Feeds:
પોસ્ટો
ટિપ્પણીઓ

Archive for the ‘કવિતા’ Category

 

૧૪૧ મી રથયાત્રા અમદાવાદના જગન્નાથજીના નિજ મંદિરથી…

અમદાવાદના સુપ્રસિધ્ધ જગન્નાથ ભગવાનના મંદિરથી, આજે ૧૪૧ મી નગર યાત્રા,

મહંતશ્રી દિલીપદાસજી મહારાજની મંગળા આરતી ને સી.એમ. ને ડેપ્યુટી સી.એમ.ની પહિંંદ વિધિ બાદ, ૧૭ ગજરાજ અને ૧૦૧ ટ્રક સાથે પ્રસ્થાન કરી રહી છે. 

અમદાવાદની શાનમાં  વિશ્વવિરાસતમાં સ્થાન પામવાનો આનંદ, ટેબ્લો દ્વારા શોભાયાત્રામાં

મલકાઈ રહ્યો છે- કવિ દલપતરામની હવેલી, સિદ્દી સૈયદની ઝાળી, 

કાળુપુર સ્વામિનારાયણ મંદિર, હઠ્ઠીસિંહનાં ડેરાં, ભદ્રનો કિલ્લો, ઐતિહાસિક અલિસબ્રીજ, 

ગાંધી આશ્રમ.

એક ગજરાજ મસ્તકે જગન્નાથજીનું ચિત્ર ધારણ કરી, નગરજનોનો હર્ષોલ્લાસ ઝીલી રહ્યો છે. 

બંદોબસ્તમાં  ૨૦,૨૨૫ પોલિસ જવાન ફરજ બજાવી રહ્યા છે. આવો રૂડા દર્શન સાથે, 

આરોગીએ ગ, કેરી, જાંબુ ને દાડમનો પ્રસાદ….

હૈયે શ્રી જગન્નાથજી, શુભદ્રાજી ને બલરામજીની  જય જય સાથે….

……………….

રથયાત્રા અમદાવાદના જગન્નાથજીના નીજ મંદિરથી.. માટે છબી પરિણામ

અમદાવાદ, તા.13 જુલાઈ 2018, શુક્રવાર ભગવાન જગન્નાથજીના મોસાળ સરસપુરમાં ૧૪૧મી

રથયાત્રાનું સ્વાગત …A news.

અમદાવાદના જમાલપુર મંદિરથી  ૧૮૭૮માં દર અષાઢી બીજે અમદાવાદમાં રથયાત્રાની શરૃઆત થયેલી, આ યાત્રાનો લ્હાવો લૂંટી આપણે …જગન્નાથજીને નગરે વધાવીએ છીએ.       

    ગુજ.સમાચારે તેનો સુંદર ઈતિહાસ પીરસ્યો છે. એક દિવસ  હનુમાનદાસ નામના સાધુ વિચરણ કરતા  અમદાવાદમાં આવી પહોંયા. સાબરમતીના કિનારે તેમણે પોતાનું નાનું ઝૂંપડું બાંધ્યું અને હનુમાનજીની મૂર્તિ બનાવી તેની ભકિત કરવા લાગ્યા. થોડાક જ વખતમાં  લોકોમાં તેમની કિર્તી ચોમેર ફેલાઈ ગઈ. લોકોનો ભાવ જોઈ મહારાજે પોતાની ઝૂંપડી પાસે નાનકડું હનુમાન મંદિર બંધાવ્યું અને અમદાવાદમાં જ રહી પડયા. હનુમાનદાસજી બાદ તેમના શિષ્ય સારંગદાસજીને પણ લોકોનો ખૂબ પ્રેમ મળ્યો. એ વિસ્તારમાં દૂધની અછત ખૂબ રહેતી. તેને નિવારવા સારંગદાસજી મહારાજે મંદિરમાં ગૌ-શાળા બંધાવી. તેમના બાદ આવેલા નરસિંહદાસજી મહારાજ ગાદીએ આવ્યા.

          નરસિંહ દાસજી મહારાજ પ્રજાવત્સલ હતા અને સાચા આધ્યાત્મિક ભક્ત હતા. છાશની પરબ શરૃ કરવાથી માંડીને ભૂખ્યાને ભોજન કરાવવાની અને કુદરતી આફતોમાં રાહત પહોંચાડવા જેવી  સેવાપ્રવૃત્તિ તેમણે શરૃ કરાવી. અત્યારનું ભગવાન જગન્નાથનું મંદિર પણ તેમણે જ બધાવ્યું. નરસિંહદાસજી મહારાજે પુરીની રથયાત્રા જેવી રથયાત્રા અમદાવાદના જગન્નાથ મંદિરેથી પણ નીકળે તેવી ઈચ્છા પોતાના ભક્તો પાસે રજૂ કરી. અને ભક્તોએ સહર્ષ એ વાત સ્વીકારી લેતા ૧૮૭૮માં દર અષાઢી બીજે અમદાવાદમાં રથયાત્રાની શરૃઆત થઈ….રથડે બીરાજો રે રણછોડ.

………..

સંકલન- રમેશ પટેલ(આકાશદીપ)

 

……………

રથડે બીરાજજો રણછોડ……રમેશ પટેલ (આકાશદીપ)

ઝૂલે છે હાથીડા ને ઝૂમે છે લોક

રથડે બીરાજજો રણછોડ

દઈએ ઓવારણાં અષાઢી બીજનાં

પધારીને  પૂરજો રે કોડ

 

બહેની સુભદ્રા ને વીરા બલભદ્રજી

મલકે જાધવ કુળની જોડ

અમારી સગાઈ સવાઈ માધવજી

શંખ વાગે ને વધાવે ઢોલ……રથડે બીરાજજો રણછોડ

 

નગર અમારું આજ ગોકુળ વૃન્દાવન

તમે છોગાળા અમે છેલ

દર્શન  તમારાં  રૂડાં  રે  જગન્નાથજી

અક્ષત ગુલાલ માથે હેલ

 

પ્રેમથી પધરાવશું હૈયામાં લાલજી

છૂટ્યા અજંપા લૂંટ્યા શોર

લાલ પીળા રંગે શોભે આ રથજી

હળવે હાલે હરિ તરબોળ

રથડે બીરાજજો રણછોડ ..મારા રથડે બીરાજજો રણછોડ.

 

રમેશ પટેલ(આકાશદીપ)

Advertisements

Read Full Post »

૨૪ જૂન, ૨૦૧૮..આવો વધાવીએ સ્નેહે અભિનંદનથી જાનુને  ..Graduation celibration by family and friends at Corona(California)

  Janaki Patel..High school Graduation Day

Janaki with Savita Ba and Rameshdada

…………………..

Graduation speech-

 

My dear Janu,

  

This day is a special day for your life and more special for your family and friendsalong with a lot of love and pride. You are the first grandchildren of our family, to graduate from high school. Your parent has shown their love by support and encouragement very rightly with blessings.

      What is Janu means.A joyful pleasing personality, activeness and for Ba and Dadaa gifted love.

High school wasnt easy, but you have overcome all challenges with positive attitude. Your achievements have set a remarkable bar and your bedroom is witnessing daily to us.

  I am fond of poetry and you are real poetry of our family. We are bonded with happiness and smile with you. It is our real treasures of memories, enjoyed with you, along with family and friends. There are many more good things to come to make us proud.

    There is so much for you to know,

   But keep your faith, be strong and sure.

Your attachment is beyond words,

with love and blessing we say

Enjoy your graduation day.

SavitaBa and Rameshdada

………………………

એવો અવસર આપ પ્રભુ તું

આ જગમાં કઈંક કરી બતાવું

ના માગું  હું  નિત વસંત જ

પણ,  ભીતર  ભાવે કદી  ન સુકાઉં

ઋતુ ઋતુના ખોળે જ રમતાં

પાછા,  રૂપલા  ફૂલ  બની  મુસ્કાઉં

એવા  ઉરમાં  ભરજો  વિશ્વાસ જ

જગ સંગ્રામો ખેલી બતાવું

રાહ  ભલે  ને ઉબડ-ખાબડ   હો

તારો ઍવરેસ્ટ ચડી બતાવું

છોને  છોડે  તું  પર્વત  ટોચે

જલ જેમ વહી, સાગર થઈ બતાવું

થા સારથ એક આશ જ હૈયે

પાર્થ  સમ  માનવ  જાત દીપાવું

એવો અવસર આપ પ્રભુ તું,

તારો ગર્વ થઈ હરખાઉં

ને મંગલ   શંખ   બજાઉં(૨)

Read Full Post »

  

HAPPY FATHER’S DAY….સાથ સાથ જન્મદિન ખુશહાલિ

………….

