Feeds:
પોસ્ટો
ટિપ્પણીઓ

Archive for ઓગસ્ટ, 2016

ભગવાન વિષ્ણુ પદ્મનાભ કેમ કહેવાય છે?…..

 ભારતીય સંસ્કૃતિના તથ્યોને ઉજાગર કરતી ..આ પ્રકાશ પાડતી વાતો સમજવા જેવી છે…આવો લેખકના આભાર સાથે મનન કરીએ..માણીએ.  

રમેશ પટેલ(આકાશદીપ)

 

With a Special Thanks…Shri Mahendrabhai and Author.

came across very good link:

http://www.bombaysamachar.com/frmStoryShow.aspx?sNo=199259

 
 Inline image 1

 

ભગવાન વિષ્ણુ શાંતાકાર છે, ભુજંગ અર્થાત શેષનાગ પર શયન કરે છે અને પદ્મનાભં સુરેશં છે. કમલ નયનં પણ છે. (શાંતાકારં ભુજંગશયનં વાળો શ્ર્લોક મનોમન બોલી જાવ.) પદ્મનાભં એટલે જેમની નાભિ પર કમળ છે અને સુરેશ એટલે દેવતાઓના પણ ઈશ્ર્વર. કમલ નયન એટલે જેમની આંખો કમળ જેવી છે. ભગવાન વિષ્ણુના હાથમાં પણ કમળ જોવા મળે છે.

 

એટલું જ નહીં પણ તેમનાં પત્ની લક્ષ્મીજીના હાથમાં પણ કમળ જોવા મળે છે અને તેઓ કમળ પર બિરાજમાન છે. આ જ રીતે વિદ્યા અને જ્ઞાનનાં દેવી સરસ્વતી પણ કમળ પર બિરાજમાન છે. કોઈ પણ કામના શુભારંભ વખતે જેમનું સ્મરણ અચૂક કરાય તેવા ગણપતિજીના ચાર પૈકી એક હાથમાં પણ કમળ છે. મા અંબાના એક હાથમાં પણ કમળ જોવા મળે છે.

 

એક એવી થિયરી છે કે પરમાત્મા અર્થાત બ્રહ્મ તો નિરાકાર છે, પરંતુ સાકાર રૂપને પૂજવાથી ઝડપથી બ્રહ્મને પામી શકાય છે. એટલે આપણાં જેટલાં દેવી-દેવતા, ભગવાન-માતાજી છે તે જો નરી કલ્પના હોય તો પણ વૈજ્ઞાનિક રીતે, માનસશાસ્ત્રની રીતે, આધ્યાત્મિક રીતે, સામાજિક રીતે અને આરોગ્યની રીતે તેઓની કેટલી સચોટ કલ્પના કરાઈ છે! ભગવાન સાથે જોડાયેલી એક-એક ચીજનું અનેક પરિમાણીય મહત્ત્વ! શંકર ભગવાન સાથે જોડાયેલી દરેક ચીજનું મહત્ત્વ આ કોલમમાં આપણે જોઈ ગયા છીએ. તો, વિષ્ણુ અને અન્ય દેવી-દેવતા સાથે જોવા મળતા કમળનું મહત્ત્વ પણ સમજવા જેવું છે. પણ એ પહેલાં…

 

એ પ્રશ્ર્ન થાય કે ભગવાન વિષ્ણુને પદ્મનાભ કેમ કહ્યા? તેમની નાભિ કમળ જેવી કેમ છે? હકીકતે આને આપણે સામાજિક રીતે પહેલાં સમજીએ અને પછી તેનો વૈજ્ઞાનિક આધાર જોઈએ. થોડા પ્રશ્ર્નો પૂછું? લગ્ન નક્કી કરતી વખતે છોકરા માટે પહેલી શરત શું હોય છે? તે કમાતો હોવો જોઈએ. આજે ઘણાં દંપતી, ખાસ કરીને સ્ત્રી, બાળકનું આયોજન કરતાં પહેલાં શું વિચારે છે? કારકિર્દીમાં સ્થિરતા આવી જાય. કમાણી સારી થઈ જાય. આનો અર્થ એ થયો કે તમારે સર્જન કરવું છે, બાળકને જન્મ આપવો છે, પણ તે પહેલાં તમે તેને પોષણ આપવાની ક્ષમતા ધરાવતા હોવા જોઈએ.

 

આથી શાસ્ત્રોમાં પહેલાં બ્રહ્માના બદલે વિષ્ણુની કલ્પના કરાઈ. બ્રહ્માને વિષ્ણુની નાભિમાંથી ઉત્પન્ન થતા બતાવાયા છે. અર્થાત સર્જનહાર પહેલાં સર્જનપોષક! એક રીતે નાભિ અને તેની નીચેનો પ્રદેશ સર્જન માટે મહત્ત્વનો છે. નાભિ એ શરીરનું કેન્દ્ર છે. નાભિને બીજું મગજ પણ કહેવાય છે! અને આ ગપ્પું નથી. આ વાતને અમેરિકાના વૈજ્ઞાનિકોનું પણ સમર્થન છે.

 

અમેરિકાના જસ્ટિન સોનેનબર્ગ અને એરિકા સોનેનબર્ગે ‘ધ ગૂડ ગટ: ટેકિંગ કંટ્રોલ ઑફ યોર વેઇટ, યોર મૂડ એન્ડ યોર લોંગ ટર્મ હેલ્થ’ પુસ્તક લખ્યું છે જે પેંગ્વિન પ્રેસે પુન:પ્રકાશિત કર્યું છે. આ પુસ્તક અનુસાર, આપણે ઘણી વાર ‘ગટ ફીલિંગ’ અથવા દેશી ભાષામાં કહીએ તો ‘કોઠાસૂઝ’ની વાત કરતા હોઈએ છીએ. બ્રેઇન અને ગટ એટલે કે મગજ અને કોઠાને જોડાણ છે. અને આ કલ્પના નથી. હકીકતે કોઠો અર્થાત પેટ અને મગજ એ ન્યૂરોનના સઘન નેટવર્કથી જોડાયેલાં છે. તેમાં રસાયણો અને અંત:સ્ત્રાવોનો પ્રવાહ વહેતો હોય છે. એથી જ તો આપણને ભૂખ લાગે તેનો સંદેશો મગજ સુધી પહોંચે છે અને તે સંદેશો પગ સુધી પહોંચતા આપણે રસોડા તરફ ગતિ કરીએ છીએ. આ માહિતીના સુપર હાઇવેને બ્રેઇન-ગટ એક્સિસ અર્થાત મગજ-કોઠા ધરી પણ કહેવાય છે. એટલે જ જ્યારે આપણી સાથે કંઈક અઘટિત બને ત્યારે આપણા પેટમાં ગરબડ થવા લાગે છે. ઘણાને તો પેટ પર ભાર આવતા ટેન્શનમાં ભૂખ લાગવા લાગે! (તારક મહેતા…’ના ડો. હાથી) તો કેટલાકની ભૂખ ઓછી થઈ જાય! કેટલાકને ઝાડા થઈ જાય! કેટલાકને હાજત બંધ થઈ જાય! ટૂંકમાં મગજ પર સ્ટ્રેસ આવે એટલે પેટને તરત ખબર પડે!

આપણા શરીરમાં મુખ્યત્વે સાત ચક્રો યોગની દૃષ્ટિએ આવેલાં છે. પેટ સાથે જોડાયેલા ચક્રને મણિપુર ચક્ર કહે છે. કેટલાક તેને સોલાર પ્લેક્સસ પણ કહે છે. યોગની દૃષ્ટિએ આ ચક્ર ઉત્સાહ, ઊર્જા, ઈચ્છા શક્તિ, અને સિદ્ધિનું ચક્ર છે. આ ચક્ર સૂર્ય સાથે જોડાયેલું છે. પાશ્ર્ચાત્ય પરિભાષામાં પણ તેને સોલાર પ્લેક્સસ કહ્યું. અહીં જ્યોતિષને વચ્ચે લાવીએ તો સૂર્ય એ ઊર્જા, ઈચ્છા શક્તિ અને સિદ્ધિના દેવ છે. આમ જ્યોતિષ એ રાજુ હિરાણીની ‘લગે રહો મુન્નાભાઈ’ કે ‘પીકે’માં બતાવાય તેમ હંબગ નથી. હા, જ્યોતિષીઓ હંબગ હોઈ શકે. એટલે તમે સૂર્યને મજબૂત કરો તેની ઉપાસના કરો તેમ તમારી ઈચ્છા શક્તિ મજબૂત થાય. ઊર્જા વધે. હીરા રતન માણેક જે સૂર્ય ઉપાસનાથી અનેક દિવસો ભૂખ્યા રહી શક્યા તેની વાત તો આપણે આ જ કોલમમાં થોડા વખત પહેલાં કરી ગયા છીએ.

