Feeds:
પોસ્ટો
ટિપ્પણીઓ

Archive for the ‘સમાચાર’ Category

ઈંડોનેસિયાથી ખૈબરઘાટ સુંધીની ભૂગર્ભ પ્લેટો, ખસવાથી ધરતીકંપોના આંચકા

 આવે જ જાય છે. સુનામી કે હિમાલયનાં શીખરો ગબડતાં રહે છે. આવી આપદાઓની સંવેદનાઓ 

આવી રીતે ઝીલાઈ ગઈ…શબ્દોમાં ઝબકી ગઈ. 

ઝેલ તું .. ખેલ તું— રમેશ પટેલ(આકાશદીપ)

 

જો ધ્રુજ્યો  હિમાલય લીલોછમ,

ને  વેરાય વાટે એવરેસ્ટ શિખર

શબ્દ ધરાશાયી ને ખંડહર દે ખબર…

ભર્યા છે ઉકળાટ જ અંદર..ઝેલ તું.

 

કેમ કહેવું કે..આ કાળની થપાટ છે!

અશ્રુની રેલી વદેઆવી પડે  એ રડે

અવરને શું ખબર પડેકે શું વીતે!..ઝેલ તું

 

 

વિજ્ઞાન ખોલે ભેદ ઊંડો,

ખસે છે તારી ભૂગર્ભ પ્લેટો

છે જ નિરાધાર તું….ક્યાં જવાનો?

ઉભરાટ છે ધરતીકંપનો..ઝેલ તું!

 

બચ્યો છે તોથા ઊભો હામથી

અડચણો સામે વહેવા સરિતા બની

મળતો જશે સાથ સાગર થવા તને

કાળ નથી શીખ્યો  થોભવાનું..ઝેલ તું

 

જાળવી લે , થઈ  ધીર  જો આ  ક્ષણો

ખંડહારોય ટહુકશે..ભૂલી બધું

જશે શમી તાંડવો હસી ખંધુ

ખેલ તું..ખેલ તું.. ખેલ તું

રમેશ પટેલ(આકાશદીપ)

Advertisements

Read Full Post »

કવિતા એટલે જન હૈયાની સરવાણી…જેને ઝીલતાં  ખજાનો હાથવગો થઈ જાય..કવિતાને આજે બારણે બોલાવી વધાવીએ… 

 

વિશ્વ કવિતા દિન….રમેશ પટેલ(આકાશદીપ)

બારણે આવી કવિતા બોલી

લહેરે દરિયા દરિયા દિલે

કેમ તારું ઉર કંઈ ના ઝીલે?

 

આજ ક્યાં છે પૂનમની રાતું

છોડને ઘાયલ ગોઠે ના વાતું

 

વાત માંડે નયનો નચવી કોઈ

ડુંગરા ખૂલે દૂર ટહુકા દઈ

કેમ તારી આજ છલકે ના ઝોળી?

 

વાટ જોઉં છું દે વસંત તેડાં

ફૂટી ક્યાં છે કૂંપળો ડાળી ડાળી

 

મસ્ત પારેવાં ભીંજવે પાંખણ

છૂટતી સોઢમ અવની આંગણ

હાલને ભમીએ  ગાતાં સાજન

 

પાગલ થઈ પડ પ્રેમમાં પ્યારા

નાખશે અંતરે   વસંત ડેરા

ઉમટશે વગાડી ઢોલ  નગારા

વાદળ દરિયા ડુંગર ને ધારા(૨)

રમેશ પટેલ(આકાશદીપ)

Read Full Post »

હોળી ગીત….

 ફાગણના વાસંતી વાયરે, કેસરિયા કેસૂડાના રંગે હૈયે ઉમંગ છલકે ને રેલાય જોબનના રંગો. ..ઢોલ ને નૃત્ય સંગ ઊડે ગુલાલ…

હોળીની શુભેચ્છાઓ.

