Feeds:
પોસ્ટો
ટિપ્પણીઓ

Archive for the ‘સમાચાર’ Category

પહેલી મે, ૧૯૬૦  ગુજરાત રાજ્ય સ્થાપના દિન -આંદોલનમાં શહીદ થયેલા વિદ્યાર્થીઓની સ્મૃતિમાં લાલ દરવાજા પાસે શહીદ સ્મારકને શત વંદના .

મારું  ગુજરાત  મને  ગમતું……

ખેડે દરિયા ને ખેડે  આભલાં
હુન્નર  સાહસ  એનાં સોણલાં
હરિ  શ્વેત  ક્રાન્તિથી  ઝૂમતું
મારું  ગુજરાત  મને  ગમતું(૨)

રમેશ પટેલ(આકાશદીપ)

પહેલી મેની વાત છે ન્યારી

ધરા  યશોધરા ગુર્જરી મારી

શૂરા ને સંતની મીઠડી વાણી

દો  થડકારો  તો સિંહ કહાણી

સાગર રણ ને તીર્થોની વાડી

વંદન  કરીએ  ભોમકા માડી(૨)

………………………………….

મહાગુજરાત આંદોલનના સુકાની શ્રી ઈંદુલાલ યાજ્ઞિક  . ગુજરાતના યુવાનોએ શહિદી વ્હોરી ને  અંતે પ્રેસિડેન્ટ રાજેન્દ્ર પ્રસાદ, સર્વપલ્લી રાધાકૃષ્ણન અને પ્રધાનમંત્રી જવાહરલાલ નેહરૂએ ગુજરાત અને મહારાષ્ટ્ર હવેથી આ બે અલગ રાજ્ય છે, તેમ ઘોષિત કરવા સંમત થયા અને 1લી મે ના રોજ ગુજરાત અને મહારાષ્ટ્ર બંને રાજ્ય આ રીતે સ્થપાયા.

નવા રાજ્યની સ્થાપના …આપણા મૂક સેવકને  રાષ્ટ્રપિતા મહાત્મા ગાંધીબાપુના આઝાદી આંદોલનના સક્રીય સેનાની એવા, પ. પૂજ્ય રવિશંકર મહારાજના હસ્તે,  મંગલ દીપ પ્રગટાવી, રાજ્ય સ્થાપનાનો શુભારંભ, સાબરમતી આશ્રમની પવિત્ર ભૂમિમાં થઈ ત્યારથી..  જય જય ગરવી ગુજરાત”..એજ ગુર્જર મંત્ર હૈયે રમે  છે.

પંચ શક્તિ સ્વર્ણિમ ઉત્સવ..2010

સ્વર્ણિમ ગુજરાત

 સ્વર્ણિમ ગુજરાતના નિર્માણ માટે પ્રત્યેક ગુજરાતી સંકલ્પબદ્ધ થયા (29/04/2011)
– 
વાંચે ગુજરાત અને યુવાનોના સમયદાન સ્વરૂપે વિશાળ સફળ જન અભિયાનો
– 
વિશ્વ શાંતિના કેન્દ્ર સમાં મહાત્મા મંદિરનું નિર્માણ
– 
ખેલ મહાકુંભ અને સ્વર્ણિમ ચેસ સ્પર્ધા દ્વારા ગુજરાતના અનોખા વિશ્વ વિક્રમ
– 
પંચ શક્તિ આધારિત સર્વાંગી વિકાસનું ગુજરાત મોડેલ અદ્વિતીય
                રાજ્યનો સર્વાંગી વિકાસ પંચ શક્તિ આધારિત થાય તેવી નેમ મુખ્યમંત્રીએ રાખી છે. જન શક્તિ, રક્ષા શક્તિ,જ્ઞાન શક્તિ, ઊર્જા શક્તિ અને જળ શક્તિ એ પાંચ શક્તિઓ આધારિત રાજ્યમાં પાંચ પ્રાદેશિક ઝોનમાં વિકાસ ઉત્સવ ઉજવાયો. વિકાસમાં જનભાગીદારી, રાજ્યની સલામતી અને સુરક્ષા ક્ષેત્રની વિકાસ યાત્રા, કન્યા કેળવણી અને શાળા પ્રવેશોત્સવ તેમજ કૃષિ મહોત્સવ દ્વારા જ્ઞાન શક્તિથી વિકાસ અને શ્રેષ્ઠ ઊર્જા વ્યવસ્થાપન તેમજ શ્રેષ્ઠ જળ વ્યવસ્થાપન દ્વારા વિકાસના નૂતન પરિણામો આ પંચશક્તિ દ્વારા મેળવાયા છે તેની ગાથા આ ઉત્સવોમાં કરવામાંઆવી હતી.

સંકલન- રમેશ પટેલ(આકાશદીપ)

 

ધન્ય ધન્ય ગરવી ગુજરાત….રમેશ પટેલ(આકાશદીપ)

 

જૂનો  જોગી ગિરનાર

સાવજ શૌર્યે લલકાર

સાગર સરિતાને કાંઠે મંગલ પ્રભાત

ધન્ય ધન્ય ગરવી ગુજરાત

 

કચ્છ-કલા કોયલના રાગ

જન  મન દીઠા રળિયાત

‘સિધ્ધ હેમ’ની ગજ સવારી.. સિધ્ધરાજી શાન

ધન્ય ધન્ય ગરવી ગુજરાત

 

નર્મદા  તાપી દર્શન

હરિત ખેતર પાવન

મહિ સાબરના સંગે લહેરાતી ભાત

ધન્ય ધન્ય ગરવી ગુજરાત

 

આઝાદીની  રણહાક

શ્વેત-ક્રાન્તિની દહાડ

અખંડ ભારતના ઘડવૈયા લાલ

ધન્ય  ધન્ય  ગરવી  ગુજરાત

 

મેળે  ગરબે ગુજરાત

હૈયે શામળ ને  માત

વટ વચન વ્યવહારે… ઊડે ગુલાલ

ધન્ય ધન્ય ગરવી ગુજરાત

 

અહિંસા  આદર સન્માન

સંસ્કાર સૌરભ બલિદાન

વિશ્વવંદ્ય ગાંધી તું.. વિશ્વે મિરાત

ધન્ય ધન્ય ગરવી ગુજરાત

 

જેનું   હૈયું  ગુજરાત

એનું આંગણું અમાપ

દૂધમાં  ભળતી સાકરની  જાત

ધન્ય  ધન્ય  ગરવી  ગુજરાત

રમેશ પટેલ(આકાશદીપ

……

Read Full Post »

કવિશ્રી કાન્તના અતિજ્ઞાનપરથી પ્રેરણા લઈ રચના કરી છે. પ્રદૂષણથી ત્રસ્ત વિશ્વ, અવનિની રચના , કુદરતી વૈભવ સાથે પ્રગતિના નામે છેડછાડ ને કોરોનાની ઘાતક અસરની , તથ્ય આધારિત પ્રાસંગિક છંદોબધ્ધ આ કૃતિ છે.