 

હવે કમળની વાત. કમળ એ કાદવમાં ખીલે છે. કાદવની અસર કમળ પર થતી નથી. ઉલટું આ ગંદા કદરૂપા કાદવમાં આવું સુંદર કમળ ખીલે છે તેમ વિષ્ણુ ભગવાન બતાવે છે કે તમારી નાભિ પણ કમળ જેવી હોવી જોઈએ- શુદ્ધ, સ્થિતપ્રજ્ઞ. દુન્યવી ચિંતાઓની અસર મગજથી પેટ સુધી નહીં પહોંચવા દેવાની. તો તમે નિરોગી રહી શકશો. કમળ એ શુદ્ધતા અને સૌંદર્યનું પ્રતીક છે અને એટલે જ માત્ર હિન્દુ જ નહીં, અન્ય પંથોમાં પણ કમળનું મહત્ત્વ છે!

 

કમળ પરથી ભારતમાં અનેક નામો છે! પદ્માવતી, પદ્મિની, અરવિંદ, અંબુજા, સરોજા, નીરજ, પંકજ, પંકજા, કમલ, કમલા, નલિન, નલિની. બૌદ્ધ પંથમાં પણ કમળનું મહત્ત્વ અનેરું છે, બૌદ્ધ પંથમાં કમળને અત્યંત ઉચ્ચ સ્થિતિનું પ્રતીક મનાયું છે. કમળ એ આઠ શુભ પ્રતીકો પૈકીનું એક છે. બૌદ્ધ વિચાર મુજબ, જે રીતે કમળ કાદવમાં ખીલે છે તેમ આત્માએ દુન્યવી સ્થિતિમાંથી આત્મજ્ઞાનની સ્થિતિમાં જવાનું છે. અન્ય છોડ પણ પાણીની ઉપર ઉગે છે પરંતુ કમળ તેના થડના કારણે સપાટીથી આઠથી બાર ઈંચ ઉપર રહી શકે છે! બૌદ્ધ પંથના દરેક મહત્ત્વના દેવતાઓ કમળ સાથે જોડાયેલા છે. કાં તો તેઓ કમળ પર બેઠેલા છે અથવા તેમના હાથમાં કમળ જોવા મળે છે. ડિટ્ટો હિન્દુ પંથ! બૌદ્ધ પંથમાં પણ કમળને સર્જન સાથે અથવા પુનર્જન્મ સાથે જોડવામાં આવ્યું છે. ‘નામ મ્યોહો રેન્ગે ક્યો’ને લોટસ સૂત્ર કહેવાય છે અને તેને બુદ્ધને પ્રગટ કરવા માટેનું વ્રત મનાય છે. તેનો જાપ જીવનમાં ખુશી લાવે છે તેમ કહેવાય છે.

 

અને ધીરજ ધરો! ઈસ્લામની હદીશમાં પણ કમળને તોડવાની મનાઈ કરવામાં આવી છે! આ મુજબ: આયેશા (ભગવાન તેમના પર ખુશ થાઓ)એ કહ્યું: ભગવાનના દૂતે (પયગંબરે) કહ્યું: જે લોકો કમળ તોડશે તેમને નરકની આગમાં નાખવામાં આવશે. (જોકે મુસ્લિમો હદીશને ઓછું માને છે, કુરાનને વધુ માને છે.) ખ્રિસ્તીઓના શ્રદ્ધાના આધાર બાઇબલમાં ‘જોબ’ના અધ્યાયમાં કમળનો ઉલ્લેખ છે. જોબ આપણા રાજા હરિશ્ચંદ્ર જેવો છે. ભગવાન રાક્ષસ (શેતાન)ને જોબને દરેક રીતે હેરાન કરવાની છૂટ આપે છે જેથી જોબની સત્યનિષ્ઠા અને ભગવાન પ્રત્યેના સમર્પણની કસોટી થઈ શકે. આથી રાક્ષસ જોબનાં બાળકોને મારી નાખે છે, જોબના ઘરનો નાશ થાય છે, જોબની સંપત્તિ છિનવી લે છે, જોબના શરીરમાં ભારે પીડા થાય છે. આ જોબ સાથે સંકળાયેલો છોડ એ કમળનો છે! બાઇબલમાં એક જ જગ્યાએ કમળનો ઉલ્લેખ છે (૪૦:૨૧-૨૨). જ્યારે તમામ તકલીફો બાદ અંતે ભગવાન જોબ સાથે વાત કરે છે ત્યારે આ ઉલ્લેખ આવે છે. પ્રાચીન ઇજિપ્તમાં કમળને સૂર્ય સાથે જોડવામાં આવતું હતું. કમળ રાત્રે ગાયબ થઈ જતું અને સવારે ફરી દેખાતું હતું. આમ, પ્રાચીન ઇજિપ્તમાં કમળ એ સૂર્ય અને સર્જનનું પ્રતીક મનાતું હતું.

 

કમળનું મૂળ એ આરોગ્યની રીતે ખૂબ જ ફાયદાકારક છે. તેનાથી પાચન સુધરે છે. કોલેસ્ટેરોલ ઘટે છે. બ્લડ પ્રેશર ઘટે છે. ઇમ્યૂન સિસ્ટમ સુધરે છે. કેન્સરના અનેક પ્રકારોને અટકાવે છે. મૂડને બેલેન્સ કરે છે. ડિપ્રેશન ઘટાડે છે. ઉત્સેચક (એન્ઝાઇમ)ની યોગ્ય પ્રવૃત્તિને મેઇનટેન કરે છે. ઑસ્ટ્રેલિયાની એડિલેઇડ યુનિવર્સિટીના સંશોધકોએ શોધી કાઢ્યું છે કે કમળમાં તેના ફૂલોનું તાપમાન નિયંત્રિત કરવાની અદ્ભુત ક્ષમતા છે. (અમસ્તું ભગવાન વિષ્ણ સાથે તેને જોડવામાં આવ્યું હશે? વિષ્ણુ પણ જલદી ગુસ્સે નથી થતા. તેઓ તેમના મગજના પારાને નિયંત્રિત રાખી શકે છે.) કમળ હજારો વર્ષ સુધી જીવી શકે છે. અનેક એશિયાઈ વાનગીઓમાં કમળનો ઉપયોગ શાક તરીકે થાય છે. કમળના મૂળથી બ્લડ સર્ક્યુલેશન પણ સુધરે છે. તેમાં વિટામીન બી કોમ્પ્લેક્સ રહેલું છે. તે મગજના ન્યૂરલ રિસેપ્ટર સાથે સીધું ઇન્ટરેક્ટ કરે છે. તેથી ગુસ્સો, માથાનો દુ:ખાવો અને તણાવ ઘટે છે. તેમાં વિટામીન સી પણ રહેલું છે. આથી આપણી રક્ત ધમનીઓ, અવયવો, ત્વચાની તાકાત સુધરે છે. તેનાથી વજન નિયંત્રિત રાખવામાં પણ મદદ મળે છે. તેમાં રહેલા વિટામીન એના લીધે ત્વચા, વાળ અને આંખની શક્તિ પણ વધે છે. તેમાં એન્ટિઑક્સિડ્ન્ટ ક્ષમતા રહેલી છે. તેથી ઘા ઝડપથી રૂઝાય છે. જોકે એવી સલાહ અપાય છે કે કમળના મૂળને કાચાં ન ખાવાં જોઈએ. તેનાથી બેક્ટેરિયલ ઇન્ફેક્શન થઈ શકે છે. તેને રાંધીને ખાવા જોઈએ.

