Feeds:
પોસ્ટો
ટિપ્પણીઓ

 

વિચાર વૈભવથી , નેટ જગતે ભાવકો સાથે સંવાદ યાત્રા રચતાં રચતાં ‘ આકાશદીપ’ બ્લોગ – નવેમ્બર, ૨૯ મીના રોજ ૧૪ મા વર્ષમાં મંગલ પ્રવેશ કરશે. સાહિત્ય એટલે વ્યક્તિત્ત્વની ક્ષિતિજો વિસ્તારતું વરદાન. તેમાંય કવિતા પુષ્પો એટલે હૃદયની ભાષા.

            આપણા કવિતા જગતને મનભરી રીતે ઝુલાવનાર, શ્રી સુરેશ દલાલના ઉદ્દગારોને યાદ કરીએતો – ‘ સરળ કાવ્યો એ સુખી માણસના ચહેરા જેવા છે.

   કુદરત, સંસારની સંવેદના , ઉત્સવો એ કલમ દ્વારા ઝીલાય, ને સાહિત્ય દ્વારા ભીતરમાં એક નવું જગત જાગે. સર્જક એ અંતરિક્ષમાં મંથન કરે, કવિ કર્મ , શબ્દમાં સાંકેતિક ધ્વનિથી બીજો અર્થ પ્રયુક્ત કરે- એનો પડઘો મન ડુંગરે ઝીલાય… એ જ કવિતા સૌંદર્ય. ‘ આકાશદીપ’ બ્લોગ થકી અમને ષટ્ રસમાં આપ સૌના પ્રતિભાવો ઝીલતાં , સર્જનના મહિમાને ઝીલવાનું સૌભાગ્ય મળ્યું છે.

ઘરની સામે ઝૂમતી ડુંગર હરિયાળીને વધાવતાં – આવો  કવન યાત્રામાં વિહરીએ.

.,,

 મારો વૈભવ છે ઝરણાં ને ઝાડ

છીએ રૂડી ધરણીના છડીદાર,

ઝુમતા રમ્ય અમે લીલુડા પહાડ

 

શિખરેથી લહેરાવીએ વ્યોમના સંદેશ

દિવ્ય ભવ્ય છે કુદરત ઉપહાર

વનરાજી પોંખે પ્રેમથી સૌને  ફલ  થાળ

ઝુમતા રમ્ય અમે લીલુડા પહાડ

 

ઉગતા પ્રભાતે અંગે સોનેરી આશિષ

કલરવ ખટોલે ઉડાડું હરખની ધાડ

ધરણીનાં ભાગ્ય ઝુલાવતાં  અમ ઝરણ

ઝુમતા રમ્ય અમે લીલુડા પહાડ

 

દોડી  વાદળ દે જ આલિંગન અપાર

ધુમ્મસનાં ઓઢીએ ઓઝલ સ્વરુપ

ચમકતાં પાંદડે ધવલાં  મોતીડાંની હાર

ઝુમતા રમ્ય અમે લીલુડા પહાડ

 

સરિતા સાગરને શૃંગ સજે રે શ્રીકાર

સૂરજ સોમ શાખે શોભે શણગાર

અવનીએ અવતરવું છે દૈવી સુભાગ

ઝુમતા રમ્ય અમે લીલુડા પહાડ

રમેશ પટેલ(આકાશદીપ)

    આઝાદીના અમૃત પર્વ નિમિત્તે થયેલા , વિવિધ સાહિત્યિક સંસ્થાઓના ભાતીગળ મેળે , સહભાગી થવાનો , આ વર્ષે લ્હાવો મળ્યો.

 ‘  દેશ- પરદેશ ‘ મેગેઝીન દ્વારા આયોજિત, ગ્રીનીચ વર્લ્ડ રેકોર્ડ કવિતા સંચય- માં સર્જન સહભાગી થવાનું સૌભાગ્ય મળ્યું- સંપાદક સુશ્રી ઈવા પટેલ ‘કાવ્ય અમૃત’

eaf4303f-f644-4feb-9eba-4ea3051f6e25

હર ઘર ઉર ત્રિરંગ છવાયો…

શૌર્ય અમન હરિયાલી રાષ્ટ્ર સંદેશા

અશોક ચક્ર પ્રગતિનું નીલ રંગા

ઉન્નત શિર મુગટ હિમાલય ગંગા 

અમૃત પર્વે ફરફર ફરક ત્રિરંગા 

 