જન્મદિન ને પિતૃદિન ખુશાલિ….

સ્વજન , મિત્રોના ભાવભરી અભિનંદન સરવાણી માટે , ખૂબ ખૂબ આભાર. અમારા શિશુવયના સહાભ્યાસી બ્રહ્મકુમાર શ્રી સોમાભાઈ..લંડન હોય કે ભારતમાં, આ દિવસે  ખાસ યાદ પાઠવે જ. વતનવાસીને અમારા ગામના આદરણીય બહેચરભાઈના સુપુત્ર, શ્રી રોહિતભાઈ બ્રહ્મભટ્ટ કહે જન્મદિને કવિતા મૂકશો.

તો આવો મિત્રોની સ્નેહભાવનાને વધાવીએ…

રમેશ પટેલ(આકાશદીપ)

………………….

ના માગું હું નિત વસંત જ

પણ, ભીતરભાવે કદી ના સુકાઉં

ઋતુ ઋતુના ખોળે જ રમતાં

પાછાં, રૂપલાં ફૂલ બની મુસ્કાઉં

………

છોને છલકો જ ફૂલ કટોરા

પવન સરીખું કઈંક ખૂટે છે

મરકટ મન સૂણ વાત ટકાની

રટ તારામાં કઈંક ખૂટે છે.

……………..

..કે વાયરા લાવ્યા છે મીઠી મીઠી વાતું…રમેશ પટેલ(આકાશદીપ)

ઘમઘમ ઘૂમે સમય વલોણું ગાતું

..કે વાયરા લાવ્યા છે મીઠી મીઠી વાતું

પ્રાથુ  પ્રભાતે  પ્રેમે

ઋતુ તપ ધરું  હામે

ઝીલી ઝરમર ઝીણું ટહુકતી જાતું

..કે વાયરા લાવ્યા છે મીઠી મીઠી વાતું

વ્હાલપની વનરાઈયું

ભીતરમાં    લહેરિયું

નભ રાતું ને મદમાતું કલરવ ગાતું

..કે વાયરા લાવ્યા છે મીઠી મીઠી વાતું

સ્નેહે સંભારું સ્વજન

જન્મદિન ઝૂમે વતન

રામજીને રાખી ખુશ દિલડું રે ગાતું

..કે વાયરા લાવ્યા છે મીઠી મીઠી વાતું

સ્નેહભીંની વણઝારું

વધામણી આ સંભારું

મન મલકે ચીતરી આ મધુરી ભાતું

..કે વાયરા લાવ્યા છે મીઠી મીઠી વાતું

રમેશ પટેલ(આકાશદીપ)

Read Full Post »

લેખકનું નિવેદન…

ઉરે ખીલ્યું ઉપવન

લોક જીવનની મહેક એટલે ઉત્સવો. ભારતીય સંસ્કૃતિની શ્રીમંતાઈ એટલે ગ્રામ્ય જીવનની મીઠાશ , નિસર્ગ પ્રેમ ને સંવેદના ભર્યું હૈયું. ‘આકાશદીપની ભાષામાં કહું તો…

બહાર અજવાળુંભીતર અજવાળું

પરમ પંથનું ખૂલતું તાળું

ઉર કવિનું–  અંબર અજવાળું

      અજવાળું હોય ત્યાં ખીલવાનું નક્કી જ. ઉપવન ખીલે એટલે રંગરૂપ ને સૌરભના છલકાટ…

વાસંતી વાયરાના ખીલખીલાટ.

વસંતે  કલશોર  કર્યો  ભાઈવાયરે વગડો ઝૂમ્યો

ઋજુ રતુંબલ સંદેશા લઈને , ટહુકો વનપથ ઘૂમ્યો..

………. ઘૂમ્યો..વનપથ ઘૂમ્યો..

   માતૃભાષાના ચાહકને નેટ જગતે, સ્નેહ સેતુના જનક શ્રી સુરેશભાઈ જાની(ટેક્સાસ) નો  સંદેશો હજુય અમારે ઉરે ટહુકે છે…

તા. 28 નવેમ્બર, 2009 ના દિને  કેલિફોર્નીયા ખાતે (લોસ એન્જેલસ વિસ્તારમાં) શ્રી. રમેશ પટેલ (આકાશદીપ) ના ત્રીજા કાવ્ય સંગ્રહ ‘ત્રિપથગા ના વિમોચન પ્રસંગેએક બહેને અત્યંત મધૂર કંઠમાં રમેશભાઈની  એક રચના ‘એવું ના બને’ નું પઠન કર્યું હતું;

અને બીજાં બહેને વહેતા  કરી દે તેવા લયમાં એ પંક્તિઓ ગાઈ સંભળાવી હતી. અમે પણ  નાદ ને તાલે ગાઈ ઊઠ્યા હતા…ખીલી ઊઠ્યા હતા.

એવું ના બને….એવું  બને.

…………

એવું ના બને

વસંત પધારે ને  આ ફૂલડાં ના હસે,

….. એવું ના બને

પૂનમનો ચંદ્ર  ખીલે આભલે ,ને સાગર હેલે ના ચઢે

….. એવું ના બને

ગાજે ગગને મેહુલો , મોરલો ટહુકા ના કરે

બોલો એવું બને?

….. એવું ના બને 

  આવી મધુરી સર્જન યાત્રામાં , આનંદોત્સવ સમ એક ઓર કડીની આજે વધામણી એટલે મારો છઠ્ઠો કાવ્ય સંગ્રહ – ” ઉરે ખીલ્યું ઉપવન”

    

આ કાવ્ય- સંગ્રહમાં, વતન, કુદરત, કિરતાર, દેશભક્તિ,  ગીત, ગરબા ને ગઝલ રૂપે, જીવનની મીઠાશને

 વણી લેતી ઉત્સવી રચનાઓ છે. રચનાઓનાઓની આ યાત્રામાં અમને પ્રેરક બળ પૂરું પાડ્યું છે…વિશ્વે વસતા માતૃભાષાના ચાહકોએ. આપણાં ખ્યાત સાહિત્યકાર સુશ્રી નીલમબેન દોશીના અમારા માટે ‘ મઢેલાં મોતી’ માં આલેખાયેલા શબ્દો, કેવો ભાવ સેતુ બાંધે છે.. 

…………..

નીલમ દોશી

 

      રમેશ પટેલ(આકાશદીપ)….  વતનથી દૂર રહીને માતૃભાષામાં લખતા કવિ છે. તેમને પ્રત્યક્ષ કદી મળી નથી અને છતાં અપરિચિત છેએમ પણ કહી શકતી નથી.તેમના શબ્દોથી પરિચિત છું જ અને એ શબ્દો તેમની ઓળખાણ સુપેરે આપી રહી છેઅને એ ઓળખાણે તેમના માટે એક આદર જન્માવ્યો છે,  તેમના કાવ્ય સંગ્રહ ” મઢેલાં મોતી” ની ભાવ યાત્રા કરી. એ યાત્રા મજાની રહી એમ કહેવું જરૂર ગમશે. 

    કવિવર શ્રી ઉમાશંકર જોશીએશ્રી ઈશ્વર પેટલીકરના સાહિત્ય સર્જન માટે કહેલ કે “ લોકજીવનની સુવાસ મહેંકે…‘ લીલીવાડીઓનું નિર્માણ થાય.‘.  ભાવથી  મેં  કાવ્ય-સંગ્રહમાંઆપણા ઉત્સવોને કવનમાં મનભરી ગાયા છે. 

નયને  કાજલ  આંજીઉર  ઉલ્લાસે  હેત જડી

મન  આંગણ  હો ફૂલઝડીવાળો આ વેર ઝૂડી

ઝગમગ  ઝગી  રે   દિવાળી

ભલે  પધાર્યાની  હૈયે  ઉજાણી

…………..

વાગ્યા આ ઢોલ ને ઝૂમતા પાદર
ગુલાલી ગીત
મનડાના મીત
વસંતના વાયરે વેરઝેર છોડી
આજ આવી છે રંગીલી હોળી

…………………..

ગરબો એટલે ગુજરાતની વૈશ્વિક પહેચાન ને સંસ્કૃતિની ધરોહર..અમીર કે ગરીબ સૌનો પોતિકો. 

ગુજરાતી ભાષાની રમ્યતાને– માધુર્ય ભર્યો કંઠ મળે , કોણ તાલે ના ઝૂમે?

