કોણ ભીંજવે ભીતર......રમેશ પટેલ(આકાશદીપ)

અષાઢ એટલે ગાજતો વરસતો મેઘરાજાને વધાવતો માસ. આ વર્ષે ભારતમાં
ચોમાસુ ધીમે ધીમે આગળ વધતું જાય છે ને મોડું પણ છલકતું આગળ વધશે
એવી આશા સહ ચાલો મનની સંવેદના સાથે તેને વધાવીએ….

(Thanks to webjagat for this picture)

કોણ ભીંજવે ભીતર……રમેશ પટેલ(આકાશદીપ)
કોણ  ભીંજવે  ભીતર
ગગન ગાજતું અંદર

ટપટપ  છાંટે ગાતું  હૈયું આજ મધુરાં ગાન
છોડ અઠખેલી પવન આતો કેવાં રે તોફાન

કોણ રમાડતું  છાનું
છમછમ નાચે પ્યારું

મોર બનીને  દે મનડાં મૌસમનો  ટહુકાર
સાત રંગોથી  કોણ રમે મેઘધનુષ ટંકાર?

અષાઢના  આ સગડ
નક્કી વ્હાલના વાવડ

દૂર દૂર   ભાળું  વરસતો   દોડીને વરસાદ
થઈ ધન્ય  જગત ઝીલતું કુદરતી પ્રસાદ

સૂણ લીલુડા રે સાદ
મનગમતી એ  યાદ

છૂટે સોઢમ ધરાની  ને છમછમ સરવર
ઝીલું હથેલીએ ચોમાસું ને ભીતર ફરફર
કોણ ભીંજતું ભીતર…કોણ ભીજતું ભીતર

રમેશ પટેલ(આકાશદીપ)

About these ads