નમે વતન, ધન્ય! વિપ્લવ લડવૈયા

ભારત ભોમની શાન અભૈયા

અમૃત પર્વનો આજ શંખ ફૂંકાયો

હર ઘર ઉર ત્રિરંગ છવાયો

…,

સ્વપ્ન સુહાનું ભવ્ય ભારત..,

 

જન્મભૂમિ નમું,

ચઢાવી  ધૂળ શિરે સોહાવું

છે અણમોલ આઝાદી પ્યારી

ક્રાન્તિવીરો, અશ્રુ ધારે ગાવું.

 

દેશ અમારો, અમે દેશ સુભટો

વટ વ્યવહારે રમશું ત્રિરંગા

ત્રણ સાગરનાં સંગમ દર્શન

ધન્ય! પાવન હિમાલય ગંગા.

 

સ્વપ્ન સુહાનુ્ં ભવ્ય ભારત

હૈયે મા ગંગાની આરત

વિશ્વ શાન્તિનો રાહી ગાંધી

‘ગીતા’ માનવતાની મૂરત.

 

સમય ચક્રનો શંખ ફૂંકાયો

ખમીર ખેલશે ધીંગાણાં

નવયુગની રણભેરી વાગી

જયહિન્દ શમશેરી ગાણાં.

 

ડગ દઈશું ત્યાં ડગર રચશું

મેટ્રો બુલેટ તેજ રફ્તારા

યોગ અમારો જન આરોગ્ય ચાવી

દૂર કરશે વિપદા અંધારાં.

 

ત્રીજું નયન વિજ્ઞાન વિશ્વ પટલનું

યુવાધન કૌશલ્ય અભિલાષી

મહામારી કે હોય સુનામી ભૂકંપ

ટિકા તંત્ર નિષ્ઠા જનશ્રેયી.

 

શ્વેત હરિત ક્રાન્તિ અદ્ ભૂતા

જયહો ચંદ્ર મંગલ મિશન

પુનિત પર્યાવરણ બંધો તિરથ

વિકાસ વતનનો શ્રીરથ(૨)

રમેશ પટેલ(આકાશદીપ)

….

સંત મોરારી બાપુએ , કેલિફોર્નિઆના આંગણે , સાલ આપી , રચના પર હસ્તાક્ષર સાથે આશિષ આપ્યા.

ગુજરાત સાહિત્ય અકાદમી ને ગુજરાત રાજ્ય સરકાર દ્વારા અમૃત પર્વે આયોજિત – હાલરડાં સ્પર્ધા

 હનમાનજીનું હાલરડું

 આજ ચૈતરનો ચાદલો  ચમકે

પોઢનેમારા વીર
દશેદિશાએ વીંઝણા વાયે
શિવ કૃપા તવ શિર

..,

img_6994-2

Continue Reading »

ભારતને ભારત રહેવા દો

ભારતને ભારત રહેવા દો

મનની શાંતિ સકળ સુખદાતા,
જગ ચેતના જગવવાદો
આવો બંધુ અવાજ ઉઠાવો
ભારતને ભારત રહેવા દો

પુણ્ય ભૂમિએ પ્રગટ્યું દેવત્ત્વ
સારા જગે મલકવા દો
અહિંસા એ આધાર જગતનો
કરુણાથી છલકવા દો

હિંસા એ અત્યાચાર અકલ્યાણી
માનવને માનવ રહેવા દો
ઉપકારોના મેઘ અવનિએ સીંચો
વનરાજીને મ્હોંરવા દો

પશુ પક્ષી અબોલા જીવડા
પૂરક  બનશે પથરાવા દો
સૌના સુખે થાશો સુખીયા
ભાવ ઉરે છલકાવા દો

સરિતામાંથી  સાગર થૈ મ્હાલો
સપ્ત ખંડે સંવરવા દો
મીઠા બોલે દો આવકારો
સુધા સ્મિત રેલાવા દો

બુદ્ધિ બળથી વિકાસ કેડીએ
સુખ શાંતિ પથરાવો  દો
પાપ મારગેથી પાછા વળો
પ્રતિક્રમણને પ્રગટવા દો

અખિલ બ્રહ્માંડનો એકજ ઈશ્વર
બની સંતાન શોભા દો
સારું સારું ગ્રહણ કરીને
અનંત સુખને સથવારો દો

રમેશ પટેલ ‘આકાશદીપ’

આકાશદીપ

Thanks to webjagat for this picture.

