શરણાઈ ના સૂર…વિતલ પટેલ

મારી દીકરીએ, તેના લગ્ન સમયે ડિસેમ્બર-૨૦૦૦ માં ,

આ કવિતા લખી મને આપેલ, અને તેના આ ભાવ ગીતની સ્મૃતિ

ચિરંજીવ રહે   તે માટે , મેં મારા પ્રથમ કાવ્ય સંગ્રહ “સ્પંદન” ને

આ કવિતા સાથે તેને અર્પણ કર્યો હતો. દીકરીની અને પિતાની વ્યથાનું આ

ગીત ,આ લગ્નની મોસમમાં સામેથી રમતું આવ્યું.

.Thanks to webjagat for this picture.

શરણાઈ ના સૂર...વિતલ પટેલ

શરણાઈના રેલાતા સૂરછે,
આંગણે લીલાં તોરણ છે.
જુઓ આજ એક,
વહાલી દીકરીના લગન છે.

આંગણે રમતી હતી,
વાતે વાતે રીસાતી હતી,
કાનમાં આવીને ફરિયાદો કરતી હતી.
હસતાં–રડતાં મોટી થઈ,
આવ્યું એને યૌવન છે.
જુઓ આજ એક
વ્હાલી દીકરીના લગન છે.

છે ઘર સજેલું આજે,
બધા કેટલા હસે છે.
વારંવાર દીકરી પાસે,
મન જવા માંગે છે.
અરે વગાડો ઢોલ,
વગાડો શરણાઈ
કે ટપકું થતું આંસું કહેછે,
હા ,આજ મારી
વહાલી વિતલનાં લગન છે.

વિતલ પટેલ(બ્રુન્સવીક,જ્યોર્જીયા)

Advertisements