રમેશ પટેલ(આકાશદીપ)

મહામારી કોરોના –  ખંડ કાવ્ય

 છંદ- વસંતતિલકા

કષ્ટી વહે  વલવલીસરિતા  મલિની

દૂષિત પાવન સુધાનિજ માનવોથી

નિસ્તેજ છે રવિ નભેનિત ધૂમ્ર ગોટે

કંગાલતા નિરખ ઓવદતી વસુધા

 

નિરભ્ર  વ્યોમ રજની   ,અલોપ તારા

ને વ્યોમ ઝાંખપ હણેનભ નૃત્ય લીલા

   શુક્ર  તેજ  ડરતું,  વલખી  ઝબૂકે

ને  વાયુ  દૂષિત વહી , અભડે જ  અંગે

 

દીધું હતું અવરથીરૂપ શ્રેષ્ઠ ભાગ્ય

ને અમૃતા જલભરીસરિતા જ મૈયા

ઐશ્વર્ય  ઝૂમતું  વનેહરિતા રસીલું

ઊડી  ભમે કલરવે,  રૂપલા વિહંગો

 છંદ-અનુષ્ટુપ

વિનવે   વસુધા  વંદી,  વેદનાથી  વિલાપતાં

ઐશ્વર્ય   જાતું   લૂંટાતું,  રે  પ્રદૂષણ  ઘાતથી

ઉધ્ધત જંતું યુધ્ધે ખિન્નઆત્મઘાતી કુઠાર ઘા

છે  એક  આશરો  તારોદંગલ  છે વિનાશનું

દુઃખ  અરજ  સુણીને, થયો અંતર મુખી એ

નિરખે  એકમાંથી રે , સંવરતી અનેકતા

છંદ- શાર્દૂલવિક્રીડિત

ગાજ્યા અંબર વાયુ મંડલ ધસેભંડાર  અનલના

પૃથ્વી આ જલસાગરે રવ મહાને ઈંદુ શિત ધરે

ને તારા ગ્રહ તેજ સૌ ઝબકતા, મંદાકિની પટલે

પ્રકૃતિ પ્રસવી જ વ્યક્ત થઈ આચૈતન્ય સગુણ રે

 છંદ- વિશ્વદેવી

ઘૂમે   બ્રહ્માંડેચક્ર આ  કાળનું  ને

સંયોજે    તત્વોપંચ   રૂપાંતરેથી

ઐશ્વર્યા  દીસે, ઝુંડમાં  સૃષ્ટિ દૈવી

ભૂપેશી વ્હાલેભેટ દીધી જ બુધ્ધિ

છંદ- અનુષ્ટુપ

ચક્ર ઋતુ રમે ભોમેનિર્વિકારી  જ સંયમી

પૂરક વાહ કેવા રે, પ્રકૃત્તિ ને મનુજ  

 છંદ- સ્ત્રગ્ધરા

ખૂશ્બુ  ભર્યા  કટોરા,  કુદરત  મધુરી,  વ્હાલ  ઝૂલે  ઝુલાવું

ઝૂમે  વૃક્ષો  લળીને,   ઋતુ -ફળ  ધરવાસ્નેહથી ભીંજવે રે

ને  વાસંતી  જ હૈયાં,  કલરવ  લહરેવાત  માંડે   ઉમંગે

ભાખે શ્રેષ્ઠા નિયંતાઅવનિ  રૂપલ આઝીલતાં દિવ્યભાવો

 છંદ- મંજુભાષિણી

અનુશાસને  જ સુખી  સૌ પરસ્પરે

કરુણા  હિણી ભરખશે   શત્રુતા

બહુ ક્ષુબ્ધ આજ નિરખી જ વિકૃતિ

કહું  ધીક! ખૂટલ  વિનાશ  પાત્રતા

 છંદ-રોળા

કાર્બન વા વિષ વમનહિમાળા ગળતા જ ધસી

શ્રાપી  કતલ  ઉદ્યોગહણે   પ્રાણી નૃશંસે

દીઠા   ખેચર  દીન, વિષમતા ઋતુઓ ભાળે

પૂરક  રક્ષક    ભક્ષકમલિનતા  ખંજર  પાળે

 છંદ- અનુષ્ટુપ

લૂંટી પ્રકૃતિ સંપત્તિ, મદમાં ઘૂમતો ફરે

પાખંડે ધૃષ્ટતા પોષી, કુંડાળા ઝેરના ધરે

 

છંદ- કલહંસ-

યુગ દર્દ રોષવિપદા પડઘી  ને

તકલીફ આ  પરખતો જ નિયંતા

ધમરોળવા જગધસે છળ રોષે

યમદૂત મલ્લસમ સૂક્ષ્મ વિષાણું

 

 છંદ- રોળા

વુહાનેથી  વ્યાપબહું  સંક્રમણે  વાધે

છું રે  દંડી કાળ,  ધસી દોડે  કોરોના

દીઠું વામણું  જ્ઞાન,  ધ્રુજાવે  મૃત્યુ- લીલા

બંધક વિશ્વ જ ખંડવિખૂટું જ ઉલટા ચક્રે

 

છંદ- વિશ્વદેવી

ના ધૂમ્રી શેરોના જ ઘોંઘાટ સૂણો

ઝૂમે   પ્રકૃતિવ્યોમ વિહંગ  ગાણું

સૂના આ મેળાને  સ્થળો  મોહકંદી

શાળાએ છૂટ્ટીવિશ્વ શીખે નમસ્તે

નિયંતા  પૂરે,   ખોટ  સંતાન   કાજે

છૂપા આશિષે , ગંગ શુધ્ધિ જ પામે

 

 છંદ- વસંતતિલકા

છે  જંગ દુષ્કર સજે,  જગ  સાવધાની

દૃશ્યો  જ માસ્ક બુરખા, રત નિષ્ઠ યોધ્ધા

વિશ્વાસ જાય અવધે, તું વિપત્તિ ભારી

તૂટે કડીયું, સમયે  સહયોગ સેવા

છંદ- મંદાક્રાંતા


રે ભારે આ વિકટપળ ને, ડૂબતાં અર્થતંત્રો

પ્રત્યાઘાતી  કુદરત  ભલી, શોધતી  નિજ  રૂપો

વિષાણુંની દમન જ  કડીતૂટશે  અસ્પર્શેથી

જાગો જાણો નિયમન મહા, લાભવંતું વિવેકે

પ્રાથે પૃથ્વી સકળ શુભ હોઆત્મ વિશ્વાસ જીતે

શ્રેષ્ઠા શોભેમઘમઘ  પુનઃ,  વિશ્વ આખું નવોઢા

 

 છંદ- વસંતતિલકા

તોલે  બધું   વિધિબરોબર  ત્રાજવેતો

આરોગ્ય સાચવવુંએ જ ઉપાય સાચો

ઉત્સાહથી  પરહિતે,   સજ જાત  રાજા

છે સત્ય બે  ગજ , જમીન જ અંતવેળા.