ઘૂમજો…ઘૂમજો રે…. ગરબામાં ઘૂમજો.

     ગઝલ એટલે આજનું રણકતું જન માનસ..અમે પણ જમાનાને ઝીલી લીધો…  

 

ઝીલે આતુર સાગરઅમૃતા એ ચાંદની ઉરે

કેવી તરસ હતી મિલનનીના પૂછજો તમે

લાવ્યો છે એ ચાહી ઉપવનથી પ્રેમને દિલે

આવી પવન કહેછે શુંમને ના પૂછજો તમે

……………..

   સારસ્વત ને માતૃભાષાની મહેકને સપ્ત ખંડે લહેરાવવા અગ્રેસર રહેતા,

 ડો.શ્રી પ્રતાપભાઈ પંડ્યા (પુસ્તક-પરબ) ને ડૉ.શ્રી બળવંતભાઈ જાની(ગ્રીડ્સ)ના મીઠડા આવકારેમારા બે કાવ્યસંગ્રહો..મનોભૂમિને મેળે‘ 

અને ‘ઉરે ખીલ્યું ઉપવન‘ પ્રકાશન પામી રહ્યા છેએમના ઋણ સ્વિકાર સાથે,

આપ સૌ સ્નેહ વરસાવતા રહેજો ભાવ સાથે જય ગુજરાત.

સાદર

રમેશ પટેલ(આકાશદીપ)

૨૧ /૨/ ૨૦૧૮

……………………

જ્ઞાન સુધામમ માતૃભાષા

લાડકોડથી દે   સંદેશા

મઢે મમતાથી માત મલકાતી

ધન્ય!  માતૃભાષા  ગુજરાતી

                                                 મેઘાવી સાહિત્યકાર શ્રી દોલતભાઈ ભટ્ટે પહેલી મે  ,૨૦૦૪ ના ગુજરાત રાજ્યના સ્થાપના દિને,  મારા પ્રથમ કાવ્યસંગ્રહ સ્પંદનને વધાવતાંગાંધીનગર મુકામે પોરસ ચડાવેલ… …તમારામાં પડેલા કવિ-તત્ત્વે તમને કલમ ઉપડાવી છેતો પરદેશ જાઓ તો પણ લખતા રહે જોહવે તમે

 કવિની પંગતમાં  ગોઠવાઈ ગયા છો. મારા બીજા કાવ્ય-સંગ્રહ ઉપાસના‘ ના પ્રકાશન પછી જ્ઞાનપીઠસન્માનથી ગુજરાતી સાહિત્યને ગૌરવ બક્ષનાર શ્રી રઘુવીરભાઈ ચૌધરીએકવિતાનો ‘ જાણવા-પામવા મથતા મનેમધુરી આશિષ ને આવકાર દેતાં, મારા કાવ્યસંગ્રહ ત્રિપથગા‘ માં તેમના આલેખાયેલા આ શબ્દોની સુગંધી આજે પણ તરબતર કરે છે– ” રમેશભાઈને પ્રકૃત્તિનું સાહચર્ય સાંપડ્યું છે-એમાાંથી જાગેલી લાગણીઓ  ધરતી-આભને જોડે છે, જે વિવિધ રચનાઓમા છંદ-લયના વૈવિધ્ય સાથે રજુ થાય છે-એમની કેટલીક ગેય રચનાઓ લોકગીતની સ્ફૂર્તિ ધરાવે છે.” 

    વાતને યુ.કે. સ્થિત , માતૃભાષાના ચાહક ને ગાયક શ્રીદિલીપભાઈ ગજ્જરે જાણે અંતર ગોખે સાંભળી હોય એમ,   મારી વતન પ્રેમની રચના‘ શીર સાટે સોગંદ અમારાપાવન હિમાલય ગંગા‘ ને ભારતના પ્રજાસત્તક દિને યુ.કે. રેડીઓ ને યુ-ટ્યુબ પર ગુંજતી કરી દીધી. છેલ્લ્લા ચાર વર્ષથી નેટ આંગણે ને સમારંભમાં વિશ્વ ગુજરાતી ભાષાના ચાહક મિત્રોદિલીપભાઈએ સ્વરબધ્ધ કરેલ, ‘મહેકતું ગુજરાતપણ પહેલી મે ના રોજ સાંભળવાનું ચૂકતા નથી.     

              આજના ઈંટરનેટના યુગેઅમને વિશ્વમેળે શ્રી સુરેશભાઈ જાનીના સહયોગે નવેંબર ,૨૦૦૯થી  શરૂ કરેલ  આકાશદીપ” બ્લોગથી મ્હાલવાનું મળ્યું.  મેળો એટલે વિવિધ લોક સંસ્કૃતિનો ધબકાર.  તિર્થોની પાવનતાઋતુ પ્રસાદી ને ઉરના ઉમંગની મસ્તી. કવિની મનોભૂમિ પર  મસ્તી રણકે  પછી કવિ કેમ ના ગાઈ ઊઠે? ….’હાલો મેળે ઝટ જઈએ‘  તો આવો ‘ “મઢેલાં મોતી” પછીડાયસ્પોરા સાહિત્યના સૌજન્યે..મારા પાંચમા કાવ્ય સંગ્રહ …મનોભૂમિને મેળે‘ ને વધાવીએ.

          આપણા ગુજરાતી સાહિત્યના ઉપાસકોની કાવ્ય રચનાના ખજાનાને મેં મનભરી માણ્યો છેકવિવર શ્રી ઉમાશંકર જોશીની એક વાત મને ખૂબ  ગમતી.. .” ગામથી શબ્દ લઈ નીકળ્યો હતોશબ્દ ક્યાં લઈ ગયો?

ભોમિયા વિના મારે ભમવાતા ડુંગરા

જંગલની કુંજ કુંજ જોવી હતી

આઝાદીના ઉષઃકાળમાં જન્મ્યા તેથી દેશદાઝથી ભરપૂર પેઢીની છત્ર છાયામાં ઉછરવાનો અમને  લ્હાવો મળ્યો.  સંસ્કારોની અભિવ્યક્તિ એજ અમારી  કવિતાઓ.   સાહિત્યવિદ નોંધે છે એમ..કવિતા એટલે અનુભૂતિની સચ્ચાઈજે અંદરના ચેતન બિંદુને સ્પર્શે અને રણકે‘… આપ સહપ્રવાસી થશો તો જરૂરથી  ઊર્મિઓના ધબકારા અનુભવાશે. 

ધન્યગુર્જરી પ્યારી મૈયા

દીધાં સાગર હૈયાં

સ્નેહ સમર્પણ સાવજ ત્રાડે

રંગે જાત  છૈયાં

 

     ‘મનોભૂમિને મેળે‘ માં  મેળાના મીજાજ ને મસ્તી માટે અમે ભાવ- ઢોલક બજાવ્યું છે.  છંદબધ્ધ કાવ્યોમાવતર વંદનાભક્તિવંદનાગીતગુંજન ને પ્રાસંગિક રચનાઓ જરૂરથી આપ સૌને, નોંખી નોંખી મસ્તીમાં ગાતા- ઝૂમતા કરી દેશે. 

   શરદ પૂનમની રાતનું સૌંદર્ય કેવું છલકે છે- મલકે છે…

વ્યોમે છાયી મજાની, ઋતુ શરદ ભલી, રાતડી પૂર્ણ રાણી

ઝૂમે  વૃક્ષો  રમંતાં, કુદરત  હરખે,   વાહરે    ઉજાશી

 

શોભે  તૃપ્તિ  ભરીને, શરદ જન ઉરે, અમૃતાની  કટોરી

કાલિન્દી રાસ લીલા, શરદ ઉજવણી, બંસરી કોણ ભૂલે?

