Feeds:
પોસ્ટો
ટિપ્પણીઓ

Archive for ફેબ્રુવારી 17th, 2015

હિમના વાયરા, અડધો અડધ પૃથ્વીમાતાને માયનસ તાપમાને થીજાવી રહ્યા છે, ઉત્તર તરફ ગતિ કરતા સૂરજ દેવની ઉષ્મા, ધીરે ધીરે વનરાજીને લહેરાતી કરવા  અસ્ત થતાં, પ્રસાદી વહેંચી રહી છે. આવો સૂરજ દેવને …આપણી ચેતનાને ચૈતન્ય દેતી કૃપા માટે વધાવીએ.

પ્રાથુ  ઓગાળવા  અહં  જગના.….રમેશ પટેલ(આકાશદીપ)

નમું  હું   નમું    હું , મહા  અનલ

આથમી ઉગજે સવારે

પ્રાથુ ઓગાળવા અહં જગના

ને  ભાગ્ય ઉજાળે ઉજાળે

અગ્નિ, જળ,વાયુ ને આ અવની

આદિ અનાદિ થઈ રાચે

હું કોણ? કેમ? કેવો? વિચારું

ને કોઈ પળે વિરમું અનંતે

ઋણી સૃષ્ટિ, મળી અગ્નિ પ્રસાદી

નમું  હું  દેવ ભાનુ પ્રભાતે

લહેરાતું આ ચૈતન્ય વંદે

ન જાણું  કોણ મારે જીવાડે

અગોચરે રહી રમે પરમ શક્તિ

કોઈ કાળે ન પકડે પકડાશે (૨)

રમેશ પટેલ(આકાશદીપ)

Read Full Post »