રમેશ પટેલ(આકાશદીપ)

……………

Note…

વુહાન- ચીન દેશનું શહેર જ્યાંથી કોરોનાની શરુઆત થઈ 

મંદાકિની- આકાશગંગા જેમાં આપણા સૌર મંડળનું અસ્તિત્ત્વ રચાયું ને આપણી પૃથ્વી આ પટલે ઘૂમે છે.

 ખંડકાવ્યમાં ,વસુધા ,વિધાતા, યુગ ચિત્કાર ને સાંપ્રત પરિસ્થિતિ અવલોકન કવિ માનસથી શબ્દ ચિત્ર દ્વારા પ્રગટ  કરતાં પાત્રો છે.. 

 

 

Read Full Post »

દીપ પ્રાગટ્ય- ૫ એપ્રીલ,, ૨૦૨૦..ભારત – સહયોગ સંકલ્પ  હર આંગણ

કોરોનાવાયરસના અંધકાર વિરુદ્ધ વડાપ્રધાન નરેન્દ્ર મોદીની અપીલ પર, દેશવાસીઓએ રવિવારે રાત્રે 9 વાગ્યે 9 મિનિટ સુધી લાઇટો બંધ કરી દીધી અને દીવા, મીણબત્તી, ટોર્ચ અને ફોનની ફ્લેશલાઇટો ચાલુ કરી …એકતાનો સંદેશ દીધો.

शुभं करोति कल्याणमारोग्यं धनसंपदा ।
शत्रुबुद्धिविनाशाय दीपज्योतिर्नमोऽस्तुते ॥

To appease the corona warriors, the countrymen gathered for 9 minutes and lit candles, appealed to the Prime Minister.

દીપ જલાવી કરો પ્રાર્થના…

 

હું ઘર દીવડો ટમટમ કરતો

પાવનતા પ્રગટાઉં

દીપમાળા થઈ આંગણમાં

મંગલતા છલકાઉં

 

 

સંદેશો મારો જગ આખાને

ભલે સૂરજ સંતાયો

આવો લડીએ સાથ મળીને

કરવા અંધારાનો સફાયો

 

 

વિપદાની આજ છે વેળા

કોરોના છે મહા ડંખીલો

દીપ જલાવી કરો પ્રાર્થના

લડો સહયોગી થઈ ગર્વીલા

 

 

દેશ આપણો, આપણે દેશના

બાંધવનો છે નાતો

સહયોગનું અભિયાન જ ક્રાંતિ

દીપ દ્વારે મલકાતો(૨)

 

રમેશ પટેલ(આકાશદીપ)

Read Full Post »

A Newa…

વોશિંગ્ટનના પુલ્મન સિટીથી અર્જક ભટ્ટાચાર્જીનો રિપોર્ટઃ 

સમગ્ર વિશ્વ કોરોના વાઈરસ સામે લડાઈ લડી રહ્યું છે. મોટા મોટા દેશોમાં મોટી જાનહાની થઈ છે. અમેરિકા પણ કોરોના સામે સંઘર્ષ કરી રહ્યું છે, પણ હવે સમગ્ર વિશ્વની નજર ભારત પર સ્થિર છે. કારણ કે, ચીન બાદ ભારત વસ્તીની દ્રષ્ટિએ વિશ્વમાં બીજો ક્રમ ધરાવે છે.કોઈ પણ વ્યક્તિને ડર છે કે યોગ્ય સમયે ઈલાજ નહીં થાય તો થોડા સમયમાં જ ભારતની સ્થિતિ ચીન અને ઈટાલી જેવી ભયજનક બની જશે.

  આ એટલા માટે છે કારણ કે ચીન અને ઈટાલીની તુલના ભારતમાં સંશાધનોની અછત છે.

     સંકટની આ ઘટીમાં ભારતને અમેરિકાના પુલ્મન સિટીથી પણ બોધપાઠ લેવાની જરૂર છે. વિશ્વભરમાં તે કોલેજ સિટી તરીકે ઓળખાય છે. આશરે 60 હજાર વસ્તી ધરાવતા આ શહેરમાં 30 હજાર વિદ્યાર્થી છે. 70 ટકા વસ્તી યુવાનોની છે. જોખમ અહીં પણ છે, પણ સરકારે આ શહેરને લોકડાઉન કરવાની જાહેરાત કરી નથી. મોલ, રેસ્ટોરેન્ટ તમામ ખુલ્લા છે.પણ અગાઉની માફક અહીં લોકોની ભીડ જોવા મળતી નથી. કારણ કે લોકો ઘરોમાંથી નિકળતા નથી. જાણે કે સૌ કોઈએ પોતાની જાતને ઘરોમાં કેદ કરી લીધી છે.

    એક જવાબદાર નાગરિકની માફક સોશ્યલ ડિસ્ટન્સ પણ બનાવી રાખે છે. અલબત હંમેશા પાર્ટીઓમાં મસ્ત રહેતા આ યુવાન વર્ગે પણ ઘરોમાંથી નહીં નિકળવાનું પસંદ કર્યું છે. યુનિવર્સિટી-કોલેજ બંધ છે, પણ વિદ્યાર્થીઓનો અભ્યાસ અટક્યો નથી. નિયમિતપણે સૌ અભ્યાસ વર્ચ્યુઅલી થાય છે. નિયત સમયે પ્રોફેસર લાઈવ ક્લાસ ચલાવે છે.

A news- Thanks to Divyabhaskar

કોરોના છે મહામારી…

એક વાત કહુંછું શયાણી

સાંભળજો…

કોરોના છે એક જટીલ મહામારી

ઘૂઘવતો  એ   ભયનો  દરિયો

સમજે, જગે એ જ છે બળિયો

રે જાણજો…

ના અડકો તો વાત જ એની અધૂરી…કોરોના..

કાળમુખી દાટીની ખ્યાતિ

ના  નડે   સરહદ કે જાતિ

રે ચેતજો…

ઘર; એ જ સુરક્ષિત  ઉપકારી…કોરોના..

દિન કઠણ છે તાળાબંધી

ટળે સંક્રમણ બચે સંબંધી

રે સહયોગે…

તૂટે કડી; એ વાત જ હિતકારી…કોરોના..

પીટે ઢોલ ચિકિત્સક્‍  ને  સરકાર

અભિષાપ  છે  વાયરસ  દરબાર

ધન્ય! તમે છો સેવા રક્ષક

હસી નમસ્તે કહી; ટાળો આ મજબૂરી

હારસે કોરોના, જીતજો બાજી આ ભારી..

