Feeds:
પોસ્ટો
ટિપ્પણીઓ

૧૯ મે ,૧૯૭૨ પ્રભુતામાં પગલાં. સમયની સરિતા ધર્મપત્ની સવિતા સંગે, સંતાનોના સંસ્કાર સથવારે , સરસ રીતે વહેતી રહી છે – પરમેશ્વરની એ કરુણા માટે શત શત વંદન સાથે…હૈયે રટણ

શ્રી કૃષ્ણ શરણં મમ! …કુટુંબીજન, સ્નેહી મિત્રો ને જીવન પથે,  આનંદ મંગલ પાથરનાર સૌને જય જય યોગેશ્વર.

 

 

લગ્નતિથિના ગુલાલે ગુંજે ગુંજન… 

 

દૂર  ડુંગરીયે  કોકિલ  કવન

ઝીલી અષાઢી મ્હેંકે  જીવન

સપ્તપદીનાં  પાવન   ગુંજન

ઝીલી ટહુકો ટહુંકાવું રે મન

 

ભીંના ઝરુખડે ઝૂમે જોબન

ગાજે છે શ્યામ  મેઘો ગગન

ઝીલી ટહુકો ટહુંકાવું રે મન

 

રીસામણાં  મનામણાંના  વન

જાણે ઝૂમે ઝાડવાં ઝીલી પવન

સથવારે શોભ્યાં આંગણ ઉપવન

ઝીલી ટહુકો ટહુંકાવું રે મન

 

અનુભવે  ખીલવ્યાં  રે  ઓરતાં

ઝૂલ્યાં જીવન માંડી નવી વારતા

કુટુંબ   કલરવે   ગુંજ્યાં   ચમન

ઝીલી  ટહુકો  ટહુંકાવું રે  મન

 

વહ્યાં  વરસો  અણમોલ

વ્હાલે વર્ષા વાસંતી દોલ

સંગસંગ સરગમ સજી રે સજન

ઝીલી  ટહુકો ટહુંકાવું રે  મન

 

લગ્નતિથિના ગુલાલે ગુંજે ગુંજન

ઝીલી  ટહુકો  ટહુંકાવું  રે મન

રમેશ પટેલ(આકાશદીપ)

માતૃ વંદના-

આકાશદીપ

  

ન્યુયોર્કથી પ્રસિધ્ધ થતા ‘ગુજરાત ટાઈમ્સ’ ની સપ્તક પૂર્તિમાં ,તાઃ ૧૮મીએ
‘માતૃવંદના’  નો સુંદર વૈવિધ્યભર્યો થાળ પીરસ્યો છે.

   આ પૂર્તિમાં ‘ બધી જવાબદારીનાં વાહક બા’ ના શિર્ષક હેઠળ મારા આ લેખના

 કેટલાક અંશની ખૂશ્બુ વિશાળ ગુજરાતી વાચકોને આંગણે ‘ગુજરાત
ટાઈમ્સે’ લહેરાવી છે. તેના સૌજન્યને વધાવતાં , કાશીબાને આપેલી આ
શબ્દ પુષ્પાંજલિ માણીએ..

…………………………………………………………………….

સંસારનું વટવૃક્ષ ખીલે છે મા થકી. પશુ પંખી કે માનવજાત માટે વ્હાલ એજ અમૃતપાન.

 માનું હૈયું એટલે મમતાની સુગંધ.
માતાના આ ઋણનાં સંભારણાં એટલે બાળપણનો મજેદાર લ્હાવો.

બા બોલું ને ઝૂલે રે બાળપણ
આયખે કેસર ઘોળેજી રે
તું રે માવલડી ચંદન તલાવડી
જગની તરસ્યું છીપાવેજી રે

              લીલુડી ડુંગરમાળ અને રમતી રમતી વહેતી નાનકડી નદીને કાંઠે,
ખેડા જીલ્લાના બાલાશિનોર તાલુકાના પ્રખ્યાત ડાયનોસર અસ્મી પાર્ક વાળા,
રીયોલી ગામની નજીકનું ગામ જેઠોલી , મારી માતા કાશીબાનું પિયર.બેઠી દડી ,

પણ મજબૂત બાંધો અને ગોળમટોળ મુખ અને હસમુખો સ્વભાવ.
આઝાદી સંગ્રામ અને આઝાદી બંન્નેની હવા માણેલી આ પાણીદાર પેઢી.