રમેશ પટેલ(આકાશદીપ)

A News…Thanks to Guj. Samachar

 

મહાગુજરાત પંચાગ પરિષદના અધ્યક્ષે જણાવ્યું હતું કે, ‘હોળીના પ્રાગટય બાદ પવનની દિશા પૂર્વથી ઉત્તર તરફ ગઇ હતી અને તે ઇશાન ખુણામાં જોવા મળી હતી. જેના કારણે સમગ્ર વર્ષ પ્રજા માટે અત્યંત સુખાકારી બની રહેશે. આ વર્ષે ખેતીલાયક વરસાદ પણ થશે અને લોકોને સુખ-શાંતિની પ્રાપ્તિ થશે. બીજી તરફ અન્ય એક જ્યોતિષીના મતે વાયુ પૂર્વનો હોવાથી આ વર્ષે ચોમાસામાં ક્યાંક અતિવૃષ્ટિ તો ક્યાંક અનાવૃષ્ટિ પણ થઇ શકે છે. આ ઉપરાંત મગ, લીલો ઘાસચારો જેવી લીલી વસ્તુઓની કિંમતમાં વધારો થઇ શકે છે. આ ઉપરાંત જ્વાળા ચારેય દિશામાં ફરવા લાગી હતી. જેના કારણે અકલ્પનીય રાજકીય ઘટનાક્રમ જોવા મળી શકે છે અને જન આંદોલન પણ થાય તેવી સંભાવના છે.

Image result for રંગીલી હોળી

(Thanks to webjagat for this picture)

આજ આવી છે રંગીલી હોળી….રમેશ પટેલ(આકાશદીપ)

મઢી કેસૂડે કેસરિયાળી ક્યારી

રંગમાં  રમે  ઋતુ રઢિયાળી

ખીલી છે મંજરી
વાગે છે બંસરી
ઘેલુડી ગોપી ને ઘેલો છૈયો
ફાગણનો વાયરો જ સૈયો

કુદરતનો વૈભવ
હૈયામાં  શૈશવ
મસ્તીના ઉમંગમાં જાત ઝબોળી
આજ આવી છે રંગીલી હોળી

વાગ્યા આ ઢોલ ને ઝૂમતા પાદર
ગુલાલી ગીત
મનડાના મીત
વસંતના વાયરે વેરઝેર છોડી
આજ આવી છે રંગીલી હોળી

ફૂટતી મધુવાણી તીલક તાણી

હૈયે હરિયાળી
ભરી પીચકારી
કયા તે રંગમાં રંગાશો ગોરી
આજ આવી છે રંગીલી હોળી

………………….

 સહિયર મોરી ..ઊડાડો રે ગુલાલ….રમેશ પટેલ(આકાશદીપ)

  

અવનિ અંબર દીસે ખુશહાલ

સહિયર મોરી ..ઊડાડો રે ગુલાલ

 

હોળીનો રંગ  લાલ

મીઠી  છેડછાડ

શીતલ વાસંતી વાયરાના વ્હાલ

સહિયર મોરી ..ઊડાડો રે ગુલાલ

 

કેસૂડાના  કામણ

ઝીલે કાયાના દામન

રંગું રંગાવું કોઈના રંગમાં રે લાલ

સહિયર મોરી ..ઊડાડો રે ગુલાલ

 

મસ્ત મસ્ત છે મંજરી

સૂણે રાધા  રે બંસરી

હૈયાના સાદે કુદરતે છેડ્યા રે સાજ

સહિયર મોરી ..ઊડાડો રે ગુલાલ

 

મીઠો મેળે મલકાટ

ઢોલે ધબકે રે લાડ

સ્નેહના સરવૈયે ઝૂમજો  સંગાથ

સહિયર મોરી ..ઊડાડો રે ગુલાલ

 

ભેરૂ ભેટતા ઠેરઠેર

શમશે     વેરઝેર

રણકે ભીંના સંગીત નવોઢાને ગાલ

સહિયર મોરી ..ઊડાડો રે ગુલાલ

………………

  ના   રંગોતો  શ્યામજીના   સમ…રમેશ પટેલ(આકાશદીપ)

ઓલો ખીલ્યો છે કેસૂડો બે કદમ

ના   રંગોતો  શ્યામજીના   સમ

કે હોળી મારે ખેલવી  છે

લઈ ઉમંગની રે ઝોળી

આવી ફાગણિયા ટોળી

ના વગાડો જો ઢોલ તો શ્યામજીના સમ

કે હોળી મારે  ખેલવી  છે

શીરે  કેસરિયા છોગા

વ્હાલું કેડિયું ને પાવા

ના ઊડાડો જો ગુલાલ તો શ્યામજીના સમ

કે હોળી મારે  ખેલવી  છે

લીલા વગડાની વાટું

ધાણી ખજૂરની જાતું

ના નાચો જો સંગ તો શ્યામજીના સમ

કે હોળી મારે  ખેલવી  છે

શોભે   નવોઢાં    રૂપાળાં

જાણે પૂનમનાં અજવાળાં

ના ગીત ગાઓ જો  મધુરાં તો શ્યામજીના સમ

કે હોળી મારે  ખેલવી  છે

ઓલા આવજો પેલા આવજો

સામ  સામે   ભેરુ   આવજો

ના રંગો તો વાલમજી શ્યામજીના સમ

કે હોળી મારે  ખેલવી  છે

Read Full Post »