ભારતના પ્રથમ વડાપ્રધાન શ્રી જવાહરલાલ નહેરુ નો જન્મ દિવસ..૧૪ મી નવેમ્બર, એટલે બાળદિન. બાળકોના ચાચા નહેરૂ , કોટે ગુલાબનું ફૂલ ને ગુલાબી ચહેરે, બાળકો સાથે એવા પ્યારથી ભળી જાય, કે બાળકો ખુશખુશાલ થઈ જાય. આજે ભારતના પ્રથમ વડા પ્રધાન જવાહરલાલ નહેરુની ૧૨૫મી જન્મજયંતી દેશભરમાં ઊજવવામાં આવી રહી છે. નહેરુ યુગ આજે રહ્યો નથી, પરંતુ ભારતની રાજનીતિના ઇતિહાસમાં નહેરુ એક કેરિશ્મેટિક પ્રતિભા હતા લોકશાહીથી દેશને સમૃધ્ધીના પંથે આગળ લઈ જવા, તેમણે આપેલું યોગદાન સદાય સૌને હૈયે યાદ રહેશે..અમારું બાળપણ આઝાદી માટે લડેલ આ પેઢીની છાયામાં પાંગર્યું, તેનું ગૌરવ ગાયા વગર કેમ રહેવાય?…. 

આભાર-સંદેશ ન્યુઝ…..

નહેરુનો જન્મ સ્વરૂપ રાણી અને બેરિસ્ટર મોતીલાલ નહેરુને ત્યાં સૌથી મોટા પુત્ર તરીકે ઉત્તરપ્રદેશ રાજ્યમાં આવેલા અલ્હાબાદ શહેરમાં થયો હતો. નહેરુ કુટુંબ મૂળે કાશ્મીરી બ્રાહ્મણ હતું. ઘણાં વર્ષો પહેલાં મોતીલાલ નહેરુ ત્યાંથી અલ્હાબાદ સ્થળાંતરિત થયા હતા અને ત્યાં પોતાની સફળ કાયદાકીય કારકિર્દી જમાવી હતી. નહેરુ અને તેમની બે બહેનો-વિજ્યાલક્ષ્મી અને ક્રિષ્નાનો ઉછેર એક વિશાળ બંગલા…

View original post 496 more words

ફૂલ ગયુ્ં ફોરમ રહી-આ. ગુરુવર શ્રીવિષ્ણુભાઈ સાહેબ( મહિસા-મહુધા)
 
કુટુંબ પ્રેમ એ આપણી સંસ્કૃતિનું ગૌરવ છે. વડલાની છાંયે, હૂંફે સરસ મજાનું બાળપણ ખીલે, ભાઈ , બહેન કાકા ફોઈના હેતમાં પ્રસંગો દીપી ઊઠે. સંઘ શક્તિ થકી પ્રગતીનાં સોપાન આસાન થાય.
આ માટે કુટુંબના વડીલોના શાણપણ ને સમર્પણથી એક સામાજિક મર્તબો બંધાય. આનો લાભ કુટુંબીજનોને મળે જ. અમે પણ અમારા પૂ. મોટાભાઈ વિષ્ણુભાઇના હૂંફે જીવનમાં આગળ વધ્યા, એકબીજાના આદરે સ્નેહભાવથી ત્રણ પેઢી, એ ભાવ ઝીલતાં આનંદ મંગલ માણવા ભાગ્યશાળી બન્યું. આજે એ છાંયો અમે કુટુંબીજનોએ ઋણાબંધે ગુમાવ્યાની વિષાદ પળો સાથે, પૂં મોટાભાઈ સાથે હવે વાત કરવા નહીં મળે…વેદના સહ પણ એમના દિવ્ય આત્માને  ચરણે વંદન કરતાં – અક્ષર સુખીયા રહે એવી પ્રભુ પ્રાર્થના…
 
 
 
 
ફૂલ ગયુ્ં ફોરમ રહી-આ. ગુરુવર શ્રીવિષ્ણુભાઈ સાહેબ( મહિસા-મહુધા)

 