વાત જ આ હિતકારી…

જાણજો કોરોના છે મહામારી.

રમેશ પટેલ(આકાશદીપ)

Read Full Post »

વિશ્વના 192 દેશ કોરોના વાઇરસની ઝપટમાં છે. અત્યાર સુધીમાં 3,53,403 કેસ નોંધાયા છે. 15,418 લોકોનાં મોત થયાં છે અને 1,00,616 લોકો સાજા થયા છે. દર્દીઓ સાજા થવાના દરમાં 50 દિવસમાં મોટા ઉતાર-ચઢાવ આવ્યા. 2 ફેબ્રુઆરીએ સાજા થવાનો દર 58.20% હતો, જે 8 માર્ચે સૌથી વધુ 94.21% થઇ ગયો જ્યારે 22 માર્ચે 87.07% રહ્યો. અત્યાર સુધીમાં 87% દર્દીઓ સાજા થઇ ચૂક્યા છે. ચીનમાં 81,093 કેસ સામે આવી ચૂક્યા છે. તેમાંથી 72,703 (90%) સાજા થયા છે. સૌથી વધુ મોતવાળા દેશ ઇટાલીમાં 12% દર્દી સાજા થયા છે જ્યારે ત્રીજા સૌથી વધુ અસરગ્રસ્ત દેશ અમેરિકામાં એક ટકા પણ સાજા નથી થયા. ભારતમાં 6% સાજા થયા છે

ઇટાલી: 18 ડૉક્ટરનાં મોત થયાં, 4800 આરોગ્યકર્મી ચેપગ્રસ્ત
ઇટાલીમાં કોરોનાના દર્દીઓની સારવાર કરનારા 18 ડૉક્ટરનાં મોત થયાં છે. તેમાંથી 15 લૉમ્બાર્ડીના છે. દેશમાં 4800થી વધુ આરોગ્યકર્મી ચેપગ્રસ્ત છે. સરેરાશ દર 10 ચેપગ્રસ્ત પૈકી 1 આરોગ્યકર્મી છે.

સ્પેન: 24 કલાકમાં અહીં સૌથી વધુ 434 મોત, કટોકટી લંબાવાઈ
સ્પેન કોરોનાગ્રસ્ત દેશોમાં ચોથા સ્થાને છે. અહીં અત્યાર સુધીમાં 33,089 કેસ નોંધાયા છે અને 2,182 મોત થયાં છે. 24 કલાકમાં સૌથી વધુ 434 મોત અહીં થયાં છે. સરકારે કટોકટી 1 એપ્રિલ સુધી લંબાવી છે.

અમેરિકા: 1.1 કરોડ ઘૂસણખોરો તપાસના દાયરામાં, 1 સાંસદ પણ ચેપગ્રસ્ત
અમેરિકામાં અત્યાર સુધીમાં 35,070 કેસ નોંધાયા છે. 458 લોકોનાં મોત થઇ ચૂક્યાં છે. સોમવારે 39 મોત થયાં. અમેરિકામાં કેન્ટુકીના સાંસદ રેન્ડ પૉલ ચેપગ્રસ્ત થયા છે. સરકારે કહ્યું કે દેશના તમામ 1.1 કરોડ ગેરકાયદે વસાહતી તપાસના દાયરામાં રહેશે.

બ્રિટન: સૈન્ય તહેનાત, નબળું આરોગ્ય હોય તેમને ક્વોરેન્ટાઇનનો આદેશ
બ્રિટનમાં અત્યાર સુધીમાં 5,683 કેસ નોંધાયા છે. 281 મોત થયાં છે. બકિંગહામ પેલેસમાં 1 કર્મચારી ચેપગ્રસ્ત થયા બાદ ક્વીન એલિઝાબેથ (દ્વિતીય) વિન્ડસર પેલેસમાં જતા રહ્યા છે. દેશમાં મેડિકલ સહાય માટે સૈન્ય તહેનાત કરાયું છે. નબળું સ્વાસ્થ્ય ધરાવતા લોકોને 12 અઠવાડિયા ક્વોરેન્ટાઇનમાં રહેવા જણાવાયું છે.

Thamks- A news(Divyabhaskar)

છે કોરોના તું મહામારીનું નામ- રમેશ પટેલ(આકાશદીપ)

 

ધ્રુજાવે વિશ્વને તારા રે વર્તમાન

છે કોરોના તું મહામારીનું નામ

 

વાયરસ રોષે ધમરોળે નગર ને ગામ

દિન દસમાએ દે જ ફૂંફાડો યમધામ

 

થાય ઉધરસ ને  તાવે  જો તપતા

થાજો સાવધ ચિકત્સાલયો વદતા

 

ના અડકવું એ સલામતીનો સાચો રસ્તો

ધોજો  હાથ  ભલા વ્હાલે  કરીને નમસ્તે 

 

ગામ ગલીની; ઉદાસી ભય થાજો રે નષ્ટ

તાળાબંધી ને સૂરજ કાપશે જગના રે કષ્ટ

 

રમેશ પટેલ(આકાશદીપ)

Read Full Post »

March 8…

આંતર રાષ્ટ્રીય મહિલા દિવસ..૮ મી માર્ચ…૧૯૭૫માં સંયુક્ત રાષ્ટ્રસંઘે માન્યતા આપી. શિક્ષણથી, કુરીવાજો ,ભૄણ હત્યા સામે જાગૃતતા લાવવા, નારી સન્માન માટે લોક જાગૃતિ અભિયાન થકી,નવ ચેતના જગવવી, એ જગ કલ્યાણી છે..એ ભાવ સાથે ચાલો ઉજવીએ… મહિલા દિન.

ધન્ય! નારી તું નારાયણી…

 

ધૈર્ય શૌર્યની ધરી જ શાણી

જીવન રથની ભલી કહાણી

મહિલા દિન‘  રટે  જ ઉત્કર્ષ કહાણી

ધન્ય! નારી તું નારાયણી

 

 

ખૂબ  દુભવી ગત સંસારે

છાયી શક્તિથી હર દ્વારે

પરિશ્રમે અડગ  અભિયાન કહાણી

ધન્ય! નારી તું નારાયણી

 

ના જ બાપડી, ગાય- મૃગલી

તું લડે સવાઈ ઝાંસી  નવલી

સંગીત નૃત્ય કલા કહે સંઘર્ષ કહાણી

ધન્ય! નારી તું નારાયણી

 

સ્નેહ કુનેહ કરૂણાની  કૃતિ

ખંત ;જોમ ત્યાગની તું મૂર્તિ 

નારી શક્તિ સન્માન ગૌરવ કહાણી

ધન્ય! નારી તું નારાયણી

 

ખેલ ખેત સૈન્ય વિજ્ઞાન ઉત્કર્ષ કહાણી

નારી હૃદય મીઠડું ગાણું જગ કલ્યાણી

ધન્ય! નારી તું નારાયણી

રટશું નિત્ય ગૌરવ કહાણી(૨)