આમ, વિષ્ણુ ભગવાન પદ્મનાભ કેમ કહેવાય છે એ હવે સમજાઈ ગયું ને.

(ક્રમશ:)

Read Full Post »

શ્રાવણ માસ એટલે ભક્તિની ધારા…સદાશિવની આરાધના. જન્માષ્ટમી ને રક્ષાબંધન…પાવનતાની અનુભૂતિનો માસ. આવો કણકણમાં ભગવાનના આપણા તત્ત્વજ્ઞાનમાં ડૂબીએ.

રમેશ પટેલ(આકાશદીપ)

કણકણમાં ભગવાન…રમેશ પટેલ(આકાશદીપ)

 

 

વદે  વેદની  ઋચા  સુજ્ઞ, કણકણમાં  ભગવાન

સૂક્ષ્મ જગને પરખે અંતર, ગઠન ગૂંથે કિરતાર

 

 

કેમ જગત આ? કેવું વિશ્વ આ? ખોળે ભાષા આ વિજ્ઞાન

લોપી  અલોપી  ખેલ  નિરાલા!   ઢૂંઢે  શક્તિનાં સંધાન

 

 

લીલા અનોખી ગતિ શક્તિની, કોટિ રમે દેતી દુવિધા

કોણ તપવતું  ઊંડા પાતાળો, ભેદ ભારી  જ  અતાગા

 

 

આનાદિ  બ્રહ્માંડ  રમે  અનંતા! અગોચરા  રે બંધન

‘ઈશ્વરીય કણની’ માયા મોંઘેરી, વિજ્ઞાન કરે રે વંદન

 

 

કોણ કરે આ ગર્ભિત શાસન? ફક્ત કરવાવાળો જાણે

ભેદ ભરમના    મહા ખજાના, ચાર   ટકા   જ ભાણે

બાકી મારો રામ એ જાણે(2)

Read Full Post »

ભારતીય સંસ્કૃતિની ધરોહરને ખૂબ જ મનનીય ને પ્રેરક  બને તે રીતે  અભિવ્યક્ત કરવાનું કૌશલ્ય, પૂર્વીબેનની લેખ-માળામાં અનુભવાય છે.વિશદ અભ્યાસને લીધે સૌના હૃદયને સ્પર્શી જાય તે રીતે

ઉત્સવોની મજા ,માતૃભાષામાં  પ્રસાદી રૂપે  માણવાનો એક લ્હાવો છે..આવો સાભાર ..વ્રજની વાટે પૂર્વીબેનના લેખ સાથે વિહરીએ.

સંકલન-રજૂઆત–રમેશ પટેલ(આકાશદીપ)

જન્માષ્ટમી:-

આપણે ત્યાં ચાર રાત્રીઑ બહુ પ્રખ્યાત છે. જેમાં પ્રથમ છે ભગવાન શિવનો મહિમા દર્શાવતી….શિવરાત્રી, નવરાત્રી …જે ચૈત્ર, માઘ, અષાઢ અને આસો એમ એમ વર્ષમાં ચાર વાર આવે છે. ત્રીજી છે જન્માષ્ટમીની રાત. આ રાત્રીએ ભગવાન વિષ્ણુએ સંસારને માયાથી મોહ પમાડી કૃષ્ણ રૂપે જન્મ લીધેલો માટે મોહરાત્રી, અને ચોથી છે કાલ રાત્રી …..આ કાલ રાત્રી તે દિવાળીની આગળની રાત્રી ગણાય છે. આ દિવસે ભગવાન કૃષ્ણએ નરકાસૂરને કાળને હવાલે કર્યો હોવાથી કાલરાત્રી.

 

ભગવાન કૃષ્ણ અંધારી રાતમાં કેમ પ્રગટ થયા? :-

મધ્યકાલીન યુગમાં થયેલા શ્રી વલ્લભાચાર્યજીએ અંતઃકરણ પ્રબોધમાં કહ્યું છે કે જીવ સૌ પ્રથમ અંધકારરૂપી કર્મભૂમિ પર અંકુરિત થાય છે, આ અંધકાર જ જીવને જીવન રૂપી સૂર્ય તરફ મોકલે છે.  રહી વાત પ્રભુની તો પ્રભુએ જ્યારે મનુષ્યજીવનમાં અવતરીત થવાનું નક્કી કર્યું ત્યારે તેમણે પણ અન્યજીવોની જેમ અંધકારને પોતાની કર્મભૂમિ બનાવી. અંધકારનો બીજો અર્થ એ પણ છે કે પ્રભુ પ્રકાશ સ્વરૂપ છે અને માયા અંધકાર છે. તેથી જ્યારે જ્યારે પ્રકાશસ્વરૂપ પ્રભુ પ્રગટ થવાના હોય ત્યાં માયા રૂપી અંધકાર રહી શકે નહીં.

પ્રભુએ કારાગૃહમાં જન્મ કેમ લીધો ? :-

અંતઃકરણ પ્રબોધમાં કહે છે કે પ્રત્યેક જીવ પોતપોતાના કર્મરૂપી કારાગૃહમાં જન્મ લે છે ત્યારે તે કારાગૃહમાં રહી પ્રભુને વિનંતી કરે છે કે આ જીવનમાં તે સારા કર્મ કરશે. તેની વિનંતી પછી પ્રભુ તેને નવા શુભ કર્મ કરવા માટે તે ગર્ભરૂપી કારાગૃહમાંથી મુક્તિ આપી નવજીવન આપે છે. 

 

ભગવાન કૃષ્ણ અષ્ટમીની રાત્રી કેમ પસંદ કરી:-

આપણી સમગ્ર પ્રકૃતિએ જળ, વાયુ, અગ્નિ, ભૂમિ, આકાશ એ પંચતત્ત્વો સાથે મન, બુધ્ધિ અને અહંકાર  એમ અન્ય ત્રણ કુલ આઠ તત્ત્વો સાથે બનેલી છે. આ આઠ તત્ત્વો રૂપી અપરા પ્રકૃતિમાં સમાયેલ જીવોને બહાર કાઢવા પ્રભુએ અષ્ટમીની રાત્રી પસંદ કરી છે.

 

વરસાદ અને યમુનાપાર:-

વસુદેવજી બાલ પ્રભુને લઈને ગોકુળ તરફ નીકળ્યાં ત્યારે વરસાદથી છવાયેલ મેઘલી રાત હતી. અવિરત પાણીથી યમુના બેકાબૂ બની હતી. ધર્મ કહે છે કે જ્યારે પ્રકૃતિનાં જીવોમાં કામ, ક્રોધ, મદ, રસ, સ્પર્શ, સ્વાદ રૂપી વરસાદનું જોર વધવા લાગે છે ત્યારે તે જીવોની ઇન્દ્રિયો બેકાબૂ બની જાય છે. આવા અવસરે જીવો જો પ્રભુને શરણે જાય તો જ આ જીવો યમુના પાર અર્થાત સંસારસાગર પાર ઉતરી શકે છે. યમુના પાર એ પ્રસંગનું બીજું તાત્પર્ય એ પણ છે કે પોતાના આરાધ્ય પ્રભુને પોતાને આંગણે આવેલા જોઈ તીર્થરૂપા દેવી યમુનાનું હૃદય ભાવપૂર્ણ ભક્તિથી ભરાઈ આવ્યું.આ કારણે તે પોતાના આરાધ્યનાં આ બાલસ્વરૂપનાં ચરણોનો સ્પર્શ કરવા બાવરા થઈ વસુદેવજીનાં મુખ સુધી ચડવા લાગ્યાં ત્યારે બાળપ્રભુએ પોતાનાં ચરણસ્પર્શ આપ્યાં અને યમુનાનાં ભાવને પરિપૂર્ણ કર્યા.

 

ગોકુલ:-ગોકુલ…..જ્યાં બાલ પ્રભુને લઈને તાત વસુદેવજી પહોંચ્યાં હતાં તે ગોકુલનો મહિમા અપરંપપાર છે. પુરાણોએ ગોકુલ શબ્દનો અર્થ વિસ્તારતા કહ્યું છે કે જ્યાં ગૌ નો સમૂહ રહે છે તે ગોકુલ છે, જ્યાં ગૌ રૂપી ઇન્દ્રિયોનો નિવાસ છે તે ગોકુલ છે. ….અંતે આપણું શરીર એ જ ગોકુલ છે જ્યાં પ્રભુ રહે છે.

