Feeds:
પોસ્ટો
ટિપ્પણીઓ

Archive for જૂન, 2016

શિવ…પરમ કલ્યાણકારી નામ. વિશ્વ આજે બૌધ્ધિક સંપદાથી કુદરતી શક્તિઓનો બહુ હેતુક ઉપયોગ કરી અનેક વિકટ સમસ્યાઓને સમજી, તેની સામે કારગત સફળતા મેળવી રહ્યું છે. સેટેલાઈટે એક એવું સબળ વરદાન દીધું છે કે..જળ કે સ્થળ ને વ્યોમે આપણે પલક ઝપટતાં માહિતગાર થઈ શકીએ છીએ..આ શોધને લકવાગ્રસ્ત કરતા મેગ્નેટીક પલ્સના સમાચાર ચોંકાવનારા છે..સિસ્ટિમ ખોરવાઈ જાય તો ,ધાર્યા નિશાન તાકતા વેપન્સ કે રડાર પણ મૂક બની જાય..જે સંહારક શક્તિથી વિશ્વના દેશો બળિયા બનવાની શેખી કરે છે..તે હાથ ઘસતા રહી જાય. માનવ સભ્યતા જો શત્રુના ભાવ છોડી, સહ અસ્તિત્ત્વને પ્રધાન્ય આપે તો જ સૌ સુખી થાય….એ માટે ભારતીય સંસ્કૃતિની સહિસ્ણુતાનો મંત્ર જ કલ્યાણકારી છે…”ૐ નમઃ શિવાય” 

 

(Thanks to Divyabhaskar..dharm desk)

કૈલાશ દર્શન   અટલે  અદભૂત અને સકારાત્મક ઊર્જા પ્રાપ્ત થવાની અનુભૂતિ. જે દર્શનાર્થીના મન અને મસ્તિષ્કને આધ્યાત્મિકતાથી ભરી દે છે. અહીં પહોંચવાથી મનના ખરાબ વિચારો આપમેળે જ દૂર થઈ જાય છે અને માણસ સમાધીનો અનુભવ કરવા લાગે છે.

પ્રાચીન પૌરાણિક આખ્યાનોમાં કહેવામાં આવ્યું છે કે આખા વિશ્વમાં આઠ એવી પ્રાકૃતિક જગ્યાઓ છે જ્યાં કુદરતી રીતે ઓમ(ૐ) બનેલું છે. તેમાંથી અત્યાર સુધી માત્ર કૈલાસ માનસરોવર ઉપર આવેલ ઓમને શોધી શકાયું છે. કૈલાસ માનસરોવરની યાત્રાએ જતી વખતે એક બરફના પર્વત ઉપર પ્રાકૃતિક રીતે બનેલા આ ઓમને સ્પષ્ટ રીતે જોઈ શકાય છે.

 

પશ્ચિમી નેપાળના દરચુલા જિલ્લા તથા ઉત્તરાખંડના પિથોરાગઝ જિલ્લામાં આવેલ હિમાલયની પર્વતમાળામાં આ પર્વત પડે છે. તેને નાનો કૈલાસ પર્વતપણ કહેવામાં આવે છે. બાબા અમરનાથની જેમાં જ અહીં પ બરફ એ રીતે પડે છે કે જાણે સ્વયં પવિત્ર હિન્દુ ઓમનું નિર્માણ થઈ જાય છે.

રજૂઆત સંકલન…રમેશ પટેલ(આકાશદીપ)…આભાર ..ધર્મડેસ્ક ને વિવિધ નેટ જગત.

tn

(Thanks for vedio)

ત્રિપથગા

 

તમેરે દયાળુ દેવ શિવજી,

જગ કલ્યાણે જટાએ જીલ્યાં ગંગ

ભગીરથનાં ફળ્યાં રે તપડાં

ત્રિપથગાએ પાવન કીધાં ધરણી અંગ

 

મંગલ સુંમંગલ દીસે ગંગોત્રી

જેઠસુદ દસમે દશહરાએ દીધાં દર્શન

તમે રે ગંગાજી પુનિત પાવની

તમારે તટે ખીલ્યાં રે તપોવન

 

હરિદ્વારે ભાવે ઉતારીએ આરતી

તમારે શરણે થાય સુખિયાં જીવન

ગાય; ગીતાજી ને ગંગાજીને નમીએ

કળિયુગે મહિમા તમારો રે મહાન

 

દીપમાળાઓની અમી આંખે રે ઝીલીએ

અલકનંદા મંદાકિની મનભાવન પુનિત

પાવન સ્નાને વહી જાય જ દુઃખડાં

પશ્ચ્યાતાપની ડૂબકીથી જીવન થાયે ચકિત

 

ત્રિવેણી સંગમનાં દર્શન આ રુપડાં

ધન્ય! ભાગ્ય ખીલ્યાં રે ભરત ક્ષેત્ર

ગંગા સાગરે વગાડે વીણા વિવેકાનંદજી

હરહર ગંગેથી રાજીપો રળીશું ત્રિનેત્ર

 

તમેરે     દયાળું   દેવ શિવજી ,

મંગલ સુમંગલ દર્શન દીસે પાવન

હર હર ગંગે , ગંગાજી પુનિત પાવની

કરજો સુખિયાં અમને આજીવન

રમેશ પટેલ(આકાશદીપ)

Read Full Post »

 વરસાદ પહેલાં વાતાવરણ બાફ મારે છે, રાજકીય પારો એકબીજાથી સુપર દેખાવા સદા ઉછાળા મારે છે…યુરોપીઅન યુનીઅનથી બ્રીટન બહાર જઈ રહ્યું છે..ને આર્થિક ભરતી-ઓટ હવે ખેલ ખેલશે… NSG ના સભ્યપદ માટે ભારતની દાવેદારી માન્ય ન રાખવાની વિશ્વની ચાલથી , વડાપ્રધાન સામે રાજકીય પ્રતિસ્પર્ધીઓ ખુશ થઈ બોલી રહ્યા છે…દેશના ભાવીને ઠેશ લાગે તેનો વશવશો થતો નથી..એય બલિહારી છે.

સાચે જ કઈંક ખૂટે છે?

   સારા ચોમાસાની આશા સાથે…મોંઘવારીમાં રાહત માટે પ્રજા તલસે છે…એક મજાની વાત…પાણીના સ્ટોકની કરીએ તો..પૃથ્વીનો છેડો ગણાતા..સાઉથ પોલ..અટાર્કટિકા પર પૃથ્વીપરના ફ્રેશ વૉટરના ૭૦%ટકાનો સ્ટોક છે. વસ્તીના મળે…વિપરિત આબોહવા..વર્ષમાં બે જ વાર સૂરજદાદા ઊગે ને આથમે…ને હવાની સ્પિડ ૩૨૦કિ.મી./કલાકની રમે. ૧૯૮૩માં ૨૧ જુલાઈએ..માઈનસ ૮૯.૨ સેન્ટીગ્રેડ નોંધાયેલ..એ પૃથ્વીનો સૌથી ઠંડો દિવસ ગણાયો છે…અહીં ખૂટે છે..સૂરજદાદાની કૃપા..પણ જો ગરમી વધે તો..સમુદ્રનું પાણી ૧૬ ફૂટ ઊંચે આવી જાય…એમ અનુમાન છે…એટલે પૃથ્વીનો આ ઠંડો છેડો…ઉપકારી છે. 

સંકલન-રજૂઆત…રમેશ પટેલ(આકાશદીપ) 

A news…Thanks Guj.Samachar…

પૃથ્વીનો છેડો ગણાતું આ છે દુનિયાનું સૌથી ઠંડું સ્થળ, અંટાર્કટિકાના FACTS પૃથ્વીનો છેડો ગણાતું આ છે દુનિયાનું સૌથી ઠંડું સ્થળ, અંટાર્કટિકાના FACTS

 

કઈંક ખૂટે છે….રમેશ પટેલ(આકાશદીપ) 

 

દીસે અધૂરો રૂઆબ પહાડ તવ

ઝરણાં સરીખું કઈંક ખૂટે છે.