 

રમેશ પટેલ(આકાશદીપ)

Read Full Post »

ભારતના 71 મા પ્રજાસત્તાક દિન નિમિત્તે ખૂબ ખૂબ શુભેચ્‍છાઓ ……સંકલન-રમેશ પટેલ(આકાશદીપ)

જયહિન્દ! જય તારો…….રમેશ પટેલ(આકાશદીપ)

આજ થનગને જોમ અમારું

સ્વાધિનતાનો નારો

ગર્વ  ધરીને  ફરક ત્રિરંગા

જયહિન્દ! જય તારો

 

શૌર્ય અમનને રંગ ધરાના

અંગ  ત્રિરંગી  શોભા

ચક્ર  પ્રગતિનું  દે  સંદેશા

નિત ખીલશે રે આભા

 

કિલ્લા લાલે ઝીલ સલામી

કોટિ  હસ્ત  રણભેરી

સાગર, ડુંગર વ્યોમ સવારી

શિર  સાટે બલિહારી

 

રાહ અમનની ચીંધે ગાંધી

યુગયુગની કલ્યાણી

રિપુ થયા તો ઊઠે આંધી

દેશદાઝની    વાણી

 

વતન તણી  હૈયે જ ખુમારી

ઋણ  ચૂકવશું ધરાના

મા  ભારતના  ભવ્ય લલાટે

ધરશું યશ અજવાળા(૨)

……………………

ઝૂમે વ્યોમે ત્રિરંગો……રમેશ પટેલ(આકાશદીપ)

છંદ-સ્ત્રગ્ધરા

સંગ્રામે  મુક્તતાના, અમર  યશધરી, ભેટ દીધી  સુભાગી

ઝૂમે  વ્યોમે  ત્રિરંગો, ફરફર ફરકી,  ધન્ય  મા ભારતી  તું

પ્રજાસત્ત્તાક  ભોમે,  સુરભિત  કુસુમે,  વાયરા  હેત  ઢોળે

ઝીલી તોપો સલામી, દ્ર્ઢ જન ઉરમાં , ગૌરવી શોભતી તું

ઝૂમે ખેતો  જ  ધાન્યે, વનવન લહરે, ગાય ગીતો સરીતા

ભંડારા માત  ખોળે, સુધન વતન  આ, શોભતો દેશ શાખે

ઊડે  કેવા  વિહંગો, હરખ  સભર  હો, શાંતિ  સંદેશ  દેતા

આઝાદીના ઉમંગો, નવલ ક્ષિતિજમાં, ભાવિના ભેખ ભાખે

શિક્ષા પામી યુવાનો, હરણ ચરણથી, ઝીલતા જ્ઞાન આભા

ખૂલે સીમા અનંતા, પર હિત સુખમાં, રાચવું  એજ  નારો

સેનાની  કોટિ હાથે, નભ  જલધિ  તટે, સંકટો જાય આઘા

ઉત્ત્સવો એજ પૂંજી, શિલ અમન તણા, ભાવના ભાતૃચારો

દે  જે  તું જોમ ધૈર્ય, જય જય કરવા, શાન તારી ત્રિરંગા

વંદીએ  જન્મભોમા, પુલકિત મનડે, માવડી  ઓળઘોળા

રમેશ પટેલ(આકાશદીપ)

………………………

Read Full Post »

ભારત ભોમની ચેતના રામ.

સૂર્યવંશી ઇક્ષ્વાકુ કુલોત્પન્ન અજ રાજાના પુત્ર દશરથને કૌશલ્યાથી વિષ્ણુના અંશથી થયેલ પુત્ર રામ.

રામ’ શબ્દમાં ર, અ, મ – આ ત્રણ અક્ષરો છે. ‘ર’ એ અગ્નિનું બીજ છે. તે શુભ-અશુભ કર્મને બાળી નાખે  એ મંત્ર છે. ‘અ’ એ સૂર્યનું બીજ છે. તે મોહાંધકારનો નાશ કરે છે અને જ્ઞાનનો પ્રકાશ કરે છે. ‘મ’ એ ચંદ્રનું બીજ છે. તે ત્રિવિધ તાપ, આધિ, વ્યાધિ અને ઉપાધિને હરે છે. સર્વ પ્રકારના સંતાપને દૂર કરે છે. ‘ર’ કાર બ્રહ્મમય છે, ‘અ’ કાર વિષ્ણુમય છે. અને ‘મ’ કાર શિવમય છે. આ રીતે ‘રામનામ’ બ્રહ્મા, વિષ્ણુ અને મહેશનું સાક્ષાત સ્વરૂપ છે. ‘રામનામ’ એ ‘ઓમકાર’ સમાન છે. ઓમકાર જ બ્રહ્મા છે. ઓમકાર આત્મારૂપ છે. ઓમકારની ઉપાસના વ્રતધારી માટે સાક્ષાત્કારનું સાધન છે.

ફૈજાબાદની જિલ્લા અદાલતે 102 વર્ષ, અલ્લાહબાદ હાઈકોર્ટમાં 23 વર્ષ અને સુપ્રીમ કોર્ટમાં 9 વર્ષ સુધી કેસ ચાલ્યો.

૯ નવેંબર, ૨૦૧૯ …પાંચ ન્યાયાધિસની પીઠે , સર્વાનુમતે ચુકાદો આપ્યો.

જન્મભૂમિ રામની / સુપ્રીમનો નિર્ણય- વિવાદિત જમીન પર ટ્રસ્ટ દ્વારા રામ મંદિર બનાવાશે, મુસ્લિમોને મસ્જિદ માટે 5 એકર અન્ય જગ્યાએ વૈકલ્પિક જમીન અપાશે