 
   વતનની બુલંદ ઇમારતનો પાયો એટલે ગ્રામ્ય ઉત્કર્ષ. ગ્રામ્ય ખુશહાલી એટલે શિક્ષણ , સમાજ ઉત્થાન ને સંસ્કૃતિથી સમરસતા. આવા ઉદ્દાત વિચારોથી આયખું ઉજાળનાર, વતનના ખોળે આઝાદી સંગ્રામની છાયા ઝીલેલી પાંગરેલી 
પેઢી , એ આપણું અહોભાગ્ય છે. 
  બાળવયે શિક્ષણ ને સંસ્કાર જ આજીવન મૂડી છે, એ ગુરુમંત્ર પર , વતનની સંપદાના ઘડવૈયાને ,
સ્નેહાંજલિ આપવાનો આજે દિન આવ્યો છે.

 

 
  મહિસા (મહુધા-ડાકોર) ગામની સુવાસ એટલે સૌના લાડીલા , સેવા ને સંસ્કારના જ્યોતિર્ધર ગુરુ આ. વિષ્ણુભાઈ સાહેબ.

 

  એમના હાથ નીચે ભણી-ગણી , મહિસા પંથકના સપ્ત ગામોના,  અનેક પ્રતિભાવંત વિદ્યાર્થીઓ , દેશ- વિદેશથી ગામમાં આવે ને , આપણે પૂછીએ કે ક્યાં જવું છે- તો એક જ જવાબ મળે – વિષ્ણુભાઈ સાહેબને મળવું છે. આ સીલસીલો આજે ૮૮ વર્ષથી અતૂટ રહી , હવે સૌના હૃદયે ખાલીપો ભરી જશે… પણ એમના આશિષ અંતર,  સદા સૌ સ્નેહીજન પર વરસતા રહેશે.
    ગામ મહિસા એટલે ઝવેરભાઈ મુખીના વટ , વહેવાર ને ગુનાહિત લોકોના પડછાયાથી ગામને વિમુક્ત રાખનાર , આઝાદી સંગ્રામના વડીલ , આજીવન કેળવણી મંડળના ટ્રસ્ટી , ડાકોર મહુધા પંથકમાંનું દબદબા ભર્યું વ્યક્તિત્ત્વ. તેમના ઘરે પાટવી કુંવર તરીકે , માતા કાશીબાના સંતાન વિષ્ણુભાઈનો જન્મ- ૧૦ જૂન ૧૯૩૪ થયેલ.
   શિશુવયે કઠલાલ હોસ્ટેલમાં રહી પ્રાથમિક શાળાનો અભ્યાસ  કરતાં, મહાત્મા ગાંધી બાપુને રુબરુમાં સાંભળી, દેશ સેવાના રંગે રંગાયા. એકજ અભિલાષા , ગ્રામ્ય સંસ્કૃતિને ચેતન સભર બનાવવા , યુવા પેઢીને કેળવણી થકી ઘડવી.
  તેમના મુખે સાંભળેલ, કોલેજ અભ્યાસ  દરમિયાન  , વિદ્યાનગર ધામના  શરુઆતની વેરાન ભૂમિમાં , નવ નિર્માણમાં પૂ.ભાઈકાકા સાથે , વી.પી. સાયન્સ કોલેજનાબિલ્ડીંગના નિર્માણમાં , શ્રમ સેવાનું યોગદાન આપવા સહાધ્યાયીઓને લઈને તેઓ જતા, ને સરદાર પટેલ યુનિવર્સિટીની સ્થાપનાની પ્રથમ સ્નાતક બેચના (આર્ટ્સ) વિભાગના ર્વિદ્યાર્થી પણ બન્યા. આમ ચરોતર પંથક ને ગુજરાતભરની વિદ્યાર્થી આલમ માટેની શિક્ષણ સંસ્થાઓ માટે , વિદ્યાર્થીકાળમાં , જાત જોતરી પૂરક બનેલ , એવી જેમની આઠ દાયકાની ઓળખાણ એટલે નિખાલસ, સમર્પિત, નિસ્વાર્થ ગુરુપદી સંજીવની શક્તિ – શ્રી વિષ્ણુભાઈ પટેલ સાહેબ.
  