 

તરૂવર છોને રમો જ લીલુંડાં

કલરવ સરીખું કઈંક ખૂટે છે.

 

છો ને છલકો જ ફૂલ કટોરા

પવન સરીખું કઈંક ખૂટે છે.

 

ઝરુખા ઝગમગ ચક્ષુ જ બાવરાં

તમ સરીખું કઈંક ખૂટે છે.

 

મલકે જોબન જ રંગ-રંગીલું

ઢોલ સરીખું કઈંક ખૂટે છે.

 

સજ ના રજની વધુ જ તારલિયે

પ્રભાત સરીખું કઈંક ખૂટે છે

 

મરકટ મન સૂણ વાત જ ટકાની

રટ તારામાં કઈંક ખૂટે છે.

Read Full Post »

૨૧ મી જૂન…વિશ્વ યોગ દિન..આ દ્વિતિય પ્રસંગની ગરિમા, વડાપ્રધાન શ્રી નરેન્દ્રભાઈ મોદીના જોમ સાથે વિશ્વ પટાંગણે  મનભરીને માણી…નવયુવકોને યોગ માર્ગ, એક સ્વસ્થ ને સુંદર ભાવિની ભેટ દેશે… વિશ્વ કલ્યાણી પ્રાચીન યોગ વિદ્યા…વૈશ્વિક રીતે છવાતી જશે ને સૌના સુખનું કારણ બનશે.

– ભારતમાં કાશ્મીરથી કેરળ સુધી લોકો બન્યા ‘યોગમય’….યોગ પરલોક નહીં આ લોક માટે છે : મોદી

સંકલન- રમેશ પટેલ(આકાશદીપ)  

સૌજન્ય..શ્રી મહેન્દ્રભાઈ ઠક્કરની ઈ-મેલ ને નેટ-જગત..રચનાકાર…ના વિશેષ આભાર સહ. 

વહેલી સવારે સારું વિચારું , એ યોગ છે,

બોલું ન કોઈ માટે નઠારું , 

એ યોગ છે.

પોતાની ભૂલ માટે તરત માફી માગી લં બીજાની ભૂલ પણ હું સુધારું , એ યોગ છે.

આસન જો અટપટા નહિ કરશું તો ચાલશે,

મહેનત કરી વજનને ઉતારું , એ યોગ છે.

મારા ગણીને સૌને પુકારું , 

એ યોગ છે.

આનંદથી ઘરે હું પધારું , 

એ યોગ છે.

વહેચું બધુય કીમતી મારું  , એ યોગ છે,

માગું કદી નહિ જે છે તારું , એ યોગ છે.

    “વિશ્વ યોગ દિવસની વધાઈ”

………………….

A news..Thanks to Guj.Samachar

યોગ પરલોક નહીં આ લોક માટે છે : મોદી

આ ધાર્મિક કર્મકાંડથી ઉપરની વાત છે : વિશ્વએ મનાવ્યો યોગ દિવસ

 

૧૯૦ દેશો પણ જોડાયા : રાષ્ટ્રપતિ પ્રણવ મુખર્જી, પ્રધાનો અને બોલિવૂડ હસ્તીઓએ ભાગ લીધો
સારા સ્વાસ્થ્ય માટે યોગ અપનાવવા સંયુક્ત રાષ્ટ્રની અપીલ

નવી દિલ્હી, તા. ૨૧
  વિશ્વભરમાં આશરે ૧૯૦થી વધુ દેશોમાં વિશ્વ યોગ દિવસને મનાવાયો. ભારતમાં પણ નાના મોટા શહેરો અને ગ્રામીણ વિસ્તારમાં યોગના વિવિધ કાર્યક્રમો યોજવામા આવ્યા. વડા પ્રધાન નરેન્દ્ર મોદીએ ચંડીગઢમાં યોગ કાર્યક્રમમાં ભાગ લીધો, તો વળી ભાજપ અધ્યક્ષ અમિત શાહે યોગ ગુરુ બાબા રામદેવની સાથે  યોગાસન કર્યા .  સ્મૃતિ ઇરાનીથી લઇને રાજનાથસિંહ એમ મોટાભાગના કેન્દ્રિય પ્રધાનો વિવિધ શહેરોમાં યોગાસન કરતા જોવા . વિશ્વ યોગ દિવસની ઉજવણીમાં બોલિવૂડ સેલિબ્રિટિઝ પણ જોડાઇ.
મોદીએ યોગ દિવસ નિમિત્તે આપેલા પોતાના ભાષણમાં જણાવ્યું હતું કે યોગને કોઇ ધર્મ નથી, આ કોઇ પરલોક નહીં પણ આ લોકમાં જ શાંતી પામવાનો માર્ગ છે. રાષ્ટ્રપતિ પ્રણવ મુખરજી પણ આ ઉજવણીમાં જોડાયા હતા. તેઓએ રાષ્ટ્રપતિ ભવન ખાતે આશરે ૧૦૦૦ લોકોની હાજરીમાં યોગનો કાર્યક્રમ ખુલ્લો મુક્યો હતો.
સંયુક્ત રાષ્ટ્ર દ્વારા બે વર્ષ પહેલા ૨૧મી જૂનને વિશ્વ યોગ દિવસ તરીકે જાહેર કરાયો હતો. મંગળવારે બીજો વિશ્વ યોગ દિવસ ઉજવાયો. સંયુક્ત રાષ્ટ્રના સેક્રેટરી બાન કી મૂને સમગ્ર વિશ્વના નાગરીકોને વિનંતી કરી હતી કે તેઓ સ્વાસ્થ્ય પ્રત્યે સજાગ રહે અને વિશ્વ યોગ દિવસમાં ભાગ લે. તેઓએ જણાવ્યું કે યોગ પહેલા ભારતમાં વધુ જોવા મળ્યો પણ હવે તેને વૈશ્વિક ઓળખ મળી છે અને જુદા જુદા યોગાસનો વડે વિશ્વભરમાં તેનો સ્વીકાર કરાયો છે. આ વખતે આશરે ૧૯૦થી વધું દેશોમાં યોગ દિવસની ઉજવણી નાના મોટા કાર્યક્રમો દ્વારા થઇ હતી.

 
વિશ્વના સૌથી ઉંચા માનવામાં આવતા યુદ્ધ સ્થળ શિયાચીનમાં પણ સૈન્યના જવાનો અને અધિકારીઓ દ્વારા યોગાસન કરવામાં આવ્યો . આશરે ૨૦૦૦ ફૂટ ઉંચાઇએ માઇનસ ડીગ્રી તાપમાનમાં જવાઓએ યોગ કર્યો હતો. તો કેટલાક જવાનોએ યુદ્ધ જહાજો પર યોગ કર્યા.
જળ અને સ્થલ બન્ને ક્ષેત્ર સાથે સંકળાયેલા સૈન્યના જવાનોએ યોગ દિવસ ઉજવ્યો . અંદામાન અને નિકોબાર જેવા વિસ્તારોમાં પણ સૈન્ય દ્વારા યોગાસન કરવામાં આવ્યા .
સૈન્યના વડા જનરલ દલબિરસિંહ, ઇન્ડિયન એરફોર્સ ચીફ આરુપ રહા, કોસ્ટ ગાર્ડ ડાયરેક્ટર જનરલ રાજેન્દ્રસિંહ પણ વિવિધ ઇવેન્ટ્સમાં જોડાયા હતા. સૈન્યના જવાનો શિયાચીનમાં દરરોજ યોગ કરે છે કેમ કે ત્યાં તાપમાન ઉનાળામાં પણ માઇનસ રહે છે. ૨૧મી જૂને માઇનસ ૩ ડીગ્રી જેટલુ તાપમાન હતું. જોકે તેમ છતા જવાનોએ યોગ કર્યો હતો.