View original post 1,007 more words

ધન્ય ધન્ય ગરવી ગુજરાત……..-રમેશ પટેલ(આકાશદીપ)

જય જય ગરવી ગુજરાત…..પહેલી મે…ગુજરાત રાજ્યનો સ્થાપના દિન…નામી અનામી યશકર્મી શહિદોને વંદન.જેમને રૂબરમાં મળવાનો લ્હાવો લૂંટ્યો છે..એવા પૂ. શ્રી ઈન્દુલાલ યાજ્ઞિક ને પ.પૂ. રવિશંકર મહારાજના આશિષે …વતનનો વાવટો પુરૂષાર્થી પ્રજાએ વિશ્વે લહેરાવ્યો છે..એ આનંદ સાથે ગાઈએ…ધન્ય ધન્ય ગરવી ગુજરાત.

જયહો   ગુજરાત  ગાજે  ગગન…

 

મલકેમલક  હરઆંગણઉપવન

અમર  ઐતિહાસી  સાબર  દર્શન

પહેલી  મે  આજ  નાચે  જનજન

જયહો   ગુજરાત  ગાજે   ગગન

 

ઈન્દુ   રણહાકે   ફૂંકાયા   પવન

ઋણ  શહીદોનું   જ  હૈયે  રતન

ધરી  હેત  ઉરે  ઝુલાવું   વતન

ઝગમગદીપ  શુભદાદાવચન

જયહો   ગુજરાત   ગુંજે  ગગન

 

ધન્ય  આરાસુર  પાવો  પાવન

ગઢ  ગિર  ડણકેસાવજરતન

શ્રીજી  સોમ  ને  સમંદરદર્શન

ગુંજેદખ્ખણ કુંજકોકિલકવન

જયહો  ગુજરાત  મારું  વતન

 

સત્તાવન  સરિતાસીંચતી  જલધન

નર્મદા  જલધોધ  નવયુગ  તીરથ

થનથન  નટરાજ  મયુર  ને  મન

મધથીમધુરુંવલ્લભ-ગાંધીજતન

જયહો   સર્વધર્મ  ગજગજ  નમન

 

 

ધન્ય   શ્વેતક્રાન્તિ   ઉત્સવ   અમન

ગુર્જર  ખમીર  રમેવિશ્વ  જ  વતન

ગુર્જર  અસ્મિતા  અમ  મુગટકનક

જયહો   ગુજરાત    ગાજે   ગગન

રમેશપટેલ(આકાશદીપ)

ધન્ય ધન્ય ગરવી ગુજરાત….

 

જૂનો  જોગી ગિરનાર

સાવજ શૌર્યે લલકાર

સાગર સરિતાને કાંઠે મંગલ પ્રભાત

ધન્ય ધન્ય ગરવી ગુજરાત

 

કચ્છ-કલા કોયલના રાગ

જન  મન દીઠા રળિયાત

‘સિધ્ધ હેમ’ની ગજ સવારી.. સિધ્ધરાજી શાન

ધન્ય ધન્ય ગરવી ગુજરાત

 

નર્મદા  તાપી દર્શન

હરિત ખેતર પાવન

મહિ સાબરના સંગે લહેરાતી ભાત

ધન્ય ધન્ય ગરવી ગુજરાત

 

આઝાદીની  રણહાક

શ્વેત-ક્રાન્તિની દહાડ

અખંડ ભારતના ઘડવૈયા લાલ

ધન્ય  ધન્ય  ગરવી  ગુજરાત

 

મેળે  ગરબે ગુજરાત

હૈયે શામળ ને  માત

વટ વચન વ્યવહારે… ઊડે ગુલાલ

ધન્ય ધન્ય ગરવી ગુજરાત

 

અહિંસા  આદર સન્માન

સંસ્કાર સૌરભ બલિદાન

વિશ્વવંદ્ય ગાંધી તું.. વિશ્વે મિરાત

ધન્ય ધન્ય ગરવી ગુજરાત

 

જેનું   હૈયું  ગુજરાત

એનું આંગણું અમાપ

દૂધમાં  ભળતી સાકરની  જાત

ધન્ય  ધન્ય  ગરવી  ગુજરાત

રમેશ પટેલ(આકાશદીપ) 

……….

