Feeds:
પોસ્ટો
ટિપ્પણીઓ

Archive for જૂન 12th, 2017

આપણી  ગુજરાતી ભાષા એ સંસ્કૃતમાંથી ઉદ્ભવેલી ભાષા છે. છ કરોડ લોકોની એ બોલી તરીકે ,વિશ્વમાં ૨૬ મા ક્રમની ભાષા તરીકે નોંધાયેલી છે. નાગરી લિપીની લેખન પધ્ધતિ પ્રમાણે એ લખાય છે. ગુજરાતી સાહિત્ય એ પરંપરા, સંસ્કૃતિ, નૃત્ય, સંગીત, વાર્તા ને નાટ્ય ક્ષેત્રે સમૃધ્ધ છે.ગુજ્જરોએ ઇ.સ. ૭૦૦-૮૦૦ દરમ્યાન અહીં શાસન કર્યું ને આ પ્રદેશ ગુજરાત બની ગયો. આવો ગરવી ગુજરાતની આ ગૌરવી ભાષાને, બે એરીયાના (કેલિફોર્નીઆ) ના ડોશ્રી પ્રતાપભાઈ પંડ્યા(પુસ્તક પરબ),

 શ્રી ભાગ્યેશભાઈ ઝા ને પ્રજ્ઞાબેનની વધામણી પ્રસંગના ફોટા જોઈ હરખે વધાવીએ.

ધન્ય હો! માતૃભાષા તવ ગાણું….રમેશ પટેલ(આકાશદીપ)

 

 

વાહ! પુણ્ય અમ સંસ્કૃતિ ઢોલી

માતૃભાષા તું  છે મીઠડી બોલી

 

 

ધન્ય! સંસ્કૃત્તિ વિશ્વે તવ ખ્યાતિ

ગુર્જર  ઉરને  ભાષા   ગુજરાતી

 

 

પારણીયે ઝીલ્યાં હાલરડાં મીઠાં

માત અધરે વહેતાં અમૃત દીઠાં

 

 

અન્યોન્ય ભાષા જ ઝીલી ઉમંગે

ઘૂઘવ્યા  સાત સમંદર તવ સંગે

 

આયખે  ઝૂમતી તું કલરવ ટોળી

નિત્ય રમતી ગીતે ભાવ ઝબોળી

 

 

છે  માતૃભાષા   ઉપવન  મધુરું

રે  મહામૂલું  તું   સૌરભ  કટોરું

 

 

જન્મ જન્મનું શ્રીમંતાઈ  દુલારું

ધન્ય હો! માતૃભાષા તવ ગાણું

રમેશ પટેલ(આકાશદીપ)

Read Full Post »