કવિતા એ શબ્દની કલા છે ,શબ્દની લીલા છે. ઈંટરનેટ એ આધુનિક યુગની મહાભેટ છે. પુસ્તક પ્રકાશન પહેલાં કવિતાને પાંખ મળી જાય છે..સપ્તખંડે ‘આકાશદીપ’ બ્લોગની સુવાસના પ્રતિભાવો પણ કેટલા મીઠડા…ભાવને પ્રગટ કે પ્રત્યક્ષ કરવાની 

આપની ભાષા  નોંખી રીતે ઊભરી રહી છે.દૂર કતાર(દોહા) નિવાસી શ્રી રીતેશ મોકાસણ..ગુજરાતી

 ફિલ્મ નિર્માતાનો પ્રતિભાવ કે , નિખાલસ, નૈસર્ગિક અને નમ્ય રચનાઓથી ફાગી ઉઠેલો બ્લોગ. આ અમે માણતા હતા ને, 

એડિસન( ન્યુજર્શી) , રેડીઓ.દિલ માટે શ્રી કૌશિકભાઈ અમીન ને શ્રી વિજયભાઈ ઠક્કરનું એર વાર્તાલાપ વિશ્વવ્યાપી નેટવર્ક પર, ૩/૧૨/૨૦૧૬ના રોજ ‘ છેલ છબીલો ગુજરાતી’ કાર્યક્રમ માટે

‘નિમંત્રણ આવ્યું.કવિતાના  રંગમાં વહેલ ,એ જીવંત પ્રસારણમાં, એક મધુરો સંદેશ મળ્યો…ગુજરાતના કલાગુરુ શ્રી રવિશંકર રાવળના , અમેરિકા સ્થિત પુત્ર શ્રી કનકભાઈ રાવળનો…શ્રી સુરેશભાઈ દલાલના શબ્દોમાં કહું તો આપની 

કવિતા એ સંગીતમય ચિત્ર છે.

પ્રિય રમેશભાઈ :

હમણાં જ ” છેલ છબીલો ગુજરાતી ” નો વિજય ઠક્કર અને કૌશિક અમીન સાથેનો

તમારો રેડિયો વાર્તાલાપ સાંભળ્યો . ખૂબ સરસ દોર ચાલ્યો અને તમને સૌને

અભિનંદનો. ખરેખર ઉત્તમ નદી-નાવ સંયોગનું ઉદાહરણ .

આજની સવાર સુધરી ગઈ.

સસ્નેહ – કનકભાઈ

  માતૃભાષા દિને સારસ્વતશ્રી ડૉ.પ્રતાપભાઈ પંડ્યા સાહેબનો પ્રેરણા પિયુસ એટલે પુસ્તક થકી શબ્દનો અજવાસ સંસારે ફેલાય એ ભાવ સાથે …….’મનોભૂમિને મેળે’ મ્હાલીએ ને ગાઈએ.

હર્ષભેર વધામણીની આશા સહ 

રમેશ પટેલ(આકાશદીપ)

કરોના(કેલિફોર્નીઆ)યુ.એસ. એ.

૨૧ ફેબ્રુઆરી, ૨૦૧૮

………………

Dr.Kantibhai likhiya
kulapati..children uni., Gandhinagar)
17 May, 2018 , ..Anand-Vidyanagar

સૌજન્ય

પુત્રી પરિવાર આવકાર

………………..

વતનના વાયરા વર્તાય છે

ચાલો ગુજરાત…ભાઈ માણો ગુજરાત

ઉરની કંદરામાં(૨)…

ગુર્જર ખમીર પડઘાય છે…

વતનના વાયરા વર્તાય છે.

 

ગઢ ગબ્બર  ને પાવો

ઓલો ગિરનારી બાવો

ડાલમથ્થાનો    ત્રાગો

રણ   શરદનો  લ્હાવો

કલાને કવિતાનો ટંકારવ થાય છે…

વતનના વાયરા વર્તાય છે.

 

 સંસ્કૃતિ કાવ્યોનો રાજભોગ સમ કાવ્ય-થાળ એટલે આકાશદીપ‘ ના સંસ્કાર વલોણાનું નવનીત..આવું મધુરું અભિવાદન ઝીલવાનું સૌભાગ્ય કવિશ્રીને મળ્યું છે. 

સાહિત્ય ઉપાસકોના આશિષ સદા આકાશદીપના   શીરે રમતા અમે અનુભવ્યા છે. ગુજરાતી ભાષાના મેઘાવી સાક્ષર મહાનુભાવો આ.શ્રી રઘુવીરભાઈ ચૌધરીઆ.શ્રી દોલતભાઈ ભટ્ટસુશ્રી. નીલમબેન દોશીસુશ્રી સરયુ પરીખ પ્રો. વલિભાઈ મુસા , ભાષાવિદ આ. જુગલકિશોર વ્યાસ ને શ્રી વિનોદભાઈ પટેલના  પોતિકા આવકારે, કવિશ્રીને પરદેશમાં સાહિત્ય ઉપાસનાનું જોમ સીંચ્યું  છે. આપ સૌના વિશેષ આભાર સાથે  યુવા કવિ અનિલભાઈ ચાવડાના શબ્દોમાં મળેલ મીઠડી સોગાદને વાગોળું તો…” રમેશભાઈ પરદેશમાં પણ માતૃભાષામાં જીવે છેહસે છેવસે છે અને શ્વસે છે. ..અમે તથા  તેમના વાચક પરિવારે સાચે   દસકાથી  અનુભવ્યું છે.

……….

વિનોદ પટેલ ,સાન ડિયેગો,યુ.એસ.એ

ગુજરાતના એક ગામડામાં જન્મી,ઉછરી,અભ્યાસ કરી,ઈલેક્ટ્રીકલ ઈજનેર બનેલ રમેશભાઈની લાંબી વ્યવસાયી કારકિર્દીમાં,તેઓ ગુજરાતનાં ગામડાં ખુંદી વળ્યા છે.આમ મૂળથી જ તેઓ ધરતીના છોરું હોઈ પ્રકૃતીના વૈભવ અને ગ્રામ્ય સંસ્કૃતિ સાથે એમને બચપણથી જ પ્રીત થઇ ગઈ છે.ધરતી અને આકાશની સીમાઓમાં આવતા અનેક વિવિધ વિષયો ઉપર ,આ કવિએ કલ્પના દોડાવી છે અને એમની અનુભવી કલમ ચલાવીએમનાં કાવ્યોમાં સુંદર રીતે  ઢાળી છે. આથી જએમના બ્લોગ ‘આકાશદીપ’ માં મુકાતાં કાવ્યોમાં,સ્વાભાવિક રીતે જગ્રામ્ય સંસ્કૃતિનો ધબકાર ,બદલાતી ઋતુઓનો વૈભવ,વતન પ્રેમ,પ્રકૃતિ,પ્રાણીઓ,પક્ષીઓ,સરોવર તથા જન ઉત્સવો,દેશ પ્રેમ વિગેરે વિષયોમાં ધરતીની માટીની મહેંક માણવા મળે છે…

   આપ સૌ કાવ્ય-સંગ્રહમનોભૂમિને મેળે ને હર્ષભેર વધાવશો  એ અભિલાષા સાથે જય ગુજરાત.

પુત્રી પરિવારના સ્નેહ વંદન

શ્વેતામેનકાવિતલ

Read Full Post »

અહેવાલ- લોકાર્પણ ….કાવ્યસંગ્રહ – રમેશ પટેલ(આકાશદીપ)

૧) મનોભૂમિને મેળે ૨) ઉરે ખીલ્યું ઉપવન..રજૂઆત સંયોજક- મેનકા અને કેતન પટેલ(આણંદ)

  

રમેશ પટેલ(આકાશદીપ)
17 May 2018
Anand- Vidyanagar

……………………

લોકાર્પણકાવ્યપાઠ ને કાવ્યસ્વાદ ચરોતરની ભૂમિના આંગણેડાયસ્પોરા કવિશ્રી રમેશ પટેલ(આકાશદીપ)

 

શિક્ષણ, સાહિત્ય ઉપાસનાનું ધામ વિદ્યાનગર અને શ્વેતક્રાંતિનું જનક ધામ આણંદ, એટલે ચરોતરને આંગણેઅખિલ ભારતીય સાહિત્ય પરિષદ 

 અને ..ગાર્ડી રિસર્ચ ઈંસ્ટિટ્યુટ ફોર ડાયસ્પોરા સ્ટડીઝના ના સૌજન્યે,  કેલિફોર્નિઆ નિવાસી ડાયસ્પોરા કવિશ્રી રમેશ પટેલ(આકાશદીપ)ને સન્માનવાનો એક ત્રિવેણી સંગમ કાર્યક્રમ ….     લોકાર્પણકાવ્યપાઠ ને કાવ્યસ્વાદ…,…૧૭  મે ૨૦૧૮ના રોજ,  અધિક માસની પાવનતા ઝીલતાં  યોજાયો.      