 

Read Full Post »

પિતૃદિન…ઘરનો મોભ  એટલે પિતા. …પિતા, પૂજ્ય બાપા, બાપાજી ,જનક કે ડેડી..ડેડ..સંતાન માટે સદા આદર્શ રૂપ હોય છે…એ અહોભાવને અનુરૂપ જીવે ને આ વસુધાની માનવતાને દીપાવે..એ ભાવ સાથે ઊજવીએ..આવો સંસારવાડીને હરીભરી રાખનાર પિતાને આજે  હેતે અર્પીએ ફૂલછાબ…

રમેશ પટેલ(આકાશદીપ) 

 

કે હેતે અર્પું હું ફૂલછાબ….રમેશ પટેલ(આકાશદીપ)  

 

ખળખળ વહેતાં ઝરણાં અમે,

તમે પિતાજી પહાડ

જગ વાવાઝોડાં ઝીલ્યાં તમે,

દઈ સાવજસી દહાડકે હેતે અર્પું હું ફૂલછાબ

 

પવન તમે ને માત ફૂલડું,

મળી આંગણે વસંત

રૂક્ષ દીસતા ચહેરા ભલે,

હસી ખુશીના સંગ

હૈયે જડીયા મોટા ખ્વાબ,

કે હેતે અર્પું હું ફૂલછાબ

 

તિમિર વેદના વેઠી ઉરે,

ધરી   સુખની છાંય

થઈ ગયા મોટા અમે કેમના,

ન જાણ્યું કદી જદુરાય

દેવ પ્રગટ તમે છો તાત! કે હેતે અર્પું હું ફૂલછાબ

 

ઘરઘર ઉજળા તમથી મોભી,

ગદગદ લાગું જ પાય

ચક્ષુ અમારા ચરણો ધૂએ,

સમરું સ્નેહ તણા એ દાન

ગાજે મન અંબરે રૂઆબ!

કે હેતે અર્પું હું ફૂલછાબખળખળ વહેતા..

…………………………………………………………………………………………

 

……………………………………

પ્રગટ દેવ…..રમેશ પટેલ(આકાશદીપ)

આ  પૂષ્પ ખીલ્યું તે પિતાજી
ને સુગંધી તે માતારે

આ ઊંચા પહાડ તે પિતાજી
ને સરવાણી તે માતારે

આ અષાઢ ગાજ્યા તે પિતાજી
ને ધરતી મ્હેંકે તે માતા રે

આ સાગર ઉછળે તે પિતાજી
ને ભીંની રેત  તે માતા રે

આ ત્રિપુંડ તાણ્યું તે પિતાજી
ને ચંદન લેપ તે માતા રે

આ કવચ કૌવત તે પિતાજી
ને  મમતા ઢળી તે માતા રે

આ ઢોલ વાગ્યું તે પિતાજી
ને શરણાયું તે માતા રે

આ ધ્રુવ તારો તે પિતાજી
ને અચળ પદ તે માતા રે

આ પ્રગટ દેવ તે પિતાજી
ને પ્રભુ પ્યાર તે માતા રે

રમેશ પટેલ(આકાશદીપ)

………………

પિતા સુખ દાતા..રમેશ પટેલ(આકાશદીપ

 

 

નિરખતા નભે અમે સદા,

એક સૂરજ દૂજા ચંદા

સંસાર આભની બે આભા,

એક માતા ને બીજા પિતા

 

 

પહાડ સમ આપની મુદ્રા,

પણ વહાવો ઉર ઝરણાં

તમે જ સારથી તમે કૃષ્ણ !

પ્રેમે ભરો મંગલ ભરણાં

 

 

દો શિશુ વયે સુખો અમાપ,

કોટિ ઋણી અમે સંતાન

નથી રૂક્ષ, શ્રીફળ શુકનવંતા

વટવૃક્ષ જ તમે છો પિતા

 

 

ભૂલે ભૂલાય ના એવી શાતા,

પામ્યા તવ પ્રતાપે ઓ પિતા

કંડારો ડગર થઈ જ્ઞાતા,

દીધા હીર, પિતા સુખ દાતા

…………………….

  પિતા શ્રીફળસા….રમેશ પટેલ(આકાશદીપ)

(હાઈકુ)

 

હૈયા સરસા,

પિતા ઓ શ્રીફળસા

જીવન ભાષા

 

પિતાનું ન્યારું

છત્ર છે જ  રૂપાળું

શીરે ભાળું

 

ઉર ઝરણાં

પહાડી જ પ્રતિભા

ધન્ય  જગ આ!

 

 

પિતા તમારા

ઉર ભાવ મધુરા

દે અજવાળાં

………………

with a special thanks for vedioes..received from shri Mahendrabhai and Maulikbhai.

my picture..

l to R..Savitaba, Rohan(red) Aadi and Rameshdada

 IMG_5576 birth day RJP

Read Full Post »

સુરતી બોલીની એક ઓર જ મજા છે. ..વળી બીન સુરતી એવા આપણે, બે સુરતીઓની વાતો સાંભળીએ તો વાત ગમે તે હોય..એ બોલી લઢણને માણીએ..એટલે જાણે જમણવારમાં મિષ્ટાન મળી ગયા. અહીં બ્રુન્સવિક(જ્યોર્જીઆ) ગુજરાતી સમાજના અનેક સમારંભોમાં . …થોડાક મિત્રોની સુરતીબોલીની આગવી મીઠાશ માણવાનો મોકો મળતો રહે છે જ , એ બધાની યાદ આજે, આ.ચીમનભાઈની…” કેટો ની ”  ગઝલની મજા માણતાં યાદ આવી ગઈ. એક રંગીલા સુરતી કાકા,  ને ૭૫ વર્ષે પણ અડીખમ, દેશ કે પરદેશમાંના મિત્રો કે સગાવહાલાં બધાને પોતાના ત્રાજવે તોલવાની આવડત,  અહીં સમાજના બધા જ તેમને ઓળખે..સૌની સાથે ભળી જાય..કોઈ પણ ટોપીકના દોરને પકડી..ગબડાવે જ રાખે…ક્રિકેટની વાત ચાલતી હતી ને તે આવી પૂગ્યા. ..કોની બેટીંગ?.વિરાટની બેટીંગ?.. જામવાનો… ના કાકા… સામેવાળાનો દાવ છે.

કાકા  …આપણા પોયરા એટલે બસ આપણા…જો.. જો..એવો દડો લાયખ્યો.. એવો દડો લાયખ્યો.. કે આઉટ કરી લાયખ્યો…તેમના ચેહરાની ખુશી એટલે જાણે સુરતી ઘારી. આવો આજે સુરતી બોલીની મજા લૂંટીએ…સૌજન્ય સહ…..શ્રી ચીમનભાઈ  …. ડો. શ્રીરઇશ મનીયાર

સંકલન-રમેશ પટેલ(આકાશદીપ)

…………………………

કેટો ની?….ચીમન પટેલ ‘ચમન’

કેરી જો નિકળે ખાટી તો કેટો ની!

દાંતે જો ના ચવાઈ  તો કેટો ની!

 

બાયડી કદી બગડી તો કેટો ની!

મારે જો વેલણ લઈ તો કેટો ની!

 

મંદિરનું મફતનું તું લઈને છે ખાય,

ભગવાન જાય રિસાઈ તો કેટો ની!

 

બોલવા નાદે કોઈને ભઈ તું કદી,

કોઈ મોં સીવી જાય તો કેટો ની!

 

માથું મારવા જોઈએ તારે તો બધે,

કોઈ સવાયું મળી જાય તો કેટો ની!

 

પૈસા માગી ના આપે પાછા તું કદી!

જાય તને બધા  ટીપી  તો કેટો ની!

 

ઈર્ષા ને દ્વેષમાં જીવે ભલા તું ચમન

રોગો પછી જો નિકળે ફૂટી તો કેટો ની!

  • ચીમન પટેલ ચમન’ (૧૨સપ્ટે૧૫)

 

 

  • …………………..
  • તો કે’ટો ની.. ડો. રઇશ મનીયાર

  • પન્નીને પહતાય તો કે’ટો ની.
    વાહણ જો અથડાય તો કે’ટો ની.