 

યશોદામૈયા અને નન્દબાબાનાં નામનો અર્થ શું છે? :- શ્રીમદ્ ભાગવદ્માં કહ્યું છે કે “यशो ददाति इति यशोदा” અર્થાત્ જે પોતાનાં સુખ, કાર્ય અને સફળતા માટે બીજાને યશ આપે છે તે યશોદા છે અને જે પોતાનાં આચરણ, વિચાર, સદાચાર, વાણી અને વર્તન દ્વારા આનંદ પહોંચાડે છે તે નન્દ છે. 

 

યશોદા અને નન્દ કોણ હતાં? :-

પૂર્વકાળમાં વસુશ્રેષ્ઠ દ્રોણ અને તેની પત્ની ધરાએ બ્રહ્માજી પાસેથી વરદાન લીધેલું કે જ્યારે ભગવાન વિષ્ણુ પૃથ્વી પર અવતાર ધારણ કરશે ત્યારે તેઓ ભગવાન વિષ્ણુને પોતાનાં પુત્રનાં રૂપમાં પ્રાપ્ત કરશે. આ વરદાન અનુસાર પ્રથમ જન્મમાં વસુશ્રેષ્ઠ દ્રોણે દશરથ અને ધરાએ કૌશલ્યાં રૂપે અને બીજા જન્મમાં નન્દ અને યશોદા રૂપે લીધો.                                                                                                                                                                                                                        આનંદઘન પરમાનન્દ શ્રી કૃષ્ણ  :- આનંદઘન પ્રભુને આપણે કૃષ્ણનાં નામથી જાણીએ છીએ. શ્રી વલ્લભાચાર્યમહાપ્રભુ કહે છે કે “कर्षित आकर्षित इति कृष्ण” અહીં કૃષ એટ્લે આકૃષ્ટ કરવું, આકર્ષિત કરવું અને “ણ” એટ્લે આનંદ આપનાર. અર્થાત્ જે સર્વનાં ચિત્તને આનંદ આપવા માટે પોતાની તરફ આકર્ષિત કરી ખેંચી લે છે તે કૃષ્ણ છે. કૃષ્ણ શબ્દનો બીજો અર્થ છે “ કેન્દ્ર “  અર્થાત્ જે સર્વે જીવ, સજીવ અને નિર્જીવનાં મધ્યબિંદુ-કેન્દ્રમાં બિરાજે છે તે કૃષ્ણ છે.

 

નન્દ ઉત્સવ:-

વૃધ્ધાવસ્થાને આરે આવીને ઉભેલા નંદરાયજીને ત્યાં કોઈ સંતાન ન હતાં, પણ મુનિવર્ય ગર્ગાચાર્યજીનાં આર્શિવાદને કારણે તેમને ત્યાં સંતાન પ્રાપ્તિનો યોગ આવ્યો. જ્યારે જન્માષ્ટમી રાત્રી આવી ત્યારે વસુદેવજી પોતાનાં અષ્ટમ પુત્રને કંસથી બચાવવા માટે નન્દજીને ત્યાં ગોકુલમાં આવ્યાં અને પોતાનાં પુત્રને યશોદાજીનાં અંકમાં છોડી તેમને ત્યાં જન્મેલી માયા નામની પુત્રીને લઈ ગયાં. જન્માષ્ટમીને બીજે દિવસે એટ્લે કે નવમીને દિવસે યશોદા અને નન્દને ત્યાં વર્ષોપરાંત પ્રભુ અને ગુરુકૃપાએ પુત્રજન્મ થયો છે તેવી વાત ગોકુલમાં ફેલાઈ ગઈ. આ સમાચારથી આનંદિત થયેલાં વ્રજવાસીઓએ મંગલ ધ્વનિ વગાડી, મંગલ ગાન ગાઈ હલ્દી, દહીં, દૂધ , શીંગદાણા, ઘી, ગુલાબજળ, મીઠાઇ, મિસરી, માખણ ,કેસર, કપૂર,  આદિ શુભ વસ્તુઓને વાતાવરણમાં ઉડાડી દહીકાંદૌ ઉત્સવ મનાવ્યો જે નન્દ ઉત્સવ તરીકે ઓળખાયો.

શ્રી રાધા નામ:-

અંતે… કૃષ્ણને યાદ કરીએ તો શ્રી રાધા કેમ રહી જાય? કારણ કે રાધા વગર કૃષ્ણ અડધા છે અધૂરા છે. હરિવંશપુરાણને મતે ભગવાન શ્રી હરિનાં હૃદયમંડલમાંથી ષોડ્શીય કન્યા, શ્રી યમુના અને ગિરિરાજ એમ ત્રણ સ્વરૂપ પ્રગટ થયા. આ ત્રણમાંથી પ્રથમ કન્યા પ્રગટ થતાં જ દોડી અને પોતાની જાતને શ્રી હરિનાં ચરણોમાં ઢાળી દીધી. સંસ્કૃતમાં જન્મ મારે રા અને દોડવા મારે ધાવિત શબ્દનો પ્રયોગ થયો હોઈ આ કન્યાને “રાધા” નામે ઓળખવામાં આવી.

રાધા કોણ છે?:-

 

 कृष्णेन आराध्यत इति राधा । 

कृष्णं समाराधायति सदेति राधिका ।

 

વૃષભાન અને કિર્તિરાણીની પુત્રી રાધા તે વ્રજભૂમિની અધિશ્વરી છે અને કૃષ્ણની આહ્લાદીની શક્તિ છે. આથી કૃષ્ણ સ્વયં શ્રી રાધાની આરાધના કરે છે.

 

ફૂલછાબમાં પ્રકાશિત :-
પૂર્વી મોદી મલકાણ. યુ.એસ.એ
purvimalkan@yahoo.com

………………………………..

Image result for dakor temple

Jay Ranchhod raya..Dakor

હેતે રમાડ્યો ગોપલો..…રમેશ પટેલ(આકાશદીપ)

વાહ  ગોકુલ  તારું  કેવું  રે   ભાગ્ય  મહા  બલવાન

નારાયણ નાથ પધાર્યા તારે આંગણે થઈ મહેમાન

ભક્તિ  તમારી   ભાળી  ભગવાને  પ્રતાપી   સરતાજ

પારણે આવી પોઢ્યો પરમેશ્વર, ઝુલાવે જશોદા માત

વાહગોકુલ તારું…..

નિષ્કપટ મનડાં દેખી તમારાં, માખણ ચોરે સંગાથ

ભોળાની સાથે ભોળો અમારો, ગાયો ચારે નંદલાલ

વાહગોકુલ તારું…

લાલા  લાલાની  રટ  ગમે ને ,  આજ હરખે કૃપાળું કિરતાર

માતા જશોદાના વહાલે વીંધા,થાંભલિયે બંધાયો દાતાર

વાહગોકુલ તારું…

અનંત જન્મોના પુણ્યે પામીયા, પ્રગટ પ્રભુનો પ્યાર

રાધેની બંસરીના નાદે ખૂલ્યાં, વ્રજ વન્દાવન ભાગ્ય

વાહગોકુલ તારું…

લેણદેણથી  ના  તોલાતો, મારો કામણગારો  કાન

યમુના ઘાટે વહાલો વરસાવે, સ્નેહ સુધાનાં પાન

વાહગોકુલ તારું….

ધન્ય ધન્ય ગાય ગોપીઓ ઘેલી,હેતે રમાડ્યો ગોપાલ

જશોદાના  લાલ જગના વહાલા, થાઓ  ફરી મહેમાન

વાહ  ગોકુલ   તારું  કેવું  રે  ભાગ્ય   મહા  બલવાન

નારાયણ નાથ પધાર્યા તારે આંગણે થઈ મહેમાન

રમેશ પટેલ(આકાશદીપ)

Read Full Post »

નંદ ઘેર આનંદ ભયો…સંકલન-રમેશ પટેલ(આકાશદીપ)

‘ડાકોરના ઠાકોરની જય’…શિશુવયથી ડાકોરમાં ઉજવાતા જન્માષ્ટમી મહોત્સવનું દર્શન કરી મોટા થવાથી, શ્રી કૃષ્ણ ભક્તિ અંતરમાં દ્રઢ થતી ગઈ ને ભજનમાં સહજ રીતે રમતી થઈ. મથુરાનું તેમનું જન્મસ્થાન ને દ્વારકાધીશ ને બેટ દ્વારકાની યાત્રાએ ,આજીવન ભાથું બાંધી દીધું..આવો ”શ્રી કૃષ્ણ શરણં મમ” ..સાથે ભાવ વંદના કરીએ..   

