  

ઝીલી દાદાઈ વાણી; જગ કલ્યાણી

        સચ્ચિદાનંદ  રૂપ   નિહાળું

જ્ઞાતા-દૃષ્ટા  ગુરૂ  પરમાનંદી  જ

         પરમ     વિનયે    ભાળું

         ગુરૂ તમારું શરણું હું માગું!

  

સાચા સુખનું જનક જીવન જ યાચું

        ગુરૂ તમારું શરણું હું માગું!(૨)

………………

  • છે દર્શન તવ અગમ્ય!……રમેશ પટેલ(આકાશદીપ)

 

 છે  આ વિશાળ જગતની  શરૂઆત સૂક્ષ્મે,

ને  સૂક્ષ્મમાં  જગ   દીઠું   આખું  વિશાળ

ભળ્યા પરસ્પર, તો નિત્ય જ એ અનોખા,

જુએ  વિજ્ઞાન  વિસ્મયથી  આ રંગ થાળ

 

કેવો  જ  શોભત  આ  વર્ણ તારો   નીલો!

આકાશ  તત્ત્વ  અનંતા  દૈવી    ગુપ્ત

જાણું    અંધારે;     શ્યામલ   દુવિધા

દે આશરો  સકળ સંઘ  તોય તું અલિપ્ત!

 

જાયા  અમે  ;  ધરી  નાતો  પંચતત્ત્વે

પૂછું સ્વયંને  કોણ  રમતું   મસ્ત  ધીરે?

છોડી  ધરા;  ગમતું  ઘૂમવું  આભ મધ્યે

પામું વિસામો ,  ધરી અંબર  છત્ર શિરે

 

શું છે તું તત્ત્વ? રમે  સામે પણ ન  જાણું

છે દર્શન તવ અગમ્ય! નમું હું અનંતા(૨)

Read Full Post »

માવતર મીઠડાં વાત્સલ્ય…

Kashiba

પ્રગટ દેવ…..રમેશ પટેલ(આકાશદીપ

 

  પૂષ્પ ખીલ્યું તે પિતાજી
ને સુગંધી તે માતારે

આ ઊંચા પહાડ તે પિતાજી
ને સરવાણી તે માતારે

આ અષાઢ ગાજ્યા તે પિતાજી
ને ધરતી મ્હેંકે તે માતા રે

આ સાગર ઉછળે તે પિતાજી
ને ભીંની રેત  તે માતા રે

આ ત્રિપુંડ તાણ્યું તે પિતાજી
ને ચંદન લેપ તે માતા રે

આ કવચ કૌવત તે પિતાજી
ને  મમતા ઢળી તે માતા રે

આ ઢોલ વાગ્યું તે પિતાજી
ને શરણાયું તે માતા રે

આ ધ્રુવ તારો તે પિતાજી
ને અચળ પદ તે માતા રે

આ પ્રગટ દેવ તે પિતાજી
ને પ્રભુ પ્યાર તે માતા રે

આ અહોભાવની આરતજી ને

ઉર મંગલા શાતા રે

………………………

49) મમતાના મોલ

અષાઢી મેઘ ગજાવે અંબર, માડીની મમતાના મેઘ અનરાધાર
જનનીના ચરણોમાં જગના કલ્યાણ,તારી આશિષે રમતો સંસાર

નાજુક હૈયું જાણે પુષ્પ્ની પાંખડી, એના અંતરે સ્નેહની સુગંધ
સાંભળી મા કંઠે હાલરડાંના બોલ, ઊભરતા ઉરે ઉમંગ નિર્બંધ

સાગર સરીખાં માનાં હેતડાં, ઝૂમતી જીંદગી ઝીલી નવરંગ

સંતાનો કાજે ઝીલી દુઃખડાં, માવતરે મહેંકાવ્યાં જીવનના રંગ

ઉપવનમાં ખીલે રંગી વસંત જેમ, મુખે રેલાતી ભાવનાના રંગ
રમે ચાંદની છોડી ગગન એવા, ભાળ્યા છે  માના શીતલ રૂપરંગ

માની હથેલીની અમૃત થાપલી,પૂરે સંસારે સંસ્કારના ઓજસ
માડીના લાખેણા લાડે રમે, નિઃસ્વાર્થ પ્રેમના અનંતો ઊજાશ

કરુણાના સાગરથી છલકતું મુખ, અખિલ બ્રહ્માંડના મળિયાં છે સુખ
માના અધરે રમતી મમતાએ, ભૂલ્યા અમે દુનિયાના દુઃખ

સ્વાર્થી દુનિયામાં મા છે વિરડી, તારી મમતાના મોલ અણમોલ
મા જશોદાને ખોળે ભૂલ્યોતો શામળો, વૈકુંઠના વૈભવના તોલ

………………….