 સાઈઠના દાયકાની,  એલ આઈ સી ઓફિસ (આણંદ) ની દમદાર નોકરી છોડી, વતન મહિસામાં  માધ્યમિક શાળાની શરુઆત કરવા, શિક્ષક તરીકે , પિતાશ્રી ને કેળવણી મંડળના આગ્રહે , ભાવી પેઢીને નવ ભારત નિર્માણના ધ્યેય સાથે , એમણે માધ્યમિક શિક્ષક તરીકે સેવાની ગામ મહિસામાં  શરુઆત કરી.
   વિદ્યાર્થીઓના શૈક્ષણિક પ્રવાસ, વિજ્ઞાન મેળા ને તાલુકા, જિલ્લા કક્ષાની વિવિધ રમત- ગમતોના રાહબર બની, શાળાને ગૌરવવંતું નામ અપાવવા અથાગ મહેનત કરતા ગયા. માધ્યમિક શાળાના નવા પાકા મકાન માટે, પોતાના કુટુમ્બીજનની જમીન દાનમાં અપાવી,  પોતાની નિષ્ઠાથી દાતાઓને પ્રેરિત કરી,  આર્થિક દાન મેળવી, નવી નિશાળનું  સ્વપ્ન પણ સાકર કરવા , તેઓ પ્રમુખ સહયોગી  બન્યા . ગામમાં જે ઘરે શુભ પ્રસંગ હોય, તેને ત્યાં શાળા માટે કઈંક સ્વૈચ્છિક દાન માટે અપીલ કરતા પહોંચી જતા ને લોકો પણ દાન આપી રાજીપો વ્યક્ત કરતા.
   ગામમાં મહિસા પ્રગતિ મંડળ, પુસ્તકાલય ને વિવિધ સંસ્કાર સીંચતી વાંચન -લેખન પ્રવૃત્તિઓ, નાટ્ય કાર્યક્રમમાં જાતે સહભાગી બનતા. ગાયત્રી પરિવારની હિન્દી પુસ્તિકાઓનું ગુજરાતીમાં અનુવાદ કરી, સ્વખર્ચે પ્રકાશિત કરી લોક સંસ્કાર સેવાના   માધ્યમથી  ગ્રામ્ય જીવનને ધબકતું કરવાનો સિંહફાળો , એ સૌના હૃદય પર અંકિત એમની  યશગાથાઓ છે. 
 
 ગામના ઉપ સરપંચ તરીકે સેવા આપતાં  , સરકારની વિવિધ યોજનાથીઓથી ગામને ખૂબ જ   લાભાન્વિત કર્યું.
મહિસાની પ્રખ્યાત મઢીના વિકાસ, ગુજરાતના સૌ પ્રથમ , સાધ્વી સંત
ઋતુંભરાજી નિર્મિત ‘ વાત્સલ્ય ગ્રામ’ માટે , એંસી વિઘા પાટીદાર કુટુમ્બની જમીન દાન આપવાની વાત હોય,બધામાં  સહભાગી બની પ્રેરણાદાયી  કામ કરતા. વન મહોત્સ્વ , પગપાળા જતા યાત્રાળુઓની સુવિધા જેવા જનહિતાય કામના એ સદા પ્રેરણા સ્ત્રોત બન્યા. સાચે જ શ્રી વિષ્ણુભાઈ પટેલ સાહેબ, વતન માટે  સાચા માર્ગ દર્શક બની રહ્યા હતા.
   કુટુમ્બના વડીલ તરીકે, ભાઈ , બહેનને સંતાનોને ભણાવ્યા ને સમાજને એક આદર્શ જીવન કેવું હોય, દીર્ઘકાળ લોકહૈયામાં કેવી રીતે વસાય એનો ઉત્તમ દાખલો આપી એ , ૯ નવેમ્બર,૨૦૨૨ આપણી વચ્ચેથી વિદાય લીધી.
   આપણા માજી જીઈબી ઈલેક્ટ્રીક ઈજનેર , ને ડાયસ્પોરા સર્જક રમેશ પટેલ(આકાશદીપ) ,તથા બળવંતભાઈ , અશોકભાઈ એમના લઘુબંધુઓ છે. તેમનાં ધર્મપત્ની શારદા બહેન ને પૌત્ર વિહારને,
પુત્રવધૂ ભાવના ,પૌત્ર વધૂ દીપાલી તથા  સમગ્ર કુટુમ્બીજનોને  આ આઘાત સહન કરવાની પ્રભુ શક્તિ આપે, એવી ગ્રામજનોની પ્રાર્થના.
  સમાજના  તેમના વતન ઋણને યાદ કરી, શ્રી વિષ્ણુભાઈ  સાહેબને અશ્રુભરી અંજલિ સાથે શતશત વંદન.
 