    અમના તો કે’ટો છે કે પાંપણ પર ઊંચકી લેમ.
    પછી માથે ચડી જાય તો કે’ટો ની.

    અમના તો પ્યાર જાણે રેહમની ડોરી.
    એના પર લૂગડાં હૂકવાય તો કે’ટો ની.

    ”એની આંખોના આભમાં પંખીના ટોળાં…”
    પછી ડોળા દેખાય તો કે’ટો ની.

    હમ, ટુમ ઔર ટન્હાઇ, બધું ઠીક મારા ભાઇ
    પછી પોયરાં અડ્ડાય તો કે’ટો ની.

    – ડો. રઇશ મનીયાર

  • (આભાર-લયસ્તરો)

Read Full Post »

 

(Thanks to webjagat for this picture)

જેસપ(જ્યોર્જીઆ)..વહેલી સવારે સૂર્યનારાયણની કેસરિયાળી ક્યારી નભે છવાતી જાય ને બારીમાંથી સુંદર દર્શન સાથે પ્રભાતે નિંદર ખૂલેને, હાથ જોડી ત્રણ શ્લોકનું સ્તવન થઈ જાય… મહામૃત્યુંજય મંત્રઓમ મૃત્યુંજય મહાદેવ, ત્રાહિમામ શરણાગતં, જન્મ મૃત્યુ જરા વ્યાધિ પિડીતમ કર્મબંધનેન” …. ૐ ભૂર્ભુવ: સ્વઃ તત્ સવિતુર્વરેણ્યમ્ ભર્ગો દેવસ્ય ધીમહિ ધિયો યો નઃ પ્રચોદયાત્|.. શક્તિ ઉપાસના મંત્ર…’ઓમ હ્રીં  ક્લીં શ્રીં  ચામુંડાયય વિચ્ચૈય નમઃ..  

      આજે સવારે આ નિત્યક્રમે શુભ સવારે લંડનથી અમારા બાળગોઠિયા મિત્ર ..બ્રહ્માકુમાર સોમાભાઈના ‘ૐ જય શિવબાબા’ ના મીઠડા સ્વરે જન્મદિનની શુભેચ્છાની ઘંટડી રણકી. થોડા દિવસ પૂર્વે જ તેઓ તેમના પુત્ર ને પુત્રિના પરિવારને મળવા લંડન આવેલા છે..પ્રા.શાળાના આદર્શ શિક્ષક દંપતી કહું તો ચાલે. બ્રહ્માકુમારીના સ્વાધ્યાયી આ પરિવારની મીઠડી સૌરભ અમારે હૈયે સદા રમે છે. તેમણે વાત-વાતમાં એક સ્મરણ કથા કહી કે..મેં તમને લંડન આવી ..એક ખાસ યાદ માટે ફોન કરેલ..મહિસાના તળાવની પાળે ચાલતાં ચાલતાં આપે..કપડવંજ મુકામે..યોજાયેલ..બ્રહ્માકુમારી વિશ્વવિદ્યાલયના પ્રદર્શનની વાત કરેલ ને બ્રહ્માકુમાર શ્રી ડાહ્યાભાઈ પટેલ,વડોદરાવાસીનો સંપર્ક કરવાની લાખેણી સલાહ આપેલી…તેણે મને આ માર્ગે વાળી દીધો…મેં હસી કહ્યું તમે લાભ્યા અમે તો કોઈની કંઠી ના બાંધી શક્યા!..પણ કોઈ પુણ્ય ફળ્યાંને ‘દાદાઈવાણી’  નિમિત્તે ચરણ સ્પર્શે અમને મળી ને સંસારની યાત્રા સરળ બની..આવો આજે ‘ઉપાસના’ થી જન્મદિને અંતરને ઢંઢોળીયે.

સંકલન-રમેશ પટેલ(આકાશદીપ)

ગાયત્રીની ત્રણ શકિતઓને બ્રાહ્મી(બ્રાહ્મણી) વૈષ્ણવી અને શાંભવી (રુદ્રાણી) સ્વરૂપમાં દર્શાવવામાં આવી છે. સવારના સમયે કુમારી (બ્રાહ્મી) સ્વરૂપે હોય છે. એમાં ગાયત્રીનું વાહન હંસ હોય છે. અને પાંચમુખ તેમજ બે હાથ હોય છે. બપોરના સમયે યુવતી (વૈષ્ણવી)નું સ્વરૂપ માનવામાં આવ્યું છે. આ રૂપમાં તેઓ ગરુડ પર બેઠાં હોય છે. ત્યારે તેમને એક મોં અને ચાર હાથ હોય છે. સંઘ્યા સમયે પ્રૌઢાના સ્વરૂપમાં (રુદ્રાણી) હોય છે. ત્યારે તેઓનું વાહન બળદ હોય છે. એ વખતે તેમને એક મોં અને ચાર હાથ હોય છે…

અમદાવાદના શ્રી સુધીરભાઈ બી.શાહે..અક્રમ વિજ્ઞાનમાં …પ.પૂ.દાદાશ્રી ભગવાનને જે આત્મજ્ઞાન પ્રગટની પુણ્યપળોને સ્મરતાં..૧૯૫૮ની એ વિરાટ દશા ને વિશ્વને ધન્ય કરતાં વિચરતાં મળેલ સદભાગ્યની એક રચનાની ..સુંદર પંક્તિઓ, આજે મારા જન્મદિન નિમિત્તે સાભાર માણીએ..

લખાશે તારી ‘અક્રમ-ગાથા’

વચન ઘંટારવે ખૂલે,

ડુંગળી પડળે પડળ પડદા

અમે થોરિયા….બન્યાં ફુલડાં,

હે!પારસમણિ જગમાળી

અમે મોંહર્યા,

લાધી દિશા હે! ટંકશાળી,

ફળ્યો, તારો આ તળપદ સંગાથ,

અનંતકાળની,

કાળી મેશ સ્લેટ પર

અજ્ઞાન અધંકાર મહીં,

ચમકી રહી શુક્લ ધવલતા

મહાત્મા કાઠું પોષાયું પ્રેરાયું,

પ્રગટ્યું દૈવત,

ખરે! અદકેરું સદભાગ્ય!!

સુધીર બી. શાહ(અમદાવાદ) 

 

 

જન્મદિન કિનારા થઈ ભીંજે…રમેશ પટેલ(આકાશદીપ)

 

ઝગમગ ઝગમગ દીઠા અમે તો

 સ્વપ્ન મહીં અજવાળા

 હસી  ખુશીના  ફૂલો  લઈને 

 મહેકે  મિત્ર   રૂપાળા

 

કંકુવરણી ખીલી જ પ્રભા આ

સ્વજન સંગ હું પ્રાથું

માગું જ ખુશી મિત્ર જગતની

પ્યાર મુબારક ઝીલું

 

પવન સપાટા ભાવ અંતરના

સંગ જ સાગર નૈયા

જન્મદિન કિનારા થઈ ભીંજે

ચીતરું ભાત સવૈયા

 

વિશાલ નભ સમ હૈયાં હરખીલાં

દઉં ઋણ સભર સંદેશા

પરમ વિનયે ગાઉં પ્રેમ સંગમાં

પૂરે  ઈશ  અભિલાષા

રમેશ પટેલ(આકાશદીપ)

Read Full Post »

ભારતનો અર્જુન બાજપેયી…નાનીવયે હિમાલયના સૌથી ઊંચા શીખર એવરેસ્ટ પર ત્રિરંગો લહેરાવ્યાના સમાચાર માણ્યા…આજે આ પર્વતોની ઊંચાઈ વિશે થોડું જાણીએ તો મજાનું લાગશે.