“यदा यदा हि धर्मस्य…” આ કોલ પાળવા ચૌદલોકના નાથે શ્રી કૃષ્ણેરૂપે  દેવકીજીની કૂખે અવતાર લીધો. જન્મ કારાવાસમાં પરંતુ… ઉછેર… નંદરાજાને ઘેર માતા યશોદાજીની ગોદમાં વ્હાલ!જન્માષ્ટમી એટલે પ્રભુ પ્રેમીઓના આનંદની પરાકાષ્ઠા….શ્રાવણ વદ આઠમ ને મધ્યરાત્રી..રોહિણી નક્ષત્રમાં  વિષ્ણુ ભગવાને બાળલીલાનો પ્રારંભ કર્યો….એજ આ પાવન ત્યૌહાર ‘જન્માષ્ટમી’ 

ગોકુળ લીલા ૧૧ વર્ષ ૫૨ (બાવન) દિવસ કરવા.. ધસમસતાં યમુનાજીને ચરણ પખાળવાનો લ્હાવો લૂંટાવી..જશોદા મૈયાના પારણે ઝૂલવા પધાર્યા…નંદ ઘેર આનંદ ભયો એટલે આજે ભારતને વિશ્વના દેશોમાં જન્માષ્ટમિનો અપૂર્વ આનંદ લૂંટવાનો તહેવાર. 

ગોકુલ અને નંદગાંવ…કૃષ્ણભક્તિમાં ડૂબી જાય..એનો ચિતાર માણીએ..

 ગોકુલ અને નંદગાંવ જન્માષ્ટમીની તૈયારીઓમાં….ઠેર ઠેર રાસલીલા અને ઢાઢીલીલાઓ થાય . વ્રજવાસીઓ બ્રજ ભયૌ હૈ મહીર કે પૂત,…….રાની ચિર જીવૈ તેરૌ શ્યામ વગેરે  જન્માષ્ટમીની વધાઇ ગાય.દરેક ઘર,આશ્રમ અને મંદિરોમાં પુરીપકવાનો બને. વ્રજના ખૂણેખૂણામાં  દધિત્સવ થાય છે.દધિત્સવ એટલે કે દહિંની અંદર હલ્દી મેળવીને એક બીજા ઉપર ઉછાળવામાં આવે છે. લોકો ફળ,મેવા,મિષ્ટાન,મિઠાઇ ઉપરાંત વસ્ત્રો, વાસણ વગેરે લુટે છે અને લુટાવે છે અને આ રીતે નિર્દોષ આનંદને માણે છે.

જન્માષ્ટમીના દિવસે મથુરામાં દર્શન કરવા આવેલા દર્શનાર્થી ઓ બીજા દિવસે ગોકુલમાં નંદોત્સવના આનંદમાં છલકાઇ જાય છે. બરસાનાવાસીઓ નંદગાવ-ગોકુલવાસીઓને શ્રીકૃષ્ણ જન્મોત્સવની વધાઇ આપવાં જાય છે. શ્રીબલરામજીની યાદમાં વ્રજના નંદકુંડ ઉપર મલ્લયુધ્ધ વિદ્યા ની હરિફાઇ થાય છે જેમાં દેશભરના અસંખ્ય પહેલવાનો ભાગ લે છે. વ્રજવાસીઓના બાલકો મટકીફોડન નાં ખેલ કરે છે ખાસ કરીને મંદિરોનાં પ્રાંગણમાં દધિ, ધૈયા, દૂધ, માખણ વિશેષ પ્રમાણમાં ઉછાળીને વિખેરવામાં આવે છે અને વ્રજવાસીઓ તેમાં લપસણી કરવાનો આનંદ ઉઠાવે છે.ભક્તજનો  કિર્તન,વધાઇ અને લોકગીતો નાચતા, ગાતા, આનંદથી ઝૂમી ઊઠે છે.

શ્રીઠાકોરજી પારણામાં ઝૂલે છે અને વ્રજનારીઓ ઝૂલાવતી જાય અને પોતાના  લાડલાનાં બલૈયા લેતી જાય છે. આ દિવસે ખીરનો પ્રસાદ વહેંચવામાં આવે છે. સાંજના સમયે શ્રીપ્રભુ ને તથા શ્રીગિરિરાજજીને છપ્પનભોગનો થાળ ધરાવાય છે અનેક ભક્તજનો શ્રીગિરિરાજજીની, વૃંદાવનની, રમણરેતી, નિધિવન, બંસીબટ અને અન્ય વ્રજના ભાગો ની પરિક્રમા કરે છે. વ્રજનાં મધુવનમાં જન્માષ્ટમીની સવારે બ્રજભાષામાં રાસલીલા અને ઢાઢીલીલા ખેલાય છે તેમાં ૯-૧૦ વર્ષ નાં બ્રાહ્મણ બાલકો ભાગ લે છે, પણ રાત્રીના સમય દરમ્યાન આ સ્થાન નિર્જન બની જાય છે.

આ ઉત્સવ દરમ્યાન  વ્રજવાસીઓ ફલાહાર વ્રત કરે છે અને આ વ્રત દરમ્યાન કુટ્ટુ, સાબુદાણા, સિંધાલૂણ, બટાટા વગેરેનો ઉપયોગ થાય  છે.આ ઉપરાંત સુંઠ, વરિયાળી, સુકુ નાળીયેર, ખાવાનો ગુંદર, અજમો, હલ્દી, સુકા મેવો વગેરેનો ઉપયોગ વિવિધ પ્રકારની પંજરી બનાવવા માટે થાય છે.

સાભાર— 

વ્રજ નો જન્માષ્ટમી ઉત્સવ – Pushti Marg

સંકલન..રજૂઆત..રમેશ પટેલ(આકાશદીપ)

…………………………………………………………………………………………………………………………………………….

Image result for જન્માષ્ટમી

(Thanks webjagat for the picture)

ખીલી આઠમની મધરાત…..રમેશ પટેલ(આકાશદીપ)

વરસે શ્રાવણીયાની ધાર
ખીલી આઠમની મધરાત….કે બોલો જય ગોપાલ

જાગ્યા પુણ્ય ધરાને લલાટ
દીધા  વચન  દેવકી માત
વસુદેવ  જાણે છાની વાત
ગમતું ગોકુળિયું એક ગામ……કે બોલો જય ગોપાલ

ગાજ્યા ગગન મેઘલી રાત
છલક્યા  યમુનાજીના  ઘાટ
ગોકુળિયા લાલ થયા શ્રીનાથ
નાચે  નંદ  નિરખતા  કાન…….કે બોલો જય ગોપાલ

પ્રગટ્યા  પાવન  રે પ્રભાત
ઊડ્યા અબિલ ગુલાલ આભ
ઝૂલે  પારણીયે    યદુરાય
લાખેણા પુણ્ય યશોદામાય…….કે બોલો જય ગોપાલ

લાલો થઈ રમતા રે શ્રીનાથ
ટહુકે  મોર વ્રજ વૃન્દાનીવાટ
રંગમાં  રંગે   રે  ઘનશ્યામ
ગ્વાલ સંગ ધન્ય ગોકુલધામ…….કે બોલો જય ગોપાલ

નાચે  છે નંદ ને  ગોપ ગોપીઓનું ટોળું
હાલો  જોવા  જઈએ  જશોદાજીનું  છોરું
ગોવર્ધન સંગ ઝૂમે મસ્ત ગોકુળિયું  ઘેલું
રમે રમાડે નટખટ આજ માખણીયું છોરું(૨)

રમેશ પટેલ(આકાશદીપ)

Read Full Post »