માહિતી સૌજન્ય ફોટો- શ્રી કાન્તિભાઈ મિસ્ત્રી.( ગુજરાતી સિનિયર ફ્રેન્ડ સર્કલ( યુએસએ)

આકાશદીપ

 

કારતક સુદ પૂર્ણિમા એટલે દેવ દિવાળી અને ગુરુ નાનક જયંતિ.

  સંતરામ મંદિર..નડિયાદ(Thanks to webjagat for this picture) 

Laxmandasji was the main disciple of the Santram Maharaj. He has laid down the rules for the Mahants of the main Nadiad temple. For example, the Maharaj shall not step out of the vicinity of the temple, he shall never ask for anything from anybody, and depend only on the will of the Divine.

ગુરુ એટલે જ્ઞાનનો દીપક. એ પ્રકાશ પાથરે. ગુરુનાં ચરણ એટલે અહમને ઓગાળવું. ગુરુજી નાનકજીની વાણી એટલે સિધ્ધ પુરુષનું વચન બળ. જ્ઞાન એટલે સમજ અને એ સ્વયં ક્રિયાકારી બને ને યથાર્થતાનો અનુભવ કરાવે. પરમાનંદની અખૂટ ધારા વહેતી રાખે એજ ગુરુદ્વારા.

   મહાત્મા ગાંધીજીએ કહેલું…ભારતીય સંસ્કૃતિ એટલે માનવ મૂલ્યોનો સરવાળો. ભલે બધા ધર્મોનો પવન મારા બારણે આવે..વાય..હું એનાથી ઉથલી જવાનો નથી. મારું છે તે મારું રહેશે ને વિશ્વને અજવાળશે.

સઘળી સુંદરતાનો સરવાળો એટલે શ્રીકૃષ્ણ ને અસુંદરનું વર્ણન એટલે…

View original post 190 more words

આકાશદીપ

Blessing from Dada Bhagawan..
l to R..Rameshbhai and Sirishabhai DoshI

દાદાશ્રી ભગવાન વદે….સંકલન- રમેશ પટેલ( આકાશદીપ)

દાદાએ મને પૂછ્યું ..રમેશભાઈ..આપ ઈજનેર છો.. આટલા મોટા પાવર પ્રોજેક્ટ નિર્માણમાં જવાબદારી ઉપાડી રહ્યા છો…ચાલો અંગ્રજીમાં ૯૧ થી ૧૦૦ સીધુ બોલો.

હું ફટાફટ બોલી ગયો. પછી કહે હવે ૧૦૦થી ૯૧ ઉલટી રીતે બોલો. ..તે પણ બોલ્યો. એટલે કહે- બીજી વખતે જે ધ્યાન સાથે આપે બોલ્યું તેટલું ધ્યાન સીધુ બોલવા માટે આપવું ના પડે એ સમજાયું ?

જે કામ હાથમાં લો , આધ્યાત્મિક તો એમાં મનને એટલું જ પરોવી આગળ વધજો. જગત સાથે વ્યવહારમાં જેટલી જાગૃતતા રાખીએ છીએ, તે વખતે અંદર પણ એક વ્યવહાર ઊભો થાય છે, એ ભાવિમાં ચાર્જ રૂપે આવે છે.

 

સત્સંગ…

દાદાએ ત્રણ બેટરીઓ કહેલી.મનની બેટરી, તનની બેટરી અને સ્પીચની -બેટરી.

જેટલા પ્રમાણમાં બેટરી ચાર્જ કરી હશે તેટલી માત્રામાં મન-વચન-કાયાની બેટરી ડિસ્ચાર્જ થવાના સંયોગો સહેજે બાઝવાના. સંયોગ એટલે ઉદય કર્મ. જગતની આ ફાઈલોનો સમભાવે નિકાલ કરો. થઈ ગયું જે, તેનો નિમિત્ત ભાવે જ્ઞાતા થા,અંતર કલેશ ઓછો થતો જાય તેમ આ ઉપાધિ ઓછી થતાં, આનંદ અનુભવાતો જાય. આ કળિયુગમાં

જગતમાં વેરનું પ્રમાણ ઘટાડવું એજ…

View original post 250 more words

આકાશદીપ

૩૧ ઑક્ટોબર એટલે ભારત મૈયા ને આયખું સમર્પનાર બે દ્ર્ઢ મનોબળી સંતાન ને ભાવ વંદનાનો દિવસ. સરદાર વલ્લભભાઈ પટેલનો જન્મ દિન અને શ્રીમતી ઈન્દીરા ગાંધીની પુણ્યતિથિ.