50) માનું હૈયું—–

હેત  ભર્યું   છે  માનું  હૈયું

નિત હરખતું જોઈને છૈયુ

 

દીકરી આવી માને મળવા

પૂછતી   હોંશે શું છે  ખાવું?

યાદ આવે  મા નાસ્તા થેલી

તું  ભરી  દેતી કોલેજ  કાળે

ભૂલતા નાનો સ્કાફ અમે તો

દોડતા  પપ્પા  યાદ  કરાવે

વાંચતા  પોઢી  જાતા  અમે

વ્હાલથી શીરે ચાદર ઓઢાડે

યાદ આવે મા બચપણ  હવે

આજ  ગૃહસ્થી  આવી  માથે

ભાગતી દોડતી જીંદગી વચ્ચે

આજ  શોધું એ  ચા  ને થાળી

માવતર સમ ના બીજા ખજાના

જીંદગી  ના  સાચા જ  વિસામા

………………………………

51) માવલડી….

તું રે માવલડી ચંદન તલાવડી
જગની તરસ્યું છીપાવે જી રે

બા બોલું ને ઝૂલે રે બાળપણ
આયખે કેસર ઘોળે જી રે

માનો તે ખોળો પ્રેમનું પારણું
સ્વર્ગનો લ્હાવો લૂંટાવે જી રે

જનનીનું હૈયું ધરણીનું ભરણું
નિત નિત વ્હાલે વધાવે જી રે

અમી વાદલડી વરસે નયનોથી
જીવનમાં તૃપ્તિ સીંચે જી રે

તારી તપસ્યા ત્રણ લોકથી ન્યારી
દિઠું ઋણી જગ સારું જી રે

મા ને ખોળે ઝૂલ્યા જાદવજી
વૈકુંઠના સુખ કેવા ભૂલ્યા જી રે

પૂજું મા તને ચરણ પખાળી
તુજ દર્શનમાં ભાળ્યા જગદમ્બા જી રે

…………………………….

52) મા તારી મમતાઈ…………

હાથ ફરે મા હેતે શીરે
પામું સકળ સુખવાઈ
ખોળે રમવું તારા મા એ
જાણે વૈકુંઠી ઠકુરાઈ

વ્હાલ તમારા મા લાખેણા
સાચી પ્રેમ સગાઈ
ઘડી તને મા; દે વિધાતા
સ્વર્ગ તણી હરખાઈ

સૂરજ સોમ શાખડે ઝૂલે
મા તારી મમતાઈ
આંખલડી મા તારી જાણે
ગંગાની નીતરાઈ

દે હોઠો આશિષ મા જ્યારે
દૂર રહે વિકટાઈ
જગ શીરેથી ના ઉતરે એ..
મા તારી ઋણ ઉતરાઈ(૨)

………………….

53) મા ચંદન અગિયારી…..

 

મા મમતાનું મંગલ મંદિર

જગ  આખું પૂજારી

વાત્સલ્ય મૂર્તિ ઘડી પ્રભુએ

ધન જનની ખુમારી

 

વૈભવ માનો હેત ખજાનો

 સુખદાતા કલ્યાણી

આંખ અમી તો સાગરપેટાં

અક્ષય મા દાતારી  ….જગ  આખું પુજારી

 

હાલરડાં  મા તારાં ઔષધ

ખોળે સ્નેહ સમંદર

તું પકવે મા મોતી મોંઘાં

ઝીલતી ઝોલે નીંદર

 

કેમ રમે મા શામળ ખોળે

જાણું હું અલગારી

ત્યાગ મૂરત તું, મા દેવી તું

મા ચંદન અગિયારીજગ  આખું પુજારી

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

54) લખતી મા તું વસિયત….