 

દરિયાની સપાટીના રેફેરન્સસથી પર્વતમાળાના શિખરોની ઊંચાઈમાં હિમાલય સાચે જ પર્વતાધીરાજ છે. સૌથી ઊંચાઈ વાળા ૧૦૯ જેટલા પર્વત શિખરો..૭૨૦૦ મીટર્સ એટલેકે ૨૩૬૨૨ ફૂટની ઉપરના બધા, સેન્ટ્રલ એશીયામાં સ્થિત છે. એવરેસ્ટ શીખર ૮૮૫૦ મીટર્સ એટલે ૨૯૦૩૫ ફૂટની ઊંચાઈ સાથે સર્વોચ્ચ સ્થાને છે. સી લેવલના રેફરન્સને લીધે થોડા ફીટની ફેરબદલી નોંધાય છે. બીજાનં-K2 -GodwinAustin…૨૮૧૬૯ ફીટ,

Kangchenjunga-28169 feet, Lhotse-27940 feet, Makalu-27838 feet છે.   એશિયાની બહાર ઊંચાઈવાળો…Aconcagualo- ૬૯૬૨ મીટર્સ એટલે ૨૪,૭૯૦ ફીટ છે.

          પાંચમી વિશ્વ ઊંચાઈ વાળો…Makalu-(મકાલુ)..ચડવામાં એવરેસ્ટ કરતાં પણ વિકટ છે..ને ઘણા અકસ્માતોનો ઈતિહાસ ધરાવે છે..પર્વતારોહકોની પરીક્ષા લેતાં આ શિખરો છે. ચાર ચાર વખત તેની પર આરોહણ ફતેહ કરવા યત્ન કરતા ,આપણા અર્જુનજી સાચે જ હિંમતવાન ને ધીરવીર છે..ને સફળ થઈ અભિનંદનના અધિકારી  બને છે…એ શાન લાખેણી છે.

   હવે ઊંચાઈ બાબતમાં આ પર્વતોએ  વિરોધ નોંધાવ્યો…ભાઈ દરિયાની સપાટીથી કેમ? હું તો દરિયાની નીચેથી તળેટીથી ડોકું કાઢું છું..હુ તો સૌથી મોટો! આજે વૈજ્ઞાનિક આધુનિકતા, સેટેલાઈટ ને નાસાવાળા..તેના તથ્યને તપાસતા ગયા..સી લેવલથી ફક્ત ૬૦૦૦મીટર ઊંચાઈ બતાવતો..મૌના કી( Mauna Kea) ..નીચે ૪૨૦૫ મીટર દરિયેથી ઉપર આવ્યો છે..આમ તે તળૅટીથી ૧૦૦૦૦ મીટર્સ ઊંચાઈનો દાવો સાબિત કરે છે. તે પેસિફિકના હવાઈટાપુના આઈલેન્ડમાં છે. આ શિખરના ૧૪૦૦૦ ફીટની ઉપર વાતાવરણ તદ્દન સૂકું ને વાદળોનું નામનિશાન નથી, તેથી ખગોળ દર્શનમાં ખૂબ જ મહત્ત્વનું ભાગીદાર છે, પણ અહીં ઠંડક એવી જામે છે કે…તળૅટીમાં બરફ..હિમ સદા છવાઈ જાય ને નાસાના ફોટા ટોચ ચોખ્ખી બતાવે.

  આ ઊંચાઈની લડામાં એક પાછો નવો દાવો આવ્યો…પૃથ્વીના કેન્દ્રથી શિખરની ઊંચાઈ ગણીને સરખાવો..આપણી પૃથ્વી નારંગી જેવી..વિષુવૃતપર સૌથી મોટો વ્યાસ..એટલે વિષુવૃતથી ૧ ડીગ્રી સાઉથ બાજુ સ્થિત.. 

Chimborazo ની ઊંચાઈ વધુ નીકળી..એવરેસ્ટભાઈ ૨૦૭૦૩ ફીટના જ્યારે..ચીમ્બોરઝો…ભલે સી લેવલથી ૨૦૫૪૮ ફીટના છે..પૄથ્વીપર સૌથી ઊંચા વિષુવૃત સ્થિત હોવાથી  દેખાય છે.. વિષુવૃત્ત પર ગરમી પણ, આ જગ્યાએ હિમાલયને પણ શરમાવે એમ બારેમાસ હીમની ચાદર ઓઢીને  રહે છે…જ્વાળામુખી પણ છે ને  આરોચક બધી માહિતી Geology.com પર વીઝીટ કરે મળે.

ગુજરાતી લેક્સીકોનના સૌજન્યે માણીએ….

   હિંદુસ્તાનમાં ૧૮ મુખ્ય પર્વતો ગણાય છેઃ (૧) હેમકૂટ, (૨) પારિયાત્ર, (૩) હિમાલય, (૪) ગંધમાદન, (૫) ચિત્રકૂટ, (૬) ઉદય, (૭) માલ્યવાન, (૮) નિષધ, (૯) લોકાલોક, (૧૦) વિંધ્ય, (૧૧) સપ્તપુટ, (૧૨) રૈવતક, (૧૩) સહ્ય, (૧૪) અસ્ત, (૧૫) શ્રીપર્વત, (૧૬) નીલ, (૧૭) મલય અને (૧૮) ત્રિકટ. આજ સુધી પર્વતોની ઊંચાઈ આપવામાં આવે છે, તે દરિયાની સપાટીથી અને એ હિસાબે હિમાલયનું એવરેસ્ટ શિખર દુનિયાભરમાં ઊંચામાં ઊંચું છે. પરંતુ ડો. જી. રોશ નામના એક જર્મન વૈજ્ઞાનિકે પૃથ્વીના મધ્યબિંદુથી પર્વતોની ઊંચાઈ ગણવાનું માપ શરૂ કર્યું છે. આ હિસાબે એવરેસ્ટ નહિ પણ એન્ડિઝ પર્વતોનું ચિમ્બોરોઝો શિખર દુનિયાનું મુકુટમણિ ગણાય. ડો. રોશની ગણતરી પ્રમાણે ચિન્બોરાઝો પૃથ્વીના મધ્યબિંદુથી ૩,૯૬,૫૩૯ માઈલ થાય છે, એટલું જ નહિ પણ પેરૂનનો હુઆસ્કેસન, એકવાડોરનો કોટોપાક્સી, પૂર્વ આફ્રિકાનો કેનિઅ અને આફ્રિકાનો કિલિમાંજારો એ બધા પણ આ ગણતરીથી એવરેસ્ટ કરતાં ઊંચા થાય છે.

સંકલન-રજૂઆત–રમેશ પટેલ(આકાશદીપ)

Arjun Bajpeyee…youngest climer of India..

on Makalu..5 th heighest moun

 

 

 

 

 

 

.

 

1. The summit of Mount Everest, the highest point on Earth

Read Full Post »

શિવલિંગ ને રૂદ્રાક્ષ….સંકલન- રમેશ પટેલ(આકાશદીપ)

 (Thanks to webjagat for these pictures)

  શિવ અનંત શિવકૃપા અનંતા…. ભારતવર્ષમાં ૧૫૦૦૦ વર્ષો પૂર્વથી શિવલિંગ પૂજા ચાલી આવે છે એમ પંડિત ડૉ. પ્રાણનાથ વિદ્યાલંકારે સપ્રમાણ સિદ્ધ કર્યું છે. જગતની ઉત્પતી,સ્થિતિ ને લયના કારણરૂપ,  સંહાર પછી સર્જન , એટલે શિવ શંકર રૂપે પાછું પુન:  સર્જન  પણ  કરે છે. આજ કારણે  મહાદેવની શ્રેષ્ઠ દેવ એવી ઉપાધિ તેમને પ્રાપ્ત થઈ છે. શિવજીના પ્રતીક તરીકે જલાધારીના મધ્યમાં ગોળાકાર લાંબા પથ્થરના રૂપનું પૂજાતું સ્વરૂપ એટલે શિવલિંગ.  વેદોમાં એ રૂદ્ર ઋપે ભૈરવ એટલે સંહારક છે. પરાશક્તિથી પર એવા યોગી છે, ને શિવતા-શુભત્ત્વ મંગલ શક્તિની પૂજા આપણી આ પૃથ્વી પર, આપણા પૂર્વજો કરતા હતા . 