ભલે મતમતાંતર હોય…શ્રીમતી ઈન્દીરા ગાંધી માટે  તેમણે નેતૄત્ત્વ થકી ,બંગલા દેશની આઝાદીમાં જે મક્કમતાથી સહયોગ આપ્યો..એ માટે દેશ ગૌરવ ધરશે. 

નૂતન ભારતનો ઘડવૈયો….સરદાર પટેલ

પોતાના 74માં જન્મદિવસ પર આવેલા શુભેચ્છાપત્રો વાંચતા સરદાર પટેલ - 31 ઓક્ટોબર 1949

પોતાના 74માં જન્મદિવસ પર આવેલા શુભેચ્છાપત્રો વાંચતા સરદાર પટેલ – 31 ઓક્ટોબર 1949

(Thanks Divyabhaskar..Photo)

   ગુર્જર ઘરા ને ચરોતરનું રત્ન..નડીયાદમાં મોસાળમાં ૧૮૭૫ ની ૩૧ ઑક્ટોબરે… ભારત દેશ કાજે જ  જન્મ્યું  એવું ,એમના યોગદાનને સ્મરતાં બોલાઈ જાય છે….નામ વલ્લભભાઈ પટેલ. કરમસદ એ વતન ને માતા-લાડબાઈ ને પિતાશ્રી ઝવેરભાઈના  તેજસ્વી સંતાનો પૈકી એક. મોટાભાઈ શ્રી વિઠ્ઠલભાઈ ને બીજા સરદાર વલ્લભભાઈ. બંને વિલાયતમાં જઈ બેરીસ્ટર બનેલા.. ગાંધી બાપુની , આઝાદીના સંગ્રામની હાકલ સાંભળવા આ તોફાની ટીખળી, ચરોતરની આખાબોલીનો બળીયો ગયો ને..૧૯૧૭માં પ્રથમ વાર ગાંધીવાણીની સચ્ચાઈનો રણકો ઝીલ્યો. દેશની આ ગુલામીની સ્થિતિ જોઈ..ગાંધી રાહે , અહિંસક સત્યાગ્રહમાં , જોડાવા એ નિકળી પડ્યો. ૧૮ વર્ષની ઉમ્મરે…

View original post 701 more words

સાભાર- સંકલન..
જીવન ને દર્શન

મા ગુર્જરીના ચરણે....

Jpr432018

જન્મભૂમિ-પ્રવાસી 04/03/2018/મધુવન પૂર્તિ/પાનું: 4

ઓનરશીપ પર આભ મળ્યું ને લીઝની ઉપર દરિયો રે/ કાવ્ય યાત્રા/ઉદયન ઠક્કર

 ગુજરાતી યુવાનો ચારેક દાયકાથી મોટી સંખ્યામાં ગઝલો લખે છે (જે એમને માટે આનંદનો વિષય છે), એમાંના કેટલાક લખવાની કળા પણ જાણે છે(જે આપણા માટે આનંદનો વિષય છે.)આપણે ભાવિન ગોપાણીની ગઝલો સાથે માણીએ.

જ્યાં વિચાર્યું કે હવે પગલું ભરો

છતસુધી ઊંચો થયો છે ઉંબરો

સ્હેજ  ફાવ્યું ઘર મને વર્ષો પછી

ત્યાં જ માલિકે કહ્યું ખાલી કરો

પહેલું પગલું ભરવું અઘરું હોય છે.

 સ્ટેટિક ફિક્શન ઈઝ ગ્રેટર ધેન રોલિંગ ફ્રિક્શન.ઉંબરાનું કલ્પન જોકે નવું નથી: ઘડપણની અવસ્થા માટે કબીર કહે છે, ‘ઉંબરા તો પરબત ભયા, ઔર દેહરી ભયી વિદેસ.’ભાવિનના પહેલા બે ગઝલ સંગ્રહોના નામ છે: ‘ઉંબરો’ અને ‘ઓરડો.’ ‘ઉંબરો’ સંગ્રહની પહેલી જ ગઝલમાં થી ચૂંટેલો આ શેર(મત્લો) શયરની પોતાની મનોદશા પણ સૂચવે છે.