 

   ચરોતરની ભૂમિનાગુજરાતી સાહિત્ય ગગનમાં તારકસમ ઝગમગી રહેલા , ‘ આકાશદીપ‘ ઉપનામધારીવીજ ઈજનેર કવિ રમેશ પટેલના ,  બે કાવ્ય-સંગ્રહો-

૧) –  મનોભૂમિને મેળે‘ અને ( ૨)ઉરે ખીલ્યું ઉપવન‘ નો લોકાર્પણ કાર્યક્રમ, ઉત્તમ ઉદાહરણ રૂપ,  ચારુતર  વિદ્યામંડળના  અધ્યક્ષશ્રી ભીખુભાઈ બી. પટેલ

મુખ્ય મહેમાન) તથા અનુપમ પરિવાર ટ્રસ્ટના સંસ્થાપકશ્રી નવિનભાઈ બી.પટેલ (એટલાંટા)-અતિથિ વિશેષના પદેશુભેચ્છક સાહિત્યવિદોની ઉપસ્થિતિમાં  ભવ્યરીતે યોજાયો.

 

ગાર્ડી રિસર્ચ ઈંસ્ટિટ્યુટ ફોર ડાયસ્પોરા સ્ટડીઝ–ગ્રીડ્ઝના નિયામકશ્રી ડૉ. બળવંતભાઈ જાની સાહેબે , શિક્ષણ ક્ષેત્રે બહુમાન પામનારખાસ આમંત્રિત સારસ્વત મહેમાનોનો પરિચય આપીપુષ્પગુચ્છથી સ્વાગત કર્યું. સમારંભમાં વિદ્યાનગર સંકુલના સીંડીકેટ મેંબર્સ ને માતૃભાષાના વિશાળ ચાહકોની ઉપસ્થિતિમાંકવિશ્રીને બીરદાવતાંઅધ્યક્ષશ્રી ભીખુભાઈ પટેલ અને  ડૉ.શ્રી નરેશ વેદ સાહેબ(પૂર્વ કુલપતિ)એ,  શાલ ઓઢાડી સ્વાગત કર્યું.

  pl.Cick to enjoy songs…

https://drive.google.com/open?id=1Y-J_S678oBu4JjcEycIbpwdpAf926zig

 

https://drive.google.com/open?id=1XYRixahoS_B-sLVOSbbNtR5qqppSR4lE

 

https://drive.google.com/open?id=1lw2zAUIVlkF11m1uaUCqduOihOwazp1N

       ગુજરાત રાજ્યના સ્થાપના દિન પહેલી મે નિમિત્તે , વતનવાસીઓને પોતાનીત્રણ  સ્વરબધ્ધ રચનાથી સ્નેહે પોંખનાર, કવિશ્રીને  બીરદાવતાં, પ્રબુધ્ધ સાહિત્ય ઉપાસકોની વિશાળ હાજરીમાં  , ડૉ.શ્રી બળવંતભાઈ જાનીએ( નિયામકશ્રી ગ્રીડ્ઝ)સમારંભમાં  તેમની જ રચનાથી અભિવાદન કરતાં….

       ‘ગુણીયલ ગુર્જર ગીરા અમારી, ગૌરવવંતા ગાન‘–    ‘યશવંતી ગુજરાતનું ગૌરવ ગુંજન કરીકવિની સર્જન યાત્રાને બીરદાવી હતી . ‘આકાશદીપબ્લોગ પર પ્રગટ થતી તેમની રચનાઓનેસંગીત સાથે  માધુર્યભર્યા કંઠોથી વહેતી ધારાનેવધામણીના વૈશ્વિક પ્રતિભાવો જોઈ  કવિની ગૌરવ  મૂડીને સાદર વધાવી હતી.  સાંસ્કૃતિક કવિતાઓને ‘ગુર્જરી મહેકથી નવાજી , કાવ્યસંગ્રહની માવતર વંદનાના સંપુટને  એક નઝરાણા સમાન ગણાવી હર્ષ વ્યક્ત કર્યો હતો.

         પિતાપવન તમે ને માત ફૂલડું

         મળી આંગણે વસંત

         રૂક્ષ દીસતા ચહેરા ભલે,

         હસી ખુશીના સંગ…

         કે હેતે અર્પું હું ફૂલછાબ

lokarpan- Dr Kantibhai likhiya(upakulapati- Gandhinagara)

 ડાબેથી..શ્રી રાજુભાઈ(સીંડીકેટ મેંબર)ડો.જયેંદ્ર શેખડીવાળાડોં. મહેશ યાજ્ઞિકશ્રી નવિનભાઈ 

પટેલ (અતિથી વિશેષ)કવિશ્રી રમેશ પટેલ(આકાશદીપ), શ્રી ભીખુભાઈ બી. પટેલ (અધ્યક્ષ  ચારુતર મંડળ)- મુખ્ય  મહેમાન

                         ડો.કાંતિભાઈ લિખિયા..લોકાર્પણ અતિથિડોં.નરેશ વેદ(પૂર્વ કુલપતિશ્રી),   શ્રી બળવંતભાઈ જાની

(નિયામકશ્રી-ગ્રીડ્સ)ડોં.મહેંદ્રભાઈ નાયી(મંત્રીશ્રીઅ.ભા.સા. પરિષદ)

 

 કાવ્યનો રસાસ્વાદ કરાવતાંડોં.મહેશભાઈ યાજ્ઞિકે, સંગ્રહની આધ્યાત્મિક કવિતાઓ પર ,પોતાની સંસ્કૃત ભાષાની વિદ્વતા સાથે સુંદર છણાવટ કરી, મહાદેવ‘ કવિતાનું રસપાન કરાવી  સૌને મુગ્ધ કરી દીધા હતા,

              અંતરયામી એટલું  હું માગું

              પાય પડી શિવમય થઈ જાગું

  ગ્રંથ વિમોચન બાદ વક્તવ્યમાંડૉ.કાંતિભાઈ લિખિયાએ(ઉપકુલપતિ, ચીલરન યુનિ,ગાંધીનગર) — કવિને વતનની માટીની મહેકથી ઘડાયેલું વ્યક્તિત્ત્વ કહી, છાંદસલયબધ્ધ ને અર્થસભર રચનાઓની વિવિધતા યુક્ત કવિ-કર્મને તથા ડાયસ્પોરા સાહિત્ય પ્રવાહને વધાવ્યો હતો.

         

           “પહાડો શા દીસેપશુપતિ સમાધિસ્તસમહા!”

           કરી દેતાં આંખો સજળઅવ શી ધન્ય વસુધા!

           હવે જ્યારે વ્હેશે વિમલ જલ સૂર્ય તપતાં,

          લહેરાશે વાડીશતશત રૂપે ધૈર્ય ધરતાં!

 

  ડૉ.જયેંદ્ર શેખડીવાળાએ(પૂર્વ અધ્યાપક)કવિશ્રીની આ સાત્વિક સાહિત્ય ગંગાનેપાવનતાથી વહેતી કાવ્યધારાવાસ્તવિકતાથી ફાગી રહી છેએમ કહી

 બીરદાવી હતી. પ્રકૃત્તિના દામનમાં જેટલા રંગો છે તમામનેઆપે સુંદર ગુંથીહોળી પર્વમાં સજાવ્યા છે

                 મીઠો મેળે મલકાટ

                 ઢોલે ધબકે રે લાડ

                 સ્નેહના સરવૈયે ઝૂમજો સંગાથ

                 સહિયર મોરીઊડાડો રે ગુલાલ

………………..

                સૌથી સોહામણી ચંચલ વસંત તુંહાલ હર્ષે વધાવું

                ખુશ્બૂ ભર્યા કટોરાકુદરત મધુરીવ્હાલ ઝૂલે ઝૂલાવું

             

                 રાતી કૂંપળોનેવન પર્ણ ફરકેડાળ ઝૂલે વિહંગો,

               ને  પ્રફૂલ્લિત હૈયાંકલરવ  લહરેવાત  માંડે  ઉમંગે

               

પૂર્વ ઉપકુલપતિ ડૉ.શ્રી નરેશભાઈ વેદ સાહેબે, કવિશ્રી ઉમાશંકર જોશીની જેમચરોતરના ગામડાથી શબ્દ લઈ નીકળેલા કવિ તરીકે ‘ આકાશદીપને સન્માન્યા હતા.ગુજરાતની ધરાનેસંસ્કૃતિને દિલફાડી ચાહનારઆ કવિની કવિતાઓને,  ઉમંગ અને આનંદોત્સવથી ફૂટેલી કવિતાઓ ગણાવી હતી. છાંદાસ કવિતાઓ અને વિવિધતા ભર્યું સર્જનઅનેક નામી સર્જકોની કાવ્યશૈલીના અધ્યયનથીનવીજ વિચારધારા ને વિશેષતા સાથે ખીલી ઊઠ્યું  છે . ઉલ્લેખનીય છે  ‘આકાશદીપની કવિતામાં પ્રસન્નતાનો સ્થાયી ભાવ પડઘાય છે ને છંદોને તેમણે સેવ્યા છે. ગાયકોના કંઠ સુંધીની રચનાઓની પહોંચ  તેમની મોટી મૂડી છે. લોકગીતોના ઢાળે, ‘લોકશાહીની લાડલી‘ જેવા કલ્પનો સાચે  શબ્દબ્રહ્મની સાહિત્ય સાધના છે..ઋતુ કાવ્યોવતન પ્રેમ સાથે  સાવજ ને નર્મદા કે માવતરનાં કાવ્યોમાં છંદલયસંવેદના સાથે સાત્વિકતાનો સાચે જ ટંકાર થાય છે…એ વિચારવંત છે.