  આવો આ શિવલિંગની મજાની વાતો ‘ગુજરાતી લેક્સીકોન’ના સૌજન્યે માણીએ…                

  ફ્રાંસના પ્રસિદ્ધ વિદ્વાન લાસેન લખે છે કેઃ ઈજીપ્તમાં મેફીસ તથા અશીસિ પ્રાંતમાં નંદિ પર બેઠેલી શિવની મૂર્તિઓ છે. જેના ઉપર દૂધના અભિષેકથી લોકો હજુ પણ પૂજન કરે છે. તુર્કસ્થાનમાં બાબીલોનમાં એક ૧૨૦૦ ફૂટનું શિવલિંગ પથ્વી ઉપર સૌથી મોટું છે. હેડ્રોપોલીસમાં એક મોટું શિવાલય છે, જેમાં ૩૦૦ ફૂટનું શિવલિંગ છે. મક્કા શરીફમાં મક્કેશ્વર નામનું શિવલિંગ છે, ત્યાંના જમજમ નામના કૂવામાં જે શિવલિંગ છે, તેની પૂજા ખજૂરીના પાંદડાંઓથી થાય છે. આ લિંગાર્ચનની ચર્ચા ભવિષ્ય પુરાણમાં છે. મક્કેશ્વરનું લિંગ કાળા પથ્થરનું છે. પ્રથમ ઇસરાયેલી તથા યહૂદી એની પૂજા કરતા. હજુ પણ જે મુસલમાનો હજ પઢવા જાય છે, તેઓ આ મક્કેશ્વર મૂર્તિનું ચરણ ચુંબન કરે છે. અમેરિકાના બ્રાઝિલ દેશમાં અસંખ્ય શિવલિંગો મળી આવે છે. યુરોપના કોરીંથ શહેરમા પાર્વતી મંદિર છે. ગ્લાસગોમાં સુર્વણથી આચ્છાદિત શિવલિંગ છે, જેની પૂજા હજુ લોકો કરે છે. ફીજીશીયનના એટીસ નીનિવા ગામમાં એષીર નામનું શિવલિંગ છે. યહૂદીઓના દેશમાં ઘણાં શિવલિંગો છે. તે પ્રમાણે અફરીદિસ્તાન, ચિત્રાલ, કાબુલ, બુખારા આદિ સ્થળોમાં ધણાં શિવલિંગો છે. ત્યાંના લોકો પંચશેર કે પંચવીર નામથી તેનો પોકાર કરે છે. ભારતવર્ષમાં ૧૫૦૦૦ વર્ષો પૂર્વથી શિવલિંગ પૂજા ચાલી આવે છે એમ પંડિત ડૉ. પ્રાણનાથ વિદ્યાલંકારે સપ્રમાણ સિદ્ધ કર્યું છે.

   આપણા મહાદેવજીની મૂર્તિ .. જે .ત્રિશુળ ધારે છે..તેનું નામ પિનાક છે. ધનુષનું નામ છે-અજગવ, ને ગદા છે-ષટવાંગ..આ ત્રબંકેશ્વર જે રૂદ્રાક્ષની માળા ધારણ કરે છે..તેનો મહિમા પણ મજાનો છે.

  હિમાલયની તળેટીમાં,નેપાળ, બંગાળ, આસામ ને કોંકણમાંની આબોહવા તેના વૃક્ષોને ખાસ માફક આવે છે..તેથી આપણે તેનાથી ઓછા પરિચિત છીએ. આ ઝાડનાં ફળ , આમળા જેવી સાઈઝનાં ગોળ છે, પણ તેને પાંચ ખાનાં હોય છે. દરેક ખાનામાં જે બીજ હોય..તે આજ આપણું રૂદ્રાક્ષ…સાપના કરોડના મણકા જેવું આ બીજ, સ્વાદમાં ખાટુ, ઉષ્ણ તથા રૂચિકર છે. ઔષધિ શાસ્ત્ર તેને વાયુ, કફ, માથાની પીડા માટે ઉપયોગી માની ચિકિસ્તામાં  ઉપયોગ કરે છે..તેની પર આંખ હોય છે..જે એક અક્ષી તે સૌથી શ્રેષ્ઠ…પણ તેની વિશિષ્ટતા એકે..સો વરસે પણ આ બીજ સડતું નથી..છે ને કુદરતની કમાલ. આપણા મહાદેવજીની આ પસંદગી.. એટલે તેની ઉપસ્થ્તિ જ ગૃહબાધાઓ દૂર રાખે..ભૂતભાગે..એવી માન્યતા.

રજૂઆત-સંકલન..રમેશ પટેલ(આકાશદીપ)

 શિવજીની કૃપા એટલે મંગલ અપાર અલૌકિક ખુશીનો અનુભવ…અમરનાથની એ કૃપા પ્રસાદી ઉરે ઝીલી એનો જયઘોષ ભક્તગણ ઝીલે ત્યારે ધન્યતા અનુભવે જ… એક નાનું ઝરણું.. નામ ‘અમરગંગા’ … ખળખળ વહેતું સિંધુનદીનો ભાગ બની જાય,એ ઘાટી  હિમાલયની ભૈરવઘાટીની પશ્ચિમે સ્થિત છે.. આ. આતાજીએ યાદ દેવડાવી તેમ આ દુર્ગમ ઘાટી પાસે, પોતાનાં પશુ ચરાવતાં પહોંચેલા મુસલમાન ભાઈએ આ અમરનાથની કુદરતી ગુફા જૉઇને , શિવબાબાના દર્શનની ખુશાલી દીધી..હજુ આજે પણ તેના વારસદારો ને હિન્દુભક્તજન..પરસ્પર આદર સાથે આ મહિમા માણે છે.   આ ગુફા ઉંબરે એટલે કે પ્રવેશની જગ્યાએ..પચાસ ફૂટ પહોળી છે ને ૨૫ ફૂટ જેવી ઊંચી છે. અંદર ૨૧ ફૂટ જેવા આગળ વધો એટલે અમરેશ્વરનું લીંગનાં ભાવવિભોર કરતાં દર્શન…બરફનું શ્વેત પાવન શિવાલય. લિંગની બંને બાજુએ હિમના બે સ્તંભ..જાણે માતા પાર્વતી ને અણેશજીની ઉપસ્થિતિ.. શ્વેત કબૂતરની અમર જોડી…નજરે પડે તો કથાની સાક્ષી.. આવો આજે ભાવ-વંદનાથી વિભોર થઈને ભજીએ… 

અમરનાથ   તું   યોગી    બરફીલા…રમેશ પટેલ(આકાશદીપ)

 

તીરથ  હિમાલય, હરિત શ્રીમંતા

શિવ  અનંત  શિવકૃપા  અનંતા

 

ઘાટ  ભૈરવ  શુચિ  અમર  ગંગા

ધામ   સ્વયંભૂ       શિવલિંગા

 

પૂનમ પાવન શ્રાવણ અમીરાતા

દિવ્ય  દર્શન  અમર   અનુભૂતા

 

નમી અવધૂત ભજું ભમભમ ભોલા

અમરનાથ   તું   યોગી   બરફીલા

 

પરમ  શ્રેયી   તવ  કથા   ઉમંગા

અનુપમ  અનુભૂતિ   માતસંગા

 

ધન્ય! અક્ષ ઉર   ગુફા શિવતા

શિવ  અનંત   શિવકૃપા   અનંતા

રમેશ પટેલ(આકાશદીપ)

 

Read Full Post »

બરફના સ્વયંભૂ શિવલીંગની અમરનાથ યાત્રા..સંકલન..રમેશ પટેલ(આકાશદીપ)…

શીરે શોભંતી  જટા, ચારુ  ચંદ્રની ઘટા

રૂડી રૂદ્રાક્ષ  માળાહાથે ત્રિશુળ ભલા

ધર્યું લોચન ત્રીજું દેવ ભાલે

…..કે ભમ ભમ ભોલે ભોલે

શિવજી એટલે સ્વયંભૂ, શંભુ, જ્યોતિસ્વરૂપા ત્રણે લોકના નાથ , જેની  આરાધના  બાર જ્યોર્તિલિંગના સ્વરૂપે ભારતવર્ષોથી  કરતું આવ્યું છે. પરમાત્માના અમર અનાદિ સંતાન ,ભિન્ન ભિન્ન આત્માઓને સ્વયંભૂના દર્શનની અનુભૂતિની યાત્રા…  અમરનાથ યાત્રા