પહેલી મે નું ગાણું…..રમેશ પટેલ(આકાશદીપ)

સાત સૂરોનું ભાથું બાંધી ,  ગાશું એક જ ગાણું

  પહેલી મે નું  ટાણું

  લાખેણું નઝરાણું… લાખેણું નઝરાણું

 

ધન્ય! ગુર્જરી પ્યારી મૈયા

દીધાં સાગર હૈયાં

સ્નેહ સમર્પણ સાવજ ત્રાડે

રંગે જાત જ છૈયાં

 

હાક દીધી ઈન્દુચાચાએ

ગર્જ્યા  સાગર ગુર્જર

જોમ સીંચ્યા ઑગષ્ટ ક્રાન્તિએ

ગાજ્યા ઘોષ જ અંબર

 

દીપમાળાઓ ઝગમગ ઝગમગ

દે   દાદા   આશિષું

તીર્થભૂમિના   સ્પંદન    ઝીલી

ધન્ય! માતના શિશુ

 

લીલુડી  ભાતે  ખીલે  ખેતર

ઠારે આંખ જ માડી

શ્વેતક્રાન્તિની ગંગા વહેતી

સીંચે  શૈશવ વાડી

 

વીર વલ્લભ ને ગાંધી બાપુ

વિશ્વ  અખિલના તારા

મૂક  દાનવીર કરે  સંકલ્પ

ગુર્જર  ગૌરવ  ન્યારાં

 

પ્રેમ અહિંસા આદર હૈયે

દ્વારે સ્વાગત શાણાં

જ્યાં વસીએ તેના જ થઈએ

હૈયે  ગુર્જર  ગાણાં(૨)

રમેશ પટેલ(આકાશદીપ)

…..

ઉલટ સૂલટ – સંકલન

સાભાર- સંકલન

હાસ્ય દરબાર

સાભાર – કાસિમ અબ્બાસ કાલાવડવાળા

મળેલ વાક્યો –

  • લીમડી ગામે ગાડી મલી
  • કોરોના રોકો
  • કોરોના ને ના રોકો
  • ઘવાયો વાઘ
  • ડોલ માટે મા લડો
  • સીમા ની માસી
  • નીના ની નાની
  • ખાન, આ ન ખા
  • લો સામજી મસાલો
  • દરરોજ બાજરો રદ
  • કમુ ચા મુક.
  • મા તે મા
  • જા રે બાબા બારેજા
  • જો ચુનિયા નીચું જો
  • જો પસા સાપ જો
  • જા મગા ગામ જા
  • કાલે રામના મરા લે’કા
  • वारणागगभीरा सा साराभिगगणारवा ( * )

( * ) માળવાના રાજા અને કવિ ભોજ દ્વારા રચાયેલ सरस्वती कंठाभरणम નામના કાવ્યસંગ્રહની એક રચના

આખો શ્લોક –

वारणागगभीरा सा साराभिगगणारवा I कारितारिवधा सेना नासेधावरितारिका II

અર્થ: આ સેના કે જે પહાડ જેવડા હાથીઓ ધરાવે છે, તેનો સામનો કરવાનું સહેલું નથી. સેના બહુ મોટી છે અને ગભરાયેલા લોકોની બૂમો સંભળાય છે. શત્રુઓનો તેને ધ્વંશ કરી નાખ્યો છે. આ શ્લોકમાં પહેલી લીટી સવળેથી વાંચો કે અવળેથી વાંચો, એક સરખી જ રહે છે. તે જ રીતે બીજી લીટી પણ…

View original post 97 more words

આકાશદીપ

ચૈત્રસુદ પૂનમ….શ્રી રામભક્ત હનુમાનજીનો પ્રાગટ્ય દિવસ….સંકટ મોચન ..અનન્ય ભક્તિ ,જ્ઞાનના સાગર ને અતુલબલિ પરાક્રમી એવા જય જય શ્રી હનુમાનદાદાના ચરણોમાં ભક્તિપૂર્વક વંદન.