 

એક વિધાતા બીજી માતા

ધન્ય જ ભાગ્ય સવૈયા

ઉતારે  ના  ઉતરે  એવાં

ઋણ   તારાં  મૈયા

મઘમઘ થાતું  હૈયું  તારું

ઝીલે  શૈશવ  ન્યારું

હાલરડાં એ મીઠાં મોંઘાં

હૂંફ  ભરે  ભવ સારું

માત તમારો ધર્મ જ એક

સમર્પણ  ને  સેવા

તું  ઘડવૈયા  વિભૂતિની

પાલવડે તવ મેવા

કાગળ  જેવા  કોરા  અમે

લખતી મા તું વસિયત

કેમ ન માના ચરણ પખાળું

વૈભવ ધરતી રળિયત

મધુરમ અમૃત પાન જ મા તું

પ્રગટ થયું ઘર તીરથ

ઈશ્વરની  તું   આપકળા  મા

ધન્ય જ સંસાર ગરથ(૨)

…………………………….

55) હૈયાની હાટડી….

મૂઠી જેવા હૈયાની હાટડી
માંડતી લાખેણા વેપાર
ખીલે જો કળા સોળે સાહેબજી
ઝીલીએ ઝાઝા જુહાર

વાલીડા ભલે વર્ષો  થોડું થોડું
જાશું રે ભીંજાઈ રોમરોમ
ધરા જેવાં જ હેતડાં ઉછાળી
માણશું વરસાદની સોઢમ

આભે ભર્યાં રે મનડાં અમારાં
ઝગમગતો રૂડો આ સંસાર
નહીં રે જડે જોડ તારી માવલડી
ખોળતો ખોળો રમવા દાતાર

વીણા હરખની હૈયે રે મઢશું
લાખેણું લાડલું અંતર
સાગરસા દિલડાની વાતો ન્યારી
નિતનિત વગાડતું જંતર

…………………..

56) હો માત અમે પીધા મમતાના રે ઘૂંટ……

મા તારા હૈયામાં  મસ્તીથી ગાજંતા ગાજંતા દીઠા અષાઢી રે મેઘ,

…………………………………….મા અમે દીઠા અષાઢી રે મેઘ.

ને ધન્ય અમે…(૨)

લાલ થઈ  ઝીલ્યા એ ધસમસતા પૂર ….ઓ માત અમે ઝીલ્યા એ ધસમસતા પૂર

….હો માત અમે પીધા મમતાના રે ઘૂંટ (૨).

 સાગરના  હિલોળે જ લહેરાતા લહેરાતા..સૂણ્યા અમે  હાલરડાંના બોલ

…………………………..માડી અમે ઝીલ્યા હાલરડાંના બોલ

ને માડી ઓ માડી….

એ બોલે જ ખીલ્યા  બાળપણ…ને લાલ થઈ માણ્યા એ મઘમઘતા સંપૂટ….

હો માત અમે પીધા મમતાના રે ઘૂંટ(૨).

હે માત  તારી(2)

હથેલીની થાપલીમાં ઘોળ્યા રે ઘોળ્યા રે… લાખેણા લાડના રે કુંભ

……………રે માડી તેં ઘોળ્યા લાખેણા લાડના રે કુંભ

એ ઝીલીને અંગ અંગ મહેંક્યાં જ…મહેક્યાં જ..

……………..ને વ્હાલ ભરી ચાખ્યા કસુંબલ રે ઘૂંટ…

….હો માત અમે પીધા મમતાના રે ઘૂંટ.(૨)

હે મા તારાં અધરોની ચૂમીમાં ઘોળાતી ઘોળાતી ..ઝીલી અમે સ્નેહની સુગંધ

…………..હે માત અમે ઝીલી રે સ્નેહની સુગંધ.

ને ભલી ચૈતન્ય સૃષ્ટિના રંગે ઉમંગે….લાલ થઈ ચાખ્યા જ અમૃતના ઘૂંટ….

હો માત અમે પીધા મમતાના રે ઘૂંટ(૨).

સ્વાર્થી જગતમાં મા તું જ એક વિરડી…સંસારે ઝગમગતી આશ

………………..રે માડી સંસારે ઝગમગતી આશ

કેમ જ ભૂલું ઓ જનની જશોદા(૨)

રે ભાગ્ય લઈ કોણ આળોટ્યું આંગણની ધૂળ…ને વસુધાએ માણ્યાતા બ્રહ્રમાંડી સુખ….

હો માત અમે પીધા મમતાના રે ઘૂંટ(૨)

……………

 

 

Read Full Post »

Older Posts »