 

(Thanks to webjagat for this picture)

 

અમરનાથની પવિત્ર ગુફામાં,બરફના સ્વયંભૂ શિવલીંગનાં પ્રાકૃતિક ગુફામાં દર્શન કરવાનો મહિનો એટલે જૂન-જુલાઈની મોસમ. સમુદ્રથી ૧૨,૭૨૬ ફીટ ઊંચાઈએ,  કાશ્મિરના સૌંદર્યના ભંડારાસમ..બર્ફિલા પહાડ, ખળખળ વહેતાં ઝરણાં. સ્વર્ગની શોભાનો અહેસાસ માણવાની સાથે પવિત્ર ગુફામાંના શિવલિંગનાં દર્શનની યાત્રાની વાત જ અનોખી છે…એ વરસાદ કે પલતાટા વાતાવરણની સાથે દુર્ગમ ઘાટીઓનો  રોમાંચકારી પ્રવાસ છે..પણ કલ્યાણકારી તીર્થરાજ જે જોમપૂરી દે છે કે …કે યાત્રા મંગલકારી લાગે. પહેલગાંવ એટલે ..’બોબી’ ફિલ્મની યાદો..ત્યાંથી ભોલેબાબાની યાત્રા આરંભાય… મોટરગાડી વડે ૧૬ કિ.મી. ચંદનવાડી, પછી પગપાળા કેડી ૩૨ કિ.મી. ‘પિસ્સુઘાટી’ ના, આપણી તન-મનની શક્તિની  કસોટીની ડુંગરાળ યાત્રા, ચડે એ જાણે. ઠંડાગાર થતા જાઓ ત્યારે ૧૩ કિ.મી. કાપો ત્યારે શેષનાગ પહોંચાય. ભૂખ લાગે પૈસા હોય પણ સુવિધા ક્યાં?..તાપણાં મળે તો જાણે ભોલાની પ્રસાદી કૃપા વરસી, થાક્યા તો ટટ્ટુ- સવારી, ખીણોનાં મનોહર દ્રશ્ય ને સાથે ગબડ્યા તો  અમરપંથનો અહેસાસ.., પંચતરણીથી અમરનાથની ગુફા એટલે ભમભમ ભોલે..બમબમ ભોલેના ઉરથી ઊઠતા નાદ…અને બાબાના દર્શન એટલે અપાર ખુશી…ધન્યતાની પળો…આસ્તિકતા..કબૂતર ને શિવજી-પાર્વતીમાતનો પરમ અહેસાસ.

રજૂઆત-સંકલન..રમેશ પટેલ(આકાશદીપ)…આધાર- ભાટી.એન.પત્રકારનો લેખ.

………….

 

‘મેઘધનુષ’ મુંબાઈ નિવાસી નીલાબેન એટલે પરમ શિવભક્ત કુટુમ્બ. ભગવાન શીવજીની અનહદ કૃપા તેમની શ્રધ્ધાને બળપૂરતી અમે અનુભવી છે. કઠિન કૈલાશ યાત્રા સજોડે, પાછલી અવસ્થામાં વારેવારે કરવાની  તાલાવેલી મેં જ્યારે તેમની પાસેથી જાણી..ખૂબ જ અહોભાવ થઈ ગયો. તેઓનું વતન બાલાશિનોર..અમારા વણાકબોરી થર્મલ પાવર સ્ટેશનના નિવાસના લીધે  અમારું પોતિકું ગામ બની ગયેલ ને આત્મિયતા બંધાયેલી. મારી અન્ય કાવ્ય-રચનાઓ સાથે, શિવજીની ભક્તિ રચનાઓને નીલાબેન ‘મેઘધનુષ’  બ્લોગમાં કાયમ વધાવતા.. ાઆવો રીડ.ગુજરાતીના સૌજન્યે માણીએ આ યાત્રા લેખ. 

Readgujarati.com …સૌજન્ય

 

શ્રી અમરનાથ યાત્રા – નીલા કડકિયા…

અમરનાથ યાત્રા..અમરનાથજીની ગુફા સુધી પહોંચવાનાં બે માર્ગ છે. એક માર્ગ જમ્મુથી પહેલગામ, ચંદનવાડી, શેષનાગ, પંચતરણી થઈને શ્રી અમરનાથજીની ગુફા સુધી જાય છે અને બીજા માર્ગે શ્રીનગરથી સોનમર્ગ થઈ બાલતાલને રસ્તે શ્રી અમરનાથજીની ગુફા સુધી પહોંચી શકાય છે.

મારી દષ્ટિએ કૈલાસ-માનસરોવર અને અમરનાથ યાત્રા એમ બંનેમાં સ્વસ્થ તન અને મનની જરૂરિયાત તો છે જ પણ અમરનાથયાત્રા પ્રમાણમાં સરળ એટલા માટે છે કારણકે તેમાં કૈલાસ-માનસરોવર યાત્રા જેટલો મોટો ખર્ચ નથી તેમજ પાસપોર્ટ કે વીઝાની કોઈ ઝંઝટ નથી. કોઈ પણ ઉંમરના વ્યક્તિ આ યાત્રામાં જોડાઈ શકે છે. વળી, માર્ગમાં અનેક ભંડારાઓ હોવાથી ખાવા-પીવાની જરાય તકલીફ નથી પડતી. દરેક યાત્રિકનું સુંદર ભાવભીનું સ્વાગત થાય છે અને ભાવિકોને આગ્રહ કરીને જમાડે છે. અમરનાથની યાત્રા કરનાર ઈચ્છુક વ્યક્તિએ, બે મહિના પહેલા જમ્મુ ઍન્ડ કશ્મીર બૅંન્કમાં રજીસ્ટ્રેશન કરાવવું પડે છે. આ સાથે પાસપોર્ટ-સાઈઝ ના બે ફોટોગ્રાફ્સ તેમજ ફેમિલી ડૉકટરનું ફિટનેસનું સર્ટિફિકેટ રજૂ કરવાનું હોય છે. આ વિધિ કર્યા બાદ યાત્રીકોને દર્શનની તારીખ સાથે પાસ આપવામાં આવે છે. અગાઉ આ યાત્રા (1997 થી 2004 સુધી) ગુરુપૂર્ણિમા એટલે કે અષાઢ સુદ પૂનમથી ચાલુ થઈને રક્ષાબંધન-એટલે કે શ્રાવણ સુદ પૂનમના દિવસે પૂર્ણ થતી હતી, પરંતુ હવે ભારત સરકારે આ યાત્રાની મુદત વધારીને બે મહિનાની કરી છે – એટલે કે જેઠ સુદ પૂનમથી ચાલુ થઈને રક્ષાબંધનનાં દિવસે પૂર્ણ થાય છે.
 જમ્મુથી ઉધમપુર, પટ્ટની ટોપ, રામવન અને નહેરુ ટનલ થઈને પહેલગામ સુધી પહોંચતો આ રસ્તો પર્વતમાળામાંથી પસાર થતો હોવાથી ચોમાસા દરમિયાન અહીં ભેખડો ધસવાનો ભય રહે છે. તેથી આવા સમયે ઘણીવાર યાત્રીઓને રસ્તામાં રોકાઈ જવુ પડતું હોય છે. તો આવા સમય માટે થોડોક નાસ્તો તેમ જ પાણીનો બંદોબસ્ત રાખવો જરૂરી છે. પહેલગામથી ચંદનવાડી સુધી પહોંચવા સરકારી મીની બસની સગવડ હોય છે. ચંદનવાડીથી આ યાત્રાનો શુભારંભ થાય છે.અહીંથી રજિસ્ટર કરેલાં ઘોડાઓ તથા રેજિસ્ટર કરેલા પોર્ટરો મળી રહે છે. રજિસ્ટર કરેલાં જ પોર્ટરો અને ઘોડા પસંદ કરવા જેથી સામાન ચોરાવાનો ભય ન રહે. આ પહાડનાં રસ્તાઓ હોવાથી અહીંના હવામાનનો ભરોસો ન રખાય. ગમે ત્યારે વરસાદ કે હિમવર્ષા થાય તેથી રેઈનકોટ, સ્વેટર, ગરમ કાન ટોપી અને હાથના મોજા પ્રવાસમાં સાથે રાખવા જરૂરી છે.