સમાચાર…સાભાર
અજર અમર પદ દાતા રામ
ઢોલ  ધબૂક્યા અવધપૂરીએ ,પધાર્યા રઘુકુળે ચારો ચંદ
રાય  દશરથ  હરખ વધાવે, પ્રગટ  ભયો  કૌશલ્યા  નંદ
અંતર ચેતના  કરે આરતી, મંગલ સુમંગલ દીસે ચોદિશ
ધન્ય  ધરાતલ  પૂણ્ય ભૂમિ તું,
રામ થઈને આવ્યા  ઈશ
ગગન   ગોખે   ઘૂમતા    ગરુડે,
રમતા   સદા  તમે  અંતરિયાળ
ચૈત્ર સુદ નવમીએ  થયા રામજી,
તો જાણ્યા કે કેવા હોય ભગવાન!
ચૌદ  લોકના  નાથ    વિધાતા,
ઘૂમાવો વિશ્વ અવિરત દિનરાત!
થયા  શીશુ  રામ,પણ  ન ભૂલ્યા
માગ્યો  રમવા  બ્રહ્માંડનો  ચાંદ
ગુરુ વિશ્વામિત્ર સંગ વને ચાલ્યા,
હણ્યા  આતતાયી  એકલ  હાથ
રઘુકુળ  રીતિ  સદા    પ્રમાણી,
અજર  અમર  પદ  દાતા રામ
સ્વયંવરે કીધું શીવ ધનુષ્ય ભંગ,
માત જાનકીના  થયા   ભરથાર
ત્યજ્યું  રાજસુખ   જગત  કાજે,
અર્પ્યું સુખ રામ રાજ્યનું સંસાર
રાજધર્મ  રઘુકુળ વચન વ્યવહારે,
નગર  ત્યજી  ચાલ્યા   વનવાસ
કેવટ  અહલ્યા ને માત શબરીના,
ભાવે  ભીંજાયા  લક્ષમણ   ભ્રાત
ધનુર્ધારી  રઘુવીર  ધર્મ ધુરંધર,
હણ્યો  દશાનન   લંકા    ધામ
મંગલ  પર્વ  દીપાવલિ   હરખે,
જનજન  સ્મરે જય  સીતા રામ
રામ  નામમાં  સઘળાં   તીરથ,
ગાયે  વાલ્મિકી  રામનાં  ગાન
રામ   લખન  જાનકીના  નાથ,
પાજો  સદા પ્રેરક  અમૃત પાન
રમેશ પટેલ(આકાશદીપ)

Read Full Post »

૨૯ નવેમ્બર, ૨૦૧૮…”આકાશદીપ” બ્લોગની  મંગલ યાત્રા ૧૦-મા વર્ષમાં પ્રવેશ….રમેશ પટેલ

 

દશમા વર્ષમાં મંગલા અભિયાન ..હર્ષોલ્લાસની ઘડી છે, આપના પ્રતિભાવોના પ્રોત્સાહનના પુરસ્કાર બદલ, આજના મંગલ દિને, અંતરથી સહર્ષ આભાર માનું છું. દશમા વર્ષને વધામણી દેતાં, અંતરને છલકાવી દે એવો ઉમળકો  , 1207 blog-posts વિશ્વ ફલકમાં ,  ૨, ૪૦, ૨૫૦ ક્લીક દ્વારા, નેટ- જગતે ‘ આકાશદીપ’ને આપ્યો છે…આપના આ  પુરસ્કાર બદલ, , અંતરથી સહર્ષ આભાર

 

श्री गणेशाय नमः।

 

શ્રી ગણેશ પ્રાર્થી રટી, શુભારંભું કાર્ય સદા
આરાધીએ મંગલમય દેવ વિઘ્નહર્તા મહા

દ્વારે  સ્વસ્તિક  દર્શને,  હરખે  સમરું  સદા
ઉપાસના અર્ચના,અંતરથી ધરી નમું યથા

ઉરે ધરું  વિનાયક  ગજાનનની મંગલ કથા
રાખી નિર્મળ બુધ્ધિ,સુખ સમૃધ્ધિ  વરીએ સદા

————————————————–

મધુરી યાત્રાની યાદો કોને માણવી ના ગમે?…………….

આજે ૨૯ નવેમ્બર- ૨૦૦૯ ના શુભ દિવસે મારો આ બ્લોગ શરુ કરતાં હું આનંદની લાગણી અનુભવુ છું. ડલાસથી અત્રે પધારેલા શ્રી સુરેશ ભાઈ જાની મારી સાથે હાજર છે.

……….

(પ્રતિભા પરિચય by શ્રી સુરેશ જાની)

http://sureshbjani.wordpress.com/2008/07/23/ramesh_patel/

……………

આદરણીય સાહિત્ય વિદુષી અને તજજ્ઞ પ્રજ્ઞાબેન વ્યાસનો ‘આકાશદીપ’ ના આંગણે પધારી,આપેલા  ભાવભર્યા  પ્રતિભાવની ખુશહાલી લઈને   હજુય   ફરું છું …

‘તમે  તો  તમારા  કાવ્યો   દ્વારા  પરિચિત   લાગોછો  અને  શ્રીબરકત  વિરાણીની  આ  પંક્તિઓથી  મીઠડો   આવકારો  દૈ   દીધો…

સુણુંછું  મારી  વાતો  તો  મને  એ  થાય  છે  અચરજ
કે   મારાથી   વધારે   શું  મને  લોકો   પિછાણે   છે? 

Dilip Gajjar

આત્મિય શ્રી રમેશભાઇ,
માસાનાં માર્ગષીર્શોહમ કહેનાર, શ્રીમદ ભગવદગીતા જયન્તિના શુભ દિનથી આરંભ થયેલ આપનો આ બ્લોગદીપ, જ્ઞાન કર્મ અને ભક્તિના જીવનપથ પર સહુ માનવને સાન્સ્કૃતીક સાહિત્યીક અને આધ્યાત્મિક પ્રેરણા સહુ મનવમાત્રને દેતો રહે તેજ ઈશ્વરચરણમાં અભ્યર્થના.

ફેલાવતો અજવાશને આકાશદીપ સદા રહે
સંહારતો કાળાશને આકાશદીપ સદા રહે
કાવ્યોના લઈને કોડિયા જીવનના દિવ્ય વૃક્ષ પર
સદભાવને વિસ્તારતો આકાશદીપ સદા રહે

યત્ર ભવતિ વિશ્વમએકમ નીડમ તેવા
ઈન્ટરનેટના બ્લોગવિશ્વમાં પર આપનું અંતઃકરણથી સ્વાગત હો

……………………

શ્રી રમેશભાઈ,

૨૩જૂલાઈ ૨૦૦૮ ના ગુજરાતી’ સારસ્વત પરિચય’ માં, આપનો Bio-Data વાંચ્યો. આશ્ચર્યની વાત તો એ છે કે બ્લોગ્સ પર મને ગમતા મોટાભાગના રચનાકાર એંજીનીઅર્સ છે!!
મેં ૧૯૬૧ મા વડોદરાની M.S.University માંથી સિવિલ એંજીનીઅરીંગમા બી.ઈ. કર્યું. પણ ગુજરાતીમા લખવાનું જુલાઈ ૨૦૧૦ થી ચાલુ કર્યું !!!

આપની ઘણી બધી કવિતાઓ મેં વાંચી. આપના ઉપનામ ‘આકાશ દીપ” ને આપ સાર્થક કરો છો. ક્યાંક સૂર્ય જેવી ઉષ્મા તો ક્યાંક ચંદ્ર જેવી શિતળતા જોવા મળે છે. ક્યાં ધ્રુવતારા જેવું દિશાસુચન તો ક્યાં શુક્ર જેવી તેજસ્વીતા જોવા મળે છે.

આપને મારા ખૂબ ખૂબ અભિનંદન.

-પી.કે.દાવડા

…………..