૩૧મો ઑલિમ્પિક રમોત્સવનું યજમાન બ્રાઝીલ છે. ૫મી ઑગષ્ટથી ૨૧ મી ઑગષ્ટ-૨૦૧૬ સુંધી યોજાયેલ આ સ્પર્ધામાં ૨૦૭ દેશોના રમતવીરો, ૨૮ રમતોમાં(૩૦૬ સ્પર્ધા) પોતાના કૌશલ્યનું પાણી માપશે. ભારત દેશ ૧૫ રમતોમાંની ૬૬ સ્પર્ધાઓમાં ભાગ લેવા ૧૨૧ ખેલાડીઓ..જેમાં ૬૭ પુરૂષો ને ૫૪ મહિલાઓ છે.મોર્ડન ઑલિમ્પિકનું સૌ પ્રથમ આયોજન ૧૮૯૬માં ગ્રીકના એથેન્સ શહેરમાં થયેલ. દર ચાર વર્ષે યોજાતા આ રમોત્સવમાં વિશ્વયુધ્ધને લીધે વિક્ષેપ પડેલ..૧૯૧૬,૧૯૪૦ ને ૧૯૪૪ની સાલમાં. આમ છેલ્લા ૧૨૦ વર્ષથી વિવિધ દેશોમાં ઑલ્મપિક રમોત્સવ યોજાતો રહ્યો છે.આ ઉત્સવનું અત્યારે બ્રાઝીલનું ‘રિયો ડી જાનેરો’-  માઉન્ટેન અને બીચથી સોહામણું શહેર તરીકેની ખ્યાતિ સાથે ..ભવ્ય સ્ટેચ્યુ ‘ક્રિસ્ટ ધ રેડિર’ થી સ્વાગત કરી રહ્યું છે… ૬૫૦ અબજ રૂપિયાના ખર્ચે , ૮૫૦૦૦ સૈનિકોના પહેરા સાથે ધમધમી રહેલું…આ સ્ટેડિયમનો લોગો..બ્રાઝીલના રાષ્ટ્રદ્વજના ત્રણ રંગ પીળા, લીલા અને વાદળીથી …એનર્જી, ડાઈવર્સિટિ,નેચર ને સ્પિરિટ એમ ચાર વાતનું નિર્દેશન કરે છે….માસ્કોટ..’વિનિસિયસ’ એ બ્રાઝીલના વર્લ્ડ લાઈફને રિપ્રેઝન્ટ કરે છે….જે નવેમ્બર-૨૦૧૪માં જાહેર કરેલ.

   ભારતની ઑલ્મિક ખેલાડી પી.સિંધુ ..સિલ્વર ને સાક્ષીએ બ્રોન્ઝ મેડેલ મેળવી.. ત્રિરંગાને વિશ્વે લહેરાવ્યો છે…ગૌરવ વધાર્યું છે…એ સર્વ શ્રેષ્ઠ દેખાવ માટે ખૂબખૂબ અભિનંદન.

સંકલન-રજૂઆત…રમેશ પટેલ(આકાશદીપ)..આધાર-પ્રદીપ ત્રિવેદી(ગુજ.ટાઈમ્સ(યુએસએ) 

……………………

પીવી સિંધુ

રિયો ઓલિમ્પિક : સાક્ષી મલિકે કુસ્તીમાં રચ્યો ઇતિહાસ, મહિલા કુસ્તીમાં જીત્યો કાંસ્ય

A news..Gujarat samachar

સિંધુએ બેડમિંટન મહિલા સિંગલ્સમાં સિલ્વર મેડલ મેળવતા ઈતિહાસ રચી દીધો હતો. રિયો ઓલિમ્પિકમાં ગઇકાલે સાક્ષી મલીકે કુસ્તીમાં જીતેલા બ્રોન્ઝ મેડલ બાદ સિંધુના સિલ્વરની સાથે ભારતે કુલ બે મેડલ જીતવામાં સફળતા મેળવી છે. નોંધપાત્ર છે કે, ભારતને રિયો ઓલિમ્પિકમાં બંને મેડલ મહિલા ખેલાડીઓએ જ અપાવ્યા હતા.
સિંધુએ સિલ્વર મેડલ જીતવાની સાથે ભારતીય રમત જગતમાં ઇતિહાસ રચી દીધો હતો. આ સાથે સિંધુ ઓલિમ્પિકમાં ભારત માટે સિલ્વર મેડલ જીતનારી સૌપ્રથમ મહિલા ખેલાડી બની ગઈ છે. નોંધપાત્ર છે કે, ઓલિમ્પિક બેડમિંટનમાં ભારતે સૌપ્રથમ વખત સિલ્વર મેડલ જીત્યો હતો. અગાઉ ૨૦૧૨ના લંડન ઓલિમ્પિકમાં સાયના નેહવાલે મહિલા સિંગલ્સમાં જ બ્રોન્ઝ મેડલ પ્રાપ્ત કર્યો હતો.

Read Full Post »

1471500832

: મહિલા કુસ્તીમાં સાક્ષીને બ્રોન્ઝ: ૫૮ કિ.ગ્રા. વર્ગમાં ફ્રી સ્ટાઇલ કુસ્તીમાં સાક્ષીએ કઝાકીસ્તાનની અઇસુલુ ટાઇબેકોવાને પછાડી જીત મેળવીઃ નરેન્દ્રભાઇનું ટ્વિટઃ રક્ષાબંધનના દિવસે દેશની દીકરીએ મેડલ જીતી દેશનું નામ રોશન કર્યું …..A news..Akila

 

(Thanks to webjagat for lovely message)

વ્હાલાં પૂનમનાં અજવાળાં….રમેશ પટેલ(આકાશદીપ)

 

કરજો  સ્નેહતણા સરવાળા

વ્હાલાં પૂનમનાં અજવાળાં

 

આજ બહેનનું મુખડું મલકે

મઘમઘ થાતું અંતર છલકે

આવ ભાઈલા…

ગુંજે  નાદ ગગન વિશાળા

વ્હાલાં પૂનમનાં અજવાળાં

 

છમછમ  ઝાંઝર  હૈયે   રણકે

મીઠી યાદો બચપણની ઝબકે

વ્હાલી વીરાની બહેની…

ભાઈ  ધરે મમતાના થાળા

વ્હાલાં પૂનમનાં અજવાળાં

 

પર્વ  પાવન  આજ રક્ષા બંધન

તિલક  કરી દઉં આશિષ બાંધવ

વિશ્વે  હો  બાંધવતાના સરવાળા

શ્રાવણી પૂનમ ધરજો રે અજવાળાં(2)

રમેશ પટેલ(આકાશદીપ)

Read Full Post »

ગુરુ શાસ્ત્રીજી મહારાજે ચાણસદના નાનકડા શાન્તિલાલને દીક્ષા આપી ને ૨૮ વર્ષે બાપ્સ(BAPS) ના પ્રમુખની જવાબદારી સોંપી. અમદાવાદની એ આંબલીયાની પોળથી નારાયણસ્વરૂપ સ્વામીને ..હુલામણું નામ મળ્યું..’પ્રમુખ સ્વામી’. આપણા સૌના ધન્ય ભાગ્યે..તેમના આશિષ ને સત્સંગ મળ્યા…સામાજિક ને આધ્યાત્મિકના સંસ્કારો ભાવિ પેઢીમાં, વિશાળ સાધુસંતો સાથે  દ્રઢ કર્યા…તેમની યુગજીવી દેણ ને સંત હૃદયની સરળતા એ સ્વામિનારાયણ સંપ્રદાયની ભેટ ગણાશે. સારંગપુરમાં તેમના અંતિમ સંસ્કારની વેળા, જગતભરના ભાવિકોએ અશ્રુભીંની આંખે પાર્થિવ દેહને પંચમહાભૂતોમાં વિલિન થતો જોયો…તેમને રૂબરુ મળ્યાનો, દર્શન કરવાનો અને આશિષ રાજીપો લૂટવાનો હરિભક્તોનો લ્હાવો આપણી પેઢીએ માણ્યાનું અહોભાગ્ય છે.. તેમને કોટિ કોટિ વંદન.