                    અખીલ ભારતીય સાહિત્ય પરિષદના મંત્રીશ્રી ડૉંમહેંદ્રભાઈ નાયીએ ..કવિને વધાવતાં કવિશ્રી નિરંજન ભગતને યાદ કરી કહેલ કે

..સમાજ કદી કવિ સૂનો ના હજો. આપણા    વતન ને પ્રકૃત્તિ પ્રેમી  ડાયસ્પોરા કવિનીસારસ્વત સાધના સદા વર્ધમાન રહેએવી શુભેચ્છા પાઠવી હતી. 

 

                              સમગ્ર પ્રસંગનું સંચાલક ને સૂત્રધાર – ડો. રાજેશ્વરી પટેલ(પ્રધ્યાપિકા,ગુજરાતી વિભાગસરદારમ પટેલ યુનિવર્સિટિ)  ગૌરવપૂર્ણ અને રસમય રીતે કરી કવિના વતન પ્રેમને વધાવ્યો હતો.

                  જેનું    હૈયું    ગુજરાત

                  એનું   આંગણું  અમાપ

                  દૂધમાં ભળતી સાકરની જાત,

                  ધન્ય ધન્ય!  ગરવી  ગુજરાત

…………..

સંકલન- રજૂઆત..સંયોજક-  મેનકા અને કેતન પટેલ(આણંદ)

Read Full Post »

શિક્ષણ, સાહિત્ય ઉપાસનાનું ધામ વિદ્યાનગર અને શ્વેતક્રાંતિનું જનક ધામ આણંદ, એટલે ચરોતરને આંગણેઅખિલ ભારતીય સાહિત્ય પરિષદ 

 અને ..ગાર્ડી રિસર્ચ ઈંસ્ટિટ્યુટ ફોર ડાયસ્પોરા સ્ટડીઝના ના સૌજન્યે,  કેલિફોર્નિઆ નિવાસી ડાયસ્પોરા કવિશ્રી રમેશ પટેલ(આકાશદીપ)ને સન્માનવાનો એક ત્રિવેણી સંગમ કાર્યક્રમ ….     લોકાર્પણકાવ્યપાઠ ને કાવ્યસ્વાદ…,…૧૭  મે ૨૦૧૮ના રોજ,  અધિક માસની પાવનતા ઝીલતાં  યોજાયો. 

  

સાલ ઓઢાડી સન્માન…ડાબેથી- કવિશ્રી રમેશ પટેલ(આકાશદીપ), શ્રી ભીખુભાઈ બી. પટેલ (અધ્યક્ષ ચારુતર વિદ્યામંડળ, વલ્લભવિદ્યાનગર).  ડો. કાંતિભાઈ લિખિયા (કુલપતિશ્રી,ચીલર્ન યુનિવર્સિટિ, ગાંધીનગર)

 

Shri Kanubhai Patel(Artist)

Dr Rajeshvari Patel(S.P.University)

 

ડાબેથી..શ્રી રાજુભાઈ(સીંડીકેટ મેંબર)ડો.જયેંદ્ર શેખડીવાળાડોં. મહેશ યાજ્ઞિકશ્રી નવિનભાઈ 

પટેલ (અતિથી વિશેષ)કવિશ્રી રમેશ પટેલ(આકાશદીપ), શ્રી ભીખુભાઈ બી. પટેલ (અધ્યક્ષ  ચારુતર મંડળ)- મુખ્ય  મહેમાન

                         ડો.કાંતિભાઈ લિખિયા..લોકાર્પણ અતિથિડોં.નરેશ વેદ(પૂર્વ કુલપતિશ્રી),   શ્રી બળવંતભાઈ જાની

(નિયામકશ્રી-ગ્રીડ્સ)ડોં.મહેંદ્રભાઈ નાયી(મંત્રીશ્રીઅ.ભા.સા. પરિષદ)

 

 

Dr. shri Kantibhai likhiya  (upakulpati)                       Dr. Shri Jayendra Shekhadiwala

 

Dr.Shri Nareshbhai Ved(Ex.Upakulapati)           Dr.Maheshbhai Yagyanik

 

 

Dr.Mahendrabhai Nayi

શ્રી નટુભાઈ પટેલ(નિ-આ. આચાર્ય(થર્મલ-હાઈસ્કુલ),પ્રો. ડૉ.જયેંદ્ર શેખડીવલા, ડ્ર.બળવંતભાઈ જાની(ગ્રીડ્ઝ-નિયામકશ્રી),કવિશ્રી રમેશભાઈ પટેલ(આકાશદીપ)

શ્રી કનુભાઈ પટેલ(વિદ્યાનગર-કલાગુરુ), જીઈબી પરિવાર નિવૃત્ત ચીફ ઈજનેર- શ્રી શિરીષભાઈ દોશી, શ્રી દોલતસિંહ સોલંકી)

 

ધર્મપત્નિ સવિતાબેન, રમેશભાઈ(આકાશદીપ), દોહિત્રી સલોની, પુત્રી મેનકા, કેતનકુમાર 

 

જમણેથી, ભાઈશ્રી- બળવંતભાઈ , મોટાભાઈ શ્રી વિષ્નુભાઈ ,રમેશભાઈ(કવિશ્રી)ને પરિવારજનો

 

     ……………

આવકાર.

 

 

ભૌતિક સુવિધા સંપન્ન સૃષ્ટિમાં ભારતીય મનોજગતનો પ્રતિઘોષ….ડોશ્રી બળવંતભાઈ જાની

લોક સંસ્કૃતિના રખેવાળ અને રાજપુરુષ, શ્રી પુરુષોત્તમજી રુપાલાજીએ એક વખત મને કહેલું કે બળવંતભાઈ તમે  ડાયસ્પોરા સાહિત્યનું અધ્યયન આરંભ્યું  સારું કર્યું.  અમેરિકામાં એક રમેશ પટેલ (આકાશદીપ) ઉપનામથી કવિતાઓ લખે છે એનું પણ અવલોકન કરજો.

      મારી નોંધમાં  અમેરિકામાં છંદોબધ્ધ કવિતાઓ રચતા નટવર ગાંધીચંદ્રકાંત દેસાઈઘનશ્યામ 

ઠક્કર અને રમેશ કનોજિયા પછીના કવિ તરીકે એમને અવલોકવાપૃથ્વી છંદ માટે 

ખાસએવી  નોંધ ટપકાવેલી. બે એરીયા(કેલિફોર્નીઆ)થી હ્યુસ્ટન જતી વેળા, આ. પ્રતાપભાઈ પંડ્યાના સૂચનથી આકાશમાર્ગે રમેશ પટેલના ‘ મઢેલાં મોતી‘  કાવ્યગ્રંથને અવલોકતો રહેલો.

શિખરિણીહરિણીમંદાક્રાંતાશાલિનીસ્ત્રગ્ધરાઅને પૃથ્વી છંદમાં રચાયેલી રચનાઓ વિશે 

કાવ્યસંગ્રહના હાંસિયામાં  મેં નોંધ કરેલી. મારી પાસે રમેશ પટેલ (આકાશદીપ)નું

એક ડાયસ્પોરા છાંદસ કવિનું ચિત્ર હતું. સન્મિત્ર પ્રો. કિશોરસિંહ સોલંકીએ (મહુધા) પણ એક વખત કહેલુંકે ‘ અમેરિકા જાય છે તો તમારી સાસરીની બાજુના ગામવાળા રમેશ પટેલ

(આકાશદીપ)ને ક્યારેક મળજે. મારું સાસરું શામળનું – રખિદાસનું સિહુંજને બાજુનું મહિસા તે રમેશભાઈનું વતન.