 અંગિરા ઋષિએ, ઈન્દ્રના દરબારમાં  પુંજિકસ્થલા અપ્સરાના ,અભિમાન પૂર્વકના અવિવેકી શબ્દ સાંભળી એક શાપ દઈ દીધો કે… તું પૃથ્વીલોકે વાનર સ્વરુપ પામી અવતરીશ. પુંજિકસ્થલાને પોતાની ભૂલ સમજાઈને માફી માગવા માંડી, ત્યારે ઋષીવર્યે, આશિષ દીધા કે તારે ત્યાં એક મહાન ભક્તનો જન્મ થશે.. જે ભગવાનના અખંડ સેવક તરીકે ખ્યાત થશે.

   આ અપ્સરા એ જ કપિરાજ કુંજરની પુત્રી અંજની. જેમનાં લગ્ન સુમેરુ પર્વતના કપિરાજ કેસરી સાથે થયાં.   અંજનાજીની નિત્ય આરાધનાથી, મહાદેવજી ખૂબ પ્રસન્ન થયા ને..અવતારી કાર્ય કરવા આશિષ દીધા..પુત્રેષ્ટિ યજ્ઞની પ્રસાદીથી રુદ્રેષ્વરના દિવ્યતેજથી વાયુદેવ દ્વારા પુત્રપ્રાપ્તિના, પુણ્યવંતા યોગના આશિષ દીધા. શ્રી રામના અવતાર કાર્યમાટે,  શીવજીએ અગિયાર રૂદ્ર પૈકી એક રૂદ્રને હનુમાનજી તરીકે , ચૈત્રસુદ પૂનમે જન્મ ધારણ કરાવ્યો..તે જ પવનપુત્ર, મારુતિ નંદન, વ્રજ્રાંગ… અંજની ને કેસરીના જાયા ..શ્રી રામભક્ત હનુમાનદાદા. 

સંકલન-રજૂઆત..રમેશ પટેલ(આકાશદીપ)-આધાર-રામદૂત લેખ..શ્રી સુનિલ શાહ(દિવ્યભાસ્કર)

(Thanks to webjagat for this picture)

સંકટ મોચન – રમેશ પટેલ ‘આકાશદીપ’

 

અંજની જાયો કેસરી નંદન, ભગવદ્ ભક્ત મહાન
બાળા…

View original post 394 more words

જય જય બજરંગબલિ

આકાશદીપ

ચૈત્રસુદ પૂનમ….શ્રી રામભક્ત હનુમાનજીનો પ્રાગટ્ય દિવસ….સંકટ મોચન ..અનન્ય ભક્તિ ,જ્ઞાનના સાગર ને અતુલબલિ પરાક્રમી એવા જય જય શ્રી હનુમાનદાદાના ચરણોમાં ભક્તિપૂર્વક વંદન.

…………………

અંજનીજાયો..હાલરડું

પારણે   પોઢેલ  બાળ  મહાવીર  ને સિંહણ જાયો છે વીર
જડે   નહીં  જગતે  જોટો ,  અવનિએ   અવતરીયો  મોટો
કેસરી નંદનને નીંદરું  ના આવે, માત અંજની હેતે ઝુલાવે

ઉર પ્રસન્ન  ને આંખ મીંચાણી, અંજની  માને સપનું દેખાણું
ભાગ્યવંતી મા ભારત ભૂમિ, દે પવનદેવ  લાખેણું નઝરાણું

માત થાશે તારો લાલ બડભાગી

દેવાધી    દેવની    દેવ    પ્રસાદી
ધર્મપથી   શક્તિ  ભક્તિની  મૂર્તિ

પરમેશ્વરની  નિત   બાંધશે પ્રીતિ

ભવ કલ્યાણી અંજની નીરખે,  હરખે  ઉર આનંદે  મલકે
કેસરી નંદને નીંદરું ના આવે,  માત અંજની હેતે ઝુલાવે

પોઢંતો પ્રતાપી   વજ્રની શક્તિ

મુખ લાલી ની  આભા છે પ્યારી
જડી બુટ્ટી રામની જાણશે જ્યારે

ચારે   યુગનો    થાશે    કલ્યાણી

ભક્ત ભગવાનનાં મિલન થાશે, ભગવદ શક્તિનો સથવારો થાશે
વીર  કેસરીની ગર્જનાઓ ગાજશે ,  દશે   દિશાઓ   હાંકથી   કંપશે

દેવી  કલ્યાણી  અંજની   નીરખે

અમી રસ અંતરના ભાવે ઉછળે
કેસરી  નંદને  નીંદરું  ના…

View original post 214 more words

હળવો ગરબો

હાસ્ય દરબાર

(કેસરિયો રંગ મને લાગ્યો ‘લા, ગરબા..ના ઢાળમાં)

ઝૂમતણા ઝાંપેથી નીકળીને લો હવે,
ચાલ્યાં આ ફેસબુકના ફળિયે રે લોલ.