૨૧મી ફેબ્રુઆરી વિશ્વ માતૃભાષા દિન… માતૃભાષા દિન ગૌરવ

ધન્ય!  માતૃભાષા  ગુજરાતી...રમેશ પટેલ(આકાશદીપ)

 

જ્ઞાન સુધા, મમ માતૃભાષા

લાડકોડથી દે   સંદેશા

મઢે મમતાથી માત મલકાતી

ધન્ય!  માતૃભાષા  ગુજરાતી

 

વ્હાલી બારાખડી

સંસ્કાર સુખલડી

લાખ ઉપહારી માંગલ્યધાત્રી

ધન્ય!  માતૃભાષા  ગુજરાતી

 

છે હૈયાં  ડુંગરા

ભાવ   નીતરતા

ઘડતી હાલરડે લોકગીતે મલકાતી

ધન્ય!  માતૃભાષા  ગુજરાતી

 

સબરસ મીઠાં

ઉત્સવ ઝરણાં

વ્હાલે ધરતી વિપ્લવ સ્નેહ ખુમારી રાતી

ધન્ય!  માતૃભાષા  ગુજરાતી

 

કળશ છોગાળી

યશધર રુપાળી

વિશ્વે વંદી સાગર હૈયાંની ખ્યાતિ

ધન્ય!  માતૃભાષા  ગુજરાતી

………..

ધન્ય હો! માતૃભાષા તવ ગાણું…. રમેશ પટેલ(આકાશદીપ)

 

વાહ! પુણ્ય અમ સંસ્કૃતિ ઢોલી

માતૃભાષા તું  છે મીઠડી બોલી

 

ધન્ય! સંસ્કૃત્તિ વિશ્વે તવ ખ્યાતિ

ગુર્જર  ઉરને  ભાષા   ગુજરાતી

 

પારણીયે ઝીલ્યાં હાલરડાં મીઠાં

માત અધરે વહેતાં અમૃત દીઠાં

 

અન્યોન્ય ભાષા જ ઝીલી ઉમંગે

ઘૂઘવ્યા  સાત સમંદર તવ સંગે

 

આયખે  ઝૂમતી તું કલરવ ટોળી

નિત્ય રમતી ગીતે ભાવ ઝબોળી

  

છે  માતૃભાષા   ઉપવન  મધુરું

રે  મહામૂલું  તું   સૌરભ  કટોરું

  

જન્મ જન્મનું શ્રીમંતાઈ  દુલારું

ધન્ય હો! માતૃભાષા તવ ગાણું

……………….

Read Full Post »

કાશ્મિર સરહદને સળગતી રાખવી, દેશહિતને નુકશાન કરતાં તત્ત્વોને આતંકી ઓથે મદદ કરવી, ધર્મના નામે બાળમાનસને  જેહાદી અફીણ પાવાની નીતિ એ … પડોશી દેશની રાજરમત વર્ષોથી ચાલે છે. વાટાઘાટોની છેતરપીંડી કરી, ભારતની લોકશાહી

 શાસનને ઊઠાં ભણાવી રાખે છે. દેશમાં પક્ષાપક્ષીની 

રમત ,ભાવીનાં જોખમોને અણદેખ્યાં કરવાની રીતરસમ ઘાતક છે…એ દીવા જેવું સ્પષ્ટ છે…

એ નેતાઓ સમજે તો સારું.