Kishor

આદરણીયશ્રી.રમેશભાઈ

આપ દ્વારા રચિત રંગીલા પતંગિયાની મુલાકાત અમે લીધી. આપે કુદરતના કરિશ્માનું આબેહુબ વર્ણન કરેલ છે, જે આપની કલમ માટે કુદરતી બક્ષિસ છે, સામાન્ય કવિઓ આવું કાવ્ય દ્વારા લખી જ ન શકે, કુદરતની આવી મહેર આપ પર હંમેશા રહે અને અમારા પર આવી જ રંગબેરંગી લાગણીનો વરસાદ વરસાવતા રહેશો અમને તમારા બ્લોગની મુલાકાત લેવાનું ખુબજ ગમે છે.

Dr. Kishorbhai M. Patel

Honoured by President of India for Best Teacher

પંચમ શુક્લ

મેળો અને અની અભિપ્સાનું ચાક્ષુષ વર્ણન. લય હિલ્લોળ અને ઉમંગ ધ્યાન ખેંચે એવા છે.

…………

Rupen patel

આપના બ્લોગને ગુજરાતી બ્લોગ્પીડિયા બ્લોગ એગ્રીગેટર સાથે જોડેલ છે

મુલાકાત લેશોhttp://rupen007.feedcluster.com/

………..

puthakkar

નિવૃત્ત એક્ઝીક્યુટીવ એન્જીનીયર અને શબ્દોના સાથી ‘‘આકાશદીપ ’’ ને બ્લોગ બદલ અભિનંદન. બ્લોગના માધ્યમથી સાહિત્યની મૈત્રી ગાઢ બને અને પરદેશમાં રહીને માતૃભાષા અને માતૃભૂમિ સાથે સતત અને જીવંત સંપર્ક બની રહે એ જ શુભેચ્છા.

…………………………..

   એક વાર ફરીથી બ્લોગર મિત્રોનો આભાર માની લઉં, કે  જેમણે મારી કવિતાઓને, મારા આ બ્લોગની શરુઆત કરતા પહેલાં પણ તેમના બ્લોગ પર વધાવીને પ્રોત્સાહન આપેલ છે.

કવિલોક..ડોશ્રી દિલીપભાઈ, કાવ્યસૂર..શ્રી સુરેશભાઈ જાની, મનનો વિશ્વાસ…ડો.શ્રી હિતેશભાઈ

શબ્દ સાગરને કિનારે…શ્રી રાજીવ ગોહેલ, મેઘધનુષ..સુશ્રી નીલાબેન કડકીઆ,

રીડ ગુજરાતી..શ્રી મૃગેશભાઈ શાહ, ટહુકો..જયશ્રી બેન ભક્તા, સબરસ…શ્રી અશોકભાઈ કૈલા

ગુજરાતી..શ્રી ભરતભાઈ સૂચક,વિણેલાં મોતી…શ્રીમાનવ,બીનાબેનનો બ્લોગ

લેસ્ટર ગુર્જરી..શ્રી દિલીપભાઈ ગજ્જર,  ભજનામૃત..શ્રી અતુલ જાની અને ગુજરાતી કવિતાઓ..શ્રી સચાણીઆ,

‘આકાશદીપ‘ બ્લોગને પોતિકો ગણી, સદાય હરખ વેરતા,આત્મિય સાહિત્ય રસિક મિત્રો એવા …..’વિનોદ વિહાર’– આ. વિનોદભાઈ પટેલ, શ્રી ગોવિંદભાઈ પટેલ( સ્વપ્ન), ‘નિરવ રવે’- આ. પ્રજ્ઞાબેન વ્યાસ, બે- એરીયા ‘બેઠક’…સુશ્રી પ્રજ્ઞાબેનદાદભાવાળા, અનિલાબેન પટેલ, સુશ્રી સરયુબેન પરીખ, સુશ્રી નીલમબેન દોશી, સાહિત્યવિદ શ્રી જુગલકીશોર વ્યાસ, દાવડાનું આંગણુઁ- આ. પી.કે. દાવડા સાહેબ, શ્રી શરદશાહ,  સાહિત્યકાર પ્રો.શ્રી વલિભાઈ મુસા, શ્રી મહેંદ્રભાઈ ઠક્કર, રેડીઓ દિલ(એડીસન-અમેરિકા) – શ્રી કૌશિકભાઈ અમીન, શ્રી વિજયભાઈ ઠક્કર, શ્રી ચીમનભાઈ પટેલ (ચમન),આ. શ્રી પ્રવીણભાઈ શાસ્ત્રી, તથા બીજા મિત્રોના બ્લોગ રતચૂકથી રહીગયા હોય તો એ સર્વ મિત્રોનું ઋણ સ્વીકારી આભાર માનું છું.

 

……………

lokarpan- Dr Kantibhai likhiya(upakulapati- Gandhinagara)

ભારતીય મનોજગતનો પ્રતિઘોષના આવકાર સાથે ..ડૉ.બળવંતભાઈ જાની સાહેબે વધામણી દીધી

 

કવિ રમેશ પટેલ(આકાશદીપ)ના અભિવાદન પ્રસંગે(આણંદ)…, શ્રી ભીખુભાઈ પટેલ(અધ્યક્ષ CVM-         વિદ્યાનગર), શ્રી કાંતિભાઈ લિખિયા(ઉપકુલપતિ,                                                       Gandhinagar

 

આ યાત્રામાં , ડાયસ્પોરા સાહિત્યની, ગ્રીડ્ઝ ગ્રંથશ્રેણી દ્વારા – ૧૫) ઉરે ખીલ્યું ઉપવન અને ૧૬) મનોભૂમિને મેળે, બે કાવ્ય-સંગ્રહોની, પ્રથમ આવૃત્તિ પ્રકાશન પામી.  ‘આકાશદીપ’ બ્લોગની ૩૦૬ રચનાઓને- ભારતીય મનોજગતનો પ્રતિઘોષના આવકાર સાથે ..ડૉ.બળવંતભાઈ જાની સાહેબે વધામણી દીધી. આણંદ , વતન ચરોતરના આંગણે, ચારુતર વિદ્યામંડળના અધ્યક્ષશ્રી ભીખુભાઈ પટેલને સાહિત્યક્ષેત્રના મેઘાવી સાક્ષરોના આશિષથી સાચે જ ધન્યતા અનુભવી.

https://www.youtube.com/channel/UCAS6_QLJ0z9pe2wm2ZcMJeg

pl.click to visit

……………

બે એરીયાની ‘બેઠક’ દ્વારા.. આ. સારસ્વતશ્રી ડો.પ્રતાપભાઈ પંડ્યા સાહેબ, સુશ્રી પ્રજ્ઞાબેન દાદભાવાળાને શ્રી પી.કે. દાવડા સાહેબ, પ્રખર ભાષા શાસ્ત્રી શ્રી બાબુભાઈ સુથાર, સુશ્રી કલ્પનાબેન રઘુ ને સુશ્રી જયશ્રીબેન મરચંટના સૌજન્યથી,  સાહિત્યકાર શ્રી રઘુવીરભાઈ ચૌધરીને, જ્ઞાનપીઠ પુરસ્કારના સન્માનના અભિવાદન કરવાના સ્વાગત ટાણે, એક અલગ  સાહિત્ય રસિક વૃંદ ગોષ્ઠિ સમારોહમાં,  મારો  કાવ્યસંગ્રહ તેમને અર્પણ થયો. અમને ફોન પર તેમની સાથે વાર્તાલાપ કરવાનો અણમોલ લ્હાવો મળ્યો. એની મધુરપળો.