મંગળા, આરતી ને પૂજાના પાઠ સૌ,
વંચાવવાને (!) મળિયે રે લોલ..

ઊંડું ને ઊંચું કૈં વાંચવાને બદલે,
કોને ગમ્યું મારું, જરા કળિયે રે લોલ.

લાગણીઓ-બાગણીઓ કોરાણે મૂકી
કોઈનું સ્વ-નામે રળિયે રે લોલ.

આજના તાલે ને રાસે રે ઘૂમીએ
ખુદના નગારા લૈ નીકળીએ રે લોલ.

અંતરના આંગણે ઝુમતાં ના આવડે.
અંબર પર પહોંચવા ઉછળીએ રે લોલ.

ઓછું વધારે તો કહેવું શું જાતને!
સાનમાં સમજીને વળીએ રે લોલ.

માઠું કે મીઠું ના લગાવ મારા જીવડા,
લીટાડા ખેંચી હવે ઢળીએ રે લોલ..

દેવિકા રાહુલ ધ્રુવ

[સ્વાગતમ્, દેવિકાબેન, મારી શીઘ્ર અણઘડ આ કંડિકા થકી : ‘હાદનાં આંગણિયે ભલે પધારિયાં, હાહાકાર સૌ મચાવીએ રે લોલ!’ – વલીભાઈ મુસા]

View original post

જય સિયારામ જગજાનિ

આકાશદીપ

પાવન પ્રાગટ્યની તિથિ…ચૈત્ર સુદ નવમી.

શ્રી રામનું માટે છબી પરિણામ

Thanks to webjagat for the pictures

ભારત ભોમની ચેતના ભગવાન શ્રી રામનું અયોધ્ધા ધામમાં પ્રાગટ્ય ને છપૈયામાં શ્રી ઘનશ્યામ એટલેકે શ્રી સ્વામીનારાયણ ભગવાનનું પ્રાગટ્ય. 

સૂર્યવંશી ઇક્ષ્વાકુ કુલોત્પન્ન અજ રાજાના પુત્ર દશરથને કૌશલ્યાથી વિષ્ણુના અંશથી થયેલ પુત્ર રામ.

રામ’ શબ્દમાં ર, અ, મ – આ ત્રણ અક્ષરો છે. ‘ર’ એ અગ્નિનું બીજ છે. તે શુભ-અશુભ કર્મને બાળી નાખે  એ મંત્ર છે. ‘અ’ એ સૂર્યનું બીજ છે. તે મોહાંધકારનો નાશ કરે છે અને જ્ઞાનનો પ્રકાશ કરે છે. ‘મ’ એ ચંદ્રનું બીજ છે. તે ત્રિવિધ તાપ, આધિ, વ્યાધિ અને ઉપાધિને હરે છે. સર્વ પ્રકારના સંતાપને દૂર કરે છે. ‘ર’ કાર બ્રહ્મમય છે, ‘અ’ કાર વિષ્ણુમય છે. અને ‘મ’ કાર શિવમય છે. આ રીતે ‘રામનામ’ બ્રહ્મા, વિષ્ણુ અને મહેશનું સાક્ષાત સ્વરૂપ છે. ‘રામનામ’ એ ‘ઓમકાર’ સમાન છે. ઓમકાર જ બ્રહ્મા છે. ઓમકાર આત્મારૂપ છે. ઓમકારની ઉપાસના વ્રતધારી માટે સાક્ષાત્કારનું સાધન છે.