A news…Gujarat Samachar

પાકિસ્તાન દ્વારા ગયા મહિને દરરોજ ગોળીબાર કરવામાં આવ્યો અને આ મહિને પણ તેની નફ્ફટાઇ ચાલુ જ રાખી છે. પાકિસ્તાને સરહદી ગામડાઓ અને ભારતીય સૈન્યની ચોકીઓને નિશાન બનાવી અંધાધુંધ ગોળીબાર કર્યો હતો. એલઓસી પાસે પૂંચ અને રાજૌરી જિલ્લામાં પાકિસ્તાને કરેલા આ તોપમારામાં ભારતના ચાર જવાનો શહીદ થઇ ગયા છે જ્યારે ત્રણ જવાન સહીત કુલ આઠ લોકો ઘવાયા હતા. સરહદી ગામડા અને ભારતીય ચોકીઓ એમ બન્નેને પાકિસ્તાન સૈન્યએ નીશાન બનાવ્યા હતા. જે ત્રણ જવાનો શહીદ થયા છે તેઓ પૂંચ સેક્ટરમાં તૈનાત હતા. જ્યારે આઠ ઘાયલોમાં ૧૫ વર્ષીય યુવતી શેહનાઝ બાનો અને ૧૪ વર્ષીય યાસીન આરીફનો સમાવેશ થાય છે. અહીં આવેલા ઇસ્લામાબાદ ગામમાં આ બન્ને સગીર વયના ઘવાયા હતા, અને તાત્કાલીક તેમને સારવાર માટે હોસ્પિટલ ખસેડવામાં આવ્યા હતા.

સજાવો શસ્ત્રો હવે…..રમેશ પટેલ(આકાશદીપ)…

 

ચેતો ફરે બૂરી નજર, વતનના અભિમાન પર

મા  ભોમ  દે હાકલ તને, સજાવો  શસ્ત્રો  હવે

 

સંહારની   લીલા   વડે ,  શત્રુ   રંજાડે   ધરા

યુધ્ધે  ભરો ડગ  સુભટો, સજાવો  શસ્ત્રો  હવે

 

ના સમજતો આતંક  આ,  સભ્યતાની  વાતડી

રણહાક   દઈ   શંખથી,   સજાવો   શસ્ત્રો   હવે

 

છે ખ્યાત જ ખુમારી જગે,  સતપથે  દે ગર્જના

સાગર તથા અંબર પટે,  સજાવો   શસ્ત્રો   હવે

 

કાયર નથી ગીતા વદે, નરપુંગવ  વિશ્વાનલ

અન્યાયને   પડકારવા,  સજાવો  શસ્ત્રો    હવે

 

છે  સાહસે   શૂરા  બંકા,  કસુંબલ   રંગો  ધરી

ફરફર ફરકવા શાનથી,  સજાવો  શસ્ત્રો  હવે

 

‘દીપજી નથી ગાથા મહા, શહીદી સમ યુધ્ધમાં

જયઘોષ  કરવા  માતનો, સજાવો   શસ્ત્રો  હવે

 

રમેશ પટેલ(આકાશદીપ)

Read Full Post »

ગુજરાતી ભાષાનો થોડોક ઈતિહાસ મમરાવીએ તો કેવું?

……………………………

અગિયારમી સદીમાં જૈન શાસ્ત્રો…’સિધ્ધહેમના દુહાઓ’ માં ગુજરાતી ભાષાનું બીજ કે ઘડતરની શરુઆત થઈ અને ૧૧૮૫-‘ભર્તેશ્વર બાહુબલી રાસ’માં સ્પષટ ગુજરાતી ભાષાનાં દર્શન થયાં.આ ભાષા-લિપિ અપભ્રંશ મિશ્રિત હતી.

તે ગુજરાતી ભાષાની પ્રથમ કૃતિ ગણાય છે.

       પંદરમી સદીમાં સંત નરસૈયાના પદોમાં શુધ્ધ ગુજરાતી અને ગુણોના પગરવ સંભળાયા અને તેથી સંત નરસિંહ મેહતા આપણા આદ્ય કવિ છે.

ગુજરાતી ભાષાને ‘ગુજરાતી’  એવું નામકરણ શ્રી પ્રેમાનંદ દ્વારા પ્રાપ્ત થયું અને ગુજરાતી ભાષાને સન્માન અપાવવા માટે તેમણે પાઘ નહીં પહેરવાની ટેક લીધી.

આજે ગુજરાતી સાહિત્યમાં તેમના આખ્યાનોમાં જે રસ વૈવિધ્ય છે તે માટે કહેવાય છે કે તેમના પેગડામાં પગ ઘાલે એવો વિરલો હજુ મળવાનો બાકી છે.