…………………..

 

Read Full Post »

પાંચમી જુને વિશ્વ પર્યાવરણ દિન…

..યાદ કરીએ પર્યાવરણપ્રેમી રમેશભાઈને (અમદાવાદ)..-

એકલાહાથે રિટાયર્ડ થયાના સાત વર્ષમાં ,અમદાવાદના સેટલાઈટ વિસ્તારના રસ્તા ઉપર ૬૫૦ વૃક્ષ વાવીને જતન કરી, વૃક્ષોને સમયસર ખાતર-પાણી આપી તેમની કાળજી પણ લેતા રહે  એવા બાગબાનને મળવું છે..તો એ છે  રમેશભાઈ , સાચા પર્યાવરણ પ્રેમી..આપણે સૌ ઉનાળો એટલે ગરમીથી તોબાહની વાતોની વણઝાર ચલાવીએ..ત્યાં  ૭૦ વર્ષના રમેશભાઈને પત્નિએ, કોઈનીય મદદ વગર એકલા હાથે ૬૫૦ વૃક્ષ વાવી અન્ય લોકો માટે ઉદાહરણરૃપ બન્યા છે.

       સાહિત્યપ્રેમી અને પર્યાવરણપ્રેમી રમેશભાઈને પ્રકૃત્તિ પ્રત્યે ખાસ લગાવ છે અને એમાંય વૃક્ષો રોપવાં, તેમની કાળજી લેવી તો તેમના અતિ રસનો વિષય છે.  તેઓ દર વર્ષે બે હજાર જેટલા રોપાં તૈયાર કરીને લોકોને વિના મૂલ્યે વહેંચી દે છે. ઉંમર, ઠંડી, તડકો કે વરસાદ જેવું કોઈ પણ પરિબળ તેમને તેમના  સેવાયજ્ઞામાં બાધકરૃપ બનતું નથી.

યૂઝ કર્યા પછી ફેંકી દેવાયેલા ચા-પાણીના  ગ્લાસ, લોટની-મીઠાની-દૂધની-પાવડરની થેલીઓ, થર્મોકોલના વેસ્ટેજ બોક્ષ જેવી ફેંકી દેવાયેલી વસ્તુઓને રમેશભાઈ સંગ્રહી રાખે. અને પછી તેને સાફ કરી તેમાં માટી ભરી તેમાં બીલી, કેસુડો, ગરમાળો, ગુલમહોર, પારસ પીપળો અને વડલો જેવા વૃક્ષોના બી નાંખે. અને એ રીતે રોપાં તૈયાર કરી લોકોને વહેંચી દે. એટલું જ નહીં પણ રોજ સવારે રમેશભાઈ અને તેમના પત્ની ઠંડા પીણાની બોટલોમાં પાણી ભરી પોતે વાવેલા વૃક્ષોને પાણી પાવવા પણ જાય. પોતાના વૃક્ષોની જાળવણી કરવાના પોતાના આ શોખને કારણે તેમણે પોતાને મદદરૃપ થઈ પડે તેવા સાધનો જેમ કે છોડવાં ભરી જવા માટે કેરેટ, ટ્રોલી અને બાગકામના સાધનો પણ તેમણે વસાવ્યા છે.

 તેમનો એક લાખેણો સંદેશો…તરુ આ ધરતી પર, પોતાનાં રક્ષણ માટે કે પોષણ માટે  બીજા પર આધારિત છે… એ જ વસ્તુ તેમને બીજા સજીવોથી અલગ પાડે છે.  વૃક્ષો ઉગાડીશું તો જ આપણે ઓક્સીજન પામીશું અને વાતાવરણમાં ઠંડક થશે.આપણે તેમની માવજત વધારે કાળજીપૂર્વક કરવી જોઈએ એ આપણા જ હિતમાં છે.

સંકલન-રજૂઆત..રમેશ પટેલ(આકાશદીપ)…સૌજન્ય ગુજ.સમાચાર-

………..

દાદાશ્રીની ગહન વાણી…આભાર-અક્રમ વિજ્ઞાન

સમાજ કલ્યાણ અને જગત કલ્યાણ એ એક જ કહેવાય?—-ના કહેવાય

સમાજ કલ્યાણ તો એક સાંસારિક ભાવ છે અને સહુ સહુનાથી બને તેટલું કરે ને એ સ્થૂળ ભાષા કહેવાય.

માનવ સેવા ,જે સમાજ હોય તેને અનુકૂળ હોય અનુકૂળ પડે તે રીતે કરે અને દરેકની સમાજ સેવા જુદા જુદા પ્રકારે

હોય અને તેથી વ્યવહાર ધર્મ પણ ના કહેવાય. દયા લાગણી એ પ્રકૃતિમાં લાવેલો જ હોય ,એટલે તેને પ્રકૃતિ ધર્મ

જ્યારે જગત કલ્યાણ એ સૂક્ષ્મતમ ભાવો જ હોય ,તેનાં છાંટણાં જ હોય. આત્મા પ્રાપ્ત કરવા જે કરવું પડે તે માટે

એક ભાવ જાગે કે જગત આખું પરમ શાંતિને પામો અને કેટલાક મોક્ષને પામોઆજ સાચુ પ્રોડક્શન અને બાય પ્રોડક્શન.

આત્મા જ્યાં પ્રાપ્ત હોય ત્યાં દરેક ચીજ હોયજે જે વિચારે એ ચીજ હાજર જ હોયઆ અંતરાયો નડી જ ના શકેમોક્ષ એટલે

મુક્ત ભાવ.જનક વિદેહી જેવી અવસ્થા પ્રાપ્ત થાય. ‘સજીવન મૂર્તિ સ્વરૂપએવું નિમિત્ત સ્વરૂપ આત્મજ્ઞાન દશામાં પ્રાપ્ત થાય.

લઘુભાવે જય સચ્ચિદાનંદ. 

સંકલનરમેશ પટેલ(આકાશદીપ)..

………………………..

નાનું પાંદડું.…રમેશ પટેલ(આકાશદીપ)

 

નાનું અમથું પાંદડું બોલ્યું

સાંભળો મારી વાત

એકબીજાના શ્વાસની દોરી

દીધી એ પ્રભુએ હાથ

 

 

રાખો મને તાજું માજું તો

રાખું તમારી સંભાળ

આંખ તમારી એવી ઠારું

શાતા   રમે  સંગાથ

 

મુજને ધરો જળનો લોટો

અર્પુ  તમને ફૂલથાળ

પ્રભુ ચરણે શીશ નમાવી

આરંભો  સૌ   કામ

 

ષટરસે ઝબોળે ધરણી મને

ઔષધે  છલકે   જામ

સૌને રાખું   રમતા  ભમતા

હૈયે    એવી    આશ

 

પુષ્પની ભાષા ભાવે શીખવું

દઈ   સુગંધી   સાથ

વિનયથી વહી સ્નેહ સરકાવી

શીખવું  જીવન  વહાલ

અમૃત   રસ   ઉરે   ઉભરાવી

દઈશું  ફળ  રે  મીઠાં

તમારે આંગણે ખીલશે કિલ્લોલ

કરશું   એવા  વાદા

નાનું અમથું પાંદડું બોલ્યું

સાંભળો મારી વાત..(૨)

રમેશ પટેલ(આકાશદીપ)

 

 

Read Full Post »

Older Posts »