A news..Thanks to Divyabhaskar

પ્રમુખસ્વામીની અંતિમવિધિનાં દર્શન, અશ્રુભીની આંખે વિદાય

શનિવારે અક્ષરવાસી થયા બાદ આજે પ્રમુખ સ્વામી મહારાજને વૈદિક મંત્રોચ્ચાર સાથે મહંત સ્વામીએ મુખાગ્નિ આપી હતી. બાપાને મુખાગ્નિ આપતા પહેલા મહંત સ્વામીએ બાપાના કપાળે તિલક કર્યું હતું. અંતિમ વિદાય સમયે સંતો-મહંતો અને મહાનુભાવોની આંખો ભીની થઇ ગઇ હતી. બાપાની અંતિમયાત્રામાં લાખો લોકો હાજર રહ્યા હતા. અંતિમયાત્રા પહેલા બાપાને ગુરુકક્ષમાંથી તેઓ રહેતા હતા તે કક્ષમાં લઈ જવામાં આવ્યા હતા. જ્યાં બાપાને પંચામૃતથી સ્નાન કરાવવામાં આવ્યું હતું.

https://videodelivery-bhaskar.akamaized.net/delivery/nat/2016/08/17/swami_antim_sanskar_pkg_sanjay_201608170650_480k.mp4?08

BAPSના છઠ્ઠા વડા તરીકે મહંતસ્વામીની વરણી,

(Thanks to webjagat for photo)

ભાવ વંદના પ્રમુખ સ્વામી…રમેશ પટેલ(આકાશદીપ)

 

પરમ સંતને  નામ જ હુલામણું

મઘમઘ જ થાતું મુખ સોહામણું

કોટિ કોટિ રે વંદન બાપાજી ચરણે

સદા સ્મરશું શ્રીજી શરણે

 

……………………………

 

 સંત તમે તો સેતુ…કરૂણા કળશ ધરતા

હરિ ને હરિભક્તોનો રાજીપો રળતા

 

ભારત ભૂમિની  તમે ગરિમા

પારસમણિ સમ સંત પ્રભુતા

ધન્ય ધન્ય થઈ! શ્રીજી ચરણે ઝૂકતા

હરિ  ને  હરિભક્તોનો રાજીપો રળતા

  

દેશ- વિદેશે   વિચરણ  કરતા

સંસ્કૃતિના પાવન દર્શન ધરતા

માનવતાનો  જીવન મંત્ર જ રટતા

હરિ ને હરિભક્તોનો રાજીપો રળતા

  

લોક સકળનું  મંગલ પોંખે

વિશ્વશાન્તિનો મંત્ર જ દાખે

જય સ્વામિનારાયણ મંત્ર જ જપતા

હરિ ને હરિભક્તોનો રાજીપો રળતા

  

અક્ષરધામ  મંદિર અનુકંપા

ફરફર ફરકે ધ્વજા સત રૂપા

અનન્ય ગુરૂભક્તિએ  યશ સંવરતા

હરિ ને હરિભક્તોનો રાજીપો રળતા(૨)

રમેશ પટેલ(આકાશદીપ)

Read Full Post »

https://youtu.be/yGeE-vD8iKU

(Thanks for picture)

૧૮૫૭ ના સ્વાતંત્ર્ય સંગ્રામથી શરુ થયેલી વિપ્લવ ક્રાન્તિથી ૧૯૪૭ની આઝાદીની ૯૦ વર્ષની લડતમાં, અનેક માભોમના લાડકવૈયાઓની પરાક્રમ ગાથાએ, આજે ૭૦મી ૧૫મી ઑગષ્ટની ઉજવણી, આપણે સ્વમાનભેર ઉજવી રહ્યા છીએ. નવી ૨૧મી સદીમાં , ભારતની એ પ્રાચીન સાંસ્કૃતિક વિરાસત, જે માનવતાના પાયા પર ઊભી છે..વિશ્વકુટુમ્બની ભાવનાથી ઊભરી છે…એ તરફ પ્રયાણ કરવાની શક્તિ કેળવીએ. આજે આપણે ક્રાન્તિ સંગ્રામમાં વતન માટે કુરબાન થયેલી ,દેશદાઝથી જીવી ગયેલી પેઢી ને, આજે આતંકવાદ સામે દેશનું રક્ષણ કરતા જવાનોને ,સૌ કોઈ પ્રગતિ પંથે દોરતા દેશવાસીઓને નમન કરી, ત્રિરગી સંદેશો ઝીલીએ.

સૂણજો કહે ત્રિરંગી વાણી….રમેશ પટેલ(આકાશદીપ)

 

 

 

સૂણજો કહે ત્રિરંગી વાણી

જંગ જશ્ન જોશની કહાણી

 

 

 

જયહિન્દ  જયઘોષ પયગમ્બર

ઝૂમે  જન  ઉર  ભાવ  સમંદર

હરિત  ધવલ જ  કેસરી ઉમંગા

પુણ્ય  ધરાનું  જોમ  હું ત્રિરંગા

 

 

 

નામી  અનામી  વતન  વીરોની

હૈયે  રમે  સદા  વિપ્લવ કહાણી

કોટિ  બાહુ  સંઘ  શક્તિ રણભેરી

રાષ્ટ્ર પ્રેમથી લખી અમર કહાણી

 

 

 

ધન્ય    ઉન્નત  ભાવ અનેરો

વંદે  માતરમે  જ  તૂટી ઝંઝીરો

ભોમ  ભારતી નવલ યશ ગાશું

ત્રણ  રંગમાં  જ  રંગાઈ  જાશું

રમેશ પટેલ(આકાશદીપ)

Read Full Post »

ભોળા નાથ

શ્રાવણ માસ એટલે ભગવાન ભોળા નાથની આરાધના અને ઉપાસના કરવાનો પવિત્ર મહિનો. . શ્રાવણ માસને શિવકૃપા મેળવવાનો શ્રેષ્ઠ માસ માનવામાં આવે છે. શિવપુરાણ અનુસાર શ્રાવણ માસને સ્વયં સિદ્ધ માસ કહેવામાં આવ્યો છે. આ માસ દરમ્યાન શિવભક્તો દ્વારા પુરો મહિનો બીલ્વપત્ર, કમળ, દૂધ, જળ અને કાળા તલથી ભગવાન શંકરનો અભિષેક કરી ભગવાનની પૂજા-અર્ચના કરી, ભોળાનાથની આરાધનામાં આનંદ વિભોર બનવાની ઘડી. 

 સાગર તીરે, સૌરાષ્ટ્રે દાદા સોમનાથ મહાદેવનાં બેસણાં…એટલે પ્રથમ જ્યોતિર્લિંગનાં પાવન દર્શન. 

 આવો દાદા સોમનાથને ભાવે ભજીએ…


ગુજરાત રાજ્યમાં સૌરાષ્ટ્રના સાગરકાંઠે સોમનાથનું આ ભવ્ય મંદિર જેમાં , ભગવાન શિવજીના 12 પવિત્ર જ્યોતિર્લિંગમાનું એક જ્યોતિર્લિગ  છે ,અહીં ભગવાન શિવે ચંદ્રની  મહામૃત્યુંજય મંત્રના પૂજાનો સ્વીકાર કરી, તેમની જ્યોતિ સ્થાપિત કરી. તે બાદ શિવજીની કૃપાથી 15 દિવસ અજવાળુ અને 15 દિવસ અંધરાનો ચંદ્ર થાય છે….દક્ષ રાજાએ ક્ષયનો શાપ આપેલ તેનું નિવારણ કર્યું. જ્યોતિલિંગ..તેથી સોમનાથ નામથી જાણીતું થયું.. સોમનાથનો ઉલ્લેખ ઋગ્વેદમાં પણ થયો છે. .


દંતકથા અનુસાર, સોમ એટલે ચંદ્ર ભગવાને સોનાનું, રાવણે ચાંદીનું અને શ્રી કૃષ્ણે લાકડાનું મંદિર બાંધ્યું હતું. ચંદ્રના 24 નક્ષત્રો સાથે તેમના લગ્ન થયા હતા પણ તેમને બે રાણી પ્રિય હતી માટે બીજી રાણીઓ તેનાથી દુઃખી થઇ અને તેના પિતા પાસે ગઇ. દક્ષ રાજાએ ચંદ્રને તેની શક્તિ ક્ષીણ થવાનો શ્રાપ આપ્યો. ..એવી પુરાણ કથાઓ છે.