     હજી હમણાં જીવવાની રીત શીખ્યા, ત્યાં તો મરવાની વેળા આવી. ‘સ્હેજ’ શબ્દ સૂચવે છેકે જીવન પૂરેપૂરું હજીયે નથી ફાવ્યું. દુનિયા ધર્મશાળા…

View original post 286 more words

આકાશદીપ

 

વિરલસંત કબીર…સંકલન- રમેશ પટેલ(આકાશદીપ)

દુ:ખમે સુમીરન સબ કરે, સુખમે કરે ન કોય, જો સુખમે સુમીરન કરે તો દુ:ખ કાહે કો હોય ।।

।। ચલતી ચકકી દેખકે દિયા કબીરા રોય, દો પાટન કે બીચ મે સાબુત બચા ન કોય ।।

(Thanks to webjagat for this picture)

વિરલસંત કબીર…સંકલન- રમેશ પટેલ(આકાશદીપ)

કબીરદાસજીનાજન્મ બાબત અનેક કિંવદંતિઓ છે. પણ એક વાત સાચી છે કે તેમનું લાલન-પાલન નીમા અને નિરુ નામના વણકર દંપતિ દ્વારા થયું.કાશીના સ્વામી રામાનંદજી પાસે, ગંગાઘાટે પગથિયા પર, પ્રાતઃકાળે , ચરણ સ્પર્શૅ ઉદગારેલા રામ-રામનો મંત્ર ,ગુરુ મંત્ર કહી..પોતાના ભવપ્રસાદીઆત્મજ્ઞાને ….અણમોલ વાણીની ભેટ આપી.તેમના દોહા જીવનનું ગુઢ રહસ્ય ઉજાગર કરે છે. તેઓ પંડિત ન હતા, પણ તેમનીવાણીને, હિન્દુ ને મુસલમાન બંને તરફથી સન્માન મળ્યું. તેમનાં લગ્ન વનખેડી-વૈરાગીની પાલકપુત્રી લોઈ” સાથે થયાં ને તેમના ગૃહસ્થ જીવનમાં બે સંતાન થયાં, તે એક દીકરો કમાલ ને દીકરી કમાલી .

View original post 599 more words

આકાશદીપ

વિજયા દશમી.સૌને ખૂબખૂબ મુબારક… શુભ મૂર્હુત..

વિજયા દશમી..શ્રી રામચંદ્ર ભગવાને આસુરી તત્ત્વોથી મુક્તિ અપાવી, જન હૃદયને પુલકિત કરી દીધું હતું. 

આસો સુદ દશમનો તહેવાર; દશેરા; શમીપૂજનનો દિવસ. તે દિવસે નક્ષત્રના ઉદય સમયે વિજયા નામનો વખત હોય છે અને તે સર્વ કામનાઓ પૂર્ણ કરનાર છે. આ વિજયાને દિન જો શ્રવણ નક્ષત્ર હોય તો અતિ ઉત્તમ છે. રામચંદ્રજીએ રાવણ સામે અને પાંડવોએ કૌરવો સામે આ દિવસે ચડાઈ કરી હતી.  દુર્ગાએ મહિષાસુરને મારી આ દિવસે જય મેળવ્યો હતો.

………….
ભારત ભોમની ચેતના રામ માટે છબી પરિણામ

ભારત ભોમની ચેતના રામ

પરદુઃખ ભંજક ભ્રાતૃ રામ

રાજા રામ ;વનવાસી રામ,

ઋષીઓની શ્રધ્ધા તું રામ

 

અહલ્યા ને શબરીના રામ, ધર્મ ઉધ્ધારક તું સીતા-રામ

દાતા રામ ગુણી શાતા રામ, દીન દુખીયાના બેલીરામ

 

જટાયુને સુગ્રીવ મિત્ર જ રામ, દૈવી પથડે દોરે શ્રી રામ

ધનુષ્ય બાણે  શોભે શ્રીરામ, ધર્મ ઉધ્ધારક રઘુવંશી રામ

 

ઉઠતાં રામ સંવરતાં રામ, જનજન ઉરમાં વસતા  રામ

View original post 164 more words