   સરદાર પટેલ યુનિવર્સિટિની બિરલા વિશ્વકર્મા એંજિનિયરીંગ કોલેજમાંથીપ્રથમવર્ગમાં બી.ઈ. ઈલેક્ટ્રીકલ એંજિનિયરની પદવીઈ.સ. ૧૯૭૧માં મેળવેલી. ૧૯૭૨માં ગુજરાત 

ઈલેક્ટ્રીસિટિ બોર્ડમાં એંજિનિયર તરીકે નોકરીમાં જોડાયા. ઈ.સ.૨૦૦૪ થી બત્રીસ વર્ષની નોકરીમાંથી સેવાનિવૃત્તિ પછીઅમેરિકા રેહવા જવાનું બન્યું. સ્વભાવથી રમેશ પટેલ કવિશ્રી દોલતભાઈ ભટ્ટ અને ગાંધીનગરના સાથી મિત્રોએએમની કવિતાઓ, ‘સ્પંદન‘ સંગ્રહમાં પ્રકાશિત કરીભાવપૂર્ણ સન્માન સાથે વિદાયમાન આપેલું.

   

  અમેરિકામાં પ્રકૃત્તિ દર્શન સાથે વતનનું પ્રકૃત્તિપાન ને ભારત ભ્રમણેમનોભૂમિમાં ભંડારાયેલુંતેનું પ્રાગટ્ય અમેરિકામાં નિરાંતની ક્ષણે થવા લાગ્યું. અમેરિકા ગુજરાતી કવિતા ક્ષેત્રે,

‘ ઉપાસના‘ (૨૦૦૭), ‘ત્રિપથગા‘ (૨૦૦૦૮)ઈ-બુક તરીકે કાવ્ય સરવરના ઝીલણે‘ ઉપરાંત ‘ ઉપવન‘ પછી મઢેલાં મોતી‘ -(૨૦૧૬) વિશેશ્રી રઘુવીર ચૌધરીદોલત ભટ્ટઅનિલ ચાવડાસરયૂ પરીખવિનોદ પટેલપ્રતાપરાય પંડ્યાનિલમ દોશી, પ્રજ્ઞાબેન દાદભાવાળામહેશ રાવલપી.કે. દાવડા

જુગલકિશોર વ્યાસ ઉપરાંત  બ્લોગમાં વિવિધ કવિઓના લિખિત રૂપે પ્રતિભાવો અવલોકવા મળે છે. એમનાં ઘણાં ગીતો લોકગીતોની માફક લોકપ્રિય બન્યાં છે.

  ‘મનોભૂમિને મેળે‘  તથા ઉરે ખીલ્યું ઉપવન‘ બંને કાવ્ય-સંગ્રહોમાં એમની ૧૫૦ અને ૧૫૬ મળીને ૩૦૬ રચનાઓ ગ્રંથસ્થ છે. મનોભૂમિને મેળે‘ માં છાંદસ ઉપરાંત ગીતોદીર્ઘકાવ્યોભક્તિકાવ્યોમાતૃ-પિતૃ વંદનાનાં કાવ્યોવ્યક્તિલક્ષી કાવ્યો અને પ્રાસંગિક કાવ્યરચનાઓ સંગ્રહિત છે. ઉરે ખીલ્યું ઉપવનમાં ઉત્સવલક્ષીપ્રેમલક્ષીવતનલક્ષી ગીતો અને ગરબાઓ ઉપરાંત ગઝલો મળીને ૧૫૬ રચનાઓ છે. કુલ ૩૦૬ રચનાઓ નવના પૂર્ણાંકને પ્રગટાવે છે.

     તળપદી કૃષિ જીવનની વિગતો અને વાસ્તવની સૃષ્ટિ સાથે અમેરિકાના ભૌતિક સુવિધા-સંપન્ન રહેઠાણો સાથે અવિનાભાવી રીતે સંકળાયેલી પ્રકૃત્તિ રમેશ પટેલની વિષય સામગ્રી છે.સગાસંબંધી અને સાહિત્યપ્રેમી સજ્જનોની સંગતથી પ્રાપ્ત સંતૃપ્તિનું ગાન તેમની કવિતામાં પડઘાય છે. છંદોભિજ્ઞતા અને સભ્યસમાજના મનની અભિજ્ઞતાની સરળ બાનીમાં અભિવ્યક્તિ એમની નિરંતર કાવ્યસાધનાનું સુફળ છે. ભારતીય જીવન મૂલ્યોને અમેરિકન ભૌતિક સુવિધાસભર વાતાવરણમાં

જાળવી રાખવાનું એમનું વલણ ધ્યાનાર્હ બની રહેશે. રમેશ પટેલને સાધુવાદ.

બળવંતભાઈ જાની

તા- 0-૫- ૧૮સિહુંજ

( સંકલન રજૂઆત-આંશિક).. રમેશ પટેલ

………………

હું ને કવિતા…. કવિશ્રી રમેશ પટેલ(આકાશદીપ)…ઉદબોધન ને કાવ્ય પઠન

સાહિત્ય ઉપવનના સૌરભસમ આપ સૌ સારસ્વતોને અંતરથી વંદન. 

આ. સારસ્વતશ્રી બળવંતભાઈ જાની સાહેબના નેજા હેઠળ ..ગાર્ડી રિસર્ચ ઈંસ્ટિટ્યુટ ફોર ડાયસ્પોરા સ્ટડીઝ અને ગુજરાત સાહિત્ય અકાદમીના સૌજન્યે,

 આજે મારા બે કાવ્ય-સંગ્રહો– ૧) મનોભૂમિને મેળે ૨) ઉરે ખીલ્યું ઉપવન …પ્રકાશન પામી રહ્યા છે મારા માટે અહોભાગ્યનો પ્રસંગ છે. 

   આપણી માતૃભાષાને ઉપખંડે ગરવું સ્થાન અપાવનારઆપ સૌ જેવા સન્માનિતઅનેક મેઘાવી સાહિત્યકારોની છાયા ઝીલતાં મોટા થવાનું 

મને સૌભાગ્ય મળ્યું છે.  આપ સૌ સારસ્વતોનું પૂરક બળ મળ્યું છેતેનું ઋણ સ્વીકારતાં હૃદયથી અત્રે આભાર વ્યક્ત કરું છું.       

  પશુપંખીનું વિશ્વસ્વર દ્વારા પોતાના સંદેશા વ્યક્ત કરે છેજ્યારે આપણી માનવજાતને બે મગજ,  નાનું ને મોટું આપીપરમકૃપાળુએ વાણીની  અદભૂત શક્તિ પ્રદાન કરેલી છે. શબ્દના પ્રકાશમાં આજે વિશ્વ સંસ્કૃતિ વૈજ્ઞાનિક ઉપલબ્ધીઓથી ઝળહળી રહી છે. અંતર પટે 

સાહિત્ય ઉપવન  મહાપ્રસાદી છે..એમાં મઘમઘતું પુષ્પ એટલે આપણું કવિતા જગતપુષ્પોનો વૈભવ જેમ અલગ અલગ રંગો ને રૂપમાં ખીલે છેતેવી  રીતે કવિતાની 

પણ નોંખા- અનોંખા મીજાજ  ને મસ્તી આપણે ઝીલીએ છીએ..

  માતૃભાષામાં અભિવ્યક્તિ એટલે પોતાનો કે સંસ્કૃતિનો ઉજાશ. મારી રીતે કહું તો…

ધન્ય! સંસ્કૃત્તિ વિશ્વે તવ ખ્યાતિ

ગુર્જર  ઉરને  ભાષા   ગુજરાતી

આયખે  ઝૂમતી તું કલરવ ટોળી

નિત્ય રમતી ગીતે ભાવ ઝબોળી

……….

સાચેજ કાવ્ય-જગત એટલે…

સ્વયં સુગંધા હૈયા નઝરાણું

ચૈતન્ય અંતર અજવાળું

કવિતા,તું જીવન રજવાડું

…………….

………………

ગ્રામ્ય વાતાવરણનું  બચપણઆઝાદી સંગ્રામની પાણીદાર પેઢીની છાયા ને પિતાશ્રીએ ઘરમાં  

વસાવેલ પુસ્તકાલયથી..અમને નૈસર્ગિક રીતે નીખરવાનો લાભ મળેલો. ઉત્સવો ને ગ્રામ્ય-જીવનથકી,    લોક સાહિત્ય ને લોકગીતોનું માધુર્ય  બચપણથી  અમારે કોઠે  વણાતું ગયેલું. ઉરે 

છલકાતા  વિચાર વૈભવેકલમ ઉપડાવી.  