એનેહામ(કેલિફોર્નિઆ)ના આંગણે પધારેલ  ‘ચલો ગુજરાત’ ના આમંત્રિત  – કવિશ્રી મુકેશભાઈ જોશી ને અનિલભાઈ ચાવડા સાથે સ્નેહમિલન.

 

…….

નિ.આચાર્યશ્રી એન. એચ. પટેલ, ડો.જયેંદ્ર શેખડીવાળા,ગ્રીડ્ઝ નિયામકશ્રી ડૉ.બળવંતભાઈ જાની, કવિશ્રી ‘આકાશદીપ’ કલાગુરુ શ્રી કનુભાઈ પટેલ( વિદ્યાનગર), રી.ચીફ ઈજનેરશ્રી -જીઈબી એસ.ડી.દોશી, શ્રી ડી.સી.સોલંકી…લોકાર્પણ વિધી ચરોતર આણંદના આંગણે–કાવ્યસંગ્રહ..ઉરે ખીલ્યું ઉપવન, મનોભૂમિને મેળે

://

વિશ્વે વતનના ઉમંગમાં સહભાગી બનીએ… http://leicestergurjari.wordpress.com/2012/01/25/તારી-શાન-ત્રિરંગા-શ્રી-રમ/શ્રી રમેશભાઈ સાદર નમસ્કાર, આપનું આ રાષ્ટ્રભક્તિનું ગીત

proud of our nation…

અંતરનો ઉજાશ ફેલાવવા, આપ ભાવનાના સીંચન કરતા રહેશો એવી અભિલાષા.

આપ સૌના સ્નેહ સંભારણા માટે અંતરથી આભાર….પધારતા રહેજો..વધાવતા રહેજો.

રમેશ પટેલ(આકાશદીપ)

Read Full Post »

‘સાધુ બેટ’ ...૧૮૨ મીટર  ઊંચી સરદાર વલ્લભભાઈની પ્રતિમા…31 October ,2018

સરદાર એટલે સરદાર..રાષ્ટ્રપિતા ગાંધીજીની આઝાદીની ચળવળના અડગ સાથી. ગુજરાતની ચરોતર ભૂમિ કરમસદ  એ તેમનું વતન. મોસાળ નડિયાદમાં  તેમનો જન્મ..૩૧ ઑક્ટોબર, ૧૮૭૫માં થયેલ.પિતા ઝવેરભાઈ ને માતા લાડબાનું આ ચોથું સંતાન એટલે આ વલ્લભભાઈ. પહેલા..સોમાભાઈ, નરસિંહભાઈ, વિઠ્ઠલભાઈ, વલ્લભભાઈ, કાશીભાઈ ને નાની બહેન દહીબા. લંડનથી બેરિસ્ટર બની  આવેલા આ દેશપ્રેમી સપૂત ધીકતી વકીલાત છોડી, ગાંધીજી સાથે  જોડાયા. આ જુવાન, એટલે બુલંદ વ્યક્તિત્ત્વ, ને લઈ લીધી આગેવાની ખેડૂત સત્યાગ્રહની.. ખેડા સત્યાગ્રહ થી બોરસદ થઈ બારડોલી ગામના ખેડૂતોને સંગઠિત કરી અંગ્રેજ સલ્તનતને પડકારી દીધી. અડગ મનોબળથી આઝાદી મળ્યા બાદ ૫૬૫ રજવાડાંને એક છત્રે લાવી ,અખંડ ભારતના શિલ્પી બની ગયા. તેમનાં પત્નિ ઝવેરબા ૧૯૦૯માં કેન્સરથી મૃત્યુ પામ્યા પછી,એકલે હાથે કુટુમ્બીજનો સાથે ,સંતાનો ડાહ્યાભાઈ ને મણીબેનને ,દેશ સેવા સાથે મોટા કર્યા. ભારતના પહેલા ગૃહમંત્રી , ઉપ પ્રધાનમંત્રી એવા નિખાલસ મુત્સદીએ ૧૫મી ડિસેમ્બરે , ૧૯૫૦માં વિદાય લીધી.

   આ જન્મદિને, પાવન નર્મદાના ‘સરદાર બંધ’ની નજીક ‘સાધુ બેટ’ પર સરદાર વલ્લભભાઈ પટેલનો   ..૧૮૨ મીટર  ઊંચી સરદાર વલ્લભભાઈની પ્રતિમા ‘  Statue of unity’   શ્રી નરેન્દ્રભાઈ મોદીના વરદ હસ્તે . આવો અખંડ ભારતના  આ સ્વપ્ન દ્રષ્ટાને વંદન સાથે વધાવીએ.

રમેશ પટેલ(આકાશદીપ) 

અડિખમ ઐક્ય પ્રતિક તું નરબંકો….રમેશ પટેલ(આકાશદીપ)  

તૂટ્યા  બંધનને ગુલામી  જ  ભાગી
 પડ્યા  ભાગલા   દેશ   બહુ જ દુખી
 અલગ  જ પાંચસો સાઠ આ રજવાળાં
 ભિન્ન     જ  ધર્મ  જાણે  સૂર સૌ નોંખા

 સ્વપ્ન  જ  ભવ્ય  રે ,વલ્લભ તમારું
 અખંડ ભારત   એ વિશ્વ અજવાળું
 કુશળ  વહીવટી   સ્વમાન   ને સોટી
 ધન્ય  ! મહા મુત્સદી  ઝીલી કસોટી

 દ્રષ્ટા  અમર  શિલ્પી   હો  વધાઈ
 વતનનું  વ્હાલ  એ  મૂડી  સવાઈ
 ગજગજ  ફૂલતી  છાતી  જ  છત્રી 
 નમું  અખંડ  મા  ભારત  ભવ્ય મૂર્તિ

  હર  ઉર   રંગ  ત્રિરંગ  નવલ જશ્ન
  ગુર્જર  લાલ   વીર ભારત   રત્ન
  યુગ  ગાંધી  તણો ઉજ્જવલ  ડંકો
  અડીખમ ઐક્ય પ્રતિક તું નરબંકો
 રમેશ પટેલ(આકાશદીપ)

Read Full Post »

Older Posts »