૧૮૫૦માં  એવાજ  ટેકધારી નર્મદ અને શ્રી દલપતરામ ,અર્વાચીન યુગમાં મળ્યા અને ગુજરાતી ભાષાન અર્વાચીન યુગનો પ્રારંભ થયો.વીર નર્મદે  ‘મંડળી મળવાથી થતા લાભ’  નો પ્રથમ નિબંધ આપણને આપ્યો.

એક મત પ્રમાણે ઋગવેદની વૈદિક ભાષા સૌથી પ્રાચીન છે પછી સંસ્કૃત અને અન્ય ભાષા દ્વારા વિશ્વની પ્રગતિ ને સંસ્કૃતિના મંડાણ થયા.

આપણી ગુજરાતી ભાષાનો ઈતિહાસ કહીએતો…

સુધારક યુગ-૧૮૫૦થી ૧૮૮૫

પંડિત યુગ-૧૮૮૫થી ૧૯૧૫

ગાંધી યુગ-૧૯૧૫થી ૧૯૫૦

અનુ ગાંધી યુગ-૧૯૫૦થી૧૯૭૫

આધુનિક યુગ-૧૯૭૫થી …અનુ આધુનિક યુગ…

  સંકલન…. આભાર..ગુજરાત સમાચાર(GS News)….  રમેશ પટેલ(આકાશદીપ)

………………….

નિરંજન ભગત
Niranjan Bhagat Gujarati writer (cropped).png

ફેબ્રુઆરી ૨૦૧૫માં ગુજરાતી લિટરેચર ફેસ્ટીવલ ખાતે
જન્મ ૧૮ એપ્રિલ ૧૯૨૬
અમદાવાદ, બોમ્બે પ્રેસિડેન્સી, બ્રિટિશ ભારત
મૃત્યુ ૧ ફેબ્રુઆરી ૨૦૧૮
અમદાવાદ
વ્યવસાય કવિ
નિબંધકાર
સાહિત્યકાર
સંપાદક
ભાષા ગુજરાતી, અંગ્રેજી
રાષ્ટ્રીયતા ભારતીય
નાગરિકતા ભારતીય
મુખ્ય રચના ગુજરાતી સાહિત્ય-પૂર્વાધ ઉત્તરાર્ધ
મુખ્ય પુરસ્કારો સાહિત્ય અકાદમી પુરસ્કાર[૧]

સહી

છંદોલય (૧૯૪૭) નાગરી ગુજરાતી લિપિમાં ગુજરાતી કવિતાનો નવો વળાંક સૂચવતો તથા માંજેલી ભાષાનો અને ચુસ્ત પદ્યબંધનો અનોખો આસ્વાદ આપતો કાવ્યસંગ્રહ છે. કિન્નરી (૧૯૫૦) ગીતસંગ્રહ છે. ‘રે આજ અષાઢ આયો’ કે ‘હરિવર મુજને હરી ગયો’ જેવી પ્રસિદ્ધ ગીતરચનાઓ આપતો આ સંચય પ્રણય-અજંપાની વિવિધ મુદ્રાઓ ને સ્થાયી ભાષાકલેવરો ધરતો જોવાય છે. અલ્પવિરામ (૧૯૫૪) મુંબઈનાં સ્થળ, કાળ અને પાત્રોની પચીસ કૃતિઓનો સંગ્રહ છે. વળી, ‘શ્વેત શ્વેત’ કે ‘દિન થાય અસ્ત’ જેવાં અપૂર્વ છાંદસ ગીતો પહેલીવાર અહીં નજરે ચડે છે. છંદોલય (સંવ. આવૃત્તિ, ૧૯૫૭) પૂર્વેના ત્રણે સંગ્રહોમાંથી ચૂંટેલાં કાવ્યો તથા ‘સંસ્કૃતિ’માં પ્રગટ થયેલાં અન્ય પ્રકીર્ણ કાવ્યોનો સંગ્રહ છે. ઉપરાંત, મુંબઈ વિશેનાં કાવ્યોનો ગુચ્છ ‘પ્રવાલદ્વીપ’ નામે અહીં અંતે આપ્યો છે. ‘પ્રવાલદ્વીપ’ કાવ્યજૂથ કવિના મુંબઈ મહાનગરમાં વસવાટ દરમિયાનના પ્રબળ સંસ્કારોનો અભિનવ કલ્પનોમાં વિસ્ફોટ છે. પ્રશિષ્ટ રેખાઓ વચ્ચે ગોઠવાયેલી આ આધુનિક વિષયસામગ્રી સંવેદનસભર છે. નગરકવિતાનું ગુજરાતી ભાષામાં પ્રગટેલું આ સૌન્દર્ય નવું છે. ૩૩ કાવ્યો (૧૯૫૮)માં મુંબઈના અનુભવોના વળગાડમાંથી કવિ આગળ વધે છે અને મનુષ્ય-મનુષ્ય વચ્ચેના સંબંધના પ્રદેશ તરફ વળે છે. અહીં મનુષ્યસંબંધ અંગેની શંકા અને શ્રદ્ધાની વૈકલ્પિક અનુભૂતિઓની તાણ જોવાય છે; તેમ છતાં લંબાયેલા હાથથી શરૂ થઈ, પ્રિયાસ્પર્શથી અમૃતભર્યા હાથ સુધીના યાત્રામાં શ્રદ્ધાનો અવાજ જ સર્વોપરિ રહે છે.