  આપણું જીવન જો કવિતામય હોય તો કેટલું સરસ. તાલ દેનારગાનાર ને ઝૂમનાર સૌનો સંગ 

સહજતાથી થતો જાય. કવિતા જગતની મસ્તી  મસ્તાનીઅમે પણ‘ આકાશદીપ” ના ઉપનામ સાથે ઈજનેરી વ્યવસાયક હોવા છતાં ,

 વતન ,ઋતુજોબન ને જીવનની હરપળને એક ઉક્તિ છે ને એમાંથી  કવિતાની કૃતિ વણાતી હોય ,  ભાવ  ઝીલતા ગયા ને લખતા ગયા.

   મારી કાવ્ય-યાત્રાની યાદો પણ મધુરી છે. ..મેઘાવી સાહિત્યકાર આ. શ્રી દોલતભાઈ ભટ્ટેપહેલી મે ,૨૦૦ ના 

રોજ ગાંધીનગરમાં , મારા પ્રથમ કાવ્ય-સંગ્રહ ‘સ્પંદન” ને , આપેલ આવકારને આશિષ મારા હૃદયે અંકિત થઈ ગયેલી છે.

..” તમારામાં પડેલા કવિતત્ત્વે કલમ ઉપડાવી છે તો લખતા રહેજોભાવને પ્રગટ કે પ્રત્યક્ષ 

કરવામાં આપની કલમ અનોખી રીતે ઊભરી રહી છે” .

   શબ્દના અજવાસે ભાવ ઝરણાંને વધાવતા મિત્રો મળ્યા ને મારા સદનસીબે,  ત્રીજા કાવ્યસંગ્રહ ‘ત્રિપથગા” ને જ્ઞાનપીઠ એવોર્ડથી સન્માનિત શિખરસ્થ સાહિત્યકાર આ.શ્રી રઘુવીરભાઈ ચૌધરીએમાતૃભાષાના 

સ્નેહને વધાવતાં આવકારો આપતાં

તેમના આલેખાયેલા શબ્દોની સુગંધ વેરું તો

” ઈજનેર તરીકેની કામગીરીના ભાગ તરીકે એમને પ્રવાસો દરમ્યાન પ્રકૃતિનું સાહચર્ય સાંપડ્યું છે. એમાંથી જાગેલી લાગણીઓ ધરતી-આભને જોડે છે. બદલાતી ઋતુઓમાં પશુ પશીઓની રમણા અને કૃષ્ણગોપીની લીલા પણ રમેશભાઈને ગાતા રાખે છે. એમની કેટલીક ગેય રચનાઓ લોકગીતની સ્ફૂર્તિ ધરાવે છે…જીવનની કેટલીક 

ક્ષણો  ઉમદા પ્રવૃત્તિ માટે સમર્પિત કરવા બદલા એમને 

અભિનંદન અને  શુભેચ્છા”…

       આ પ્રેરણા કેડીના અમે પથિક થઈ ગયા ને આપ સૌ સમક્ષ આજે આ આનંદની પળો માણવાનું સૌભાગ્ય માણી રહ્યા છીએ.

વતન અને માતૃભાષાની મહેંક..સદા ડાયસ્પોરા સાહિત્યમાં લહેરાતી રહે  જ છે… આપને મારા  બંને કાવ્ય-સંગ્રહમાં   પાને પાને ઝીલવા મળશે. 

  ગુજરાતી જોડણી માટે..   ગુજરાતી ભાષાને આધુનિક રીતે ભાષાની ખૂબીઓ સાથે શ્રીમંતાઈ બક્ષવાનું સ્વપ્ન જોનાર ને ,‘ગુજરાતી લેક્સિકોન’ જેવો અમૃત કુંભ  અર્પનાર વિભૂતિ

મુ. રતિકાકાને,  એક માતૃભાષા પ્રેમી તરીકે ઋણ સ્વીકારતાં… મારો કાવ્ય સંગ્રહ “મનોભૂમિને મેળે ” તેમને અર્પણ કરતાં અત્યંત હર્ષ અનુભવું છું.

  આ.ડૉ.પ્રતાપભાઈ પંડ્યા સાહેબના પુસ્તક પ્રેમ અને સમર્પિત સેવાથી સૌ કોઈ  માતૃભાષા ચાહકો વાકેફ છે. આજે મારા   કાવ્યસંગ્રહ…” ઉરે ખીલ્યું ઉપવન” તેમને સાદર અર્પણ કરતાં સાચે જ ગૌરવ અનુભવું છું. 

 પ્રો. સાહિત્યકારશ્રી કિશોરસિંહ સોલંકી, પ્રો. વલિભાઈ મુસા, શ્રી વિનોદભાઈ પટેલ , સુશ્રી નીલમબેન દોશીસરયુબેન પરીખ,  જયશ્રીબેન મરચંટ , જુગલકિશોર વ્યાસના…

સમયાંતરે મળેલા વિવેચન ને પ્રોત્સાહને અમને પરદેશમાં પણ ગાતા- લખતા રાખ્યા છે. છંદાસ રચનાઓગીત ,ગરબા ,હાઈકુ ને ગઝલો , વિધવિધ પ્રાસંગિક વિષયો સાથે  ,ઋતુ- ઉત્સવોને જીવનના રંગો ગણી કવનમાં મેં ઝીલ્યા છે..આપની વધામણી થકી જ અમને માતૃભાષાની ઉપાસના કરવાનું જોમ મળતું રહ્યું છે ને કવિતા વિશ્વને અમે માણ્યું છે.

     મારી કવિતા વિશે વાત કરું તો..અમારા એક ટીખળી મિત્ર મળે એટલે  વદે કે તમે કવિઓ એટલે વાયરા જેવા. બાંધ્યા બંધાય  નહીં..સાગરવન કે વાદળો લહેરાવે  રાખે.

હું તેમને કહેતો..વાયરા તો બીચારાફક્ત વાતાવરણ સુંધી  લહેરેકવિઓતો બ્રહ્માંડની ખબર લઈ નાખે. આપણા ખ્યાત કવિ શ્રી માધવ 

રામાનુજની ..વાયરાની કવિતા કેમ ભૂલાય. 

આપણે તો ભૈ રમતારામ !

વાયરો આવે-જાય એણે ક્યાંય બાંધ્યાં ના હોય ગામ.

 

અમે પણ વાયરે ચડ્યા ને એક કવિતા સંભળાવી દીધી.

કેમ કરી વાયરાને વારું?…..રમેશ પટેલ(આકાશદીપ)

વાત ઉડાડવાની વાયરાને ટેવું,

કેમ કરી વાયરાને વારું?

વાત જ બધી એની પરબારું.

ગાજે અંબર આ વેરતું અજવાળું,

લોક કહે મેઘલાનું ટાણું,

મારે ઝાપટને વાયરો થાય ઘેલો,

લો આ મેઘલાનું ભારું…

વાત જ બધી એની પરબારું.

લીલાછમ વગડે ઝૂમતી વસંતી,

ટહુકે કોયલ ડાળું ડાળું,

બેસ અલી ચંપાવાયરા વદતા-

હું તો બારણે બારણે ભાળું…

વાત જ બધી એની પરબારું.

પાનખર આવીને તરૂ બધાં બુઠ્ઠાં-

ને રજની પાથરે  અંધારું,

આવ્યું ભૂત કહીબારી એ ખખડાવે,

પૂંછું તો કહે… હું વગડાને તાણું,

વાત  જ બધી એની પરબારું.

શાણો થઈને મારતો એ શેખી,

અંદર-બહાર સૌને રમાડું,

દેતો દાટીજો આ વાયરા જાશે વછૂટી,

તને બાંધશે લાકડાનું ભારું,

વાત જ બધી એની પરબારું.

સાકરથી મુખભરી બાપલાને બોલું,

થાજે થોડો તું વ્યવહારું,

એમ કરી વાત હું વારું(૨)વાત જ બધી એની પરબારું.

 

 

 

 

 

 

 

Read Full Post »

Audio links of songs and garba of Aakashdeep

https://drive.google.com/open?id=1Y-J_S678oBu4JjcEycIbpwdpAf926zig

 

https://drive.google.com/open?id=1XYRixahoS_B-sLVOSbbNtR5qqppSR4lE

 

https://drive.google.com/open?id=1lw2zAUIVlkF11m1uaUCqduOihOwazp1N

 

https://drive.google.com/open?id=1J-Kvtf7RmE_n-ILP56eOEzd4lZRIFFx_

 

https://drive.google.com/open?id=1zpqL0HfVyJv9x4f6e8FSGPIzseJPdOvc

 

https://drive.google.com/open?id=1-3Dpz30ci3bYeNFOEpdcz8h48ytH4Q-e

Read Full Post »

Older Posts »