ઘણા પૂછે મંદિરોનું મહત્ત્વ શું?…માણસની   આધ્યાત્મિક…

View original post 645 more words

પવિત્ર પ્રેમ સાંકળ

સાભાર- પાવન મનન

પ્રદીપની કલમે

ખુબજ ચમત્કારીક માનવામાં આવે છે આ શ્રીકૃષ્ણ મંત્રને, સંકટ સમયે જપ કરવાથી દૂર  થશે તમામ દુ:ખ - Moje Mastram

.      .પવિત્ર પ્રેમ સાંકળ તાઃ૧૯/૪/૨૦૨૧      પ્રદીપ બ્રહ્મભટ્ટ   

પવિત્ર પ્રેમ મળે મમ્મીનો સંતાનને,જે દેહને પાવનરાહે લઈ જાય
જીવનમાં સંબંધછે કર્મનો,મળેલદેહના જીવને પવિત્રપ્રેમ મળીજાય
....સમયની સાથે ચાલતા બાળપણ,જુવાનીમાં પ્રવિત્રરીતે સમયને સચવાય.
કુદરતની આકૃપા અવનીપર નિરાળી,નિખાલસ ભાવનાથી પ્રેરીજાય
માનવદેહને સમયનો સંબંધ છે જીવનમાં,જે સમયે કર્મ કરાવી જાય
મમ્મીનો સંતાનને સમયે પ્રેમ મળે,એ નિખાલસ પવિત્ર પ્રેમ કહેવાય
સમયની સાથે ચાલતા અનુભવ થાય,જે બાળકને આનંદઆપી જાય
...સમયની સાથે ચાલતા બાળપણ,જુવાનીમાં પ્રવિત્રરીતે સમયને સચવાય.
પવિત્રપ્રેમની સાંકળ એજ સુખઆપે,જે પ્રેમની જ્યોત પ્રગટાવી જાય
અદભુતલીલા પરમાત્માની અવનીપર,જે જીવને મળેલદેહને મળી જાય
પાવનરાહે જીવનજીવતા અનેકના,નિખાલસ પ્રેમથી જીવને શાંંતિ થાય
જીવને દેહ મળે અવનીપર,જે ગત જન્મના દેહના કર્મનીજ મળી જાય 
...સમયની સાથે ચાલતા બાળપણ,જુવાનીમાં પ્રવિત્રરીતે સમયને સચવાય.
###########################################################

View original post

આકાશદીપ

મઘમઘતા વાયરા
વસંતના   ડાયરા
કૂંપળ સંગ માંડતારે વાત
ફૂલડાંથી સજશું  રે  ભાત…મીઠડી આ વાયરાની વાત

ફાગણ એટલે ફોરમતો મહિનો.  નવપલ્લતિ ધરા, વાસંતી લહેરિયામાં ઝૂમતી ગાતી, સૌને પ્રફુલ્લિત કરી દે. રવિરાયની ઉર્જા ખેતરોને આમ્ર વૃક્ષોને મંજરીઓથી મહેકાવી દે. કેસૂડો હૈયે ગાન છેડે.

આવો ફાગણને હોળીના રંગોએ ઝુલાવી નાચીએ.

રમેશ પટેલ(આકાશદીપ)

……………

વસંત માટે છબી પરિણામ
Thanks to webjagat for this picture

કે   હોળી આવી  રે…રમેશ પટેલ(આકાશદીપ)

વગડે મહોર્યા કેસુડા ના રંગ

છાયી  મસ્તી મનનેઅંગ ..  કે   હોળી આવી  રે

હલકે   હલકે ફોરે રે ફોરમ, કે હોળી આવી રે…(2)

આવી વસંતની વણઝાર,

ઉછળે રંગોના ઉપહાર

આજ આવી કા‘નાની યાદ..      કે   હોળી આવી રે

ટહુકે કોયલ  આંબા ડાળ,  

વૃક્ષો ઝૂમે મંજરી   સાથ

પુષ્પોના નવલા રુપ રંગ,

 નવોઢાના ઉરે છલકે ઉમંગ…      કે  હોળી આવી રે

ખેતરે મલકે મોંઘા મોલ,

ફાગણે વાગે ફાગિયા ઢોલ

મનમાં ઝૂમેખુશીનાં ગીત

 આજે ઝૂમે મનના મીત…        કે  હોળી આવી રે

મલકે યૌવન  ઊભા   બઝાર,  

ખાશું આજ ધાણી  ને ખજૂર

અબીલગુલાલ છાયો…

View original post 277 more words