પુરસ્કાર…..

Read Full Post »

ચાંદલિયો….૩૧ જાન્યુઆરી, ૨૦૧૮.નીરખજો SUPER MOON

 વિક્રમ સંવત ૨૦૭૪નું સૌપ્રથમ ચંદ્રગ્રહણ આવતીકાલે-૩૧ જાન્યુઆરીના છે.ગ્રહણ સ્પર્શ સાંજે ૫ઃ૧૭ના, ગ્રહણ સંમિલન સાંજે ૬ઃ૨૧ના, ગ્રહણ મધ્ય સાંજે ૬ઃ૫૯ના ગ્રહણ ઉન્મિલન સાંજે ૭ઃ૩૮ના અને ગ્રહણ મોક્ષ રાત્રે ૮ઃ૪૧ના છે. આ વખતે ૧૭૬ વર્ષ બાદ પુષ્ય નક્ષત્ર અને ચંદ્ર ગ્રહણનો વિશેષ યોગ સર્જાયો છે. ઘણા લાંબા સમય બાદ સુપર મૂનની સ્થિતિ ઊભી થઇ રહી છે. આગામી દિવસોમાં ચંદ્ર સામાન્ય દિવસો કરતાં મોટો દેખાશે. ૧૫૨ વર્ષ બાદ એવું ગ્રહણ થવા જઇ રહ્યું છે જેમાં ગ્રહણમાં ચંદ્ર બ્લ્યુ રંગનો દેખાશે. વૈજ્ઞાાનિકોનો દાવો છે કે આ દિવસે ચંદ્ર ખૂબ જ ચમકદાર હશે. આ નજારો ખૂબ જ અદ્ભૂત હશે, જેમાં ચંદ્રનો નીચનો હિસ્સો ઉપર કરતા વધુ ચમકદાર જોવા મળશે. જાણકારો પાસેથી પ્રાપ્ત માહિતી અનુસાર છેલ્લે ૧૮૬૬માં ચંદ્રગ્રહણ દરમિયાન બ્લ્યુ મૂન જોવા મળ્યો હતો. હવે ૩૧ ડિસેમ્બર ૨૦૨૮ના થનારા ચંદ્રગ્રહણમાં બ્લ્યૂ મૂન જોવા મળશે. 
આભાર- ગુજરાત સમાચાર

સંકલન-રમેશ પટેલ(આકાશદીપ)

Image result for super moon

(Thanks to webjagat for this photo)

ચાંદલિયાની સાવરણી….રમેશ પટેલ(આકાશદીપ)

 

રાત ભલેને ઘોર જ અંધારી

ચાંદલિયાની સાવરણી

વાત જ માંડશું રાજ અધૂરી

વ્હાલી શરદની રાતલડી

 

નભથી નીતરતું અમૃત કેવું?

હૈયે થાતી શાતલડી

સરિતા સાગર ઝોલે રમતી

લહેરે શરદની રાતલડી

 

રમતું આભલડે દીઠું જ હૈયું

અક્ષરો  ગૂંથુ હું ભાવલડી

આભ કાનજી, જગ આખું રાધા

લે રાસ શરદની રાતલડી

 

વગાડો વેણુ રાજ સુખલડા

ઝૂમે શરદની રાતલડી

રાત ભલેને ઘોર જ અંધારી

ચાંદલિયાની સાવરણી(૨)

રમેશ પટેલ(આકાશદીપ)

Read Full Post »

Older Posts »