રજૂઆત-સંકલન-રમેશ પટેલ(આકાશદીપ)…આધાર-દિવ્યભાસ્કર

With a thanks to Shri Mahendrabhai Thakkara and net-jagat for vedio.

શ્રાવણિયા આ  સાદ……રમેશ પટેલ(આકાશદીપ)

 

  ગુંજે    હર    હૈયે    હર   નાદ

  વ્હાલા    શ્રાવણિયા  આ  સાદ

 

નીલું     અંબર   તું    નીલકંઠ

  શિવાલય  આ  અવનિ અખંડ

   

  અર્પી બીલીપત્ર નમું  શિવલિંગ

  ઝરમર  શ્રાવણ  ઝીલો  અનંગ

 

  ઓમરૂપા   જપું    લઈ   રૂદ્રાક્ષ

  ધ્યાન મંગલ તવ શિવ ત્રિઅક્ષ

 

  ધર્મ   ધ્યાને  શ્રાવણી દે શાતા

  માગું દર્શન   દો  સુખ  સુજાતા

  

   જ્યોતિ સ્વરૂપા અમર ઓ  દેવા

   શંભુ   શિવ   તું    જ  મહાદેવા

  

રમેશ પટેલ(આકાશદીપ)

Read Full Post »

 નૌ સેનાના જહાજની અવનવી વાત-

શ્રી પી.કે.દાવડાજીએ સેન્ડીઆગોની યાદગાર ક્ષણોને વણતા , ખૂબ જ માહિતીપ્રદ ઐતિસાહિક લેખને વાંચવો એ આગવો લ્હાવો છે…આવો સાભાર માણીએ..

સંકલન-રમેશ પટેલ(આકાશદીપ)

Inline image 1

 Thanks to shri P.k.davadaji

મીડવે

૩૧ મી જુલાઈ,૨૦૧૬ નો એ દિવસ હતો. સાન ડીયેગોના બંદરમાં નાંગરેલું, અમેરિકાનું વિશાળ વિમાનવાહક યુધ્ધ જહાજ જોવા સવારના ૧૦-૦૦ વાગે હું પહોંચી ગયો. મને અંદાઝ હતો કે ૮૦ વર્ષની ઉમ્મરે મને આ કામ મુશ્કેલ લાગશે, કારણ કે આમાં ૧૮ ડેક છે અને એક ડેકથી બીજા ડેક સુધી પહોંચવા અનેક અડચણકારક સીડીઓ ચડવાની અને ઉતરવાની હતી. યુવાનીમાં સિવિલ એંજીનીઅર તરીકે આવી અનેક સીડીઓની ચડઉતર કરેલી, એટલે એના માટેની જરૂરી સાવધાનીઓની આવડત હતી, તેથી ખાસ મુશ્કેલી ન નડી.

બીજા વિશ્વયુધ્ધના અંત પછી, ૧૯૪૫ માં આ જહાજ તૈયાર થઈ અમેરિકાની નૌસેનામાં જોડાયું. ૧૯૫૫ સુધી તો એ વિશ્વનું સૌથી મોટું યુધ્ધજહાજ હતું. અમેરિકાના નૌકાદળમાં આ પહેલું જ વિમાનવાહક જહાજ હતું. ૧૯૯૨ સુધી, લાગલગાટ ૪૭ વરસની સેવા પછી એને નૌકાદળમાંથી રીટાયર કરવામાં આવ્યું. આજે એ સાન ડિયેગોના ડોકસમાં એક યાદગર મ્યુઝીયમની ગરજ સારે છે.

મીડવેમાં મેં શું શું જોયું એનું વર્ણન લખવા બેસું તો લેખ ૫૦ પાનાથી પણ વધારે લાંબો થઈ જાય, અને હું ટુંકા લખાણ માટે જાણીતો છું. એટલે અહીં, મેં એકત્ર કરેલા આંકડાઓ આપીને આ જહાજની વિશાળતાનો ખ્યાલ આપવા કોશીશ કરીશ.

એક રીતે કહીયે તો શાંતિના સમયમાં આ ૪૫૦૦ માણસોની વસ્તીવાળું તરતું નગર છે. એમાં નૌસેનાના સૈનિકો ઉપરાંત, ૬૦૦ એંજીનીઅરો, ૨૦૦ વિમાનના પાયલોટસ, ૬૦ રસોઈયા, ૫ ડોકટરો, ૩ ડેન્ટીસ, અને જરૂરત પ્રમાણે તાર ટપાલ ખાતાના માણસો, બેંક કર્મચારિઓ વગેરે હોય છે. ૪૫૦૦ માણસો માટે રોજ ૧૦ ટન જેટલા ખોરાકની જરૂરત પડે છે. દિવસમાં ત્રણ વખતની (બ્રેકફાસ્ટ, લંચ અને ડીનર) ગણતરી કરીએ તો રોજ ૧૩૫૦૦ ભાણાં પિરસવા પડે. રોજના ૧૦૦૦ થી વધારે બ્રેડ તૈયાર કરવા પડે.

૬૯૦૦૦ ટન વજનના આ જહાજને હંકારવા માટે ૨,૧૨,૦૦૦ હોર્સપાવરની તાકાત ચાર એંજીનો દ્વારા પૂરી પાડવામાં આવે છે. આના માટે રોજના એક લાખ ગેલન ઈંધણની જરૂર પડે. માત્ર એક માઈલની મુસાફરીમાં જ ૨૬૦ ગેલન ઈંધણ બળી જાય છે. જહાજ ઉપર ૩૪ લાખ ગેલન ઈંધણ સમાય એટલી મોટી ટાંકીઓ છે.

આ જહાજના લંગર માટેની સાંકળ ૨૦૦૦ ફૂટ લાંબી છે. એની એક એક કડી જોઈને હું તો સ્તબ્ધ થઈ ગયો. આ સાંકળનું વજન ૨૦ ટન છે.

અલગ અલગ કામ માટે અલગ અલગ કમ્પાર્ટમેન્ટની જરૂર પડે. આવા કમ્પાર્ટ્મેન્ટસની સંખ્યા ૨૦૦૦ ની છે. બધું કામ કરવા ૨૦૦૦ જેટલી વિજળીથી ચાલતી મોટર્સ છે. અંદર અંદર વાતચીત કરવા ૧૫૦૦ ટેલીફોન છે.

જહાજ ૧૦૦૧ ફૂટ લાંબો અને ૨૫૮ ફૂટ પહોળો છે. સૌથી ઉપરના ડેકમાં વિમાનો માટે ઊભા રહેવા અને ચડઉતર કરવા, ત્રણ ફૂટબોલના મેદાનો જેટલી જગ્યા છે. અહીંથી બ્રીજ સુધી પહોંચવા ચાર મુશ્કેલ સીડીઓ ચડવી પડે છે (હું એ ચડ્યો, અને બ્રીજ ઉપર પહોંચ્યો.)

વચલા ડેક ઉપર સોએક માણસો બેસી શકે એવું એક સિનેમા થીયેટર છે, જ્યાં ૧૫ મીનીટની બીજા વિશ્વયુધ્ધ દરમ્યાન પર્લ હારબર ઉપરના જાપાનના હુમલાની ફીલ્મ બતાડેલી.

તમે દાખલ થાવ એટલે તમને ટેલીફોન જેવું એક યંત્ર આપવામાં આવે છે. આખા જહાજમાં જાણવા જેવી પ્રત્યેક જગા અને પ્રત્યેક સાધનને નંબર આપવામાં આવ્યા છે. એ જગ્યાએ ઊભા રહીને તમે એ નંબર ડાયલ કરો એટલે તમને એ વિષે પૂરી માહિતી (અંગ્રેજીમાં) આપવામાં આવે છે, એટલે તમને ગાઈડની જરૂર ન પડૅ. મહત્વની જગ્યાઓએ એમના ગાઈડ, લાઉડસ્પીકરની મદદથી માહિતી આપે છે.

સીનીયર સીટીઝન માત્ર ૧૫ ડોલરની ટીકીટ લઈ આ જહાજની મુલાકાત લઈ શકે છે. જીવ્યા કરતાં જોયું ભલું!

-પી. કે. દાવડા

Read Full Post »

Older Posts »