જોબનીયું આજ રમતું હાલ્યું….રમેશ પટેલ(આકાશદીપ)

Happy valentine’s Day….14 February

પ્રેમનો સળવળાટ પણ વસંતના વાયરા સાથે મઘમઘતો રમે..

અને સમયને સરતાં જ વાર ના લાગે. આ જોબનીયું ઊડતું

આઘું જતું રહે , તે પહેલાં રમાડી લઈએ તો ?..once more why not?

 

જોબનીયું આજ રમતું હાલ્યું….રમેશ પટેલ(આકાશદીપ)

 

જોબનીયું જાણ્યું ના જાણ્યું ને ઊડી જાશે

જોબનીયાને રંગમાં રાખજો રાતું

કે   જોબનીયું જાશે હાલ્યું  ગાતું

પ્રેમનું તો ડમરું

મદમાતી નજરું

હસી હસી કોણ ખોવાતું, સહિયર મોરી

જોબનીયું ઝાલે ના ઝલાતું

કે જોબનીયું આજ રમતું હાલ્યું

હૈયું  રે હરખાતું

મનડું વલખાતું

વસંત ને વાયરે કોઈ વીંટાતું, સહિયર મોરી

છાનું છાનું શું મલકાતું.. કે જોબનીયું આજ રમતું હાલ્યું

કામણી એ કજરારું

ને શ્રાવણીયા ધારું

મૂછના દોરામાં શીદ લપટાતું, સહિયર મોરી

ઢોલને તાલે થનગન થાતું….કે જોબનીયું આજ રમતું હાલ્યું

પ્રેમની રે વાતું

જીવનનું ભાથું

વહાલના વાયરે પરદેશ જાતું, સહિયર મોરી

પળપળ જાતું વિખરાતું…

કે જોબનીયું આજ રમતું હાલ્યું

કેમ બાંધું  રેશમીયા ધાગે

જોબનીયું ઉડતું જાતું વાટે

કે જોબનીયું આજ રમતું હાલ્યું

રમેશ પટેલ(આકાશદીપ)